124
Əziz lənkəranlılar!
Mən
gözəl bilirəm ki, lənkəranlılar Azərbaycanın müstəqilliyi uğrunda, ərazi bütövlüyünün qorunması uğ-
runda böyük işlər görmüş, itkilər vermiş, şəhidlər vermişlər. Lənkəranlılar mərd insanlardır. İki dəfə Sovet
İttifaqı Qəhrəmanı Həzi Aslanov kimi mərd oğulun davamçılarıdır. Mən buna görə sizə minnətdarlığımı
bildirirəm. Əminəm ki, gələcəkdə də biz hamımız birlikdə Azərbaycanın dövlət müstəqilliyini
möhkəmləndirəcəyik.
Mən bu barədə dedim, bir daha demək istəyirəm. 2001-ci ildə Lənkəranda
olarkən bəyan etmişdim ki, sizin
üçün gözəl idman kompleksini tikəcəyik və onun açılışında iştirak edəcəyəm. Görürsünüz ki, həm tikdik, həm
də açılışında iştirak edirəm. Deyə bilərəm ki, bu mənim təşəbbüsüm idi. Bəzi yerlərdə olarkən yerli camaat
məndən xahiş edir, deyirlər ki, bizdə də tikin. İmkan daxilində biz bunu edəcəyik.
Azərbaycanın bütün bölgələrində, ondan sonra hər bir rayonda idman kompleksləri tikiləcəkdir. Amma
Lənkəranda kompleksin tikilməsi haqqında qərarı şəxsən öz təşəbbüsümlə qəbul etmişdim. Çıxışlarımın birində
qeyd etdim ki, həyat yerində durmur. Biz bu proqrama 2000-ci ildə başlamışdıq.
O vaxt şərait başqa idi, indi
imkanlarımız daha da artıbdır. Ona görə bəzi yerlərdə, rayonlarda bu komplekslərlə yanaşı, üzgüçülük hovuzu
da tikilir. Mən sizə bir vəd də verirəm ki, burada üzgüçülük hovuzu tikiləcək, onun açılışında birlikdə iştirak
edəcəyik.
Əziz lənkəranlılar!
Əziz astaralılar!
Əziz leriklilər!
Bu görüşə gəldiyinizə və mənə göstərdiyiniz səmimi münasibətinizə görə hamınıza öz təşəkkürümü
bildirirəm. Sizi əmin etmək
istəyirəm ki, mən Heydər Əliyevin siyasi xəttinə sadiq olacağam. Biz hamımız
birlikdə Heydər Əliyevin siyasətini davam etdirəcəyik.
* * *
Baş nazir İlham Əliyev daha sonra idman kompleksinin yaxınlığında inşa edilmiş müasir «Olimpik»
mehmanxanası ilə tanış oldu. Həmin gün Lənkəran rayonunun Sütəmurdov kəndindəki «Beta» çay fabrikində də
oldu.
Baş nazir İlham Əliyev oktyabrın 9-da Masallı və Cəlilabad rayonlarında da oldu, seçicilərlə görüşlər
keçirdi.
125
UŞAQ BƏRPA MƏRKƏZİNİN
TƏNTƏNƏLİ AÇILIŞ MƏRASİMİNDƏ
ÇIXIŞ
Bakı, Nərimanov rayonu
11 oktyabr 2003-cü il
Hörmətli mərasim iştirakçıları!
Hörmətli xanımlar və cənablar!
Hörmətli qonaqlar!
Bu gün gözəl bir gündür. Bizim Azərbaycanda yeni bir tibb müəssisəsi, Uşaq Bərpa Mərkəzi açılır. Mən
bu münasibətlə sizin hamınızı təbrik edirəm. Bu işdə bizə kömək edən Yaponiya hökumətinə və Avropa
Birliyinə də öz minnətdarlığımı bildirirəm.
Son günlər ərzində ikinci dəfədir ki, mən Əmək və Əhalinin Sosial Müdafiəsi Nazirliyinin xətti ilə tikilib
istifadəyə verilən obyektlərin açılışında iştirak edirəm. Bundan əvvəl, İsmayıllı rayonunda Qarabağ müharibəsi
əlilləri və şəhid ailələri üçün tikilmiş evin istifadəyə verilməsində iştirak etmişdik. Bu gün isə buradayıq. Bu
onu
göstərir ki, Əmək və Əhalinin Sosial Müdafiəsi Nazirliyi çox böyük iş aparır, əlillərə, ehtiyac içində
yaşayanlara kömək edir, böyük qayğı göstərir. Mən nazirliyin və cənab nazir Əli Nağıyevin xidmətlərini xüsusi
qiymətləndirir və qeyd edirəm.
Azərbaycanda son illər ərzində görülən bütün işlər Heydər Əliyevin siyasətinin nəticələridir. Məhz onun
siyasətinin nəticəsində Azərbaycanda sosial məsələlərin böyük əksəriyyəti öz həllini tapıbdır. Heç kəs üçün sirr
deyil ki, Azərbaycan hələ iqtisadi cəhətdən o qədər də güclü ölkə deyildir. Azərbaycanın çox böyük problemləri
var. O problemlərin həlli ilə bağlı biz böyük işlər görürük.
Bütün
bu çətinliklərə baxmayaraq, Heydər Əliyevin siyasəti nəticəsində əldə edilən uğurlar bizə imkan verir
ki, Azərbaycanda ən çətin vəziyyətdə olan xəstələrə, xüsusilə uşaqlara böyük diqqət və qayğı göstərək. Bu bir
daha onu göstərir ki, Azərbaycan Respublikası Prezidentinin siyasəti məhz xalqa xidmətə yönəldilmişdir. Bu
siyasət bizə imkan verib ki, belə gözəl, lazımlı, xəstələrə kömək edəcək müəssisələr tikilsin, istifadəyə verilsin.
Azərbaycanda bu siyasət davam edəcəkdir. Buna alternativ siyasət ola bilməz.
Mən öz çıxışlarımda dəfələrlə bəyan etmişəm ki, gələcək fəaliyyətimdə bu siyasəti
rəhbər tutaraq, ilk
növbədə, Azərbaycanda sosial məsələlərin həllində xalqın dəstəyinə arxalanaraq, çalışacağam ki, bu istiqamətdə
daha gözəl işlər görə bilək. Əminəm ki, bu belə də olacaqdır. Əminəm ki, Əmək və Əhalinin Sosial Müdafiəsi
Nazirliyi bu xeyirxah missiyanı bundan sonra da davam etdirəcək, Azərbaycanda çətin vəziyyətdə yaşayan
insanlar üçün gözəl şərait yaradacaqdır.
Mən bilirəm ki, Azərbaycanın digər şəhərlərində də gözəl evlər tikilib istifadəyə verilibdir. Təəssüflər olsun
ki, mən onların hamısında iştirak edə bilməmişəm. Halbuki, Əli müəllim mənə təklif etmişdi. Sadəcə, vaxt
azlığından buna imkan olmadı.
Amma hesab edirəm ki, gələcəkdə bütün belə gözəl tədbirlərdə iştirak edəcəyəm
və insanlarımıza xidmət göstərəcək neçə-neçə belə müəssisə, obyekt, xəstəxana, bərpa mərkəzi açacağıq.
Uşaq Bərpa Mərkəzinin açılışı münasibətilə sizin hamınızı bir daha ürəkdən təbrik edirəm. Arzu etmək
istəyirəm ki, burada çalışan həkimlər, mütəxəssislər uşaqlara yaxşı xidmət eləsinlər, qayğı göstərsinlər, kömək
etsinlər. Əminəm ki, bu belə də olacaqdır.
Xeyirli olsun, uğurlu olsun. Sağ olun.
126
DÜNYA TAEKVONDO FEDERASİYASININ
PREZİDENTİ, BEYNƏLXALQ OLİMPİYA
KOMİTƏSİNİN VİTSE-PREZİDENTİ
UN YONQ KİM İLƏ GÖRÜŞDƏ ÇIXIŞ
10 oktyabr 2003-cü il
İ l h a m Ə l i y e v: Sizi səmimi-qəlbdən salamlayıram. Sizin səfərinizin ölkəmizdə taekvondo
idman növünün inkişafına təkan verəcəyini bildirirəm. Sizin dünyada idmanın inkişafındakı xidmətlərinizi
yüksək qiymətləndirirəm.
U n Y o n q K i m: Səmimi qəbula görə təşəkkürümü bildirirəm. Azərbaycanda bir neçə il əvvəl olmuşam.
Bu illər ərzində Azərbaycan idman sahəsində böyük tərəqqi əldə etmiş, taekvondo idman növünün inkişafını və
daha çox populyarlıq qazandığını vurğulamaq istəyirəm.
Cənab Baş nazir, taekvondonun inkişafına göstərdiyiniz diqqət və qayğıya görə Sizə təşəkkürümü bildirirəm.
İ l h a m Ə l i y e v: Xatırladım ki, ölkəmizdə taekvondo və boks idman növləri üzrə son illər böyük
nailiyyətlər qazanılmışdır. Digər idman növləri də sürətlə inkişaf edir və artıq Azərbaycan idmançıları
beynəlxalq turnirlərdə ölkəmizi layiqincə təmsil edirlər.
İdmanın inkişafını, xüsusilə Olimpiya oyunlarında qazanılmış uğurları Azərbaycanda
iqtisadi-sosial sahədə
əldə olunmuş tərəqqinin nəticəsi kimi dəyərləndirirəm. İdmançılara böyük qayğı və diqqət göstərilir. Məhz
bunun nəticəsində gənclər və yeniyetmələr idmana daha çox həvəs göstərirlər.
U n Y o n q K i m: Cənab Baş nazir, açılışında iştirak etdiyim bu idman sarayının ən yüksək dünya
standartlarına cavab verdiyini xüsusi vurğulamaq istəyirəm. Bu cür idman obyektinin istifadəyə verilməsi
Azərbaycanda idmana göstərilən diqqət və qayğının bariz nümunəsidir.
İcazə verin, Azərbaycan idmanının, o cümlədən taekvondonun inkişafında xidmətlərinizə görə Sizə
taekvondo üzrə 6-cı dan Qara kəmər və sertifikat, idman geyimini təqdim edim.