383
Fəsil 13. Böyrəkköçürmə
aktiv fazada olan autoimmun xəstəliklər (qırmızı qurd eşənəyi, Vegener
qranulomatozu) böyrək transplantasiyasına nisbi əks-göstəriş hesab
olunurlar.
Hiperhidratasiya, hiperkaliyemiya, turşu-qələvi müvazinətinin
vəziyyə tinin pozğunluqları HD, yaxud PD ilə korreksiya edilir,
AH nəzarətə alınır. Dializ müalicəsinin davamiyyəti xəstənin tibbi
reabilitasiyasının əldə olunmasından asılıdir, amma bu dövr 3–5
ildən artıq olmamalıdır, çünki bu, transplantatın ayrılması riskini
artırır, resipientin HBV, HCV ilə infeksiyalaşmasına səbəb ola bilir.
Renovaskulyar mənşəli nəzarət olunmayan AH olduqda böyrək
arteriyası stentlənir, angioplastika, yaxud nefrektomiya olunur. EPO
və dəmir preparatları istifadə etməklə anemiya aradan qaldırılır, fosfor-
kalsium mübadiləsi requlə olunur, lazım gəldikdə paratireoidektomiya
edilir.
HBV qarşı vaksinasiya edilir, burun-udlaqda sanasiya aparılır, SYİ
müalicə edilir (stafi lakokk gəzdiriciliyi ləğv olunur), infeksiyalaşmış
kistalar olduqda polikistoz xəstəliyində binefrektomiya edilir.
Potensial resipientin müayinəsi ambulator və ya stasionar
şəraitdə aparılır.
Böyrək resipientinin müayinəsi:
1. Ümumi kliniki müayinə;
2. Qanın ümumi müayinəsi, leykoformula, trombositlər;
3. Sidiyin ümumi müayinəsi, Zimnitski, Neçiporenko sınaqları,
kreatininin klirensi;
4. Qanın biokimyəvi müayinəsi – sidik cövhəri, kreatinin, elektro-
litlər, qələvi-turşu müvazinəti, bilirubin, ümumi zülal, xolesterin,
triqliseridlər, qlükoza, ALT, AST, hepatit B, C, HİV, sitomeqalovi-
rus, venerik xəstəliklərə görə testlər, koaquloqramma;
5. Mantu sınağı;
6. EKQ, kardioloqun müayinəsi;
7. Qarın boşluğu orqanlarının USM;
384
Dializ
8. Yuxu arteriyalarının doppler USM, bud arteriyasının doppler
USM;
9. Döş qəfəsinin rentgenoqramması;
10. Dişlərin və başqa mümkün infeksiya ocaqlarının sağ-
lamlaşdırılması;
11. Qastroskopiya (lazım olduqda), 50 yaşdan yuxarı - kolo nos-
kopiya;
12. Sistoqrafi ya, lazım olduqda urodinamika;
13. İmmunoloji müayinə: toxuma tiplənməsi, hər ay;
14. Əsnək möhtəviyyatının və sidiyin əkilməsi, dişlərin müayinəsi.
15. Mammaqrafi ya 50 yaşdan böyük qadınlarda, bütün seksual
aktiv 15 yaşdan yuxarı qadınlarda uşaqlıq boynundan yaxma.
Böyrək xəstəliyinin ilkin diaqnozu dəqiq təyin olunmalı,
sidik yollarının infeksiyası, sidik kisəsinin disfunksiyası, sistem
xəstəlikləri aşkar edilir. Dəqiq fi zikal müayinə nəticəsində ürək-
damar, mədə-bağırsaq, sidik-cinsiyyət xəstəlikləri aşkarlanmalı,
agciyərlərin funksional vəziyyəti aydınlaşdırılmalı, karies dişlər
daxil olmaqla infeksiyanın potensial mənbəyi tapılmalıdır. Xəstə
yaxın, uzaq nəticələr və ağırlaşmalar haqqında məlumatlandırılır.
Qadınlar üçün hamiləlik testi aparılır.
Obstruksiyası və ya sidik kisəsi–sidik axarı refl yuksu olan
xəstələrdə sistoureteroqrafi ya aparılır. İkitərəfl i nefrektomiya hazırda
az hallarda, o da xüsusi göstərişə görə, aşağıdakı hallarda aparılır: sidik
yollarının davamedici infeksiyası, ağrı sindromu, infeksiya, qanaxma
ilə müşayiət olunan böyrək polikistozu, böyük ölçülü böyrəklər, sidik
kisəsi–sidik axarı refl yuksu, Qudpasçer sindromu olduqda. Qalça
arteriyasının vəziyyətini dəqiqləşdirmək üçün (stenoz, kalsifi kasiya)
aşağı ətrafl arın Doppler müayinəsi və lazım olduqda aorta-qalça
seqmentinin arterioqrafi yası edilir.
İmmunoloji tipləndirmə
Resipientin və donorun uyğunluğu ilkin olaraq qan qrupu ABO
sistemi və rezus-faktora görə təyin edilir. İnsan Leykosit Antigen siste-
mi A, B, C və DR lokusları üzrə müayinə olunur. Böyrəkköçürmədə
385
Fəsil 13. Böyrəkköçürmə
ABO sistemi üzrə uyğunluq mütləq vacib şərtdir, çünki hətta ailə
üzvləri arasında bu şərti gözləməyib transplantasiya etdikdə nəticə
yaxşı olmur. Anticisim sensibilizasiyası resipient zərdabında T və B
limfositlərə qarşı sitotoksik anticisimlərin təyin olunması ilə ölçülür.
Pasientin güclü sensibilizasiyası krossmatçı mənfi meyit böyrəyinin
tapılması müddətini uzadır. Böyrəkköçürmədən qabaq son T (və
bəzən B) krossmatçı aparılır, donor üçün spesifi k anticisimlər identi-
fi kasiya olunur. Bu testin mənfi olması ildırımsürətli ayrılma sindro-
munun baş verməyəcəyinin göstəricisi sayılır.
Əməliyyatönü hazırlıq böyrəkköçürmədən qabaq xəstənin
vəziyyətinin optimizasiyasına xidmət etməlidir. Əməliyyatdan
6-12 saat əvvəl xəstəyə hemodializ aparılır, turşu-qələvi və elek-
trolit müvazinəti normalaşdırılır. Hipotenziv dərmanların qəbulunu
xəstələr davam etməlidirlər. ÜİX olan pasientlərə (çox halda sol ko-
ronar arteriya zədələnir) əməliyyata qədər revaskulyarizasiya və ya
angioplastika edilir. Əksər xəstələrdə anemiya (Hb səviyyəsi 60-80
q/l) olmasına baxmayaraq onlar anesteziyanı yaxşı keçirirlər və ona
görə də əməliyyatdan qabaq qan köçürmək zəruri sayılmır.
Resipientin əməliyyata hazırlanması
1. 1 l uyğun qrup qan hazır qoyulur.
2. 24 saat qabaq dializ aparılır.
3. Dializdən qabaq və sonra analizlər aparılır.
4. Sandimmun (siklosporin, neoral) 8 mq/kq doza hesablanır.
Doza iki yerə bölünür, səhər(9
00
) və axşam (18
00
) daxilə verilir.
5. Sell Sept standart olaraq 1,0 gündə 2 dəfə səhər (6
00
) və
axşam (19
00
) daxilə verilir. Bəzən Sell Sept yerinə azatioprin 8 mq/
kq dozada iki dəfəyə verilir.
6. Metilprednizolon 500 mq + 100 ml 0,9%-li natrium xlorid
məhlulunda vena daxilinə 1 saat ərzində infuziya edilir, 500 mq
əməliyyat zamanı yeridilir.
7. Sefazolin 1,0 venadaxilinə 6
00
-da birinci doza yeridilir.
Əməliyyatdan sonra, 6 saatdan bir, venadaxilinə yeridilir.
Dostları ilə paylaş: |