39
pis vəziyyətə saldın. Və bütün bunları deyən də H.Əfəndiyev idi –
atamın əmisi oğlu. Hara gedirdi özüylə Stalinin əsərlərini aparırdı.
Mənim qohumlarım çoxdu, onlar 500-ə qədərdi. Heç
biri məni
qəbul eləmədi. Hətta mənə deyirdilər: sənin diplomun məndə ola, indi
mən nazir idim (ağıl çox azdı!). Və mənə dedilər gəl Ağstafaya,
qurtardı, bəsdi. Sənə burda dərs verək, müəllimliyini elə. Burda nə
fikirləşəsən?! Mənim ömrüm heç qəpiyə də dəyməz, əgər mən 5 il
Moskvada, sonra Bakıda gecə və gündüz düşündüklərimi – İnamımı,
İdrakımı, Mənəviyyatımı, İradəmi ifadə eləyə bilməyəcəmsə. Səbəb-
nəticə məsələsi var, məntiq var. Belə çıxır ki, mənim işlərim heç
olsun. Heç kəsin müəllimliyini inkar eləmirəm. Amma mənim yolu-
mun yarımçıq qalması, son nəticədə dəyişmə... Bu mənim ləyaqətimə
sığmırdı, mənim vüqarıma sığmırdı. Lakin nə etmək bəs? Sən artıq
“xalq düşmənisən”. Başqa sənətim yoxdu, hərdənbir “Bak. Rabo-
çiy”də kino haqqında resenziya yazırdım (50-yə qədər), onunla birtə-
hər dolanırdım, ev də yox idi, kirayəyə də pul verirdim. Yol bir idi –
aldatmaq, DTK-nı aldatmaq, “alimləri” də aldatmaq və Bakıda
qalmaq.
Dissertasiya yazmaq ən sevmədiyim bir işdi. Vəsiqə almaq.
Tamamilə elə bir şey planımda yox idi. Lakin vəziyyətdən çıxmaq
üçün və elə bir mövzu götürmək ki, o mövzu bunlarınkı olsun,
mənimki olmasın. Lakin içində azdan-çoxdan bir həqiqəti yazmaq.
Və mən Azərbaycan ədəbiyyatındə realizm məsələləriylə bağlı disser-
tasiya yazdım,
birtəhər, güclə-bəlayla. Məni qəbul elədilər disser-
tantlığa. Yazdım, hazır olandan sonra Aslan Aslanov mənim elmi
rəhbərim oldu. Bir cümlə də o, mənə məsləhət vermədi. Hazır olandan
sonra oxudu, xoşuna gəldi, çox şeyləri də bilmirdi. Beləliklə də,
1965-ci ildə Ata oldu fəlsəfə elmlər namizədi. Hətta doktorluq verir-
dilər birdən-birə. Sonra fikirlərini dəyişdilər. Dissertasiyanın müda-
fiəsi bayram idi. Hərçəndi bir şey yoxdu orda, mənim qabiliyyətimdən
aşağıdı. Amma onu deyim ki, Cəlil haqqında, Sabir
haqqında
tamam
təzə ideyalar var idi. Bilirsənmi, İdrakın bir xüsusiyyətidi – ən pis
mövzuda belə nəsə bir yaxşı iş görürsən. Məsələn, orda bir on səhifə
var ki, onları mən
indi də qəbul eləyirəm, o iki yüz səhifənin içində.
Soruşa bilərsiniz ki, nəyə lazım idi bu?! – Ocaq olmazdı onda – mən
40
kəndə getsəydim, əl çəksəydim. Və beləliklə də, bunlarda belə bir
təsəvvür yarandı ki, mən peşman olmuşam guya. Ağıl da azdı. Necə
yəni, mən əqidəmdən əl çəkərəm?! Mən anlamırdım onları, amma
aldadırdım – layiq idilər. Və özləri başladılar (təbiidir ki, görüşsüz-
filansız), rektorluğa təsir etməyə (siz özünüz bilirsiniz ki, o dövrdə
rektorluq DTK-nın köləsiydi, elə indi də elədi) və məni təzədən işə
qəbul elədilər. 1982-ci ilə qədər mən rəsmi tənqidçi, müəllim, elmi
işçi kimi, rəsmiləşmiş bir ziyalı kimi təsdiq olundum. Evləndim, necə
deyərlər, həm də normal bir sovet ziyalısı oldum bunların gözündə.
60-cı ilin mahiyyəti bundan ibarətdir ki, çıxa
bildim mən vəziyyət-
dən və dərslərimi yenə də əvvəlki üsulda davam etdirdim, 70-ci ili
60-cı ildə hazırladım.
Soylu Atalı: Nəhayət, 79-cu ildə “Ocaq” tam qalandı və işığını
ətrafa salmağa başladı. Ocaq işığının gurlaması ilə təqiblər, təzyiqlər
də çoxalmağa başladı. Bu məqam yəqin ki, əsl mənada Atanın
tənhalığı məqamıydı?
Asif Ata: Burda bəzi məqamları təkrar eləmək olar – məqam kimi,
şərhsiz. 76-cı ildə Azərbaycan Dövlət Universitetinin estetika kafed-
rasının nəzdində güc-bəlayla (o dövrdə A.Aslanov idi – hədsiz
dərəcədə qorxaq və onların agenti), aldada-aldada “Estetik və Etik
Tərbiyə Klubu” yarandı, mən də oldum o klubun sədri. Əvvəl göz
yumdular, elə bir şey yoxdu və klubda artıq açıq şəkildə ideyalar
yarandı: marksizm cəfəngiyyatdır, kommunizm sürü üçündür, millət-
lərin bir-birinə qovuşması ölümdür. – Nə olar olar. Bu, cəsarət effekti-
ni artırırdı və kluba hər yerdən – bütün institutlardan gəlirdilər.
Birinci hadisə bu idi və burada qeyd eləmək lazımdır ki, zahirən bu
fikirlər musiqi altında deyilirdi, Əbülfət Əliyev gəlib orda oxuyurdu.
Sonra deyirdi ki, ay Asif müəllim, neyləyirsən, sən
bizi də işə
salacaqsan. Bildim ki, onlar bir-birinə oxşayırlar – Azərbaycan ziyalı-
ları. Qaboyda Kamil gəlib çalırdı. Zahirən doğrudan da estetik klub-
dur, bədiiyyat var. Amma içərisi başdan-ayağa döyüş idi. Sonradan
nə deyildisə, hamısını biz orda demişdik. İntəhası, şöhrəti biz
sevmirik. Xüsusi heç qeyd eləmirik də. O dövrü sizlərdən yəqin ki,
kimsə yazacaqsınız. Lakin 77-ci ildən başladılar klubu yavaş-yavaş
bağlamağa. Əvvəl lampaları söndürdülər, guya ki, elektrik enerjisi
41
çatışmır. Neçə dəfə elan verdik. Amma tədricən klubun yerini bizim
əlimizdən aldılar və bir gün məni yanına çağırdı akademik Bağırov
(rektor). Açıq şəkildə dedi ki: “Bu nədir, mən gəldim, məni içəri
qoymadılar, o qədər adam gəlmişdi ki, bu nə biabırçılıqdır?!” Mən
dedim: “Sən yaxşı rektor olsaydın, özləri çağırıb gətirərdilər kluba”.
Birinci dəfə bu cür toqquşma başladı. İkinci
dəfə dedi ki, a bala, sən
nə eləyirsən, biz uşaqlarımızı saxlamalıyıq. Gördüm bu kimdi – indiki
iqtidarın başçısının qohumuydu. Tamam bir heç idi. Onda biz məcbur
olduq 77-ci ildə (mənim bir pərəstişkarım var Bəhlul adında, qoy onun
adı bilinsin) Bəhlulun təşəbbüsü ilə keçdik “Bilik” Cəmiyyətinə və
burada da biz klub sözünü atdıq, “Ocaq” elan elədik. Və çox gözəl
altı-yeddi ideya izhar olundu, elə orda da “Atalıq” məsələsi yarandı,
ideyaların biçimlərinin müəyyən cəhətləri tapıldı. Səlahəddin (profes-
sor), Vurğun Əyyubov (indi guya lider olub nədi) idi və s. Onlar
sonradan qaçdılar. Təxminən 11 nəfər güclü baxışçı var idi. 82-ci ilə
qədər burda birtəhər işimizi davam etdirdik. 82-ci il iyunun 1-də
Atanı çağırdılar (bilirdim ki, çağıracaqlar). Universitetdə DTK-nın
polkovnikinin sədrliyi ilə partiya iclası keçirildi və Atanı işdən
çıxartdılar, Attestasiya komitəsinə yazdılar ki, mənim diplomlarımın
hamısını alsınlar. Və zahirən guya bununla bağlı olmayan, lakin bu-
nun davamı olan hal ki, ailəni dağıtdılar. Evsiz-eşiksiz qaldım.
Yadımdadı, mənim həyat yoldaşım dedi ki, gəl evi bölək. Mən yalnız
onu dedim ki, Raya, biz 65-ci ildən bir yerdə yaşamışıq, amma təəssüf
ki, sən mənim kim olduğumu hələ də anlamamısan, mən nə dərddə,
sən nə dərddə, nə mal-dövlət?! Dünya tək elə bundan ibarət deyil axı,
əqidə də var axı! Məcbur oldum burda qeyzlə yox, hərarətlə
danışmağa.
Və belə qərara gəldilər ki, Asif Əfəndiyev ölümə layiqdir. DTK-da
mənə deyirdilər ki, biz səni yandıracağıq, onlarda öldürmək yandır-
maqdır. Aparırdılar-gətirirdilər. Yenə fikirləşmək lazım idi. 1982-84-
cü illərdə Ata işsiz, evsiz, lakin fərəhli, vüqarlı – Ömrümün ən gözəl
günləri idi.
Mən nə üçün bu günə düşdüm – əsas var idi. Çünki
mən həqiqət
üçün döyüşdüm, çünki mən deyən olacaqdı. Orda mən onlara bir söz
dedim ki, əsrin sonudur, hər əsrin sonunda dəyişikliklər olur, sizin
42
xeyrinizə olmayacaq. Elə o vaxt mən qorxu-filan tanımırdım. Lakin
onlar mənə dedilər ki, sənin Ocağın artıq qurtardı, daha qalanma-
yacaq. Mən də susdum və Safruhla bu bağda görüşdük. Ocaq başladı.
Aldatdım yenə, yaxşı elədim – şəri aldadarlar. Safruha dedim ki,
Ocağı əsil mənada başlamaq lazımdı, tamam gizli Mərasimli, kitablı,
təqvimli və cəmi üç adam. Qalanı qaçdı. Safruh, Sadiq, Halal, sonra
da Əsil gəldi. Çox təəssüf edirəm ki, Sadiqdən bir şey alınmadı.
Amma o dövrdə Atanın yanındaydı. Safruhun da əvəzi yoxdu.
Birtəhər Ataya ev verdilər (güclə-bəlayla) Əhmədlidə və Safruh da
altıncı mərtəbəyə su daşıyırdı, yemək gətirirdi Ataya. Görürsünüzmü,
Safruhun bəzi nöqsanlarına incə münasibət bəsləyirəm o dövrə görə.
Yatırdı Atayla bir yerdə – belə şeyi unutmaq olar?!
Yox, yaxşı ki, Safruh əvvəlki nöqsanlarının çoxundan əl çəkib.
Onun bircə nöqsanı var: Ruhu qalxır-enir.
Beləliklə də,
yavaş-yavaş mərasimləşdik, artdıq. O ki qaldı sənin o
sualına ki, gedənlər daha çox oldu, bu təbiidi, hünərlilər həmişə az
olub, İdraklılar az olub. Bütün bəşər tarixini vərəqlə, gör neçə adam
həqiqəti deyib?! – 5-10 nəfər. Bəli, yenə gedəcəklər, amma gələnlər
də olacaq. O adam ki, hünərdən həzz alır, o adamın ki, içərisində
daxili qüdrət var, onu öldürsən də, Ocaqdan çıxmaz.
Biz çoxluğa
gərək olan azlığıq. Artacağıq, biz heç zaman çoxluq olmayacağıq. Biz
çoxluğa lazım olacağıq, özümüz isə az olacağıq. Bəşəri irəli aparan
həmişə azlıq olub.
Beləliklə də, 60-84-cü illərin məğzini Ata həyatında belə ifadə
eləmək olar: Daimi Ocaq qalamaq, əvvəl özünün içində, daxilində,
sonra klub biçimində, daha sonra Ocaq biçimində və İnamından bir
saniyə belə əl çəkməmək, bütün çətinliklərin hamısında artmaq, böyü-
mək. Sənə qarşı hücum artdıqca sən balacalaşmırsan, böyüyürsən.
Təhlükədən həzz almaq və son nəticədə Ocağı təsdiq eləmək.
Soylu Atalı: Sabah, Ocağımız daha parlaq yanır – Ata görümün-
də. Mən də buna qəti əminəm...
Asif Ata: Bir neçə mərhələlər olacaq Ocağımızın fəaliyyətində: bir
neçə ilə Azərbaycanın bütün rayonlarında az-çox Ocağın sədası
bilinəcək, Ailələri yaranacaq, bu, yaxın gələcəyin söhbətidir. Bakının
özündə radiolar, televizorlar vasitəsiylə, qəzetlər vasitəsiylə Bakı