184
Gözlərinə görünmür heç neçə-neçə qansız fərraş,
Sabunlu ip, ilan təki omba durmuş dar ağacı.
Azad ruhu al günəşdə addımlayır yavaş-yavaş,
Buluddamı məğrur başı, qızıl quşmu qızıl saçı?
Bu əfsanə, bu həqiqət görün harda düşdü yada?
Moskvada, alatoran, kəmnəfəs bir kamerada.
Həmən cavan mən özüməm, amma, heyif, anam yoxdur.
Doğma xalqım, anam sənsən, atam sənsən bu dünyada.
Mən onsuz da əbədiyəm, cahangirlər gəldi-gedər;
Bir gün edam meydanında başım getsə, versəm də can,
Sən yadların qarşısında heç bir zaman qara geymə,
Ey ağ donlu anam mənim, ağ çələngli Azərbaycan!
185
QİYMƏTLƏNDİRMƏ ÜÇÜN TÖVSİYƏ OLUNAN SUAL VƏ
TAPŞIRIQLAR
1. Tanış olmayan sözlərin mənasını aydınlaşdırın, alınma, yaxud öz
sözlərimiz olduğunu əsaslandırın.
_____________________________________________________________
2. Bədii təsvir və ifadə vasitələrinin növünü müəyyənləşdirib cədvəldə qeyd
edin.
Bədii təsvir və ifadə vasitələrinə
nümunələr
Bədii təsvir və ifadə vasitələrinin
növü
3. Əsərdə hansı mənəvi dəyərlər öz əksini tapmışdır? Fikrinizi əsaslandırın.
_____________________________________________________________
4. Əsərin mövzusunu, qoyulmuş problemi müəyyənləşdirin.
Mövzu
Problem
5. Şeirdəki ana, oğul, şair obrazlarını səciyyələndirin.
Obrazlar Xarakteri Azadlıq
arzuları
Vətəninə münasibəti
Ana
Oğul
Həbsdə olan
şair
6. “Ağ çələngli Azərbaycan” dedikdə şair nəyi nəzərdə tutur?
_____________________________________________________________
186
7. Fikrin təsir gücünün artmasında bədii təsvir və ifadə vasitələrinin rolunu
aydınlaşdırın.
Bədii təsvir və ifadə vasitələrinə
nümunələr
Fikrin təsir gücünün artırılmasında
rolu
8. Şərti işarələrdən istifadə etməklə misralarda fasilələrin yerini, məntiqi
vurğulu sözləri göstərin.
Mən onsuz da əbədiyəm, cahangirlər gəldi-gedər;
Bir gün edam meydanında başım getsə, versəm də can,
Sən yadların qarşısında heç bir zaman qara geymə,
Ey ağ donlu anam mənim, ağ çələngli Azərbaycan!
9. Şeirdə başlıca fikir – ideya nədir?
_____________________________________________________________
10. Şeirin sizdə yaratdığı hiss və düşüncələri qısaca yazın.
_____________________________________________________________
187
GÜNDƏLİK PLANLAŞDIRMAYA AİD NÜMUNƏ
Mövzu: Hüseyn Cavidin həyatı, yaradıcılıq yolu – 1 saat
Standartlar
Təlim nəticələri
2.1.1. Müxtəlif mənbələrdən
topladığı materiallara
əsaslanmaqla təqdimat və
çıxışlarında bədii-emosional və
obrazlı ifadələrdən istifadə edir.
Mənbələrə əsaslanmaqla mövzu,
problemlə bağlı çıxışlarında bədii-
emosional ifadələrdən istifadə edir.
2.2.1. Müzakirələrdə mövzuya,
problemə, yazıçının mövqeyinə
tənqidi münasibətini əsaslandı-
rır, dinləyicilərin rəyini nəzərə
alır, mimika və jestlərdən məq-
sədyönlü istifadə edir.
Mövzuya, problemə münasibətini
əsaslandırır, dinləyicilərin rəyini nəzərə
alır, mimika və jestlərdən məqsədyönlü
istifadə edir.
3.1.3. 3,5-4 səhifə həcmində
nəqli, təsvir, təhlil xarakterli
mətnlər (ədəbi və sərbəst mövzu-
da inşa, esse, məqalə, məruzə)
yazır.
Təhlil xarakterli məqalə, məruzə yazır.
Dərsin tipi: induktiv, bədii əsərin öyrənilməsi.
İş forması: fərdi iş, cütlük şəklində iş, kiçik qruplarda iş, bütün siniflə
birgə iş.
Metod və priyomlar: müsahibə, müzakirə, diskussiya, BİBÖ, problemin
həlli, təqdimat.
İnteqrasiya: Az.d.1.2.2. X.d. 2.1.2. Az.tar. 5.1.1.
Təchizat: dərslik, iş vərəqləri, lüğətlər, “Cavid ömrü” sənədli filminin
videoyazısı, şairin həyat və yaradıcılığı ilə bağlı kitablar.
Dərsin gedişi
Ev tapşırığının (“Sabir satiralarının tənqid hədəfləri” mövzusunda
yığcam məqalə yazın. “Sabirin yaradıcılığında qadın əsarətinin tənqidi”
mövzusunda məruzə mətni hazırlayın) yerinə yetirilməsi səviyyəsi təq-
dimatların dinlənilməsi və müzakirəsi əsasında müəyyənləşdirilə bilər.
Məqalə və məruzə mətni ilə bağlı təqdimatlarda mövzuya müstəqil
münasibətin hansı səviyyədə olmasına, əsaslandırılmasına xüsusi diq-
qət yetirilir. Eyni zamanda mətnlərin dil, üslub xüsusiyyətləri baxı-
mından nə dərəcədə uğurlu olması ön plana çəkilir.
Motivasiya yaradılarkən şagirdlərin mövzu ilə bağlı mövcud bilik-
ləri aşkara çıxarılır. Bunun üçün, ilk növbədə, dərslikdəki tapşırığın
(H.Cavidin həyatı, yaradıcılığı və yaşadığı dövrlə bağlı nə bilirsiniz?
188
Ədəbiyyat, tarix, coğrafiya dərslərində qazandığınız bilikləri xatırlayın,
yığcam müzakirə aparın) yerinə yetirilməsinə vaxt ayrılır.
BİBÖ üzrə cədvəl çəkilir. Müsahibə əsasında “Bilirik” və “Bilmək
istəyirik” sütunlarında müvafiq qeydlər aparılır.
Motivasiyanın digər variantı “Cavid ömrü” filmindən bir epizoda baxış
keçirilməsidir (https://www.youtube.com/watch?v=fgge 3Oi7yGk).
Müzakirə zamanı şagirdlər H.Cavidin V sinifdə oxuduqları “Qız
məktəbində” şeiri, IX sinifdə öyrəndikləri “Ana” mənzum dramı ilə
bağlı mülahizələr söyləyir, müzakirə aparırlar.
Şagirdlərin fəal iştirakı ilə tədqiqat sualı müəyyənləşdirilir:
– Hüseyn Cavidin həyatı, yaradıcılığı üçün daha önəmli olanlar
hansılardır?
Tədqiqatın aparılmasının ilk mərhələsində dərslikdəki mətnin oxu-
su həyata keçirilir. Mətndə H.Cavidin həyatı, yaradıcılığı üçün daha
səciyyəvi olanların aydınlaşdırılmasına istiqamət verilmişdir. Şairin
həyatı ilə bağlı elm aləminə məlum olan ən mühüm mətləblərə yığcam
toxunulmuş, geniş araşdırma aparılmasının vacibliyi barədə şagird-
lərdə təsəvvür yaradılmışdır.
Həcmi kiçik olan mətnin fərdi olaraq oxunması məqsədəuyğundur.
Şairin sadə, təvazökar həyat yaşaması, dini idarədə xidmət etməsi,
müasirlərinin onu bir insan, alim, sənətkar kimi yüksək dəyərləndir-
məsi, zəmanəsinin eyiblərinə obyektiv, ədalətli münasibət bildirməsi və
s. barədə deyilənlər şagirdlərdə güclü maraq yaradır, onları araşdır-
maya sövq edir.
Dərsdə Azərbaycan Respublikası Prezidentinin “Azərbaycan dilində
latın qrafikası ilə kütləvi nəşrlərin həyata keçirilməsi haqqında” sərən-
camı əsasında H.Cavidin məktəb və rayon kitabxanalarına verilmiş 5
cildlik əsərləri nümayiş etdirilir. Şagirdlərə həmin kitablardan əlavə
mənbə kimi necə istifadə edəcəkləri ilə bağlı tövsiyələr verilir.
Dərslikdəki mətnkənarı sualların (Yazıçının həyat və yaradı-
cılığında İstanbul, Tiflis və Naxçıvan ədəbi mühitlərinin hansı rolu
olmuşdur? Hüseyn Cavidin sovet dövründəki fəaliyyəti hansı cəhətləri
ilə səciyyələnir? Sənətkarın poeziyasını səciyyələndirən başlıca
xüsusiyyətlər hansılardır? Sənətkarın poeziyası hansı xüsusiyyətləri ilə
diqqəti cəlb edir? Sənətkarın dramatik əsərlərinin mövzu, problem,
konflikt özəlliyi hansılardır?) və onların aydınlaşdırılmasına istiqamət
verən cavabların oxusu ilə araşdırmaya başlanılır. Mətnin oxusunu
fərqli formalarda (fərdi, cütlük şəklində) həyata keçirmək mümkündür.
Kiçik qruplar yaratmaq, hər qrupa bir sual həvalə etmək vaxta qənaət
baxımından məqsədəuyğundur. Kiçik qruplara təqdimat zamanı
tədqiqatçıların aşağıdakı fikirlərinə
də münasibət bildirmək,
mülahizələrini əsaslandırmaq təklif edilir:
a) Hüseyn Cavidin bütün yaradıcılığı ümumbəşəri məsələlərə həsr
edilmişdir. O, məişət təsvirçisi deyil, o, filosof şairdir. (Əziz Şərif)
b) Hüseyn Cavidin həyatın mənasını, insanın mənəvi-ruhi aləmini
daim pak və gözəl görməyi arzulaması, qüdrətli insan idealının real
Dostları ilə paylaş: |