128
S
İVİLİZASİYALARIN TARİXİ-COĞRAFİ İNKİŞAFI
Sivilizasiya (lat. – “dövlət”, “vətəndaşlıq”) – insan cəmiyyətinin inkişaf səviyyə-
sini göstərir. Oxşar dil, din, adət-ənənə, əxlaqa malik olan xalqlar sivilizasiyanın
müxtəlif mərhələsindədir. Müxtəlif xalq və ya ölkələr bu mərhələni fərqli zaman-
larda qət edir; məsələn, Qədim Misir və Şumer sivilizasiyalarının tarixi daha erkən
dövrlərə təsadüf edirsə, Mərkəzi Afrika, Cənubi-Amerika və Cənub-Şərqi Asiyanın
bəzi yerli qəbilələri hələ də sivilizasiya mərhələsinə qədəm qoymamışdır. Müharibə,
epidemiya, təbii fəlakət və digər səbəblər sivilizasiyaların inkişafını ləngidə bilər.
36
Anlayışları cəmiyyətin tarixi inkişafına uyğun olaraq qruplaşdırın və cədvəli tamamlayın:
dulusçuluq, odlu silah, yığıcılıq, dәmir qılınc, daş silah, maldarlıq, qәbilә, ovçuluq,
әkinçilik, manufaktura, heyvanlara sitayiş, kağız istehsalı.
Sivilizasiyadan qabaq
Sivilizasiya mərhələsi
...
...
...
...
Müzakirә edin:
– Sivilizasiya mərhələsi cəmiyyətin inkişafında hansı dəyişikliklərə səbəb olmuşdur?
Mәtn vә şәkil üzrә iş
Qəbilələr sivilizasiyadan əvvəl
yaranan ilk insan birlikləridir.
İlk dövlətlərin yaranması,
sinifli cəmiyyətin
formalaşması ilə bəşəriyyət sivilizasiya
mərhələsinə qədəm qoydu.
QƏDİM VƏ MÜASİR
SİVİLİZASİYALAR
5
LAYİHƏ
129
• V fəsil •
Qədim və müasir sivilizasiyalar
•
5
Tədqiqatçılar Yer üzərində 21 fərqli sivilizasiyanın mövcud olduğunu bildirirlər.
Hazırda isə özünəməxsus xüsusiyyətlərə malik olan
Qәrb, Şәrq, Konfutsi, Yapon,
Hind, Slavyan-pravoslav, Latın Amerikası vә Afrika sivilizasiyaları və s. mövcuddur.
Sivilizasiyalar əbədi deyildir. Tarixən yüksək inkişaf səviyyəsinə malik olmuş güclü
sivilizasiya tədricən zəifləyib məhv olur, zəif sivilizasiyanın yerində isə daha
güclüsü yarana bilər. Məsələn, vaxtilə yüksək sivilizasiyaya malik olan qədim İraqda
hazırda ağır həyat şəraiti hökm sürür. Orta əsrlərdə əyalət kimi tanınan Avropa isə
müasir dövrdə yüksək Qərb sivilizasiyasının mərkəzinə çevrilmişdir.
Müasir dövrdə dünyada ən güclü olan sivilizasiyalar Şərq və Qərb sivilizasiya-
larıdır. Qərb sivilizasiyası Qərbi Avropa, Amerika və Avstraliyada formalaşmışdır.
Bu sivilizasiya yeniliklərə meyilliliyi, həmçinin elm və texnikanın yüksək inkişaf
sürəti ilə səciyyələnir. Cənub-Qərbi Asiya və Şimali Afrikada yayılan Şərq sivili-
zasiyası isə daha çox ənənələrə sadiq olması ilə səciyyələnir.
Adətən, sivilizasiyalar müəyyən təbii landşaft – çay, dəniz, dağ, səhra və çöl da-
xilində formalaşır. Yarandığı landşaftdan kənara keçdikdə sivilizasiyanın inkişafı
zəifləyir. Misir sivilizasiyası Nil çayı sahilində, Finikiya sivilizasiyası Aralıq də-
nizinin şərq sahilində, İnk, Astek və Mayya sivilizasiyaları And və Kordilyer dağ-
larında, Ərəb sivilizasiyası Cənub-Qərbi Asiyanın və Şimali Afrikanın səhralarında,
Türk sivilizasiyası isə Mərkəzi Asiyanın çöl landşaftında formalaşmışdır.
Müzakirә edin:
1. Ən qədim sivilizasiya mərkəzləri hansı ərazilərdə yayılmışdır?
2. Eramızdan əvvəl III minillikdə mövcud olan sivilizasiyalar hazırda hansı ölkənin ərazisindədir?
3. Çin sivilizasiyası hansı minillikdə meydana gəlmişdir?
Qәdim sivilizasiya mәrkәzlәri
e.ə. IV minillik
e.ə. III minillik
e.ə. II minillik
e.ə. I minillik
Sivilizasiyalar
Xәritә üzrә iş
LAYİHƏ
130
Yaşadıqları təbii şərait xalqların həyat tərzinə güclü təsir edir. Məsələn, ərəblərin
geyim, qida, yaşayış şəraiti, adət-ənənələri səhra landşaftına uyğunlaşmışdır. Səh-
radan kənarda yaşayan ərəblər də yerli xalqlara uyğunlaşaraq onlar arasında “ərimiş”
– yəni,
assimilyasiyaya məruz qalmışlar.
Sivilizasiyalar tarixboyu bir-birini dəyişdirmiş və yeniləşdirmişdir. Onların bir-
birinə təsiri müxtəlifdir. Əgər Böyük Coğrafi kəşflərdən sonra avropalılar “Yeni
dünya”ya səpələnərək Qərb mədəniyyətini yayırdılarsa, hazırda bunun əksi baş verir.
Müxtəlif sivilizasiya areallarından – Çin, Koreya, Vyetnam, Afrika, Latın Amerika-
sı, Yaxın Şərq və digər ölkələrdən Avropaya gələn miqrantlar öz milli mədəniy-
yətlərini qorumaqla yanaşı, Qərb ənənələrini qəbul edirlər.
• Slavyan-pravoslav sivilizasiyası meşə
landşaftı daxilində formalaşmışdır. Slav-
yan evi, məişət əşyaları,
şifahi xalq
ədəbiyyatı, əsasən, meşə ilə bağlı olur.
• Qәrb sivilizasiyasının formalaşmasında
dənizlər mühüm rol oynamışdır. Məhz buna görə
də bu sivilizasiyanın müasir sərhədləri Avro-
padan xeyli uzaqda yerləşən Şimali Amerika,
Avstraliya, Yeni Zelandiyanı əhatə edir.
• 38
metr hündürlüyü, 1145 ton çəkisi olan
İsa peyğəmbərin abidəsi Rio-de-Janeyro-
dakı dağın zirvəsindədir. Abidə Braziliya və
Rio-de-Janeyronun simvolu hesab edilir.
Avropalılar Cənubi Amerikanı
kəşf edənə
qədər orada yaşayanlar yerli dinlərə ina-
nırdılar. İndi isə əhalinin böyük hissəsi
xristian katoliklərdir
.
• Londondakı “Çin şəhəri”nə (China Town)
dünyanın böyük şəhərlərinin əksəriyyətində
də rast gəlmək olar. Bu “şəhər”-məhəllələrdə
çinli mühacirlər yaşayır, küçələrdə
Çin mu-
siqisi eşidilir, insanlar Çin dilində danışır,
reklamlar heroqliflərlə yazılır, pıştaxtalarda
isə Çin malları satılır.
Müzakirә edin:
– Şəkillərdə hansı sivilizasiyaların bir-birinə təsiri əks olunmuşdur?
Mәtn vә şәkil üzrә iş
LAYİHƏ