56
AY ilə bağlı mövzuya qayıdaraq bir daha demək istəyirəm:
indi heç kim bizim şairləri, yazıçıları, alimləri, deputatları və xalqın
ağsaqqallarını Türkmənbaşını vaxtilə Allah səviyyəsinə qaldıran
türkmən “ayaqqabı yalayanlar”ından zəif və ya istedadsız olmaqda
ittiham edə bilməz!
P.S. Sizin diqqətinizə təqdim etdiyim “AY – Ayaqqa-
bı yalayanlar” bölməsindən parçalar “Jas Alaş”, “Свобода
слова”, “DAT” qəzetlərində çap edilib. Oxucuların qəzetlərin
bu saylarına marağı xüsusilə böyük olub. Sovet dönəmində
Stalinin 25 ildən çox sürən hakimiyyəti illərində əgər şəxsi-
yyətə pərəstiş özünün ən yüksək həddinə çatmışdısa, ondan
heç də geri qalmayan Xruşov və Brejnevə pərəstişin miqyası
da kiçik deyildi. Bu gün isə Qazaxıstan “rəhbərinin” tərifl ən-
məsi stalinsayağı şəxsiyyətə pərəstiş kultunun yeni forma-
larının axtarışından başqa bir şey deyil. Amma, məndə olan
informasiyaya görə, dövlət başçısı “Ayaqqabı yalayanlar”-ı
oxuyandan sonra əvvəlcə hirslənib, sonra isə onun küçələrdə-
ki portretlərinin sayını azaltmaq barədə göstəriş verib. Bu
yaxınlarda maşınla Almatıdan Şımkentə getdik. Yol boyu yal-
nız üç-dörd yerdə prezidentin portretlərini gördük. Mən Milli
liderin bu göstərişindən məmnun qalmışdım.
57
QOPMUŞ DÜYMƏ
Bir dəfə Hitlerdən - 60 milyon insanın vaxtsız ölümünə səbəb
olmuş şəxsdən soruşurlar: “Şərqdə istila etdiyimiz xalqlara qarşı si-
yasətimizi necə quracağıq?” O, belə cavab verir: “Onları səhərdən
axşama kimi müxtəlif səslərin içində saxlamaq və kitab oxumaları-
na imkan verməmək lazımdır. Çünki, küyə düşmüş, mənəviyyatsız
adamlar özlərini həmişə xoşbəxt hiss edirlər”. Sonralar alimlər Hit-
lerin bu dediklərini yoxlamaq üçün belə bir eksperiment keçirdilər.
Pelopennes adası sahillərində delfi nlər üçün çox yüksək səslə müa-
sir, coşdurucu musiqi qoşurlar. Nəticədə kakofoniya səslərindən
ağıllarını itirmiş, sanki sərxoş olmuş delfi nlər özlərini sahilə atırlar.
Bəli, bu gün Hitlerin arzuları reallığa çevrilib. Əgər bu gün
müasir musiqini iki qrupa bölsək – insanı xeyirxahlığa səsləyən və
əksinə - Adəm və Həvvanın davamçılarının mənəviyyatını pozan,
onu coşduran musiqi, əminliklə demək olar ki, sonuncu artıq bütün
dünyanı fəth edib. Bizim ölkələrimizdə - Qazaxıstan və Qırğızıstan-
da da kitab oxumağa əvvəlki həvəs qalmayıb. Yəqin ki, heç kim
bütün Sovet İttifaqını qorxu içində saxlayan totalitar bir sistemi təri-
fl əmək istəməz. Amma, etiraf etmək lazımdır ki, o vaxt mənəviyyata
xüsusi qayğı, diqqət yönəldilirdi. O dövrdə Aytmatovun az qala
yarım milyonluq tirajlarla çap olunan kitablarına oxucu məhəbbəti
də insanı heyrətə gətirirdi.
1981-ci ildə Kremldə SSRİ yazıçılar ittifaqının VII qurultayı
keçirilirdi. Fasilə vaxtı biz Çingiz Torekuloviçlə Kreml yaxınlığında
gəzə-gəzə, Qızıl Meydandakı QUM-a (Əsas universal mağaza) gir-
dik. Mən demişdim ki, qalstukum yaddan çıxıb evdə qalıb və təzəsi-
ni almaq istəyirəm. Aytmatov isə təklif elədi ki, gedək alaq. Biz
QUM-a daxil olan kimi ətrafımıza 30-40 nəfər yığışaraq Aytmato-
vdan avtoqraf istəməyə başladılar. Qısa müddət ərzində bu adamların
sayı 200-250 nəfərə çatdı. Çoxları mağazanın birinci mərtəbəsindəki
kitab şöbəsinə qaçaraq Aytmatovun kitabını alır və bizim yanımıza
qayıdırdı. Çox keçmədən QUM-un direktorunun bizim qarşımızda
58
peyda olması göstərdi ki, “Aytmatov buradadır” pıçıltılarının sədası
ona da çatıb.
- Hansı malla maraqlanırsınız? Ünvanı deyin və biz
sizə lazım olan hər şeyi ora çatdırarıq – o dedi.
- Yox-yox, heç nə lazım deyil, biz Qızıl meydanda
gəzirdik və fi kirləşdik ki, bura da girək, - deyə Şıken cavab
verdi.
Bizi əhatəyə alan insanların isə bəziləri Aytmatovun əsərlərinə
heyran olduqlarını bildirir, digərləri indi hansı əsərin üzərində
çalışdığını soruşurdular. Birtəhər qabağa keçməyə çalışaraq kimi
özü üçün, kimi də oğlu, qızı və ya nəvəsi üçün sevimli yazıçının
imzasını almaq istəyirdi. Nahar fasiləsi sona çatırdı. “Bağışlayın,
biz qurultaya gecikirik”, - deyə mən qışqıraraq, çətinliklə də
olsa Şıkeni kütlənin içərisindən çaxara bildim. İnsanların böyük
bir qrupu düz Kremlin darvazasına kimi bizim arxamızca gəldi.
Yalnız burada, darvazanı keçəndən sonra gördük ki, Aytmatovun
plaşının bir düyməsi qoparılıb...
59
İKİ PREZİDENTLƏ BİRLİKDƏ VƏ YA
JAMBILIN BAYRAMINDA KƏDƏR
Mən Qazaxıstanın Qırğızıstandakı Fövqəladə və Səlahiyyətli
Səfi ri olanda Qırğızıstan Respublikasının Prezidenti Əskər Akayev və
Çingiz Aytmatovla mən Jambıl Jabayevin 150 illik yubileyinə dəvət
olunmuşduq. Əvvəlcə biz prezidentin Almatıdakı administrasiyasına
getdik. Oradan isə Jambıl rayonunun mərkəzi – Uzınaqaş qəsəbəsinə
yollandıq. Yol polisi bizi motosikletlərdə müşayiət edirdi. Birinci
maşında prezidentlət Nursultan Nazarbayev və Əskər Akayev
gedirdilər. Aytmatovla mənim oturduğum avtomobil isə ikinci sırada
idi. Uzınaqaşın mərkəzinə yaxınlaşdıqda biz dayandıq, prezidentlərin
maşını isə yoluna davam elədi. Onları meydana yığışan minlərlə
insan alqışlarla qarşılayırdı. Bir qədər sonra bizə də getməyə
icazə verdilər. Biz Aytmatovla maşından çıxanda bütün meydan
hamılıqla sürəkli alqışlarla bizi qarşıladı. Hər tərəfdən üstümüzə
alqış və xoş arzular yağışı yağırdı. Alqışlar beş dəqiqəyə yaxın, biz
meydandan növbəti küçənin tininə, prezidentlər olan yerə çatana
kimi davam elədi. Düşünürəm ki, camaatın bizə yönələn alqışları
prezidentlərə ünvanlanan alqışlardan daha çox olmuşdu. Çünki,
onların ətrafındakılar bizə kinli baxışlarla baxırdılar. Bir qədər sonra
Qazaxıstanın dövlət katibi Axmetjan Yesimov bizə yaxınlaşaraq
məni kənara çağırdı:
- Muke,
yaxşı olar ki, siz Aytmatovla dərhal Jambılın muzeyinə
gedəsiniz, sizə bu toplantıda iştirak etmək vacib deyil. Prezidentlər
də bir saatdan sonra ora gələcəklər.
Əvvəlcə mən belə qəfi l təklifi rədd etmək istədim, amma sonra
başa düşdüm ki, bu prezidentin yaxınlarının ideyasıdır. Onların
düşüncəsinə görə, xalq ən böyük hörmət və ehtiramı hökmdarlara
göstərməlidir, başqasına yox. Hətta, bu başqası Aytmatovun özü olsa
belə...
Mən Aytmatova deyəndə ki, biz Jambılın muzeyinə getməliyik,
o, uşaq kimi incidiyini gizlətmədi:
Dostları ilə paylaş: |