88
Anana bağırıb özündən çıxma,
Qarnından çıxmısan, sözündən çıxma.
Möhtəşəm saraydır hər insan ömrü,
Bircə bağırtıyla özüldən yıxma.
Hərdən soruşurlar: “Övladı dünyaya gətirdikdən sonra
onu tərk edən valideynlərə münasibətdə övladın bir borcu
varmı?“ Anadan söhbət gedirsə, cavab birmənalıdır: “Bəli,
vardır”. Qadının doğduğu üzərində haqqı danıla bilməz.
Bu onun hamiləlik dövründəki əziyyətlərinin, doğuş anın-
dakı ağrılarının haqqıdır. Hətta doğuşdan dərhal sonra
körpəyə yiyə durmasa belə, o durum dəyişməz. Çünki uşağı
bətnində tələf etməyib, bütün məşəqqətlərə baxmayaraq,
doqquz ay onu daşıyıb. “Biz insana anaatasına yaxşılıq
etməyi tövsiyə etdik. Çünki anası onu zəhmətlə gəz dir
miş, əziyyətlə doğmuşdu...” ( əl-Əhqaf, 18) .
Sevməyən insanda ziya görməzsən,
Həyat boz görünər, boya görməzsən.
Hər cürə sevgidə bir təmənna var,
Ancaq analarda riya görməzsən.
Ataya gəldikdə isə durum bir qədər fərqlidir. Övladlıq
borcunun yaranması üçün atalıq haqqının olması vacibdir.
Şəhvətini bir qadına yükləmək haqq sayılmaz. Kişilər hami-
ləlik və doğuş əziyyətinə qatlanmırlar. Ata zəhməti, əsasən
uşağın doğuşundan sonradır.
Oğul fitnə, qız fitnədir,
Nə fərəhli fitnədi bu!
Övlad sevmək həm sünnədi,
Nə sevimli sünnədi bu!
89
Atalıq öhdəlikdi,
Çoxövladlıq fəhləlikdi.
Deyirlər, bu, köhnəlikdi,
Nə tazə-tər köhnədi bu!
Saleh ata olmaq şərəf,
Arxasında neçə xələf.
Cənnətdə də dura səf-səf,
Ah, nə gözəl səhnədi bu!
Əgər ata belindən gələnlərə əlindən gələn zəhməti çək-
mirsə, körpəni də, anasını da atıb gedirsə, övlad boynun-
dakı haqdan məhrumdur. Uşaq böyüyüb, himayəyə ehti yacı
olmayanda gələrsə, onda atalıq haqqı tanıyıb-tanımamaqda
övlad sərbəstdir. Övladlıq edərsə, savab qazanar, etməzsə,
günah daşımaz. Ona görə də “Cənnət anaların ayaqları
altındadır”, ataların ayaqları altında deyildir.
İbrət
Rəvayət olunur ki, biri Əbu İshaq həzrətlərinin yanına
gələrək dedi: “Dünən gecə yuxumda sənin saqqalının göv-
hər və yaqutlarla süsləndiyini gördüm.” Həzrət buyurdu:
“Haqlısan, doğrudur. Çünki dünən gecə saqqalımı ana mın
ayağının altına sürtmüşdüm”.
Uyma yetmiş üç axına,
Cənnət umsan, cum yaxına:
Ya ananı başa keçir,
Ya düş onun ayağına.
İslam dinində anaya verilən qiyməti indiyədək heç
kim verməyib və bundan sonra da verməyəcək. Biri Allah
rəsulundan ( salləllahu aleyhi və səlləm) insana ən yaxın
şəxsin kim olduğunu üç dəfə sordu. Hər dəfə buyurdu ki,
“anandır.” Yalnız dördüncü dəfədə “atandır” cava bını
verdi.
90
Ananın südündən nə var, nə, ləziz?
Ananın özündən kim var, kim, əziz?
Anadan müqəddəs varsa bir varlıq,
Onu Xəlq edəndi, şəksiz-şəriksiz.
Əgər bu dünyada həqiqətən xoşbəxtlik olsaydı, o, anası
həyatdaykən hidayət olunan şəxsə nəsib olardı. Çünki onun
bağışlanmasını və Cənnətə girməsini hər kəsdən artıq istə-
yən və buna birbaşa vəsilə olan ən yaxın varlıq yanın da dır.
Kim bilir, Hz. Adəmin ( aleyhissəlam) anası olsaydı, bəlkə də
o, Behiştdən çıxarılmazdı.
Bu dünyanı dörd çaparsan,
Gözəllərdən məğruru yox.
Hər qadında səhv taparsan,
Anaların qüsuru yox.
Baxmaz şahdı, yaxud gəda,
“Balam” deyib salar səda.
Nəyi varsa, eylər fəda,
Sanki nəfsi, qüruru yox.
İbrət
Bir adam Allah Rəsulunun ( salləllahu aleyhi və səlləm)
hüzuruna gələrək ərz etdi: “İşləmədiyim çirkin iş qalmadı.
Tövbə etməyim üçün bir yol varmı?”
Rəsulullah ( salləllahu aleyhi və səlləm) ondan soruşdu:
“Ana-atandan sağ olanı varmı?” Atasının həyatda oldu ğunu
bildirdikdə buyurdu: “Get və ona yaxşılıq et”. O kimsə
gedəndən sonra əlavə etdi ki: “Kaş anası sağ olaydı!”
Gəz aləmi quzey-güney,
İndi sevgi qərib, ögey.
Dəb olsa da ərdən giley,
Pis oğuldan mənfuru yox.
91
Sevilsə də hamıdan az,
Ana qədər kimdi həssas?!
Nəfs nankor şəxsə də xas,
Fəqət qəlbi, şüuru yox.
Anaya diqqət həyatda hər şeyin fövqündədir. Yalnız
iman istisnadır. Çünki iman Xaliqə olur. Ana isə Onun
yaratdığı bir məxluqdur. Məxluqa sevgi və qayğı Xaliqə
imanı üstələsə, hətta ona tən olsa, bu, şirkdir. “Əgər (vali
deynlərin) bilmədiyin bir şeyi Mənə şərik qoşmağına
cəhd göstərsələr, onlara itaət etmə və dünyada onlarla
gözəl keçin” ( Loğman, 15) .
İbrət
Səad ibn Əbu Vaqqas ( radiyallahu ənh) müsəlman olduğu
zaman anası Hamnə binti Əbu Sufyan ona dedi: “Ey Səad!
Sənin bu etdiyin nədir? Ya sən dinindən dönəcəksən, ya
da mən sabahdan axşama qədər yerimdən tərpənməyəcək,
ölüncəyə qədər heç bir şey yeməyəcək, heç bir şey içmə-
yəcəyəm. O zaman da sənə “Ana qatili!” deyərlər”.
Anası üç gün sözündə durdu. Sonunda aclıq və susuz-
luqdan zəifləyib öləcək hala gəldi. Səad anasına dedi:
“Allaha and olsun ki, əgər sənin yüz canın olsa və hər biri
tək-tək çıxsa, yenə də mən dinimdən dönmərəm! İstə yir-
sən ye, istəyirsən yemə”.
Qadın aclığını dayandırmalı oldu.
İman bəhsi keçən yerdə
Başqa söhbət, mövzu varmı?
Rəbbin səni seçən yerdə
Ondan özgə arzu varmı?
Atan yaxşı, anan yaxşı,
Cahan yaxşı, canan yaxşı,
Dəvən yaxşı, danan yaxşı,
Rəbbin üçün quzu varmı?
Dostları ilə paylaş: |