personal nəzərdə tutulur. Buraya müşavir-elçilər,
müavinlər, birinci,
ikinci, üçüncü katiblər, attaşelər, o cümlədən, hərbi, hərbi-hava və
hərbi-dəniz attaşeləri, onların köməkçiləri, xüsusi attaşelər aid edilir.
Geniş mənada dipkorpusa, həmçinin diplomatik agentlərin ailə
üzvləri – həyat yoldaşları, ərdə olmayan qızları, yetkinlik yaşına
çatmayan oğulları, bəzi hallarda ata və anaları da daxil edilir.
Yerləşmə dövlətinin xarici işlər nazirliyi mütəmadi
olaraq
diplomatik korpus barədə məlumat kitabçası hazırlayır. Burada
dipkorpusa daxil olan şəxslərin soyadları, ünvanları, əlaqə telefonları
göstərilir. Yerləşmə dövlətinin xarici
işlər nazirliyi bu şəxslərə
onların statusunu təsdiq edən sənəd- diplomatik kartoçkalar verir.
Peşəkar əlamətlər əsasında təşkil olunan diplomatik agentlərin
vahid korporasiyası kimi diplomatik korpus siyasi və ya hüquqi
təşkilat deyil. Diplomatik korpus bir-birindən asılı olmayan müxtəlif
diplomatik nümayəndələri birləşdirir. Diplomatiyanın əsas ideyasını
müxtəlif siyasi kursa, sosial quruluşa malik bərabərhüquqlu dövlətlər
arasında ikitərəfli qarşılıqlı saziş əsasında qurulan rəsmi münasibətlər
təşkil etdiyinə görə müəyyən siyası məsələlərlə bağlı dipkorpusun
vahid çıxışı qəbuledilməzdir. Diplomatik nümayəndəliklərin öz
aralarında və onlarla yerləşmə dövləti arasında münasibətlərin yalnız
protokol (mərasim, məişət-təşkilati) aspektləri ilə bağlı diplomatik
korpus kollektiv çıxış edə bilər.
Diplomatik korpusa duayen (ağsaqqal, dekan) rəhbərlik edir.
Duayen ən yüksək dərəcəli nümayəndəlik başçıları arasından
etimadnaməsini daha tez təqdim edən şəxs seçilir. 1961-ci il konven-
siyasının 13- cü maddəsinin 2-ci bəndində qeyd olunur ki,
etimadnamələrin və ya onların təsdiq olunmuş surətlərinin təqdim
edilməsi ardıcıllığı nümayəndəlik başçısının
gəldiyi tarix və saatla
müəyyənləşdirilir. Əgər bir neçə nümayəndəlik başçısı eyni vaxtda
ölkəyə gəlirsə (eyni tarix və eyni saatda), bu zaman aqreman verilən
tarix əsas götürülə bilər.
Qeyd olunan ümumi qaydadan istisnalar da mövcuddur. Bəzi
katolik dövlətlərdə mövcud ənənəyə görə Vatikan nunsiləri akkreditə
olunduqları zamandan asılı olmayaraq duayen seçilir. Bir sıra Afrika
dövlətlərində bu cür istisnalar mövcuddur. Məsələn, Toqoda duayen
hər zaman AFR səfiri, Burkina-Faso dövlətində isə yalnız Afrika
ölkələrindən olan səfirlər seçilir.
Duayen fəxri və kifayət qədər məsuliyyətli vəzifədir. Dipkor-
pusun adından çıxış etdiyinə görə o, yerləşmə ölkəsində daha geniş
əlaqələr yaratmaq imkanına malik olur (lakin bu ona öz funksional
fəaliyyətini həyata keçirməsi ilə bağlı digər nümayəndəlik başçıları
ilə müqayisədə üstünlük vermir).
Duayen protokol xarakterli məsələlərdə bütün korpusun adın-
dan çıxış etmək hüququna malikdir. Bunun üçün o, mütəmadi olaraq
dipkorpusun üzvləri ilə uyğun məsələlərlə bağlı məşvərətlər keçirə
bilər. Bu cür məşvərətlər bir qayda olaraq qeyri-rəsmi xarakter daşı-
yır.
Duayen dipkorpusda baş verən hadisələrə də münasibətini
bildirir. Daha təcrübəli diplomatik nümayəndə kimi yeni akkreditə
olunmuş nümayəndəlik başçılarına yerli ölkənin xüsusiyyətləri ilə
bağlı fikirlərini,onun siyasi kursu ilə bağlı mülahizələrini çatdıra
bilər. Dipkorpusun üzvlərinin immunitet və imtiyazlarının pozulması
halında duayenin müdaxilə etmək hüququ vardır. O, həmçinin dip-
korpusun adında hər hansı diplomatik nümayəndəlik başçısının yola
salınma mərasimini təşkil edir, ona hədiyyələr verir və s. Duayenin
təmsil etdiyi dövlət ilə diplomatik münasibətlərə malik olmayan
ölkənin diplomatik nümayəndələri duayenin səlahiyyətlərinə aid olan
məsələlərlə bağlı ondan sonra böyük sayılan diplomatik
nümayəndəlik başçısı ilə əlaqə saxlayırlar.
Duayen ilə yanaşı diplomatik nümayəndəliyin digər dərəcələrə
malik başçıları arasında da birincilik müəyyən oluna bilər. Lakin ar-
tıq qeyd etdiyimiz kimi hal-hazırda dövlətlər birinci sinif
nümayəndəlik başçıları səviyyəsində münasibət qurulmasına üs-
tünlük verirlər. Müvəqqəti işlər müvəkilləri arasında birincilik
onların əvəz etdikləri nümayəndəlik başçılarının
birinciliyi və mü-
vəqqəti işlər müvəkkilin vəzifəsinə başladığı tarixi ilə müəyyən ol-
unur.
Nümayəndəliyin daxilində birincilik məsələsi isə akkreditiv
dövlət tərəfindən müəyyən edilir və bu barədə yerləşmə dövlətinin
xarici işlər nazirliyinə məlumat verilir.
4. 6. Diplomatik nümayəndəliyin funksiyaları
və onların həyata keçirilməsi vasitələri
4. 6. 1. Nümayəndəliyin funksiyaları
128
129
Diplomatik nümayəndəliklər öz dövlətinin xarici siyasət
vəzifələrini həyata keçirmək, yerləşmə ölkəsində akkreditiv dövləti
təmsil etmək, onun fiziki, hüquqi şəxslərinin hüquq və maraqlarının
müdafiəsi və s. məqsədlərlə təsis olunan xarici əlaqə orqanlarıdır.
Nümayəndəliyin əsas fəaliyyət istiqamətləri və ya onun funksiyaları
bir qayda olaraq beynəlxalq hüquqla müəyyən olunur. Nü-
mayəndəliyin aparıcı funksiyalarını 1961-ci il Diplomatik əlaqələr
haqqında Vyana Konvensiyasına müvafiq olaraq araşdıraq. Konven-
siya 3-cü maddədə diplomatik nümayəndəliklərin beş əsas funksi-
yasını müəyyən etmişdir.
Birincisi
və ən mühümü təmsil etmək funksiyasıdır. Nüma-
yəndəliyin bütün digər funksiyaları, demək olar ki, bu əsas funk-
siyadan yaranmışdır. Diplomatik nümayəndəlik əsasən akkreditiv
dövləti təmsil etmək, ikitərəfli münasibətlərin istənilən məsələlərinə
dair öz dövlətinin adından çıxış etmək məqsədiylə təsis edilir.
Təmsilçilik funksiyasını dar və genış mənada fərqləndirmək
olar. Dar mənada təmsilçilik funksiyası bütün diplomatik personal
tərəfindən deyil, yalnız onun başçısı tərəfindən həyata keçirilir.
Məsələn, hər hansı bir mərasimdə, protokol xarakterli görüşlərdə öz
dövlətini təmsil etmək üçün nümayəndəliyin başçısı iştirak edir. Bu
cür hallarda təmsilçilik funksiyası müstəqil funksiya kimi daha qa-
barıq gözə çarpır. Onu da qeyd edək ki, 1961-ci
il Vyana Konvensi-
yası qəbul olunana qədər yalnız səfirlər, nunslar və onlara ekvivalent
nümayəndəlik başçıları öz dövlətinin təmsilçisi hesab olunur, digər
personal isə onları müşayiət edən şəxslər kimi qəbul olunurdular.
Hal- hazırda isə geniş mənada təmsilçilik funksiyası bütün diplo-
matik personal tərəfindən həyata keçirilir.
İkinci yerdə Vyana Konvensiyasının 3-cü maddəsində sa-
dalanan sıraya əsasən,
diplomatik müdafiə funksiyası gəlir. Burada
akkreditiv dövlətin, onun vətəndaşlarının və hüquqi şəxslərinin
hüquqlarının və qanuni maraqlarının müdafiəsi nəzərdə tutulur. Dip-
lomatik müdafiə əsasən səfirlik tərəfindən akkreditiv dövlətin və
onun vətəndaşlarının maraqlarının müdafiəsi üzrə sorğu-suallar apa-
rılması, yeri gələndə yerli hökumətə etiraz etməklə və s. ifadə olunur.
Diplomatik müdafiə geniş mənada özündə,
həmçinin konsul
müdafiəsini birləşdirir
1
. Bir qayda olaraq bu və ya digər dövlətdə
xaricilərin hüquqları pozulursa, bununla diplomatik nüma-
yəndəliklərin konsul şöbələri və ya müstəqil konsul nümayəndəlikləri
məşğul olur. Xüsusi ciddi hallarda, əgər məsələ siyasi xarakter al-
mağa başlayırsa, məsələyə artıq diplomatik nümayəndəliklər cəlb
olunmağa başlayır. Bu zaman diplomatik müdafiə yer alır.
Diplomatik müdafiə beynəlxalq hüququn nəzəriyyədə və prak-
tikada müxtəlif mübahisələr yaradan ən mürəkkəb institutudur. Çünki
başqa dövlətin ərazisində olan əcnəbi həm öz dövlətinin,
həm də
olduğu dövlətin yurisdiksiyası altında olur. Belə şəraitdə diplomatik
müdafiə elə həyata keçirilməlidir ki, bu iki yurisdiksiya arasında qar-
şıdurma yaranmasın.
Beynəlxalq hüquqi nöqteyi - nəzərdən diplomatik müdafiə
müəyyən şərtlərlə həyata keçirilə bilər. Vyana Konvensiyasının 3-cü
maddəsinin 1“
b”
bəndində buna yalnız ümumi formada toxunulur.
Burada deyilir ki, belə müdafiə “beynəlxalq hüquqla icazə verilən”
hüdudlarda həyata keçirilir. Bununla yanaşı, doktrinalarda diplomatik
müdafiə ilə bağlı bir sıra şərtlər irəli sürülür və ya təkzib edilir.
Məsələn, K. K. Sandrovski bu müdafiənin qanunauyğunluğunu təmin
edən 4 şərti əsas göstərir:
1. Diplomatik müdafiəni həyata keçirərkən yerli dövlətin daxili
kompetensiyasına aid olan işlərə qarışmağa yol vermək olmaz.
2.
Diplomatik müdafiə yalnız səfirliyi akkreditə edən dövlətin
vətəndaşlarına və orqanlarına göstərilə bilər. Xarici dövlətin vətəndaş
və orqanlarının başqa dövlətin səfirliyinin himayədarlığından istifadə
etməyə ixtiyarı yoxdur. Təbii ki, Vyana Konvensiyasının 45 və 46-cı
maddələrinə uyğun olaraq maraqlı dövlətlər arasında bu barədə razı-
laşmalar və ya xüsusi çıxılmaz vəziyyətlər istisna təşkil edir.
3.
Diplomatik müdafiə vasitələrinə əl
atmazdan əvvəl səfirlik
əmin olmalıdır ki, onun dövlətinin vətəndaşlarına və ya orqanlarına
məhkəmə müdafiəsi və ya yerli qanunvericiliklə nəzərdə tutulan
digər müdafiə formalarının təqdim edilməsindən imtina edilmiş və ya
pozulmuş hüquqlarının bərpası üçün bu qanunvericilikdə nəzərdə
tutulan bütün vasitələrdən istifadə edilmiş, lakin nəticə alınmamışdır.
4.
Diplomatik müdafiə individlərinin deyil, öz səfirliklərinin
timsalında dövlətin müstəsna hüququdur. Yəni yalnız və yalnız
akkreditiv dövlət nümayəndəliyin yerləşdiyi dövlətin hakimiyyəti
1
Зорин В.А. Основы дипломатической службы. М.: Международ-
ные отношения, 1977, с. 372
130
131