153
bağlı tədbirlərin keçirilməsi, maliyyə və sənaye qurumlarına tövsiyələrin verilməsi,
iqtisadiyyatda texnoloji tədqiqatların aparılmasının təmin edilməsi kimi vəzifələr qoyur.
Müşahidələr göstərir ki, DBİF nəinki regional sosial-iqtisadi məsələlərin, eləcə də qlobal
miqyaslı iqtisadi problemlərin həllində yaxından iştirak edir, dünya iqtisadiyyatının və
onun inkişaf meyllərinin müəyyənləşməsində mühüm rol oynayır.
Bundan başqa, dünyada London və Paris Beynəlxalq Klubları kimi qeyri-
formal iqtisadi strukturlar da mövcuddur ki, bu klublar hazırda beynəlxalq valyuta
münasibətlərinin formalaşması və inkişafını təmin edir. Dünyanın inkişaf etmiş sənaye
dövlətlərinin təmsil olunduğu bu təşkilatlar əsasən, müxtəlif maliyyə proqramları həyata
keçirir və iqtisadi dirçəlişə nail olmaq üçün kreditlər verirlər.
Qeyri-formal beynəlxalq qurumlardan biri də Beynəlxalq Əmək Təşkilatıdır
(BƏT). Bu təşkilat 1919-cu ildə Versal sülh müqaviləsinin tələblərinə uyğun olaraq
yaradılmış, hazırda isə BMT-nin ixtisaslaşmış qurumu statusunda çıxış edir. BƏT-in
qarşısında dünyada sosial ədalətin təmin olunması, lazımi əmək şəraitinin yaradılması,
fiziki işlə məşğul olan insanların sosial rifah halının yaxşılaşdırılması kimi vəzifələr
dayanır. Bu təşkilatın hər il keçirdiyi Beynəlxalq Əmək Konfransında əmək
münasibətlərində beynəlxalq prinsiplərin və normaların vəziyyətinə xüsusi önəm verilir.
Bu istiqamətdə aparılan müzakirələrin nəticəsində BƏT 170 beynəlxalq konvensiya və
180 tövsiyə qəbul etmişdir. BƏT tərəfindən dünya əmək bazarının tənzimlənməsi üçün
hazırlanan proqramlarda məcburi əməyin ləğv edilməsi, əmək münasibətlərində ayrı-
seçkiliyin aradan qaldırılması, məşğulluq xidməti təşkilatlarının yaradılması, zəruri sosial
təminatların təşkili və s. məsələlər əks olunur. Bu məsələlər həmçinin Beynəlxalq Əmək
Məcəlləsinin əsas prinsiplərini təşkil edir.
1945-ci ildə BMT çərçivəsində yaradılan və hazırda 180-dən çox üzv dövləti
birləşdirən YUNESKO (bu BMT-nin təhsil, elm və mədəniyyət təşkilatıdır) göstərilən
sahələr üzrə beynəlxalq münasibətlərin və dövlətlərarası əlaqələrin inkişafına əsaslı
təsir edir. Bu təşkilat dünyada savadsızlığın ləğv edilməsini prioritet məsələlərdən biri
kimi qiymətləndirir və təhsil, elm, mədəniyyətin inkişafı üçün “Elm, texnologiya və
cəmiyyət”, “İnsan və biosfera” və s. proqramları həyata keçirir. Təşkilatda tərcümə və
informatikaya dair hökumətlərarası proqramlara da geniş yer verilir.
154
BMT: STRUKTURU, MƏQSƏD VƏ VƏZİFƏLƏRİ, FƏALİYYƏTİNİN ƏSAS
İSTİQAMƏTLƏRİ
Ən universal beynəlxalq hökumətlərarası təşkilat 1945-ci il oktyabrın 24-də -
İkinci dünya müharibəsi başa çatdıqdan dərhal sonra yaradılmış BMT-dir. Həmin vaxt
dünyanın 50 ölkəsinin razılığı ilə bu beynəlxalq təşkilatın Nizamnaməsi qüvvəyə minmiş
və sənəd Təhlükəsizlik Şurasının beş daimi üzvü, həmçinin onu imzalayan əksər
dövlətlər tərəfindən ratifikasiya edilmişdir.
BMT-nin yaradılması və Nizamnaməsinin qəbul edilməsi məsələsi San-
Fransiskoda (ABŞ) 1945-ci il 25 apreldən 25 iyuna qədər davam edən konfransda 50
dövlətin nümayəndələrinin iştirak ilə müzakirə edilmişdir. Bu konfrans SSRİ, ABŞ, Çin
və Böyük Britaniyanın təşəbbüsü ilə keçirilmişdir. Hazırda 189 dövlət BMT-nin
üzvüdür. Təşkilata yeni üzvlərin qəbulu Baş Assambleyanın qətnaməsi ilə Təhlükəsizlik
Şurasının tövsiyələri əsasında həyata keçirilir.
Təşkilatın əsas məqsədi beynəlxalq təhlükəsizliyin və dövlətlərarası
əməkdaşlığın inkişafının təmin edilməsidir. BMT dünyada yeganə təşkilatdır ki,
beynəlxalq miqyasda müxtəlif fəaliyyət sahələri ilə bağlı məsələləri araşdırıb qərarlar
qəbul etmək səlahiyyətinə malikdir. Bu təşkilatda təmsil olunan dövlətlər səsvermə
hüquqlarından istifadə edərək müvafiq qərarlar verirlər. BMT-nin Nizamnaməsində üzv
dövlətlərin hüquq və vəzifələri, təşkilatın fəaliyyət istiqamətləri, eləcə də beynəlxalq
münasibətlərin əsas prinsipləri öz əksini tapır. Nizamnamədə bu təşkilata üzvlük
qaydaları, mübahisələrin sülh yolu ilə həlli, beynəlxalq təhlükəsizliyin təmin edilməsi,
beynəlxalq iqtisadi əməkdaşlığın yaradılması kimi beynəlxalq hüquq məsələləri ehtiva
olunur (BMT haqqında daha təfsilatı ilə məlumata “Azərbaycanın BMT ilə əlaqələri”
bölməsinə bax).
REGİONAL TƏŞKİLATLAR VƏ MÜASİR DÜNYA SİYASƏTİ
Müasir dünya siyasətində mühüm rol oynayan qurumların bir qismi ərazi
prinsipinə görə regional təşkilatlar adlanırlar. Bunların sırasında öz funksiyaları ilə
seçilən iqtisadi və sosial təşkilatlar mühüm yer tuturlar. Məsələn, Amerika qitəsində
fəaliyyət göstərən və regional sosial-iqtisadi yüksəlişə nail olmaq məqsədilə yaradılan
Şimali Amerika Azad Ticarət Sazişi (ŞAATS) 1990-cı illərdən başlayaraq mövcud
regionda ölkələrarası iqtisadi əlaqələrin möhkəmlənməsinə çalışır. ABŞ, Kanada və
155
Meksikanın təmsil olunduğu ŞAATS ilk olaraq bu üç ölkə arasında ticarət əlaqələrinin
inkişafına maneçilik törədən səbəblərin aradan qaldırılması yönündə fəaliyyətə başladı.
Əslində bu təşkilatın yaranması hər üç ölkənin iqtisadi maraqlarının uzlaşması və yaxud
üst-üstə düşməsinin nəticəsində mümkün olmuşdu. Məsələn, ABŞ-ın burada əsas
marağı Amerika mallarının ixracını lazımi səviyyədə təşkil etməyə və xarici ticarət
kəsirini aradan qaldırmağa yönəlmişdi. Kanada isə öz mallarını Amerika bazarında
satmaq niyyətində idi. Çünki, 1980-ci illərdə ABŞ-ın ticarət kəsiri ilə üzləşməsi onu
proteksionist siyasət aparmağa məcbur etmişdi. Meksikanın bu sazişə daxil olması isə
onun ABŞ bazarından asılılığı ilə əlaqədar idi. 1990-94-cü illərdə ŞAATS ticarətdə
liberal meylləri daha da gücləndirdi və Latın Amerikası ölkələri də bu sazişə qoşulmağa
başladılar. Sonrakı dövrlərdə ŞAAT-şın əldə etdiyi uğurlar ümumamerika ticarət
zonasının yaradılmasına təkan verdi.
Regional beynəlxalq təşkilatlar içərisində Cənub-Şərqi Asiya Dövlətləri
Assosiasiyası (ASEAN) mövcud regionun sosial-iqtisadi vəziyyətinin dirçəldilməsi,
siyasi və iqtisadi sabitliyin qorunub saxlanılması istiqamətində fəaliyyət göstərir. 1967-ci
ildə yaranan və hazırda 9 ölkəni təmsil edən ASEAN səmərəli təşkilati struktura və iş
prinsiplərinə malikdir. Əvvəllər bu təşkilat siyasi məsələlərə daha çox diqqət
yetirməsinə baxmayaraq, 1990-cı illərdən etibarən Cənub-Şərqi Asiya dövlətləri
arasında ticarət, iqtisadi və maliyyə əlaqələrinin dərinləşməsi, mal və texnoloji
vasitələrin mübadiləsinin təmin olunmasında aparıcı yerlərdən birini tutmağa başladı.
1989-cu ildə yaranan və subregional mahiyyət kəsb edən Asiya-Sakit Okean
İqtisadi Əməkdaşlıq Təşkilatı (ASOİƏT) öz əhatə dairəsinə görə daha geniş bir
quruma çevrildi. Bu təşkilata ASEAN-ın üzv dövlətlərinin əksəriyyəti, ABŞ, Yaponiya,
Kanada, ÇXR, Rusiya Federasiyası və s. dövlətlər qoşulurlar. ASOİƏT üzvləri sosial-
iqtisadi inkişafın səviyyəsinə, həmçinin iqtisadi siyasətin xarakterinə görə bir-birindən
fərqlənirlər. Qurum regionda ticarət və investisiya qoyuluşu üçün azad zonaların
yaradılmasını əsas niyyətlərindən biri hesab edir. Təşkilat regional ticarət
münasibətlərini lazımi inkişaf səviyyəsinə çatdırmaq üçün müxtəlif proqramlar həyata
keçirir.
Regional iqtisadi qurumlar sırasında neft ixrac edən ölkələrin təşkilatı hesab
olunan OPEK xüsusi yer tutur. Bu təşkilat 1960-cı ildə yaradılmış və xam neftin ixracı
ilə məşğul olan 12 dövlət onun üzvüdür. OPEK üzv dövlətlərin neft siyasətinin
koordinasiyası və dünya neft bazarında qiymətlərin tənzimlənməsi sahəsində mühüm
təsirə malikdir. Təşkilat qarşısına qoyduğu məqsədlərə nail olmaq üçün effektiv təşkilati
Dostları ilə paylaş: |