154
prezidenti Zurab Seretelinin üçcildlik əsərini Sizə təqdim etmək istəyirəm. Bu əsərləri atanıza,
bizim ən hörmətli
adamımıza – əməkdaşlığımızın möhkəmlənməsi üçün çox işlər görmüş və əminəm, hələ çox işlər görəcək
insana çatdırmağı Seretelinin özü xahiş etmişdir.
İ l h a m Ə l i y e v: Xoş sözlərə görə, sizin verdiyiniz qiymətə görə və mənim üçün çox əziz hədiyyəyə
görə sağ olun. Sizi əmin edirəm ki, MDB-nin üzvü olan dövlətlərin daha sıx birliyinə kömək göstərmək üçün
var qüvvəmlə çalışacağam. Azərbaycan ölkələrimizin və xalqlarımızın yaxınlaşmasında əvvəlkitək fəal rol
oynayacaqdır.
Siz dediniz ki, seçkilər yeniliklərlə keçirildi. Bizim Seçki Məcəlləsi çox demokratikdir, indiki
seçkilərə
monitorinqi həyata keçirmiş, demək olar, bütün beynəlxalq təşkilatların kifayət qədər yüksək qiymətini almışdır.
Buraya şəffaf qutular da, zərflər də daxildir. Həmçinin deyə bilərəm ki, səsvermənin nəticələrinə dair məlumat
internet vasitəsilə dərhal yayılır, habelə məntəqələrdə divardan asılırdı. Görülən tədbirlərdən məqsəd bu idi ki,
maksimum şəffaflıq, ədalətlilik təmin edilsin, heç kimdə şübhə yaranmasın.
Seçkilərin nəticələri bizim üçün gözlənilməz deyildi. Azərbaycan cəmiyyətinin əhval-ruhiyyəsi aydındır. Xalq
öz sözünü hələ 1993-cü ildə, bir tərəfdən xaos və anarxiya, digər tərəfdən isə sülh və əmin-amanlıq arasında seçim
etməli olanda demişdir. Ölkəmizin prezidenti Heydər Əliyevin rəhbərliyi ilə keçdiyi onillik yol xalqın
seçiminin
düzgün olduğunu göstərdi. İndiki seçkilərdə də Azərbaycan xalqı sülhə, əmin-amanlığa, sabitliyə və inkişafa səs
verdi. Bu seçimin nə qədər düzgün olduğunu, təəssüf ki, dünənki hadisələr – 1992–1993-cü illərdə Xalq Cəbhəsi və
Müsavatın dəhşətli hakimiyyət illərini bizə xatırladan kütləvi iğtişaşlar da göstərdi.
Siz İvanovkadakı kolxozdan danışdınız. Bu, Azərbaycanda yeganə kolxozdur. Heydər Əliyev orada hər şeyin
olduğu kimi saxlanması barədə müvafiq fərman vermişdir. Yəni, orada həmin kəndin sakinlərinin istədiyi şərait
yaradılmışdır. O dəhşətli vaxtlarda həmin bu İsa Qəmbərin göstərişi ilə Azərbaycanda rus məktəbləri bağlanırdı,
hətta Elmlər Akademiyasının da bağlanmaq təhlükəsi var idi. Yaradıcılıq ittifaqları da bağlanırdı. Xalqımız
bütün bunları yaxşı xatırlayır. Keçmiş üzvləri dünən iğtişaşlar törətməyə çalışan həmin hökumətin xalqımızın
başına nə kimi müsibətlər gətirdiyini də xatırlayırıq. Lakin Azərbaycan indi qüdrətli dövlətdir. Biz özümüzü də,
dövlətçiliyimizi də qorumaq iqtidarındayıq. Qayda-qanun bərpa edilmişdir və biz heç kimə qanunsuz hərəkətlər
etməyə imkan verməyəcəyik. Cinayət törədənlər xalq qarşısında, qanun qarşısında cavab verməli olacaqlar.
Mən
çox şadam ki, siz və müşahidəçiləriniz seçki prosesini izləyə bilmisiniz. Mən Qərbi Avropa
ölkələrindən olan müşahidəçilərin nümayəndəsi ilə görüşdüm. Mənə demişdilər ki, bu adam səslərin
hesablanmasında iştirak etmişdir. O dedi: "Mən gördüm ki, seçicilərin 80 faizi Sizə səs vermişdir". Bu mənim
üçün çox xoş idi və mən bunu, ilk növbədə, Heydər Əliyevin Azərbaycandakı siyasətinin təntənəsi kimi
qiymətləndirirəm. Bu onu göstərir ki, Azərbaycan xalqı onun siyasi xəttinə sadiqdir. Mən onun siyasətini bütün
istiqamətlərdə, o cümlədən MDB-nin fəaliyyəti çərçivəsində davam etdirmək üçün var qüvvəmlə çalışacağam.
Fürsətdən
istifadə edib, mənə Yaltada göstərilən səmimi qəbula görə Sizə təşəkkürümü bildirmək istəyirəm.
Bildiyiniz kimi, bu, sammitdə mənim ilk iştirakım idi. Adətən, ilk iştirak həmişə həyəcanlandırıcı olur. Lakin
məhz Sizin münasibətiniz, diqqətiniz, mehribanlığınız elə bir şərait yaratmışdı ki, mən özümü köhnə
tanışlarımın əhatəsində hiss edirdim.
Şəxsən Sizə, təşkilata, MDB İcraiyyə Komitəsinə Birlik ölkələrinin bütün xalqlarının tərəqqisi naminə çox
vacib fəaliyyətinizdə uğurlar arzulamaq istəyirəm.
155
RUSİYANIN AZƏRBAYCANDAKI
FÖVQƏLADƏ VƏ SƏLAHİYYƏTLİ SƏFİRİ NİKOLAY RYABOV İLƏ
GÖRÜŞDƏ SÖHBƏT
17 oktyabr 2003-cü il
N i k o l a y R y a b o v: Sizinlə, Azərbaycan Respublikasının yeni seçilmiş Prezidenti ilə görüşmək imkanına
görə çox minnətdaram. Sizi xalqın bu çox yüksək etimadı münasibətilə təbrik etmək və belə bir faktı vurğulamaq
istəyirəm ki, Ukraynanı çıxmaq şərti ilə, MDB məkanında ilk dəfə olaraq hakimiyyətin bir prezidentdən digərinə
verilməsi demokratik prosedur əsasında, ölkənin Konstitusiyasına və Seçki Məcəlləsinə müvafiq surətdə
həyata
keçirilmişdir. Bu əla ənənədir və heç şübhəsiz ki, Azərbaycanı dünyanın demokratik dövlətləri sırasına çıxarır. Bu
münasibətlə mən Sizi və xalqınızı təbrik etmək istəyirəm.
Hörmətli İlham Heydəroviç, dünən Rusiya Federasiyasının Prezidenti ilə telefon söhbətiniz oldu.
Bilirsiniz ki, o,
Moskvada deyil, dünyanın o biri başında – Malayziyadadır. Ona görə də çox xoşdur ki, Rusiya dövlətinin başçısı bu
dialoqu aparmağa belə imkan tapmışdır.
Mən fəxri tapşırıq – ölkənin Prezidenti seçilməyiniz münasibətilə Rusiya Federasiyası Prezidentinin təbrikini
Sizə şəxsən yetirmək tapşırığı almışam. Burada bizim Xarici İşlər nazirinin təbriki də var. Öz tərəfimdən demək
istərdim ki, dünən televiziya ilə çıxış edərkən belə bir ifadə işlətdim ki, indi Azərbaycanda cavan və gözəl
prezident var. Düşünürəm ki, Siz bu ifadəyə görə inciməyəcəksiniz. Onu da əlavə etmək istərdim ki, Sizin
seçkiqabağı kampaniyanın məharətlə aparmağınıza heyran qaldım. Sizin çox az vaxtınız var idi, hes kəs, hətta
təcrübəli siyasətçi də bu çox gərgin siyasi kampaniyaya belə üzvi surətdə və belə ustalıqla daxil ola bilməzdi.
Bu, bir siyasətçi kimi, Sizin kamilliyinizdən xəbər verir. Sözün düzü, bu bizi yaxşı mənada çox təəccübləndirdi.
Yeri gəlmişkən, bu Sizin siyasi təcrübənizə şübhə edənlərə də cavab oldu. Prezident olmaq üçün təhsil almırlar,
belə təhsil müəssisəsi yoxdur. Lakin Sizin məhz bu vəzifəyə doğru yolunuz çox zəngin siyasi baqajı və
bütünlüklə, belə parlaq şəkildə nümayiş etdirdiyiniz təcrübəni formalaşdırmışdır.
Onu
da demək istəyirəm ki, mən Sizin seçkiqabağı çıxışlarınızı diqqətlə oxuyurdum, onlar təmkinliliyi,
aydınlılığı, ardıcıllığı ilə Rusiyada xoş təsir bağışlayır. Biz əminik ki, – Rusiya Federasiyasının Prezidenti də
Sizə müraciət edərək bu barədə yazır və deyir, – bu xətt davam etdiriləcəkdir, qarşıda bizi bütün istiqamətlərdə
konstruktiv, səmərəli dialoq və əməkdaşlıq gözləyir. Mən ikitərəfli münasibətlərimizdən, əlaqələrimizdən çox
danışa bilərəm, lakin bir qədər, Sizin öz xalqınız qarşısında and içəcəyiniz vaxtadək gözləmək lazımdır. Bu,
tezliklə olacaq və Siz prezident vəzifəsinə rəsmən başlayacaqsınız. Biz o anı səbirsizliklə gözləyirik.
İ l h a m Ə l i y e v: Hörmətli cənab
səfir Nikolay Timofeyeviç, sağ olun. Rusiya prezidenti Vladimir Vladi-
miroviç Putinin axşam mənə zəng vurması və Azərbaycan Respublikasının Prezidenti vəzifəsinə seçilməyim
münasibətilə təbrik etməsi mənim üçün çox xoş idi. Qeyd etdiyimiz kimi, o, Moskvada deyildir, Malayziyadadır
və iş cədvəlinin gərgin olmasına baxmayaraq, – dünən onun çıxışlarını və dövlət başçıları ilə çoxsaylı görüşlərini
Rusiyanın televiziya kanalları ilə izləməyə imkanımız oldu – belə gərgin vaxtda o, imkan tapdı və məni təbrik etdi.
Bu mənim üçün çox qiymətli, əhəmiyyətlidir. Fürsətdən istifadə edərək, həm telefon zənginə görə, həm də Sizin
mənə çatdırdığınız təbriklərə görə mənim ən dərin təşəkkürümü ona yetirməyinizi xahiş edirəm. Ölkələrimiz arasında
münasibətlər uğurla inkişaf edir. Bu münasibətlərimizin müasir mərhələsinin bünövrəsini prezidentlərimiz – Heydər
Əlirza oğlu Əliyev və Vladimir Vladimiroviç Putin qoymuşlar. Rusiya Azərbaycan üçün strateji tərəfdaşdır.
Rusiya
ilə münasibətlər bizim üçün öncül xarakter daşıyır. Biz bu münasibətlərin bütün səviyyələrdə – iqtisadi əməkdaşlıq
sahəsində də, siyasi müstəvidə də, mədəniyyət sahəsində də daha da inkişaf etdirilməsində çox maraqlıyıq. Bu,
Rusiya vətəndaşları üçün də, Azərbaycan vətəndaşları üçün də böyük nemət olacaqdır. Əlbəttə, Azərbaycanda
Heydər Əliyevin rəhbərliyi ilə aparılmış və xalqlarımızın, ölkələrimizin yaxınlaşmasına yönəldilmiş siyasət davam
etdiriləcəkdir. Buna heç kimdə şübhə olmamalıdır. Rusiya yaxın dostumuzdur və biz rus xalqına ən səmimi rəğbət
hissləri bəsləyirik. Azərbaycan öz dostları ilə – qonşuları, ilk növbədə, Rusiya ilə mehriban qonşuluq münasibətlərinə
sadiqliyini son on ildə əməli surətdə sübuta yetirmiş ölkədir. Əminəm ki, əlaqələrimiz bütün səviyyələrdə davam
etdiriləcəkdir. Vladimir Vladimiroviç Putinin MDB dövlət başçılarının zirvə toplantısı çərçivəsində görüşlərimiz
zamanı mənə yetirdiyi diqqəti bir daha qeyd etmək mənim üçün çox xoşdur. Çoxtərəfli görüşlər çərçivəsində də,
ikitərəfli əsasda da biz bir çox mühüm məsələləri müzakirə etdik və münasibətlərimizin inkişafına gələcəkdə də
kömək etmək niyyətində olduğumuzu bildirdik.
İndi Azərbaycan xalqı mənə etimad göstərib səs çoxluğu ilə namizədliyimi dəstəkləməklə Azərbaycanda həyata
keçirilmiş və bundan sonra da keçiriləcək xarici siyasətə səs vermişdir. Biz öz tərəfimizdən ölkələrimizin gələcəkdə
ikitərəfli əsasda və regional miqyasda sıx əməkdaşlıq etməsi üçün əlimizdən gələni edəcəyik. Əminəm ki, beynəlxalq
məsələlərin həllində beynəlxalq miqyasda birgə fəaliyyətimiz ölkələrimizin rifahına və xeyrinə xidmət edəcəkdir.
Son 2–3 ildə ölkələrimiz arasında siyasi münasibətlərin möhkəmlənməsinin müsbət nəticələrini biz artıq təcrübədə