Məhəmməd Hadi və mətbuat
55
tanıtdıran və bəni-növinin hüquqi-məşruəsini öyrədən bu fənni-
şərifdir. İnsanın dünyada səbəbi-səadət və izzəti, axirətdə mocibi-hidayət
və nicatı fəqət məkarimi-əxlaq və fəzaili-aliyədir”(114, 63).
Müəllif bildirir ki, əxlaq haqqında müxtəif dillərdə çoxlu
kitablar, risalələr yazılıb nəşr olunsa da, əfsuslar olsun ki,
Azərbaycanda belə kitablar yox dərəcəsindədir. Bu boşluğu
doldurmaq üçün təfəkkür və qələm sahibi olan ziyalılardan
“övladi-vətənin mənəvi mənafe və ruhani fəvaidini nəzərə alub
kəndi şivəmizcə əsərlər və kitablar vücudə gətirmələrini
insaniyyət naminə” rica edən müəllif əsl məqsədinin nədən ibarət
olduğunu aşağıdakı şəkildə bəyan edir: “...İnsanın dünyada
səbəbi- səadət və izzəti, axirətdə mocibi-hidayət və nicatı, fəqət
məkarimi-əxlaq və fəzaili-aliyədir. ...Hal-hazırdakı ixtilaf və
infaqımızın ən yeganə səbəbi əxlaqımızın çirkinliyindən sərzədə
olmuşdur, desəm xəta deyil. Zənn edərəm sui-əxlaq böyük
fəlakətlərin mənbəidir, öylə isə kəsbi-əxlaqə şitab etməliyiz”(114,
N 63).
Əxlaq haqqında Azərbaycan dilində kitabların olmadığını
nəzərə alan M. Hadi “fəzaili-aliyə” barədə Qurandan və müxəlif
kitablardan əxz etdiyi bir sıra fikirləri oxucuların nəzərinə çatdırır
ki, onlardan bəzilərini burada qeyd etməyi lazım bilirik:
- “Sizin xeyrli olanınız gözəl əxlaqə malik olanınızdır”.
- “İnsanə bəxş olunan nemətin ən fəzilətlisi xülqi-
həsənədir”.
- “Mömində iki xislət olmaz: birisi büxl və birisi də çirkin
xislət”.
- “ Gözəl xülq bərəkət və səadətdir, pis xülq isə şum və
dənaətdir”.
- “Möminlərin iman cəhətincə ən kamilləri göyçək xoylu
və əhlinə şəfqətli olanlardır”.
- “Əhli-nicatın əksəri kimlərdir”,- deyə sual olundu:
“Xülqi-hüsn və pərhizkarlardır”,- dedi”.
İslam Qəribli
56
- “Gözəl xislət bir cilvədir, bir qüvveyi-ruhaninin əlində. O
qüvvə insanı daima xeyirə tərəf çəkər, xeyir isə insanı gülşəni-
səadətə”.
- “Çirkin xülq Xudanın əzabından bir cilvədir, sahibinə
bürünəndə o cilvədə nəfsi-şeytaninin əlində daima şər və şərarətə
çəkər, şər isə insanı dərəkeyi-səfalətə - cəhənnəmə”(114, N 63).
Gözəl əxlaq barəsindəki fikirlərini Məhəmməd peyğəmbər (s),
Həzrət Əli (s), Bəlxi, Cəlaləddin Rumi kimi böyük
mütəfəkkirlərdən
gətirdiyi sitatlarla möhkəmləndirən müəllif son olaraq belə bir
nəticəyə gəlir: “Məmləkəti-vücudun hökmranı olan işbu qəlbi-
əxlaqi-məzmumə və imrazi-ruhaniyyədən mühafizə qılmaq həm
şəni-islamiyyət, həm də xəsaili-insaniyyətdir. Biz milləti-islam o
gündə məzhəri-tərəqiyyati-maddi və mənəvi ola biləriz ki, əxlaqi-
siyəhimizi tərk və xəsaili-insaniyyətpərvəranə ilə xülqlənmiş
olaq”(114, N 63).
Pis əxlaqı böyük fəlakətlərin mənbəyi hesab edən müəllif
qeyd edir ki, insan gərək öz gözəl, yüksək əxlaqı ilə seçilsın və bu
əxlaq sayəsində cəmiyyətdə elə yaşayış tərzi qura bilsin ki, ondan
kimsəyə zərər yetişməsin və Allah-taalanın ona bəxş etdiyi ömrü
şərəf və ləyaqətlə yaşasın. “Yüksək, gözəl əxlaqı olan insanı
həqiqi, əsl insan hesab etmək olar” qənaətinə gələn, insanın
həyatında əxlaqın rolunu qədərincə quymətləndirən M. Hadi
“Fəzaili-aliyə və kəmalati-insaniyyə” adlı əsərində yazır: “İnsan
təhsili-fəzaili-aliyə edərək əxlaqi-rəziləyi tərk edər isə həqiqi bir
insan olur, məratibi-aliyeyi-kəraməti bulur. İnsanlıq yalnız surətə
deyil, əxlaqi-fazilə və sirəti-kamilə ilədir”(116, N 74, 85).
“Əxlaqi-həsənədən ən bəyənilmişinin biri “Həmiyyət”
olduğu təslimkərdeyi-rövşəndilani-həqiqətdir. Lüğət kitablarına
baxılacaq olursa, həmiyyət namus və qeyrət mənasına olduğu
nəzərə gəlir. Fəqət həmiyyət əxlaqiyyunun yanında “İnsan qeyrət
və namusu müqtəzası olaraq gərək o zinəti və gərək həmcinsini
hifz və himayət etməkdir” alamı əxlaqın bu mükəmməl tərifindən
anlaşılıyor ki, həmiyyətpərvərlərin xah kəndi, şəxsi, xah mllətin
hər dürlü namusşikən təərrüzatdan həras etmək yolunda sərfi-
Məhəmməd Hadi və mətbuat
57
qeyrət
və
bəzli-himmət
edəcəkləri
varəsteyi-bəyan
bir
həqiqətdir”(116, N 74),- deyən M. Hadinin nəzərində müsbət
əxlaqi keyfiyyətlər içərisində ən mühüm olanı həmiyyət və
birlikdir ki, bunlardan məhəbbət, məhəbbətdən də şəfqət törəyər.
Müəllif çox doğru olaraq qeyd edir ki, “Bir qövmdə məhəbbəti-
vətən və məhəbbəti-millət olduqda, işbu məhəbbət saiqəsi ilə
vətəninin ümran və millətinin ehtiyacat və istəklərinə əldən gələn
qədəri çalışar, xidmət göstərər. Məhəbətdən şəfəqqət təvəllüd
eylər. Şəfəqqət olduqda insan millətinin, bəni-növünün əhvalına
acıyır. Acıyır da yalnız kəndi rahət və rifahətinə həsri-övqat
etməyib, mənafe və məsalehi-ümumiyyəyi gözə alaraq hər dürlü
fədakarlıqdan qədəm geri qoymaz, deyilmi? Bu münasibətlə məhəb-
bətdən şəfəqqət, şəfəqqətdən isə həmiyyət vücuda gəlir”(116, N 74).
“Nəinki daxili zülmün və sinfi bərabərsizliyin, hətta yada
baş əymənin də, müstəmləkə köləliyinin də səbəbinin cəhalət
olduğunu”(18, 9) bildirən, birlik, ittihad və ittifaqı (M. Hadidə
“həmiyyət”) cəmiyyətin başlıca hərəkətverici qüvvəsi hesab edən
müəllifin fikrincə, “həmiyyət öylə bir qüvvəli makinaya (maşına)
bənzər ki, hansı millətin silsileyi-qatarına qoşulacaq olur isə, o
silsileyi-bəşəriyyəti fövqəladə bir sürətlə cahani-mədəniyyətə
yetişdirər və hər növ maddi və mənəvi istəyinə və arzusuna nail
eylər”(116, N 74).
Səy və çalışqanlığı gözəl əxlaqi keyfiyyətlərdən hesab edən,
“gözəl və göyçək xülqlərdən biri də çalışmaqdır”, - deyən və
fikrini Qurandan götürdüyü “İnsan üçün mənafebəxş bir şey
yoxdur səy və əməldən başqa” ayeyi-şərifəsi ilə möhkəmləndirən
M. Hadi dönə-dönə bildirir ki, insanlar arzularına çatmaq üçün
çalışmalı, səy və qeyrət göstərməlidirlər, çünki “gərək maddi və
gərək mənəvi olsun kişi hər bir arzu və amalına tənbəllik deyil,
səy və qeyrət ilə müvəffəq olur, çalışmaq və əlləşmək sayəsində
mətlub və məqsudinə çatar”(116, N 85).
Ədib çox haqlı olaraq qeyd edir ki, “tənbəlllik səbəbi-xəcalət
və baisi-rəzalətdir” və tənbəllik azarına tutulmuşların aqibəti
karvanından ayrı düşərək qurd-quşa yem olanların halına bəzər.
Dostları ilə paylaş: |