JurnaliSTİkasi bülənt Çaplı
Yüklə 83,66 Kb. Pdf görüntüsü
|
- Bu səhifədəki naviqasiya:
- • Detal, ayrıntı, (LİP). Ən iri plan görüntünün bir detalını ayırır. • Üz, çox iri plan, (ÇİP). Alının
- • İri plan, (İP). Kadrda baş və çiyinlər görünür. • Orta-iri plan, (OİP). Kadrda insan fiquru sinənin
28 TELEXƏBƏRÇİLİYİN TEXNİKİ ELEMENTLƏRİ. GÖRÜNTÜ. SƏS. İŞIQ GÖRÜNTÜ PLANLARININ SEÇİLMƏSİ III BÖLÜM GÖRÜNTÜ PLANLARININ SEÇİLMƏSİ Plan ayrıca kadrda diqqətə yetirilən təsvirin məzmunudur. Planlar böyüklüyünə və quruluşuna görə fərqlənir. İstənilən kadrın ən vacib özəlliyi, lap az da olsa, hərəkətli olmasıdır. Kadr canlı olmalıdır, yoxsa cansız rəsmi xatırladar. Hətta adi yarpağı küləkdən titrəyərkən çəkmək, donuq durumda çəkməkdən daha yaxşıdır. Kadrda hərəkətlilikdən çıxış edərək çəkiliş planını dörd yerə ayırırlar: 1) Statik (hərəkətsiz) plan. Bu planda hərəkət yoxdur. Belə görüntülərə yalnız xüsusi hallarda telexəbərlərdə icazə verilə bilər, əgər bu kadr tamaşaçıya özlüyündə vacib bir bilgini çatdırırsa. Məsələn, hansısa binanın girişində asılan lövhə və ya yazı. Yəni bəzən hərəkətsiz kadr uyğun psixoloji durumu diqqətə çatdırır. Məsələn, təbii fəlakətdən sonra evləri dağılan boş küçə faciənin miqyasını göstərir, www.fotolia.com/id/101241713 2) Çevik (dinamik) plan. Bu plan da statik kamera ilə çəkilir, amma bəzi təbii hərəkətləri də diqqətə yetirir. Məsələn, dağılmış küçədə özünə yem axtaran ev heyvanını və ya qohumları tərəfindən unudulmuş hansısa tənha qocanı görmək olar. Reportaj janrında çevik planlara daha çox yer verilir, www.youtube.com/watch?v=BYAmNHjYKI8 3) Qurama çevik plan. Burada hərəkətin effekti kameranın hərəkəti nəticəsində (panoram) və ya obyektivin fokus məsafəsinin dəyişdirilməsi ilə (ZUM- la, yəni geriçək-önəçək planlarla) yaradılır. Reportajda qısa panorama nisbətən çox rast gəlinir və məhz qısa gəzişmə-planlar qəbuledilən sayılır. Panoram tam bitməlidir: kamera xəbərin məzmununa uyğun şəkildə, hərəkəti hansısa bir obyektdən başlayıb digər bənzər obyektin üzərində dayandırmalıdır. Məsələn, danışan adamdan başlayıb, dinləyən adamda bitirməlidir, www.youtube.com/watch?v=OewIg1-6tsk 4) Kombinasiyalı çevik plan. Bu zaman hərəkətin təbii və süni kombinasiyası nəzərdə tutulur (şaquli və üfüqi gəzişmə). Məsələn, ən adi misal: kamera hərəkətdə olan obyekti izləyir. Yəni kamera da hərəkətdədir. O, hərəkətdə olan obyektlə paralel hərəkət edir və “gördüklərini” görüntüləyir, www.youtube.com/watch?v=QPK8OtwvdOM Planlar böyüklüyünə görə bir neçə yerə bölünür: LİP (lap iri plan və ya detal plan, ayrıntının görüntüsü). Hansısa kiçik bir detala diqqət yetirməkdən ötrü istifadə olunur. Məsələn, müsahibin qaçan gözləri, sualı cavablandırmaqdan yayınmasını əks etdirən üz cizgiləri və ya ağır bir faciəni yaşamış qadının yanaqlarından süzülən göz yaşları. İri plan (portret plan). Bu plan, adətən, müsahibədə istifadə olunur. Tamaşaçının diqqətini cəlb etmək üçün hansısa görüntünü ümumi fondan ayırmaq üçün də iri plandan yararlanırlar. Birinci orta plan (orta, iri və ya ağ). Bu plan bir kadrda iki obyekti və ya bir obyekti elə nümayiş etdirir ki, ətraf fonda, eləcə də yaxınlıqda olan kiçik obyektlər də görünsün. İkinci orta plan (orta və ya qurşağa qədər). Bu plan bir kadrda iki və ya üç obyekti nümayiş etdirir və insan bədəninin qurşağa qədər hissələrini göstərir. Orta ümumi plan. Bu plan bir kadrda iki və ya üç obyekti elə nümayiş etdirir ki, ətraf fonda, eləcə də yaxınlıqda olan kiçik obyektlər də görünsün. Ümumi plan. Bu plan insanı ətraf fonda və ya hərəkət yerində boyu uzunu göstərir. Ümumi uzaq plan. Bu planda obyekt ya uzaqdan, ya da yüksək bir nöqtədən çəkilir. Bu plan çoxsaylı obyektləri göstərmək üçündür. Uzaq plandan, adətən, nümayiş və mitinqlərdə insanların sayını və ya məkanın miqyasını göstərmək üçün istifadə olunur. Planlar quruluşuna görə yaxın, orta və uzaq növlərinə bölünür. Bu hallarda obyektin kadrdakı quruluşu da öndə, ortada və kadrın arxa fonunda olur. eot-su.livejournal.com/251387.html Ümumi plan 29 III BÖLÜM TELEXƏBƏRÇİLİYİN TEXNİKİ ELEMENTLƏRİ. GÖRÜNTÜ. SƏS. İŞIQ GÖRÜNTÜ PLANLARININ SEÇİLMƏSİ LİP (lap iri plan və ya detalplan, ayrıntının görüntüsü). İri plan (portret plan). İkinci orta plan Birinci orta plan Ümumi uzaq plan Orta ümumi plan YADDAŞ • Detal, ayrıntı, (LİP). Ən iri plan görüntünün bir detalını ayırır. • Üz, çox iri plan, (ÇİP). Alının ortasından çənənin ortasınadək üz görünür. • Baş, portret planı, (PP). Kadrda bütövlükdə baş görünür. • İri plan, (İP). Kadrda baş və çiyinlər görünür. • Orta-iri plan, (OİP). Kadrda insan fiquru sinənin üst yarısınadək görünür. • Birinci plan, (1P). Kadrda insan fiquru qurşağadək görünür. • Orta plan, (OP və ya ¾ plan). İnsan fiquru dizlərinədək görünür. • Orta-ümumi plan, (OÜP). Kadrın yuxarısında və aşağısında azacıq boşluq olmaqla, insan fiquru bütövlükdə görünür. • Ümumi plan, (ÜP). Kadrda insan fiquru ekranın hündürlüyünün 3/4-dən 1/2-dək məsafəsində görünür. • Uzaq plan, (UP). İnsan fiquru ekranın hündürlüyünün yarısından az ölçüdə yer tutur. Yüklə 83,66 Kb. Dostları ilə paylaş:
|