205
peşə hazırlığı və rotasiya prinsipləri nəzərə alınmaqla xidməti zərurətlə əlaqədar həyata
keçirilir. Rotasiya zamanı peşəkarlığı və ixtisasları nəzərə alınmaqla, diplomatik xidmət
əməkdaşları və diplomatik xidmət orqanlarının inzibati-texniki xidmətini yerinə yetirən
şəxslər ölkəmizin diplomatik nümayəndəliyinə və ya konsulluğuna işə təyin oluna, yaxud
öz fəaliyyətlərini müvafiq icra hakimiyyəti orqanında həyata keçirə bilərlər.
Bu Qanunun 13.4-cü maddəsində Azərbaycan Respublikasının diplomatik
nümayəndəliyinin başçısı təyin olunmuş şəxsin müvafiq dövlət və yaxud beynəlxalq
təşkilatda fasiləsiz iş müddətinin, bir qayda olaraq, beş il olduğu göstərilir. Nəzərə
alınmalıdır ki, bu müddət respublikanın müvafiq icra hakimiyyəti orqanı tərəfindən
uzadıla bilər.
Diplomatik xidmət əməkdaşları və diplomatik xidmət orqanlarının inzibati-texniki
xidmətini həyata keçirən şəxslər qanunvericiliklə müəyyən edilmiş qaydada üç ildə bir
dəfədən çox olmayaraq xidməti attestasiya keçirlər. Onlar xaricdə işlədikləri dövrdə
olduqları dövlətin qanun və qaydalarına hörmət bəsləməyə, üzərlərinə qoyulmuş
vəzifələri yerinə yetirməyə, Azərbaycanı layiqincə təmsil etməyə borcludurlar. Həmin
əməkdaşlar və şəxslər ölkəmizin və ya olduqları dövlətin qanunvericiliyinə görə
məsuliyyət doğuran əməllər törətməkdə təqsirli bilindikdə və qanunvericilikdə nəzərdə
tutulmuş digər hallarda vaxtından əvvəl geri çağrıla bilər.
Qanuna görə (maddə 20.1) diplomatik xidmət orqanları sisteminin vahid maliyyə
təminatı dövlət büdcəsinin vəsaitləri, həmçinin, ölkəmizin qanunvericiliyi ilə müəyyən
edilmiş hallarda və qaydada digər mənbələr hesabına həyata keçirilir. Eləcə də
diplomatik xidmət orqanlarının maddi-təsərrüfat təchizatı Azərbaycan Respublikasının
müvafiq qanunvericiliyi ilə müəyyən edilir.
XARİCİ SİYASƏT RESURSLARI
Hər bir dövlətin beynəlxalq münasibətlər sistemindəki yeri və rolu başqa digər
faktorlarla yanaşı əsasən onun xarici siyasət resursları ilə də müəyyən edilir. Xarici
siyasət resursları anlayışına dövlətin maddi və mənəvi həyatının bütöv varlığı (güc
faktorlarının cəmi) daxildir ki, beynəlxalq münasibətlər sistemində dövlət bu resurslara
arxalanaraq öz siyasətini yürüdür, məqsədyönlü fəaliyyət həyata keçirir.
Xarici siyasət resurslarını tədqiqatçılar əsasən iki qrupa ayırırlar: maddi və qeyri-
maddi resurslar.
Maddi resurslara aid olan sahələr:
206
- coğrafi resurslara – dövlətin ərazisinin həcmini və yerləşdiyi əlverişli, yaxud
əlverişsiz coğrafi mövqeyini, nəqliyyat kommunikasiyalarına yaxınlığı, bu ərazini əhatə
edən xarici aləmin vəziyyətini və sairəni aid edirlər;
- demoqrafik resursları - əhalinin sayı və keyfiyyət tərkibinə, miqrasiya və
urbanizasiya tendensiyalarına görə qiymətləndirirlər;
- iqtisadi resursları – istehsal və təsərrüfat sistemlərinin vəziyyəti, başqa
ölkələrdəki müvafiq sahələrlə müqayisədə üstünlüyü və yaxud çatışmamazlığı, öz hərbi
sənayesini təmin etmək qabiliyyəti, başqa ölkələrin iqtisadiyyatına təsir etmək imkanları
və s. ilə dəyərləndirirlər;
- hərbi resurslara – ölkənin müdafiə qabiliyyəti, sərhədləri xaricində güc tətbiq
etmə imkanları ilə qiymət verirlər.
Qeyri-maddi resurslar sırasına:
- siyasi resursları – dövlətin effektiv fəaliyyəti, xarici alyanslarda iştirakı, dünya
siyasətinə təsir gücü olan dövlətlərlə münasibətləri, beynəlxalq institutlarda, təşkilatlarda
iştirakı və yaxud onlarla əlaqələri, qlobal və regional siyasətə təsir imkanları, effektli
daxili və xarici siyasət mexanizmlərinə malik olması;
- sosial resursları – vətəndaşların daxili birliyinin vəziyyəti, yürüdülən xarici
siyasətə münasibəti, dövlət maraqlarının qorunması naminə nümayiş etdirdiyi iradə və
əzm;
- reputasiya resursları - dövlətin və onun liderinin beynəlxalq aləmdə təsdiq
olunmuş nüfuzu və bu nüfuzun dünya dövlətlərinin fəaliyyətinə təsir imkanları;
- ideoloji-mədəni resursları – başqa dövlətlərin ictimaiyyətinə göstərə biləcəyi
intellektual və ideoloji təsir imkanları;
- informasiya resursları - qlobal informasiya məkanında iştirak və ona təsir etmə,
dünya informasiya axınını yönəltmək imkanları, müstəqil beynəlxalq informasiya
resurslarına malik olmaq;
- elmi, elmi-texniki və təhsil resursları – intellektual potensial və onun inkişaf
perspektivləri, iqtisadi, siyasi, hərbi və digər sahələrin ixtisaslı kadrlarla təmin olunması
və s. aid edirlər.
Xarici siyasət resursları qarşıya qoyulmuş məqsədlərə çatmaq baxımından
dövlət üçün həm pozitiv, həm də neqativ rol oynaya bilir.
Beynəlxalq münasibətlər sisteminin ayrı-ayrı dövrləri və mərhələlərində ölkələrin
xarici siyasət resurslarının oynadığı rol və resurslara müvafiq olaraq formalaşan
dövlətlərarası iyerarxik düzüm də dəyişkən olmuşdur. Bir mərhələdə ərazi, hərbi güc,
207
təbii ehtiyatlar və əhalinin sayı mühüm faktor kimi çıxış etmişdirsə, digər mərhələdə
iqtisadi, elmi-texniki, informasiya və maliyyə axınına nəzarət etmək daha çox əhəmiyyət
kəsb etmişdir. Müasir dünyada qloballaşmanın və transmilli siyasətin təsiri nəticəsində
xarici siyasət resursları sırasında artıq geniş əraziyə və çoxsaylı hərbi qüvvəyə malik
olmaq uğrunda deyil, daha çox transmilli maliyyə, intellektual, informasiya, nəqliyyat-
kommunikasiya, enerji resurslarına və şəbəkələrinə malik olmaq uğrunda mübarizə
gedir.
Azərbaycanın xarici siyasət resursları əsasən hələ SSRİ tərkibində olarkən
formalaşsa da, ondan müstəqil dövlət maraqlarının reallaşması istiqamətində istifadə
edilməsi 1992-ci ildən başlamışdır.
Azərbaycanın coğrafi resurslarına onun 86,6 min kvadrat kilometr ərazisi,
Avropa və Asiyanı birləşdirən əlverişli geosiyasi və geoiqtisadi vəziyyəti, Xəzər dənizi
vasitəsilə Rusiya, Orta Asiya və Qazaxıstana, İrana, avtomobil-dəmir yolu vasitəsilə
Gürcüstana və Qara dəniz bölgəsinə, İrana, Türkiyəyə (Naxçıvan ərazisi vasitəsilə),
Rusiyaya, Ermənistana çıxışı olan nəqliyyat-kommunikasyia xətləri daxildir.
Coğrafi və ərazi resurslarına görə Azərbaycan Cənubi Qafqazın ən böyük və
əlverişli dövləti hesab olunur. Baxmayaraq ki, onu əhatə edən geosiyasi mühit
(Ermənistan, İran və Rusiya faktoruna görə) tam müstəqil siyasət yürütmək və
beynəlxalq aləmlə milli maraqlara uyğun sərbəst hərəkət etmək imkanını müəyyən
qədər məhdudlaşdırır, Cənubi Qafqazda və onun ətrafında ciddi konfliktlər yaşanır,
bölgə dövlətləri arasında təhlükəsizlik, Qərb, yaxud Şərq oriyentasiyaları məsələsində
fikir ayrılığı mövcuddur, bütün bunlar Azərbaycanın əlverişli coğrafi mövqeyinin
əhəmiyyətinə ciddi kölgə salmır.
Azərbaycan Avrasiyanın giriş qapısı, Şərq-Qərb nəqliyyat-kommunikasiya və
enerji dəhlizinin mərkəzi dövləti hesab olunur. Bu mənada Azərbaycan Rusiyaya rəqib
(alternativ), Şərq-Qərb ölkələrinə isə bağlayıcı (körpü) rolunu icra edir. Xüsusən qədim
“İpək yolu” (Çindən Avropaya və bütün dünyaya açılan ən yaxın və əlverişli dəhliz)
adlanan TRASEKA nəqliyyat-kommunikasiya layihəsinin, strateji Bakı-Tbilisi-Ceyhan
neft, Bakı-Tbilisi-Ərzurum qaz kəmərlərinin hərəkətverici qüvvəsi və əsas
təminatçılarından biridir.
Bundan başqa, Cənubi Asiya, Rusiya, İran və Avropa nəqliyyat-kommunikasiya
dəhlizində də iştirak edən Azərbaycan özünün əlverişli coğrafi resurslarına malik
olduğunu bir daha təsdiq edir. Hazırda Azərbaycan Avrasiya bölgəsinin əsas tranzit
ölkələrindən biri olaraq Şərq-Qərb əmtəə, enerji-yanacaq və başqa əlaqələrinin əsas
Dostları ilə paylaş: |