199
Mövzu: H.Cavid. İblis (ixtisarla) – 4 saat
Üçüncü saat: Təhlil üzrə iş
Standartlar
Təlim nəticələri
1.1.2. İfadəli oxudan müxtəlif ədəbi
növdə olan əsərlərin emosional-
obrazlı qavranılması, təhlili və
qiymətləndirilməsi məqsədilə
istifadə edir.
İfadəli oxudan faciənin emosional-
obrazlı qavranılması məqsədilə
istifadə edir.
1.2.2. Obrazları xarakter və əməlləri,
yaşadıqları dövrün sosial-siyasi
şəraiti və əxlaqi-etik dəyərləri ilə
əlaqəli səciyyələndirir, müqayisələr
aparır.
Faciədəki obrazları xarakter və
əməlləri, yaşadıqları dövrün
sosial-
siyasi şəraiti və əxlaqi-etik dəyərləri
ilə əlaqəli səciyyələndirir.
1.2.4. Bədii nümunələrin mövzusu-
na, ideyasına, başlıca probleminə,
konfliktinə dövrün ictimai-siyasi,
mənəvi dəyərləri kontekstindən çıxış
etməklə münasibət bildirir və qiy-
mətləndirir.
Faciənin mövzusuna, ideyasına, baş-
lıca probleminə,
konfliktinə dövrün
ictimai-siyasi, mənəvi dəyərləri kon-
tekstindən çıxış etməklə münasibət
bildirir və qiymətləndirir.
2.1.2. Dil və üslub xüsusiyyətlərinə
istinad edərək yazıçı mövqeyi ilə
bağlı mühakimələrini faktlarla
əsaslandırır
Faciənin dil və üslub xüsusiyyətlə-
rinə istinad edərək yazıçı mövqeyi ilə
bağlı mühakimələrini faktlarla
əsaslandırır.
Dərsin tipi: induktiv, bədii əsərin öyrənilməsi.
İş forması: fərdi iş,
kiçik qruplarda iş, bütün siniflə birgə iş.
Metod və priyomlar: müsahibə, müzakirə, diskussiya, problemin həlli,
təqdimat.
İnteqrasiya: Az.d. 1.2.2.1.2.4 ; X.d. 2.1.1.2.1.2. 3.1.4.; Az.tar.5.1.3.
Təchizat: dərslik, iş vərəqləri, “İblis” faciəsindən video və ya səs yazısı,
şairin əsərləri, yaradıcılığı ilə bağlı monoqrafiyalar.
Dərsin gedişi
Ev tapşırığının yerinə yetirilməsi səviyyəsini müsahibə və ya bir
neçə təqdimatın dinlənilib müzakirə edilməsi yolu ilə aydınlaşdırmaq,
real vəziyyəti müəyyənləşdirmək olar. Hər iki halda əsərdən İblisin son
monoloqunun ifadəli oxusu ilə bağlı şagirdlərin
rəyi dinlənilməli, ifaçı-
lıq vəzifəsi, nitq texnikası, ifaçının qarşıya qoyduğu məqsədə necə nail
olduğu aydınlaşdırılmalıdır.
Nağıletmə ilə bağlı dinlənilən nümunələrin müzakirəsinə vaxt ayrılır.
Müəllimin müvafiq qiymətləndirmə meyarlarına müraciət etməsi
məqsədəuyğundur.
200
Motivasiya, problemin qoyuluşu. Motivasiya suallardan istifadə ilə
yaradıla bilər. Şagirdlərə həyatda kimə iblis, şeytan deyildiyini müəy-
yənləşdirməyi təklif edən müəllim yığcam
müsahibənin sonunda tədqi-
qat sualını formalaşdırır.
Tədqiqat sualı: Faciəli hadisələrdən bəhs edən əsər yazması dra-
maturqa hansı niyyətini ifadə etməyə imkan yaratmışdır?
Fərziyyələr dinlənilir, təkrara yol verilmədən qeyd edilir.
Dərslikdəki suallar və onların araşdırılmasına istiqamət verən
cavabların oxusu ilə tədqiqata başlanılır. Həcmi böyük olmayan mətnin
fərdi və ya cütlük şəklində oxusunu təşkil etmək məqsədəuyğundur.
Faciədən oxunmuş pərdələrin məzmunu üzrə qazanılmış biliklər əsərin
mövzusu, ideyası barədə fikir yürütməyə imkan verir.
Kiçik qruplar oxuduqları mətn və dərslikdəki tapşırıqlarla bağlı
fikir mübadiləsi aparır, təqdimata hazırlaşırlar.
Tədqiqatın aparılması
Şagirdlər kiçik qruplara ayrılır, iş vərəqlərindəki sual və tapşırıqlar
üzərində işləyirlər.
I qrup
a) “İblis nə üçün insanları ittiham edərək, ”canlar yaqar, evlər yıqar
insan” deyir?
b) İblis surətinin təsviri ilə müəllif hansı həqiqəti ifadə etmək istəyir?
c) Müharibə faciəsinin səbəbkarı kimi İblisi seçməkdə müəllifin niy-
yəti nədir?
ç) İblis onu lənətləyən insanların yanına bir əlində “altun”, bir əlində
“qurşun” gəlməklə nə demək istəyir?
II qrup
a) Arifi həqiqət axtarıcısı saymaq olarmı?
b) Arifin qəlbində hansı hislərin, düşüncələrin mübarizəsi gedir?
c) Arifin çağırışına İblisin səs verməsi nə ilə bağlıdır?
d) Əsərin əvvəlində Allahdan imdad diləyən Arifin qatilə çevril-
məsinin səbəbi nədir?
III qrup
a) Ədib nəyi ən böyük şər hesab etdiyi müharibənin əsas səbəbi sayır?
b) Dramaturq faciəvi konfliktin həlli yolunu nədə görür?
c) H.Cavidin insanın qüsurunu ən sərt boyalarla tənqid etməkdə
məqsədi nədir?
d) İnsanlar birləşib İblisi öz aralarından qovmaqla şərdən azad ola
bilirlərmi?
201
IV qrup
a) Əsərin əvvəlində sevinc içində olan İblisin və Allaha yalvaran
Mələyin təsviri ilə ədib nə demək istəyir?
b) Əsərin sonunda bütün şər işlərdə İblisi günahkar sayan insanlar
haqlıdırmı?
c) İblisin Arifə müraciətlə dediyi bu sözlərin mənasını şərh edin.
Get, lakin o hörmət və məhəbbət
Bir gün doğurar qanlı ədavət.
Get, bəllidir insandakı xislət;
Sizlərdəki ülfət; sonu vəhşət,
Sizlərdəki şəfqət; sonu nifrət,
Sizlərdəki rəhmət; sonu lənət.
d) Əsərin sonundakı monoloqunda İblisin söylədikləri hansı həqiqəti
əks etdirir?
V qrup
H.Cavid bəşəriyyətin çıxış yolunu nədə görürdü? Aşağıdakı parça-
lardan istifadə etməklə fikrinizi əsaslandırın.
a)
Turana qılıcdan daha kəskin ulu qüvvət,
Yalnız mədəniyyət, mədəniyyət, mədəniyyət.
b) Kəssə hər kimsə tökülən qan izini
Qurtaran dahi odur yer üzünü.
c) Hər qulun cihanda bir pənahı var,
Hər əhli-halın bir qibləgahı var.
Hər kəsin bir eşqi, bir ilahı var;
Bənim Tanrım gözəllikdir, sevgidir.
Müəllim qrupdaxili müzakirələrə nəzarət edir, zəruri hallarda
şagirdlərin tədqiqatını məsləhətləri ilə istiqamətləndirir.
Qazanılmış biliklərin mübadiləsi və müzakirəsi. Ayrılmış vaxt
bitdikdən sonra qrup sözçülərinin təqdimatları dinlənilir. Müəllim hər
sözçünün çıxışından sonra həmin qrupun digər üzvlərinə müraciət
edərək təqdimatla bağlı əlavələrinin olub-olmadığını soruşur. Sonra
digər qrupların üzvlərinin sözçüyə sualları cavablandırılır, fikir
mübadiləsi aparılır.
Müzakirə zamanı qeyd edilir ki, əsərin ilk pərdəsində qaranlıq
səhnədə, uzanıb düşüncələrə dalmış Arifin təsviri, İblislə Mələyin gəlişi
rəmzi məna daşıyır. İblis bəşər övladının
törətdiyi fəlakətlərdən
məmnun qalaraq bütün əsər boyu insanları təqib edir, onları öz qur-
banına çevirməyincə sakitləşmir. İnsanların Allahdan, haqqın nurun-
dan uzaq düşməsindən, faciəli əməllərindən dəhşətə gələn Mələk isə
onları tərk edir.
Şagirdlər qarşısında dəqiqləşdirici problemli sual qoyulur:
Necə oldu
ki, əvvəlcə Allahdan imdad istəyən, həqiqət axtaran Arif axırda qatilə