35
oldu. Və beləliklə də mənim öz vətənpərvərliyim yarandı ki, onun
indiki vətənpərvərlərə dəxli yoxdu. Azərbaycan
Dünya səviyyəsində
böyükdü. Azərbaycan Füzuli veribsə, Nəsimi veribsə, bu, böyükdü.
Və bugünlə bağlı döyül. Bu, ümumi bir böyüklükdü, həmişəlikdi. Bu
fikir də mənim daxilimdə yarandı. Həmin dövrdə dördüncü bir əməl
də yarandı – dini öyrənmək. Deməli, ədəbiyyat, fəlsəfə, tarix öyrə-
nildi, ümumiyyətlə, humanitar fənlər nə vardısa. Ensiklopediyadan da
istifadə eləyirdim, həm də din. Burda yenə mənim bir sualım ortaya
çıxdı: – niyə bəşər heyvandan uzaq gedə bilmədi, əgər
peyğəmbərlik
olubsa? Axı peyğəmbərliyin guya ki, məqsədi insanı heyvanlıqdan
ayırmaqdı. Moskva çox murdar bir heyvanxanaydı (hər yerdə –
metroda, bağda, parkda cinsiyyət), başdan-ayağa onun göyü də
cinsiyyət idi, yeri də, nəfəsi də. Və mənim azərbaycanlı dostlarım da o
körpülərin altında, üstündə. Burda da yaxşı bir tənhalıq. Mən başladım
peyğəmbərlər haqqında çıxan əsərləri öyrənməyə. Sonra da mən bunu
Bakıda davam etdirdim. Sonra dinlərin tarixini öyrənməyə başladım.
Və bir neçə dəftər də konspekt alındı. Burda da yenə yaxşı adamlar
gördüm, burda da məsələn, İsanın çarmıxını gördüm. Amma burda
dəhşətli bir hökmdarlıq da gördüm, Peyğəmbərin hökmdarlaşması,
əyyaşlaşması, hərəmxanalar, siğələr, eybəcərliklər və yalan – cənnət,
cəhənnəm, o dünya, qismətçilik. Və bütün bunların hamısı, həm
ədəbiyyat, həm fəlsəfə, tarix, incəsənət, həm dinin öyrənilməsi gətirib
məni belə bir fikrə çıxardı ki, bəşər hələ indiyə qədər qaralama
əməliylə məşğul olub: ağ əməllər, tam əməllər, bütöv əməllər hələ
qabaqdadır. Və bu vaxt mənim ürəyimdə, ağlımda
çox təbii şəkildə
belə bir fikir yarandı ki, təzə fəlsəfə lazımdı, təzə İnam lazımdı və bu
işi azərbaycanlı görməlidi, bunu Azərbaycanda başlamaq lazımdı.
Ocaq lazımdı, Ocaq sözü yox idi o zaman. Ruhani İntibah lazımdı,
təzə Peyğəmbərlik lazımdı, ömrü buna həsr eləmək lazımdı.
36
ATALIQ XİLQƏTİ
(IV FƏSİL)
Soylu Atalı: Ali Səcdə, Müqəddəsim!
Asif Ata: Səcdən Ucadı, Oğlum!
Soylu Atalı: 60-cı illər Asif Ata ömrünün, qapalı şəkildə olsa belə,
Ocaq yaradıcılığı idi. Ocaq İdeya biçimində yaranmağa başlayanda
ilk olaraq ictimai qurum adlanan cəfəngiyyatı qorxutdu və Ataya qarşı
hiddət yaratdı. Ata o məqamları necə xatırlayır?
Asif Ata: 60-cı illər, daha dəqiq desək, 60-cı ilin özündə Asif
Atanın tənqidçilik vasitəsilə yaydığı ideyalar DTK-nın nəzərini cəlb
elədi (yumşaq şəkildə desək). O dövrdə hələ Ocaq özü bir biçim kimi
yox idi, amma Asif Əfəndiyev adlı çox populyar bir müəllim var idi
– Rus Dillər İnstitutunda Qərb ədəbiyyatı müəllimi. O, dərslərini
orijinal aparırdı. Ona görə də dərslərinə başqa
yerlərdən də gəlirdilər,
hətta rayonlardan gəlirdilər. Qərb ədəbiyyatının özü çox maraqlı bir
fəndi, orda böyük şəxsiyyətlər var: Bayron var, Şekspir var. Onlar
mənə çox lazım idilər ki, özümün artıq içimdə qımıldayan ideyaları
onların vasitəsilə – dahilərin vasitəsiylə, ədəbiyyatın vasitəsiylə –
deyəm. Alınırdı. Şekspirdən biz İnam fəlsəfəsi üçün istifadə eləyirdik.
Bayrondan istifadə eləyirdik, Heminqueydən istifadə eləyirdik.
Proqram-filan hamısı rədd olmuşdu. Proqramsız dərs deyirdi Ata.
Vəhy gəlirdi, Vəhy həmişə Atanın qolundan tuturdu. Bir saat necə
gəlib keçirdi, heç kəs bilmirdi. Amma narahatlıq başlamışdı ki, bu nə
deyir, nə danışır. Necə yəni sosializm heçdi, nəyinə lazımdı bu?
Bayronun bəs buna nə dəxli var?! Amma hələ ki, DTK-ya gəlib çat-
mamışdı o hadisələr tam. Hər halda, institut miqyasında, direktorluq
miqyasında, partkomluq miqyasında bu narahatlıq gündən-günə artır-
dı, hiss olunurdu – salamın soyuq verilməsində, “pıçı-pıçılarda”,
kafedrada hücumlarda, hələlik bir siyasi təzyiq yox idi. Ancaq mən
1959-cu ildə “Literaturnıy Azərbaycan” jurnalında “Tənqid və
Zəmanə” məqaləsini yazandan sonra vəziyyət çox gərginləşdi. Və
mən burda sentimentallığa qapılmaq
istəmirəm ki, mən cavan idim.
Adiləşdirmək istəmirəm söhbəti.
37
“Tənqid və Zəmanə” məqaləsində söhbət zahirən tənqiddən gedirdi
– Məmməd Arifdən, Məmməd Cəfərdən, Hüseyn Mehdidən. O
dövrün “böyük tənqidçilərindən” gedirdi söhbət. Zahirən söhbət ondan
gedirdi ki, Azərbaycanda tənqid yoxdu, burda beşinci sinfin təhlili var
– bu əsər filan şeyə əsasən yazılıb, filan il yazılıb və s. Və bunun
səbəbi o idi ki, cəmiyyət özü imkan verirdi ki, belə adamlar akademik
olsun. O dövr üçün bu, sensasiya idi. Təzə tənqid lazım idi, fəlsəfi
tənqid lazım idi, fikir lazım idi, çətin işdi.
Məqsədim isə tənqid məsə-
ləsi deyildi. Məqsədim artıq başlamaq idi. Antikommunist, anti-
marksist, pantürkist, klerikalist – hansı adlar qalmadı ki, mənə veril-
məsin! Mən o adlarla fəxr edirəm. Amma onlar bunu dəhşət hesab
edirdilər. Əvvəl bu məqaləni azərbaycanca yazmışdım. “Azərbaycan”
jurnalında bunu çap eləmədilər, necə yəni M.Arif heçdi?! Deyirdilər, a
balam, M.Arifin əsərlərini oxu da. O qədər bunlara təsir eləmişdi bu
yazı (o qədər də həcmi böyük deyildi), xüsusi plenum çağırdılar
1960-cı ildə. Ondan sonra birinci dəfə mən gəldim dərsə, heç kəs
mənə qulaq asmırdı, narahatlıq vardı. Biri utana-utana dedi ki, Asif
müəllim, bəs sizin adınızdan məqalə çıxıb, sizi revizionist adlandırır-
lar. Bu nədi: nə biabırçılıqdı, biz protest eləyəcəyik və s. Mən də
dedim ki, uşaqlar, bu məqaləni sizə oxuyacam. Arqumentləri nəydi,
bizim böyük, ağsaqqal tənqidçilərimizə qarşı hücum eləyir, bu pis
tendensiyadı, özü də marksizmi reviziya eləyir. Bütün Azərbaycan
ədəbi ictimaiyyəti etirazını bildirir və belə hesab eləyir ki, bu yazı
pislənməlidir. Ondan sonra plenum o məqaləyə həsr olunub (Məni
plenuma çağırmamışdılar – “mən günahkaram”). Necə qorxurdular
Ali tənqiddən! Çünki görməmişdilər. Bu, hələ əvvəli. O qədər Atanın
həyatında
gərgin anlar olub ki, bununla qurtarsaydı, heç bu söhbəti
açmazdım.
Hadisə təxminən yanvar ayında idi, yanvarda həm də tətil olur.
Mən getdim Ağstafaya. Bakıda mənim bir əmim vardı, Həmid
Əfəndiyev – marksist fəlsəfəçi – əzbərçi. Onun da hörməti çox idi,
çünki elmlər namizədi idi (guya çox böyük bir iş imiş alim olmaq).
Zəng eləyir atama ki, Asif gəlsin, onu axtarırlar (atama baxıram, sifəti
dəyişib, yerə-göyə sığmayan narahatlıq vardı). “Niyə axtarırlar, necə
axtarırlar?” Telefon söhbəti deyil, tez gəlsin. Bunun mənə heç bir
38
təsiri olmadı, mən özümü belə şeylərə hazırlamışdım. Çünki mən
təhlükədən ləzzət alıram, təhlükə mənim üçün mey idi, elə indi də.
Gəldim Bakıya və getdim instituta. Heç kəs mənə salam vermir,
hamı məni görəndə qaçır. Ziyalı necə heç imiş, necə qorxaq, necə
riyakar, fikrini dəyişən!.. Mənə dahi deyənlər hamısı məndən qaçırdı.
Getdim kafedraya (kafedra müdiri B.Axundova yəhudi idi, mənə
əvvəllər münasibəti yaxşı idi), o da məndən qaçdı. Dedi ki, tez get,
səni rektorun otağında gözləyirlər. Məndə qəribə gülüş yarandı. Nə
olub axı, ora yüyürürlər, bura yüyürürlər.
Sosializm kapitalizmdən də
zəhlətökən bir komediyadı.
Gördüm rektor, Qulam “Kərimoviç” oturub orda, onun yanında iki
nəfər bic-bic baxan DTK-nın nümayəndələri var idi. Sual başlandı.
Birinci sual bu idi ki, necə olub ki, siz azərbaycanlı ziyalı, Moskva
Ədəbiyyat İnstitutunu bitirən şəxs bizim əqidəni yaymaq əvəzinə, elə
şey yazırsınız ki, sizi Türkiyədə Ankara radiosu bizə qarşı çevirir.
Onlar deyirlər ki, sizə imkan vermirlər, talantlı adamsınız və s. Mən
dedim ki, bu, onu görsədir ki, Türkiyənin əks kəşfiyyatı sizdən ağıllı
işləyir. Bunun mənə nə dəxli var?! O ki qaldı mənim fikirlərimə,
bunlar hamısı həqiqətdi. Bu həqiqət hələ indiyə qədər deyilməyib.
Qərəz, söhbət alınmadı. Pıçıltı başladı, bunu aparaq, aparmayaq.
Onda rektor qeyrətə gəldi və dedi ki, yox, aparmayın.
Mən özüm bu
işlə məşğul olacam və sizə deyəcəm. Bununla da bu məqam bitdi.
Amma əslində 60-cı ildən Atanın təqibi başladı. Sonra 82-ci ildə DTK
mənə dedi ki, biz 60-cı ildən səni izləyirik. Bu məqalədən başladı
təqib. Bütün bu işlər onunla qurtardı ki, məni işdən çıxartdılar və 8 il
çap eləmədilər. Düzdü, mən 60-cı ildən başlamışam çap olunmağa,
amma ümumiyyətlə, mənim çapım çox azdı. 60-cı ildə çap olundum, 8
il çap olunmadım, sonra 8 il çap olundum, 76-cı ildə yenə bağladılar,
90-cı ilə qədər. Məni işdən çıxartdılar, çox çətin vəziyyət əmələ gəldi
və düşünmək lazım oldu. Mənim atama da, anama da böyük hörmətim
var, təmiz adamlar olublar, onların da yaxşı cəhətləri yəqin mənə
keçibdi. Amma bu böyük məsələnin heç birində onlar mənimlə
olmadılar. Onların xatirəsinə, zənnimcə, bu ziyan verməz.
Həqiqət
tarixdi, burda aldatmaq olmaz camaatı. Onların fikri bu oldu ki, a bala,
ayağını yorğanına görə uzat, alınmadı sənin arzuların, sən özünü çox