Hüquqlarımız, azadlıqlarımız
AHİM-in tədrisi
Ərizələrə necə baxılır?
4
Məhkəmə qərarlarından sonra dövlətlər tərəfindən
qəbul edilmiş fərdi tədbirlərdən misallar:
Azərbaycanda qeyri-qanuni olaraq işdən qovulan şəxs işinə
bərpa edildi
Bosniya və Herzeqovinada şikayətçinin əmanəti özünə
qaytarıldı
Bolqarıstanda Baş Prokuror ədalətsiz hesab edilən məhkəmə
işinə yenidən baxılmasını istədi
Xorvatiyada dövlət hakimiyyət orqanları tərəfindən
ərizəçinin götürülmüş pasportu özünə qaytarıldı
Kiprdə ərizəçi seçkilərdə səs verə bildi
Çex Respublikasında şikayətçinin dayandırılmış təqaüdü
bərpa edildi
Finlandiyada valideynlər seçdikləri və hakimiyyət orqanları
tərəfindən rədd edilmiş adı oğullarına verə bildilər
Gürcüstanda əsassız şəkildə saxlanılan şikayətçi azad edildi
Almaniyada nikahdan kənar doğulan və anası tərəfindən
atılan uşaq atası tərəfindən qəyyumluğa götürüldü
Yunanıstanda ərizəçilər məktəb aça bildi
Macarıstanda tarixçi məxfi sənədlərdən istifadəyə icazə aldı
Latviyada yaşına uyğun olmayan şəraitdə saxlanılan ərizəçi
(84 yaş) azad edildi
Litvada ərizəçiyə məxsus müvafiq məlumatlar ölkədə
yaşamağı qadağan edilən əcnəbilərin siyahısından çıxarıldı
Moldova Respublikasında kilsə tanındı və qeydiyyata alındı
Monteneqroda ərizəçinin mənzilini qeyri-qanuni mənimsəyən
şəxs oradan çıxarıldı
Polşada ərizəçinin böhtana görə olan məhkumluğu ləğv
edildi
Portuqaliyada ataya oğlunu bir daha görmək icazəsi verildi
Rumıniyada milliləşdirilmiş əmlakın keçmiş sahibləri
əmlaklarını geri almış və ya təzminatla təmin olundu
Rusiya Federasiyası ərizəçiyə vətəndaşlıq verdi
Slovakiya Respublikasında ərizəçi atalıq qərarından imtina
edə bildi
İsveçrədə anası tərəfindən götürülərək Mozambikdə gizli
saxlanılan uşağını atası tapdı
Türkiyədə buraxılan partiyanın üzvlərinə qoyulan siyasi
fəaliyyət qadağası aradan qaldırıldı
Birləşmiş Krallıqda ərizəçinin hərbi xidmət dövründə kimyəvi
testə məruz qalması faktı qalması faktı qəbul edildi və
nəticədə onun təqaüdü artırıldı
Hüquqlarımız, azadlıqlarımız
AHİM-in tədrisi
AHİK-nın sadələşdirilmiş
versiyası
5
Avropa İnsan
Hüquqları
Konvensiyası
Bəzi maddələrin və
protokolların sadələşdirilmiş
versiyası
*
Preambulanın xülasəsi
Avropa Şurasının üzvü olan hökumətlər insan hüquqları
və əsas azadlıqlara əsaslanan sülh və daha böyük birlik
naminə çalışırlar.
Bu Konvensiya vasitəsilə onlar Ümumdünya İnsan
Hüquqları Bəyannaməsində əks olunan hüquqların bir
çoxunun möhkəmləndirilməsi üçün ilk addımları atmağı
qərara alırlar.
Maddə 1 – İnsan hüquqlarına hörmət olunması
öhdəliyi
Dövlətlər bu konvensiyada müəyyən olunmuş hüquqları
hər kəs üçün təmin etməlidirlər.
Maddə 2 – Yaşamaq hüququ
Sizin yaşamaq hüququnuz vardır
Maddə 3 – İşgəncələrin qadağan olunması
Heç kəsin sizi incitmək və ya sizə işgəncə vermək hüququ
yoxdur. Hətta həbsdə olan insanın ləyaqətinə hörmət
olunmalıdır.
Maddə 4 – Köləliyin və məcburi əməyin qadağan
olunması
Sizə kölə kimi yanaşmaq və ya sizi məcburi əməyə
məcbur etmək qadağandır.
Maddə 5 – Azadlıq və toxunulmazlıq hüququ
Sizin azadlıq hüququnuz var.
Əgər sizi həb etsələr bunun səbəbini bilmək hüququnuz var.
Əgər sizi həbs etsələr məhkəmənin tezliklə keçirilməsi və
ya məhkəməyə qədər azad edilmək hüququna maliksiniz.
Maddə 6 – Ədalətli məhkəmə araşdırması hüququ
Sizin qərəzsiz və müstəqil hakim tərəfindən aparılan
ədalətli məhkəmə prosesi hüququnuz var.
Sizi cinayət törətməkdə ittiham edərlərsə təqsiriniz
qanun əsasında sübut edilənədək təqsirsiz hesab edi-
lirsiniz. Müdafiəçinin xidmətini ödəmək üçün vəsaitiniz
olmadıqda, dövlət tərəfindən ödənilən belə müdafiədən
pulsuz istifadə etmək hüququnuz var.
Maddə 7 – Qanunda nəzərdə tutulmamış cəzanın
yolverilməzliyi
Törədildiyi zaman qanunla cinayət sayılmayan hər hansı
hərəkətə görə cinayət törətməkdə təqsirli hesab edilə
bilməzsiniz.
Maddə 8 – Şəxsi həyata və ailə həyatına hörmət hüququ
Öz şəxsi və ailə həyatınıza, evinizə və yazışma sirrinizə
hörmət hüququna maliksiniz.
Maddə 9 – Fikir, vicdan və din azadlığı
Sizin fikir, vicdan və din azadlığı hüququnuz vardır. Evdə
və başqaları ilə birlikdə etiqad etmək və istədiyinizdə dini-
nizi dəyişmək hüququna sahibsiniz.
Maddə 10 – Fikir ifadə etmək azadlığı
Fikirləşdiyinizi ifadə etmək və yazmaq, eləcə də
başqalarından məlumat almaq və vermək hüququna
maliksiniz.
Bu hüquq eyni zamanda mətbuat azadlığını da əhatə edir.
Hüquqlarımız, azadlıqlarımız
AHİM-in tədrisi
AHİK-nın sadələşdirilmiş
versiyası
5
Maddə 11 – Yığıncaqlar və birləşmək azadlığı
Sizin dinc toplaşmaq azadlığınız və öz maraqlarınızı
müdafiə etmək üçün həmkarlar ittifaqları yaratmaq və
onlara qoşulmaq hüququ da daxil olmaqla, başqaları ilə
birləşmək hüququnuz var.
Maddə 12 – Nikah hüququ
Nikaha daxil olmaq və ailə qurmaq hüququna maliksiniz.
Maddə 13 – Səmərəli hüquqi müdafiə vasitələri
hüququ
Hüquqlarınız pozulduğu zaman məhkəmə və ya digər
dövlət orqanlarına rəsmi şikayət ərizəsi verə bilərsiniz.
Mqddə 14 – Ayrı-seçkiliyin qadağan olunması
Dərinizin rənginə, cinsinizə, dilinizə, siyasi və ya dini
baxışlarınıza və ya milli və ya sosial mənşəyinizə bax-
mayaraq bu hüquqlara maliksiniz.
Maddə 19-dan maddə 51-ə qədər
Bu maddələr Avropa İnsan Hüquqları Məhkəməsinin
fəaliyyətini izah edir.
Maddə 34 – Fərdi şikayətlər
Konvensiyada təsbit edilmiş hüquqlarınız üzv dövlətlərdən
birində pozulduğu zaman ilk öncə səlahiyyətli milli daxili
hüquqi müdafiə vasitələrinə müraciət edə bilərsiniz.
Daxili hüquqi müdafiə vasitələri tükəndikdə Strasburqda
yerləşən Avropa İnsan Hüquqları Məhkəməsinə birbaşa
müraciət edə bilərsiniz.
Maddə 52 – Baş katibin sorğuları
Avropa Şurası Baş katibinin sorğusu əsasında hökumətlər
Konvensiyanın təsbit etdiyi hüquqları milli qanunvericiliklə
necə müdafiə etdikləri haqda izahat verməlidirlər.
Konvensiyanın Protokolları
1 saylı Protokol – Maddə 1. Mülkiyyətin müdafiəsi
Mülkiyyətə sahib olmaq və onlardan istifadə etmək hüqu-
quna maliksiniz.
1 saylı Protokol – Maddə 2. Təhsil hüququ
Məktəbə getmək hüququnuz var.
1 saylı Protokol – Maddə 3. Azad seçki hüququ
Gizli səsvermə yolu ilə ölkənizin hökumətini seçmək
hüququnuz var.
4 saylı Protokol – Maddə 2. Hərəkət etmək azadlığı
Ölkə daxilində qanuni olaraq yaşayırsınızsa, istədiyiniz
yerə getmək və istədiyiniz yerdə yaşamaq hüququnuz var.
6 saylı Protokol – Maddə 1. – Ölüm cəzasının ləğvi
Ölüm cəzası ləğv edilməlidir.
7 saylı Protokol – Maddə 2. Cinayət işlərinə dair
hökmlərdən ikinci instansiyaya şikayət vermə hüququ
Cinayət törətməyə görə məhkum edilmişsinizsə, işə yuxarı
məhkəmə instansiyasında yenidən baxılması hüququna
maliksiniz.
7 saylı Protokol – Maddə 3. Məhkəmə səhvinə görə
kompensasiya
Cinayət törətməyə görə məhkum olunmuşsunuzsa və
təqsirsizliyiniz sonradan sübut olunubsa kompensasiya
almaq hüququnuz var.
12 saylı Protokol – Maddə 1. Ayrı-seçkiliyə ümumi
qadağa
Dərinizin rəngi, cinsiniz, diliniz, siyasi və dini baxışlarınız
və ya mənşəniz kimi səbəblərə görə dövlət orqanları
tərəfindən ayrı-seçkiliyə məruz qala bilməzsiniz.
*
Bu sənəd Məhkəmənin Mətbuat və İctimai Əlaqələr Bölməsi və İnsan hüquqları və Hüquqi İşlər Müdirliyinin İnformasiya və Nəşrlərə Dəstək Bölməsi ilə birgə
Avropa Şurası Kommunikasiya müdiriyyəti tərəfindən tərtib edilmişdir. Avropa İnsan Hüquqları Konvensiyasının bu sadələşdirilmiş versiyası yalnız tədris üçün
nəzərdə tutulmuşdur: o, Beynəlxalq Amnistiya və başqaları tərəfindən tərtib edilmiş Ümumdünya İnsan Hüquqları Bəyannaməsinin sadələşdirilmiş versiyası
əsasında tərtib edilmişdir. Yeganə qanuni orijinal mətn ingilis və fransız dillərində olan İnsan hüquqlarının və əsas azadlıqların müdafiəsi haqqında Konvensiya və
onun əlavə protokollarıdır.
www.human-rights-convention.org