193
Mövzu: H.Cavid. İblis (ixtisarla) – 4 saat
Birinci saat: Məzmun üzrə iş
Standartlar
Təlim nəticələri
1.1.4. Müxtəlif ədəbi növ və janrda olan
əsərlərdə (poema, hekayə, povest, roman,
dram, komediya, faciə) əksini tapan mühüm
milli-mənəvi, bəşəri dəyərlərə
əsaslandırılmış münasibət bildirir.
Faciədə əksini tapmış mühüm
milli-mənəvi, bəşəri dəyərləri
müəyyənləşdirir.
2.1.1. Müxtəlif mənbələrdən topladığı mate-
riallara əsaslanmaqla təqdimat və çıxışla-
rında bədii-emosional və obrazlı ifadələrdən
istifadə edir.
Mənbələrə əsaslanmaqla möv-
zu, problemlə bağlı çıxışlarında
bədii-emosional ifadələrdən
istifadə edir.
2.2.1. Müzakirələrdə mövzuya, problemə,
yazıçının mövqeyinə tənqidi münasibətini
əsaslandırır, dinləyicilərin rəyini nəzərə
alır, mimika və jestlərdən məqsədyönlü
istifadə edir.
Mövzuya, problemə münasibə-
tini əsaslandırır, dinləyicilərin
rəyini nəzərə alır, mimika və
jestlərdən məqsədyönlü
istifadə edir.
Dərsin tipi: induktiv, bədii əsərin öyrənilməsi.
İş forması: fərdi iş, cütlük şəklində iş, kiçik qruplarda iş, bütün siniflə
birgə iş.
Metod və priyomlar: müsahibə, müzakirə, diskussiya, problemin həlli,
təqdimat.
İnteqrasiya: Az.d.1.2.2. 2.1.1; X.d.1.1.1. 3.1.1; Az.tar.5.1.2.
Təchizat: dərslik, iş vərəqləri, lüğətlər, “İblis” faciəsindən İblisin mo-
noloqunun video və ya səs yazısı, şairin əsərləri, yaradıcılığı ilə bağlı
monoqrafiyalar.
Dərsin gedişi
Ev tapşırığının yerinə yetirilməsi səviyyəsi müxtəlif yollarla aşkara
çıxarıla bilər. Təqdimatların seçmə yolla dinlənilməsi və müzakirəsi
daha məqsədəuyğundur. Bütün hallarda şagirdlərin mənbələrdən necə
bəhrələndikləri diqqət mərkəzində saxlanılır. Bu prosesdə müəllimin
müvafiq qiymətləndirmə meyarlarına müraciət etməsi məqsədəuyğun-
dur.
Motivasiya, problemin qoyuluşu mərhələsini fərqli məzmunda təş-
kil etmək mümkündür. “Allah şeytana lənət eləsin”, “Tamahkar öz
nəfsinin quludur” kimi ifadələrdən, atalar sözlərindən istifadə yolu ilə
motivasiya yaratmağı qarşısına məqsəd qoyan müəllim şagirdlərə öz
fikirlərini söyləməyi təklif edir. Müsahibənin sonunda tədqiqat sualı
formalaşdırılır.
Motivasiya yaradılmasının bir yolu da
“Cavid ömrü” filmindən
“İblis” faciəsi ilə bağlı epizodun (
https://www.youtube.com/ watch?v=
YVposIXvXVI
) səsləndirilməsi və yığcam müzakirəsi ola bilər.
194
Tədqiqat sualı: İnsanlar uğursuzluğun, şər əməllərin səbəbini daha
çox nə ilə izah edirlər?
Fərziyyələr dinlənilir və qeyd edilir.
Faciədən dərslikdə verilmiş birinci pərdədən parçaların oxusu ilə
tədqiqata başlanılır.
Oxunu fərqli formalarda həyata keçirmək mümkündür. Şagirdlərin
marağı nəzərə alınaraq rollar üzrə oxunun tətbiqi faydalıdır. Oxuda
tanış olmayan sözlərin mənası və məcazlar müəyyənləşdirilir. Ədibin
qızı Turan Cavidin qeydləri şagirdlərin diqqətinə çatdırılır. O, yazırdı
ki, H. Cavid öz əsərlərinin “imlasına toxunmamağı” vəsiyyət etmişdir.
Odur ki, yeni nərdə əsərin dil-üslubuna toxunulmamışdır.
Təcrübə göstərir ki, əsərin məzmununun mənimsədilməsi zamanı
müəllimin istiqamətləndirici suallarına ehtiyac vardır. Şagirdlərin
diqqəti əsərin əvvəlində müharibə dəhşətlərinin təsvirinə yönəldilir:
“Pərdə açıldıqda Arif bir tərəfdə, taxta bir karyola üzərində əlinə təkyə
edərək, uzanıb düşüncəyə dalmış, səhnə qaranlıq, ətrafda göy gurul-
tusu, şimşək çaxışı, tranpet sədaları, top, tüfəng, bomba part-
layışları... Qarşıda, səhnənin nihayətində iki böyük göz (pəncərə)
atəşlər, alevlər içində dəhşətli bir müharibə təsvir edər. Bir qaç zabit
əldə durbin müharibə komandasilə məşğul... Gözlərin birində İblis,
digərində Mələk görünür. Gurultudan sonra sükut...”
Əsərin başlanğıcı ilə bağlı müsahibə təhlil dərsində şairin müha-
ribəni nə üçün ən böyük şər adlandırması, tədqiqatçıların faciəni
müharibə əleyhinə yazılması fikrinin dərindən qavranılması üçün zə-
min yaradır. Bu baxımdan İblisin dili ilə müharibə dəhşətlərini təs-
virinin müzakirəsi də faydalıdır.
İ b l i s (məmnun qəhqəhələrlə)
Dəryalərə hökm etmədə tufan,
Səhraları sarsıtmada vulkan,
Sellər kibi aqmaqda qızıl qan,
Canlar yaqar, evlər yıqar insan... (qəhqəhə)
M ə l ə k
Ya Rəb, bu nə dəhşət, nə fəlakət?
Ya Rəb, bu nə vəhşət, nə zəlalət?
Yoq kimsədə insafü mürüvvət,
İblisəmi uymuş bəşəriyyət!?
İblisin sürəkli qəhqəhələrilə bərabər, yenə göy gurultusu, top, mitral-
yoz sədaları başlar. Sonra sükut...
İblis
(çılğın qəhqəhələrlə)
Toplar veriyor aləmə dəhşət,
Dəhşət!.. Qopuyor sanki qiyamət,
Yağmur kibi göydən yağar atəş!..
Atəş!.. Qaralar, dalğalar atəş!..
195
Müzakirə şagirdlərdə dramaturqun əsəri müharibə səhnələrinin
təsviri ilə başlamasının təsadüfi olmaması fikrini yaradır.
İblislə Mələyin müharibə səhnəsinə fərqli münasibətinin müqayisəsi
şagirdlərdə bu obrazların xarakterini düzgün dərk etməyə imkan verir:
Ya Rəb, bu nə dəhşət, nə fəlakət?
Ya Rəb, bu nə vəhşət, nə zəlalət?
Yoq kimsədə insafü mürüvvət,
İblisəmi uymuş bəşəriyyət!?
İblisin müstəhzi və sürəkli qəhqəhələrilə bərabər yenə göy
gurultusu, top, mitralyoz sədaları başlar. Sonra sükut...
İb l i s
(çılğın qəhqəhələrlə)
Toplar veriyor aləmə dəhşət,
Dəhşət!.. Qopuyor sanki qiyamət,
Yağmur kibi göydən yağar atəş!..
Atəş!.. Qaralar, dalğalar atəş!..
M ə l ə k
Ya Rəb, azacıq lütfü inayət!
Qəhr olmada artıq bəşəriyyət.
Başdan-başa həp yer yüzü vəhşət.
Şagirdlərin diqqəti pərdədəki digər epizoda dəhşətli səhnədən
sarsılan Arifin hiss və düşüncələrinə yönəldilir:
A r i f
(Uyqudan oyanır kibi alnını və gözlərini ovuşdurur. Yerindən
qalqar, göyə doğru)
Dünyaları yoqdan yaratan, ey ulu Tanrı!
Ey xaliqi-hikmət!
Duyduqca, düşündükcə olur qəlbimə tarı
Bin şübhəli illət.
…Yerlərdə süründüm, yetişir, göylərə qaldır,
Dindir qucağında,
Qaldır bəni, bir seyr edəyim xoşmu, gözəlmi Cənnətdə mələklər?
Qaldır bəni, ta görməyim insandakı zülmi,
Baq, yer üzü inlər.
Ya Rəb, bu cinayət, bu xəyanət, bu səfalət
Bulmazmı nihayət?
İnsanları xəlq etmədə var bəlkə də hikmət,
İblisə nə hacət!?
Pərdənin məzmununu ardıcıllıqla mənimsəyən şagirdlər İblisin,
Mələyin, Arifin xarakteri, düşüncələri ilə bağlı ilkin biliklərə yiyələ-
nirlər. Onlarda həmçinin digər obrazlar – İxtiyar, Xavər, Rəna, İbn
Yəmin barədə müəyyən təsəvvür yaranır.
Dostları ilə paylaş: |