60
şəkər çuğunduru və s. əkinlərinə görə fərqlənir. Üzüm yığımında İtaliya, zeytun
yığımında isə İspaniya dünyada birinci yerdədir.
Aralıq dənizi sahilləri təbii turizm ehtiyatlarına görə də fərqlənir. Hər il Fransa,
İspaniya və İtaliyaya ayrı-ayrılıqda 50 mln.-dan çox turistin gəlməsi də bununla əla-
qədardır.
Biliklərin tətbiq edilməsi və yoxlanılması
1. İqlim diaqramına əsasən suallara cavab verin:
a) Yanvar ayında temperatur neçə dərəcə olur?
b) Qışın 3 ayı ərzində nə qədər yağıntı düşdü-
yünü hesablayın.
c) İyul ayında temperatur neçə dərəcə olur?
d) Yayın 3 ayı ərzində cəmi nə qədər yağıntı
düşdüyünü hesablayın.
2. Cənubi Avropa ölkələri turizmin yaxşı
inkişaf
etməsi ilə səciyyələnir. Turizmin inkişafında
iqlim hansı rol oynayır?
3. Abşeron və Aranın iqlim şəraitinin Cənubi
Avropa ilə hansı oxşar cəhətləri vardır?
4. Qərbi Avropada iqlim
qurşaqları və kənd təsərrü-
fatının
ixtisaslaşma sahələri
xəritə-sxemlərinə əsasən
cədvəli tamamlayın.
İqlim qur-
şaqları
Kənd
təsərrüfatı-
nın ixtisas-
laşma
sahələri
Qərbi Avropada kənd təsərrüfatının ixtisaslaşma sahələri
Xәritә üzrә iş
Holfstrim Norveç və Şimali
Atlantik cərəyanları Avropanın
iqliminə necə təsir göstərir? Bu
cərəyanların temperaturu aşağı
düşərsə, Avropanın iqlimi necə
dəyişər?
Dәrsdәn sonra
İnternetdən
(https://az.wikipedia.org/wiki/
Avropa)
istifadə edərək bir neçə fərziyyə ilə tanış
olun və razılaşdığınız ideyanı dəftərinizə
yazın.
LAYİHƏ
61
• II fəsil •
İqlim və onun təsərrüfatda rolu
•
2
A
SİYANIN İQLİMİ
Asiya iqliminin formalaşmasına müxtəlif amillər təsir edir. Qitənin şimaldan
cənuba doğru çox uzanması onun Şimal yarımkürəsinin bütün iqlim qurşaqlarında
yerləşməsinə səbəb olur. Zond arxipelaqının cənubundakı adalar Cənub yarımkü-
rəsinin subekvatorial qurşağında yerləşir.
Әrazinin böyüklüyü vә sahillәrin nisbәtәn az parçalanması da Asiyanın iqliminə
güclü təsir edir. Geniş quru ərazi Asiyanın mərkəzi hissəsində iqlimin kontinental-
lığına səbəb olur. Bu ərazilər sərt qışı və isti yayı, illik temperatur amplitudunun
böyük olması ilə səciyyələnir.
Tayfunlar – güclü yağışların müşa-
hidə olunduğu tropik siklonlardır. On-
ların diametri 300–400 km-ə, küləyin
sürəti isə 300 km/saata çatır. Tay-
funlar Asiya üçün səciyyəvi olan at-
mosfer hadisələrindən biridir.
Sakit okean üzәrindә tayfunun yaranması.
Kosmosdan çəkilmiş şəkil
Asiyanın şimalında iqlimə daimi küləklərdən
şimal-şәrq, cənub-qərb hissəsinə
isə
passat külәklәri təsir göstərir. Lakin Asiyanın iqliminin formalaşmasına daha çox
daimi küləklər deyil,
mövsümi külәklәr təsir edir. Cənubi, Cənub-Şərqi və Şərqi Asi-
ya sahilləri üçün yay aylarında bol yağıntıları
ilə seçilən mussonlar səciyyəvidir.
15
• 7 noyabr 2013-cü ildə Filippində baş verən
tayfun
müşahidə tarixində ən güclüsü hesab edilir. Kəndlərdə
tikililərin 90%-i dağılmışdır. Fəlakətli hadisə nəticəsində
2,5 mln. nəfərin ərzaq ehtiyacı yaranmış, 545
min nəfər
ev-eşiyini itirmiş, 130 min ev dağılmışdır. Su boruları və
elektrik xətlərindəki qəzalar əhalini içməli sudan və
elektrik enerjisindən məhrum etmişdir. İnfeksiya mənşəli
epidemiyalar yayılmışdır.
Ölkədə sənaye, kənd təsərrüfatı, yaşayış məntəqələri və
infrastrukturu bərpa etmək üçün xeyli miqdarda xərc
tələb olunur.
Tayfundan ziyan çəkənlərə kömək üçün 1215 təxliyə
mərkəzi açılmışdır. Filippinə ilk humanitar yardım
göstərən ölkələr ABŞ və Böyük Britaniya olmuşdur.
Filippindә tayfunun fәsadları
Suallara cavab verin:
1. Filippindən tayfun keçərkən dağıntının daha çox şəhərlərdə yox, kənd yerlərində olması faktını
nə ilə izah etmək olar?
2. Nə üçün Filippinə ilk yardımı qonşuluqda yerləşən Cənub-Şərqi
Asiya ölkələri deyil, ABŞ və
Böyük Britaniya göstərmişdir?
3. Filippin iqtisadiyyatının hansı sahələri tayfundan ziyan çəkmişdir?
Mәtn üzrә iş
LAYİHƏ
62
Cənubi və Mərkəzi Asiyanın iqliminə
relyefin tәsiri daha çoxdur. Hindistanda
Himalay dağlarının cənub yamacında yerləşən Çerrapunca məntəqəsində ildə orta
hesabla 11 200 mm yağıntı düşür. Bu, dünyada Havay adalarından sonra 2-ci ən
rütubətli yerdir.
Asiyanın mərkəzi hissəsinin iqlimi kəskin və quraqdır. Bu, regionu əhatə edən
dağ silsilələrinin rütubətli hava kütlələrinin qarşısını kəsməsi ilə izah edilir. Dağlıq
regionların iqlimi yüksəklikdən asılı olaraq dəyişir. İqlimin yüksəklik qurşaqlığı
Tyan-Şan və Himalay dağlarında daha aydın nəzərə çarpır.
Şimal Buzlu okeanı sahilinin arktik iqlim qurşağında yerləşən əraziləri bütün il
boyu çox soyuq və quru hava kütlələrinin təsiri altında olur. Burada qışda hava
-40
o
C – -50
o
C, yayda isə 0
o
C +4
o
C-yə çatır. Şimal-şərq küləkləri il ərzində materikə
doğru Şimal Buzlu okeanından əsir, lakin yağıntı gətirmir. Çünki okeanın səthi buzla
örtülüdür
və onun səthindən, demək olar, buxarlanma getmir.
Subarktik iqlim qurşağı arktik və mülayim hava kütlələrinin mövsümi növbə-
ləşməsi ilə səciyyələnir.
Subarktik qurşaqda yay mülayim keçir, çünki burada mülayim hava kütlələri
hakim olur. Lakin qış çox sərt soyuq olur ki, bu da arktik hava kütlələri ilə əlaqədar-
dır. Bu ərazidə əkinçiliyi inkişaf etdirmək üçün heç bir imkan yoxdur. Əhalinin əsas
məşğuliyyəti maralçılıq və xəz dəri heyvandarlığıdır.
Mülayim iqlim qurşağı Asiyanın çox hissəsini əhatə edir. Qərbi və Şərqi Sibirin
iqlimi kontinentallığı ilə seçilir. Bu ərazilər kənd təsərrüfatının inkişafı üçün əlve-
rişsizdir: yay qızmar, qış isə çox sərt olur. Şaxtalar bütün qış boyunca davam edir,
temperatur –50
o
C-dən aşağı olur. Qitənin şimalında Şimal yarımkürəsinin soyuqluq
qütbləri – Oymyakon və Verxoyansk yerləşir. Oymyakonda –68
o
C, Verxoyanskda
isə –72
o
C temperatur müşahidə olunub. Qışda yağıntı çox az olur və ya heç düşmür.
Asiya ölkələrinin iqlim
qurşaqlarına uyğun olaraq
qruplaşdırın və cədvəli
tamamlayın.
İqlim qurşaqları
Ölkələr
Ekvatorial
Subekvatorial
Tropik
Subtropik
Mülayim
Subarktik
Arktik
Xәritә üzrә iş
Asiyanın iqlim qurşaqları
1. Subarktik qurşaqda qışda yağıntı
nə üçün az
düşür?
2. Subarktik qurşaqda ilin hansı dövründə şimal-
şərq küləkləri üstünlük təşkil edir? Niyə?
Sxem üzrә iş
Qış
Yay
LAYİHƏ