İslam Qəribli
58
Bir el məsəli ilə fikrini qüvvətləndirən M. Hadi daha sonra yazır:
“Türkdə məsəldir: “Köçdən qalanı qurd yeyər”. Pək qiymətli
sözdür. Ülviyyəti-əfkar və qüdsiyyəti-amal sahibləri fəaliyəti-səy
və qeyrət kimi əxlaqi-fəzaildən dəstbərdar olmaz və icabati-
zamandan qafil bulunmazlar. İstək və arzusunu tərk edib qəflət və
müstələk edənlərin papağı deyil, başı belə gedəcəyini zaman bizə
göstəriyor, dərs veriyor, fəqət açıq göz gərək, eşidən qulaq, dərk
edən qəlb”(116, N 85).
Qurandan, Cəlalədin Rumidən, Sədi Şirazidən gətirdiyi
sitatlarla fikirlərinin yəqinliyinə oxucuları inandırmağa çalışan və
qarşısına qoyduğu məqsədin həllinə nail olan M. Hadi çox haqlı
olaraq bu nəticəyə gəlir ki, “Hər kəsin ki gözəl elmi və göyçək işi
artıqdır, gərək dünya və gərək axirətdə, istiqbalda mənzilət və
rütbəsi pək şanlı və pək baladır. O adam ki, əməlsiz, nəfsiz,
xaindir, müzd və əcr almağa şayistə və layiq deyildir. Hər kəsin
mərtəbəsi mükafati-əməli, səyi miqdarıncadır”(116, N 85).
“Kürdəmirdən” adlı yazı(117, N 77) zəmanəsi üçün çox
gərəkli bir məsələ barəsindədir. Məqalədən aydın olur ki, bir neçə
ay əvvəl Kürdəmir stansiyasında erməni keşişi yoxlanılarkən
ondan silah-sursat müsadirə edilmişdir. Havadarlarına arxayın
olduqlarından müsəlmanlarla sülh şəraitində yaşayacaqlarına söz
vermiş ermənilər hələ də öz fitnəkar əməllərindən əl çəkmirlər.
Keşişlərindən (M. Hadidə “imami-cəmaət”) nümunə götürən
ermənilər yenə də Şamaxının erməni kəndlərinə gizli yollarla silah
daşıyır və müəllifin yazdığına görə, bu işdə deyəsən onlara “Göy-
çayın naçalniki” də yardım edir. M. Hadi tam əminliklə bildirir ki,
tutulan silahlar Şirvan torpağına gətirilən silahların çox az qismi,
bir qətrəsidir. Çünki erməni tacirlərinin pullarına şirnikən
hökumət məmurları belə bir xatalı işə tamamilə göz yumublar.
Müəllifin dili ilə desək: “Maneə yox, müzahim yox, danışmaq
yox... Buradan keçirilən Şamaxı ətrafında Kain qəriyeyi-
erməniyyəyə gedən məvaddi-müştəilə güncaişpəzir hövsəleyi-
tedad ola bilməz. Ara-sıra tutulan böylə şeylər yox hökmundədir,
qətrə kimidir”(117, N 77). Tarixdən məlum olduğu kimi bu
Məhəmməd Hadi və mətbuat
59
silahlardan sonralar Şamaxı və Şamaxı ətrafı kəndlərdə
azərbaycanlılara qarşı törədilən qətli-amlarda geniş şəkildə istifadə
olundu. M. Hadi və digər vətənpərvər ziyalıların səsinə vaxtında
səs veilmədiyindən azərbaycanlılar məkrli qonşuların müqabilində
əliyalın saxlanıldı və Azərbaycan ərazisində misli görünməmiş
faciələr baş verdi.
“..Nəyə ümid edirsə, məhz onun haqqında yazmağı”(37, 57)
sevən M. Hadinin nəzərində bəşəriyyəti xilas edəcək qüvvə
maddi
mədəniyyət deyil, mənəvi mədəniyyətdir ki, o, bu cür mədəniyyəti
“mədəniyyəti-ruhaniyyə” adlandırır və “Mədəniyyəti-ruhaniyyə”
adlı məqaləsində yazırdı: “Bir millətdə hürriyyət, azadəliq olursa,
şübhəsiz ki, vəsaili-mədəniyyəti-ruhaniyyə olan mətbuat, məkatib,
mədarisi-mükəmmələ, müəssisati-nafiə əldə edir və bu yolda
fəzaili-maarif
və
məkarimi-əxlaq
qazanılır. Mədəniyyəti-
ruhaniyyə isə mədəniyyəti-cismaninin anasıdır”(119, N 83).
Müəllifin qənaətinə görə mənəvi mədəniyyətin vücuda gəlməsi
yalnız “ülum və fünun”dan asılı deyil, bəlkə də əxlaqdan daha çox
asılıdır. Əxlaqı yaradan və formalaşdıran isə ictimai mühitdir. M.
Hadi daha sonra çox doğru olaraq qeyd edir ki, bunların meydana
gəlməsi isə birbaşa hürriyyətlə bağlıdır. Hürriyyətin meydanı nə
qədər geniş olarsa, mənəvi mədəniyyətin intişarı o qədər tez və
rahat olacaqdır. M. Hadi bildirir ki, “mədəniyyəti-mənəviyyə və
ruhaniyyənin qazanılması hürriyyətə, sərbəstliyə vabəstə bir
mənadır. Saheyi-hürriyyət və əhrariyyət nə qədər vəsi, nə qədər
geniş olar isə, mədəniyyəti-ruhaniyyənin meydani-təhsili o
nisbətdə böyük və geniş olur. İnsan o geniş meydanda əql və idrak
atın çapar, çapar da tövseyi-ruhaniyyət eylər. Yəni hürriyyətdən
bilistifadə əsbabi-mədəniyyəti əldə edib könlü istəyən kimi kəsbi-
ülum və fünun eylər”(119, N 83). M. Hadinin qənaətinə görə
cəmiyyət nə qədər inkişaf edirsə-etsin “mədəniyyəti-mənəviyyəyi-
ruhaniyyə olmayınca”, “əxlaqi-ülviyyəti-əfkar qazanmayınca”
heç bir millət xoşbəxt ola bilməz. Bu cür mənəvi mədəniyyətin
qazanılması üçün də azadlıq, hürriyyət əsasında formalaşan bir
cəmiyyət lazımdır.
İslam Qəribli
60
Mədəniyyəti-ruhaniyyəni Günəş və onun şüalarına bənzədən
müəllif cəmiyyətin həyatında baş verən bütün müsbət
dəyişiklikləri, kəşfləri mədəniyyəti-ruhaniyyənin məhsulu, səmərə
və bəhrəsi hesab edərək yazırdı: “Cahani-mədəniyyətdə vücuda
gətirilən makinalar, telefonlar, teleqraflar, balonlar, elektriklər və
qeyri və qeyrilər həp o mədəniyyəti-ruhaniyyə və mənəviyyənin
məhsuli-mədəniyyətpərvəranəsidir...
Təkrar
edirəm
ki,
mədəniyyəti-ruhaniyyənin əsası hürriyyət, maarif, təsfiyeyi-vicdan,
təhsili-fəzaili-aliyədir. Əsir, cahil, əxlaqsız bir millət əsla
mədəniyyəti-ruhaniyyə məratibini ehraz edəməz və bəxtiyar ola-
maz”(119, N 83).
Qəzetin səhifələrində M. Hadinin bir-birinin ardınca
“Verilən ehsan sədəqələrimizdən nə üçün səmərə hasil olmayır?”,
“Tələbəlik
xatiratımdan”,
“Qiraətxana
darül-mərifətdir”
məqalələri dərc olunur. Mövzu və problematikasına görə
fərqlənən bu məqalələri ümumi bir xətt birləşdirir: hürriyyət
yanğısı, maarif və mədəniyyət istəyi.
M. Hadi bir mütəfəkkir və sənətkar olaraq nədən və necə
yazmağı, zəmanənin ruhuna uyğun mövzular seçməyi bacaran
kəsərli bir qələm əhli olduğundan onun üçün baş və əzəli
mövzular olsa da, mövzu məhdudiyyəti və yeknəsəqliyi yoxdur.
“Şəriəti-müqəddəseyi-islamiyyənin ən möhkəm və ən mətin bina
və əsasından biri də zəkatdır” cümləsi ilə başlanan “Verilən ehsan
və sədəqəmizdən nə üçün səmərə hasil olmayır?” adlı məqalə(121,
N 86) ilk baxışdan dini mövzulu əsər təsiri bağışlasa da, əslində
çox böyük sosioloji və fəlsəfi mahiyyət daşıyır.
İslam dininin beş əsas dayaqlarından biri olan zəkatın nə
olması barədə məlumat verən müəllifi narahat edən odur ki,
“şəriət lisanında, fiqh istilahında insan, yəni müsəlman olan kəs
malik bulunduğu dövlət və sərvətindən qədəri-müəyyən bə həqqi-
məlumini müstəhəqq olan adamlara vermək və möhtaci-müavinət
olanların istəklərini təmin etmək” vasitəsi olan zəkat nə düzgün
verilmir, nə də verilən zəkatdan düzgün istifadə olunmur.
Ramazan ayının sonu yaxınlaşan kimi dövlətlilərin qapısında
Dostları ilə paylaş: |