anahİt danİelyan, əlaqələndırıcı
(dağlıq qarabağ)
“sTePANAKeRT MƏTBuAT KLuBu”NuN JuRNALısTı
ən sevimli filimləri: “Qozun möhkəmi” və
“8-ci kilometrdə”
“Mən bu filmləri çox bəyənirəm”.
Biz bu filmləri Qarabağın demək olar ki,
bütün bölgələrində nümayiş etdirdik. Biz
öz qarşımıza məqsəd qoymuşduq ki,
filmlərin nümayişini ucqar ərazilərdə,
həmçinin əsas şəhər və kəndlərdə təşkil
edək. Biz seansları müxtəlif yerlərdə –
məktəb, incəsənət klubları və
kinoteatrlarda təşkil etmişik. Bir dəfə yay
düşərgəsində filmləri açıq havada
nümayiş etdirdik.
İlk başda bu növ film nümayişlərinin
müharibədə birbaşa iştirak etmiş
tamaşaçı auditoriyasının kəskin etirazına
səbəb olacağını düşünürdük. Amma il
yarımdan çoxdur ki, biz filmləri nümayiş
etdirirdik və bu dövr ərzində insanların
əslində həm Azərbaycan, həm də erməni
filmlərinə baxmağa maraq göstərdiyini,
nümayişdən sonra isə aparılan qızğın
müzakirələrə qatılmaqdan zövq aldığını
müşahidə etdik.
İlk öncə auditoriyanın növünü və yaş
qrupunu nəzərə almaqla göstərəcəyimiz
filmi müəyyənləşdirirdik. Biz hər zaman
iki tərəfin də filmlərini nümayiş etdirirdik.
seansdan sonra aparılan müzakirələr
adətən çox qızğın keçirdi və bir çox
hallarda filmin mövzusundan xeyli kənara
çıxırdı. Hamı ən mürəkkəb məsələni –
Qarabağ münaqişəsinin həll yollarını
müzakirə etmək istəyirdi. Bu səbədən,
bəzən tədbirdən əvvəl planlaşdırdığımız
suallar və müzakirə etmək istədiyimiz
məqamlar arxa planda qalırdı.
Auditoriyada bəzən filmdəki
qəhrəmanlarla eyni taleyi yaşamış
tamaşaçılar da olurdu. Belə ki, onlar və
ya onların qohumları filmlərdəki
qəhrəmanlar kimi həyatda çətin seçimlər
etmək məcburiyyətində qalmışdılar. Bu
xüsusilə də, qarışıq nikahda olan və ya
əsir götürülən insanlara aid idi.
ümumilikdə, Qarabağ auditoriyası “Kino
dialoqları” layihəsinə müsbət münasibət
göstərdi. Müzakirələrdə iştirak edənlərin
əksəriyyəti hesab edirdi ki, bu filmlərdə
qarşı tərəfdə insanların nə düşündüyü,
keçmişə və gələcəyə baxışları həqiqətə
uyğun şəkildə təsvir edilib. Onlar
həmçinin bu filmləri azərbaycanlı
tamaşaçılara Qarabağdakı həyatın
reallıqlarını göstərmək baxımından
əhəmiyyətli hesab edirdilər. Bununla da
azərbaycanlı tamaşaçılar deyilənlərin
əksinə olaraq Qarabağdakı insanların
vəhşi olmadığını, müharibədən sonra
burada həyat səvviyəsinin yüksəldiyini,
infrastrukturun bərpa olunduğunu
görəcəklər.
Məsələn, “Düşmənim mənim, dostum
mənim” kimi filmlər olduqca qarışıq
hisslərin yaranmasına səbəb oldu. Belə
ki, müharibə əsir və girovları ilə necə
rəftar olunduğunu bilmək onlara ağır
gəlirdi. Xüsusilə də əvvəllər əsir və girov
həyatı yaşayan insanlar bu mövzuda
ətraflı danışmaq istəmirdi.
Film münaqişənin hər iki tərəfinin bəhs
etdiyi hadisələrdən ibarət olmasına
baxmayaraq, auditoriya onu bitərəf kimi
qəbul etməkdə çətinlik çəkirdi. Onlar
narahat idilər ki, azərbaycanlı əsirlərin
danışdıqları hadisələr ermənilərin daha
təcavüzkar olması barədə təəssürat
yaradacaq.
Qarabağın əksər əhalisi öz evlərində
Azərbaycan telekanallarına baxa bilir.
Bəzi tamaşaçılar qeyd etdi ki,
Azərbaycan filmlərindəki bəzi
qəhrəmanların dediklərində həmin
kanallarda yayımlanan rəsmi müharibə
ritorikasını seziblər. Onlar narahat idilər
ki, bu cür ritorika daimi sülhü daha da
əlçatmaz edir.
Bəzən mənə “Kino dialoqları” layihəsinin
məqsədi haqqında sual verirlər. Mən bu
suala belə cavab verərdim: zənnimcə, bir
vaxtlar Qarabağda heç kim bu növ
filmlərə baxmağa hazır deyildi. Amma
indi vəziyyət dəyişib və insanlar qarşı
tərəf haqqında məlumat almağa maraq
göstərirlər. Vaxtıilə müharibə aparmışıq,
amma indi biz bir-birimizlə danışmaq və
birlikdə işləmək yollarını tapmalıyıq.
zənnimcə, birlikdə yaşamaqdan
danışmaq üçün hələ çox tezdir. Bunun
baş verməsindən öncə görüləcək çoxlu
işlər var. Amma bu filmlər bizə birlikdə
işləməyin mümkün olduğunu göstərdiyi
üçün böyük əhməyyətə malikdir.
47
2-Cİ HİssƏ
İzahlı lüğət
de Fakto / de yure
De fakto dövlət: bir sıra dövlətçilik
əlamətlərinə malik olmasına
baxmayaraq, beynəlxalq ictimaiyyət
tərəfindən rəsmən tanınmayan dövlət.
De yure dövlət: digər dövlətlər
tərəfindən tanınan və onlarla diplomatik
əlaqələr qura bilən dövlət.
avropa bİrlİyİnİn Xüsusİ
nüMayəndəsİ (european unıon
specıal representatıve)
Avropa Birliyi tərəfindən Cənubi Qafqaz
kimi xüsusi bölgələr və mövzularla
məşğul olmağa səlahiyyət verilən xüsusi
nümayəndə.
keçİd statusu (ınterıM status)
Münaqişənin həll olunması üçün baza
prinsipləri üzrə ilkin müqavilənin
imzalanması ilə yekun sülh
müqaviləsinin imzalanması arasındakı
dövr ərzində Dağlıq Qarabağ
hökumətinin beynəlxalq səviyyədə
tanınmasını nəzərdə tutan status. Bəzi
məqamları hələ də müzakirələrin
mövzusu olmasına baxmayaraq, bu
termini “de fakto” statusundan “de yure”
statusuna keçid mərhələsi kimi də qəbul
etmək olar.
Məcburİ köçkünlər
Münaqişə nəticəsində öz evlərini tərk
etmək məcburiyyətində qalan, lakin
ölkənin beynəlxalq səviyyədə tanınmış
sərhədlərini keçməyən insanlar nəzərdə
tutulur.
laçın dəhlİzİ
Dağlıq Qarabağı ermənistanla
birləşdirən və Laçının ərazisindən keçən
dəhliz. ermənilərin bu dəhlizdən
keçməsinə zəmanətin verilməsi ideyası
Madrid Prinsipləri çərçivəsində
müzakirə olunur.
azad edİlMİş ərazİlər
Bu termindən adətən erməni
mənbələrində istifadə edilir və
ermənistanın nəzarətindəki Dağlıq
Qarabağ ətrafında yerləşən ərazilərə aid
işlədilir. Onlara bəzən “təhlükəsizlik
zonası” və ya “bufer zonası” da deyirlər.
təMas Xəttİ
ermənistan və Azərbaycan silahlı
qüvvələri arasındakı 160 km
uzunluğunda ön cəbhə xətti.
Madrİd prİnsİplərİ
ermənistan-Azərbaycan arasındakı
hazırkı danışıqların bünövrəsini təşkil
edən baza prinsipləri və ya ideyalar
toplusu. Bu prinsiplər ermənistan və
Azərbaycan xarici işlər nazirləri
arasında keçirilmiş çoxsaylı görüşlər
-“Praqa Prosesi” nəticəsində
formalaşmış və 2007-cı ildən etibarən
müxtəlif formalarda müzakirə
olunmuşdur. Əsas təkliflər ərazilərin
boşaldılması, sülhməramlı qüvvələrin
yerləşdirilməsi, məcburi köçkünlərin
geri qayıtması, Laçın rayonunda dəhlizin
yaradılması və Dağlıq Qarabağın statusu
ilə bağlı referendumun keçirilməsindən
ibarətdir.
dağlıq qarabağ
Əsasən keçmiş Dağlıq Qarabağ Muxtar
Vilayətinin (DQMV) tərkibindəki ərazilərə
şamil edilir. Əhalisinin əksəriyyəti yerli
ermənilərdən ibarət olan bu muxtar
vilayət 1923-cü ildə Azərbaycan sovet
Respublikasının sərhədləri daxilində
yaradılıb. 1989-cu ildə Dağlıq Qarabağda
189.000 nəfər (erməni 76.9%, və
azərbaycanlı 21.5%) yaşayırdı. ermənilər
Dağlıq Qarabağı orta əsrlərdəki adı ilə
Artsax və ya Dağlıq Qarabağ
Respublikası (özünü keçmiş DQMV
ərazisində suveren hakimiyyət elan
etmiş və ətraf rayonlara qoşunlar
vasitəsilə nəzarət edən de fakto dövlət)
adlandırırlar. Azərbaycanlılar isə bu
ərazini “Dağlıq Qarabağ” adlandırırlar.
avropa təhlükəsİzlİk və
əMəkdaşlıq təşkİlatı (atət)
Avropa Təhlükəsizlik və Əməkdaşlıq
Təşkilatı Minsk qrupu vasitəsilə Qarabağ
münaqişəsində vasitəçilik edir.
Təşkilatın ermənistan və Azərbaycan da
daxil olmaqla 57 üzvü var. Danışıqlarda
vasitəçilikdən savayı ATƏT təmas
xəttində monitorinqlər aparır və bəzən
də Dağlıq Qarabağ ətrafındakı rayonlara
məsələn, məskunlaşdırma məsələsi
kimi bir sıra vacib məsələlərlə bağlı fakt
araşdırıcı missiyalar göndərir.
Mınsk qrupu
ermənistan və Azərbaycan prezidentləri
arasında aparılan danışıqlarda
vasitəçilik üçün yaradılan diplomatik
qrup. Minsk qrupuna Fransa, Rusiya və
Amerika Birləşmiş ştatlarının
nümayəndələri olan üç həmsədr
rəhbərlik edir.
İşğal edİlMİş ərazİlər
Bu termindən istifadə edərkən
Azərbaycanda ermənistanın nəzarətində
olan Dağlıq Qarabağ və onun ətrafındakı
ərazilər nəzərdə tutulur. Beynəlxalq
ictimaiyyət tərəfindən bu termin adətən
erməni silahlı qüvvələrinin nəzarət
etdiyi Dağlıq Qarabağ ətrafındakı
ərazilərə aid edilir.
paket həll planı
1990-cı illərdə Dağlıq Qarabağ
münaqişəsinin həll olunması üçün təklif
edilən üsullardan biridir. Bu yanaşma
status da daxil olmaqla, bütün mühüm
problemlərin eyni zamanda həll
olunmasını nəzərdə tuturdu.
Kİno dİaloqları
50