İslam Qəribli
52
millətin tərəqqisinə mane olan bir əngəl kimi xarakterizə edən
müəllif bunun İslam dininə heç bir aidiyyəti olmadığını Qurandan
gətirdiyi ayələr və müxtəlif hədislərlə isbat edir və “Dəyanəti-
islamiyyənin nisvana bəxş etdiyi hüquqa bir nəzər” adlı
məqaləsində yazır: “Gərək zükur və gərək ünas olsun, kəsbi-
fəzail və təhsili-kəmalat etməyə və bu yolda təsfiyeyi-vicdan və
tətəhhüri-əxlaq qılmağı şəriət nöqteyi-nəzərində bilafərq məmur
və mükəlləfdirlər. Çirkabi-cəhalət və rəcəsi-qəflət ilə tərdamən və
aludə olanların xüsusnda “Əlxəbisatül-xəbisin” buyurularaq
şayani-təqbih və məzəmmət görülmüşkən, maarif və ülum
sərçeşməsindən
içənlərin
şənində “Əttəyyibatül-təyyibin”
“Vəlillahi yühübbül-mütəhhərin” nazil olaraq tətəhhüri-qəlb
edənlər mühibbi-ilahiyəyə kəsbi-ləyaqət etdikləri və edəcəkləri ca-
haniyanə bildirilmişdir. Bu ki, ən böyük şərəfdir!”(112,N 48).
Professor Firidun Hüseynov C. Məmmədquluzadədən bəhs
edən məlum tədqiqatında çox haqlı olaraq qeyd edir ki,
“Müsəlman Şərqinin ağır dərdlərindən biri qadın əsarəti, bitib
tükənməyən ailə münaqişələri, faciələridir. Tarix boyu xalq üçün
düşünən beyinlərə, döyünən ürəklərə ağır yük olmuş bu dərdi
çiyinlərində daşıyıb onu aradan qaldırmağa çalışan ədib və
mütəfəkkirlərdən M. F. Axundovun, Mirzə Cəlilin ədəbiyyat,
ictimai fikir tariximizdə müstəsna xidmətləri olmuşdur”(52, 108)
və heç şübhəsiz ki, M. Hadinin yeri bu cərgədə ilk sırada, lap
qabaqdadır. Qadın azadlığı məsələsində əvvəldən-axıradaək
sabitqədəm bir mövqe nümayiş etdirən M. Hadi əsrinin
dırnaqarası ziyalılarından fərqli olaraq bildirir və bildirdiklərini
“qadınları cəhalət pərdəsi altında saxlamağı guya islam dini onlara
məsləhət bilmişdir”,- kimi əsası olmayan cəfəngiyyatlarla
pərdələməyə çalışanların sifətinə çırpırmış kimi Quran ayələri ilə
şərh edir və iqrar edir ki, Allah dərgahında kişi ilə qadının hüququ
birdir və qadını hüquqsuz vəziyyətə salan din deyil, dindən öz
çirkin niyyətlərini həyata keçirmək üçün istifadə edən cəmiyyət,
cəmiyyətin insan yox, heyvan adlandırılması daha düzgün olan
üzvləridir.
Məhəmməd Hadi və mətbuat
53
M. Hadi qeyd edir ki, bəzi oxumuşların “Xatunların
oxumasına İslam dini müsaidə vermiyor”,- demələri məhz iftira və
İslama böhtandır”. Bu deyilənlərin iftira və böhtan olduğunu
Qurandan gətirdiyi ayələri şərh etməklə sübuta yetirən mütəfəkkitr
qeyd edir ki, “Xah rical və xah nisvan olsun iktisabi-fəzail etməyə
məmur və mükəlləfdirlər. Hər kəs kəndi kəsbindən ləzzətyab və
bəhrəmənd olacağını cənabi-Haqq “Sureyi-əl Nisa”nın 32-ci
ayəsində bəyan eləmişdir: “Lil-ricali nəsibun mimmək-təsəbu
və linnisai nəsibun mimmək-təsibnə” (Kişilər üçün kəsb
etdikləri şeydən nəsib var və övrətlər üçün də təhsil qıldıqları
şeydən həzz və hissə vardır). Anlaşılıyor ki, ər kəndi üçün çalışıb
təhsili-fəzail qıldığı kimi, qadın da özü üçün kəsbi-kəmal və
fəzaili-aliyə etməlidir”(112, N 48).
Fikirlərinin doğruluğuna oxucularını inandırmaq üçün müəllif
daha sonra yazır: “Əfəndimiz də “Əl-elmül-nur” buyurmuşdur.
Möminlərə rəhbəri-nicat olan nur nuri-maarifdən desəm, xəta
etməmiş oluyoram. “Əl-elmül-nur” 13-cü ayədə buyurur: “Hesab
günündə əhli-nifaq və şəqaq olan ər və övrətlər nur sahibi mömin
və möminələrə deyər ki, bizə də ətfi-nəzər ediniz. Biz də sizin
nurunuzdan iqtibasi-ziya edib nurlanalım. Onlar cavabında
dinlənər ki, dünyaya ricu edib orada iltimas edək, nuru biz də
orada kəsbi-ənvar etmişik”. Cənab Beyzavi buyurur: “Betəhsiləl-
maarifül-ilahiyyə vəl əxlaqil-fazilə fanə yətəvəllüd minha”,
yəni: “Mömin və möminələr əhli-nifaqə deyərlər ki, əgər mümkün
isə dünyaya ricu edib, onda tələbi-nur edək”. Maarifül-ilahiyyə
təhsil ilən və məkarimi-əxlaq kəsb ilən, çünki bu nur təhsili-
maarifdən təvəllüd edər, məkarimi-əxlaqdən nəşət eləyər. Təhsili-
maarif ilə nəfsini təzkiyə və islah edər. Xatunun əfəndimizin
məhəbbətinə şayan görüldüyünə bu hədisi-şərif dəlalət edər.
“Sizin dünyanızdan bana sevgili şeylərin biri də salihə xatundur”
və yenə xatunların tərbiyə və təliminə höccəti-baliğə olan
ayələrdən biri də “Əl-əhzab”, ayə 35: “Ġnnəl-mömininə vəl-
möminat... ila axır”. (“Təhqiqən mömin və müslim ərlər və
möminə və müslimə övrətlər, müti ər və mütiə övrətlər, sadiq
İslam Qəribli
54
mərd və sadiqə zənlər, sabir və sabirə və mütəvazeh və
mütəvazehə və sədəqə verən kişi və övrətlər, əfif və əfifələr və
zakir və zakirələr üçün cənab xuda məğfirət və böyük əvəz
hazırlamışdır”). Mühakimeyi-adilanə də çəkməlidir. Aya bu ayədə
zikr olunan fəzail və xəsaili-pəsəndideyi təhsil və tərbiyədən
başqa bir təriq ilə əldə etmək asanmı? Tərbiyə görməmiş bir övrət
sadiq, əfif, müti, möhsin kimi bəyənilmiş xislətlərə asanlıqla sahib
və malik olarmı? Heyhat! Tərbiyəli, ədəbli bir xatun sədaqət və
şəfəqqətli, iffət və təvazölü olur. Kəndi vəzayifini təsir və hüquqi-
məşruəsini gozəlcəsinə mühafizə qılır və zövcünə itaətli və
mehriban olur. Övladını gözəl tərbiyə edib bəslər. Xanə intizamlı
idarə olunur, hər qafadan səs gəlməz, söz bir, fikir bir olur...
deyilmi?”(112, N 48).
M. Hadinin tərbiyə, əxlaq, cəmiyyətin inkişafı və təkamül
bardəki fikirlərinin müəyyən qismi “Və innəkə li-əla xəlqi-əzim”
adlı məqaləsində öz əksini tapmışdır(114; N 63). Sərlövhəyə
çıxarılan Quran ayəsindən bir neçə sözdür ki, bu ayədə əxlaq və
əxlaqın cəmiyyətdə, insan həyatında oynadığı roldan bəhs olunur.
Əsərlərində əxlaq məsələlərinə geniş yer ayıran, əxlaqa bir
elm kimi yanaşaraq onun predmetini müəyyənləşdirməyə çalışan
müəllifə görə əxlaq istər Allaha, istərsə də ətrafdakı başqa
adamlara münasibətlərini tənzimləmək üçün insanların hüquq və
vəzifələrinin ifadəçisidir. Əxlaq məsələlərindən bəhs edərkən
dinin təbliğinə geniş yer ayıran, əxlaqa “Bəni-növi-bəşərin istər
xaliqi, istər həmcinsi ilə olan vəzaif və hüquqi-insaniyyəsini
bildirən elmi-şərifə eimi-əxlaq deyilir”(114, N 63) tərifini verən
müəllif bildirir ki, gözəl əxlaq İslam dininin ruhunu, əsasını təşkil
edir ki, bu istər bu dünya, istərsə də axirət üçün qüvvədədir. İslam
əxlaqını təbliğ etməklə insanların bu əxlaqa yiyələnəcəyi təqdirdə
xoşbəxt olub ağ günə çıxacağına ümid bəsləyən, əxlaqı iki yerə-
“əxlaqi-həsənə” (gözəl əxlaqa) və “sui-əxlaqa” (pis əxlaqa) bölən,
əxlaq məsələlərini Quran ayələri vasitəsi ilə şərh edən müəllif
daha sonra yazır: “İslamın ruhu, həqiqəti əxlaqi-həsənə fəzaili-
aliyədir. Necə ruhi-islamiyyət olmasın ki, insana Xaliqini
Dostları ilə paylaş: |