Microsoft Word din ve devlet elaqeler doc
Yüklə 482,98 Kb. Pdf görüntüsü
|
- Bu səhifədəki naviqasiya:
- B-TEOKRATİYA İLƏ ƏLAQƏDAR ŞƏRHLƏR
Süleyman dedi: “Ey oğlum, Rəbbdən və kraldan qorx. Qiyamçılara qoşulma!” 46
Paulun (Pavelin) və Peterin məktublarında yer alır. a-Paulun Romalılara m ə
76. Paulun məktubunda deyilir: “Hər kəs təbəəçiliyində olduğu hakimiyyətlərə tabe olsun. Çünki, Allah tərəfindən təyin olunmayan hakimiyyət yoxdur; mövcud olan hakimiyyətlər Allah tərəfindən təyin edilmişdir. Buna görə də hakimiyyətə qarşı çıxan Allahın təyin etdiyinin əleyhinə çıxır və əleyhinə çıxan belələri özlərini mühakiməyə düçar edir. Çünki yaxşı iş görənlər deyil, pis iş görənlər hökmdarlardan qorxmalıdır. İstəyirsənmi hakimiyyətdən qorxmayasan? Yaxşı iş gör, onda o səni tərifləyər. Hökmdar sənin xeyrin üçün Allaha xidmət edir. Amma pis iş görürsənsə, qorx! Çünki o əbəs yerə qılınc daşımır, Allaha xidmət edir ki, pis iş görəndən qisas alsın və Allahın qəzəbini onun başına gətirsin. Bu səbəbdən yalnız qəzəbə görə deyil, vicdanın xatirinə də hakimiyyətə tabe olmaq lazımdır”. 47
77. Peterin 1-ci Məktubunda aşağıdakı ifadələr yer alır: “İnsanın yaratdığı hər quruma Rəbb naminə tabe olun; həm ali hakimiyyət olduğuna görə padşaha, həm də pislik edənləri cəzalandırmaq, yaxşılıq edənləri də tərifləmək üçün onun tərəfindən göndərilən valilərə tabe olun. Çünki Allahın iradəsi yaxşılıq edərək axmaqların cahiliyyini susdurmağınızdır. Azad insanlar kimi yaşayın, amma azadlığınızı pislik etmək üçün bəhanə saymayıb Allahın
46 Bibliyanın ana dilimizə tərcüməsində sözügedən ifadə belədir: “Oğlum, Rəbbdən və padşahdan qorx, xəyanətkarlarla yoldaş olmaqdan çəkin”. Müqəddəs Kitab, Süleymanın məsəlləri, XXIV/21. 47 Müqəddəs Kitab, Paulun Romalılara məktubu, XIII/1-5. qulları olaraq yaşayın. Hamıya hörmət edin. İmanlı bacı-qardaşları sevin. Allahdan qorxun, padşaha hörmət edin”. 48
B-TEOKRATİYA İLƏ ƏLAQƏDAR ŞƏRHLƏR 78. Xristian mütəfəkkirlərindən Jean Calvin və Stephanus Junius Brutusa görə xristianlıq teokratik üsuli-idarənin bərqərar edilməsini əmr edir. a-Jean Calvinin şərhləri 79. Calvin Müqəddəs Kitabın yuxarıdakı ifadələrini belə izah edir: “Peter “Padşaha hörmət edin!”, habelə Süleyman “Oğlum, Tanrıdan və padşahdan qorx!” deyərkən bizdən bir şey tələb edir. Çünki, birincisi, hörmət ifadəsi ilə könüldən və həqiqi bir hörməti nəzərdə tutur. İkincisi, padşahı Tanrıyla bərabər xatırladaraq onun bir növ müqəddəs ucalıq və dəyərlə təmin edildiyini göstərir. Paulun önəmli buyruğunu da unutmamalıyıq. Onun “Bu səbəbdən yalnız qəzəbə görə deyil, vicdanın xatirinə də hakimiyyətə tabe olmaq lazımdır” ifadəsi ilə bəyan etmək istədiyi budur ki, şahzadələrə və dövlət məmurlarına itaət sadəcə qorxudan irəli gəlməməli, eyni zamanda Tanrıya itaət olduğu dərk edilərək həyata keçirilməlidir. Çünki onların iqtidarı da Tanrıdan qaynaqlanır... Paul deyir: “Hər kəs təbəəçiliyində olduğu hakimiyyətlərə tabe olsun”. Beləliklə, kim hakimiyyətə qarşı çıxarsa, Tanrının nizamına qarşı çıxmış olur. 80. Bu xüsusda heç kim özünü aldatmasın. Tanrıya qarşı çıxmadan, iqtidar sahiblərinə qarşı çıxa bilmərik. Çünki silahsız bir hakimiyyət üsyankarları cəzalandıra bilməyəcəyi üçün, xor görülsə də, Tanrı silahlıdır və bu laqeydliyin intiqamını dərhal alacaqdır. İtaət anlayışı altında bu ünsürləri görürük:
48 Müqəddəs Kitab, Peterin 1-ci məktubu, II/13-17. Fərdlər ictimaiyyətlə əlaqədar mövzularda özlərini səlahiyyətli görməməli, dövlət işlərinə qarışmamalı, idarəedicilərin səlahiyyətinlərə daxil olan işlərə müdaxilə etməməli, ümumiyyətlə, ictimaiyyəti maraqlandıran hər hansı fəaliyyətə özbaşına təşəbbüs göstərməməlidirlər. İctimai nizam-intizamla bağlı həll olunması gərəkli olan bir problem varsa, iğtişaş törətməməli, səlahiyyətlərinə daxil olmayan bir işə girişməməlidirlər. Bu sahədə səlahiyyətləri məhdud olmayan yeganə şəxs hakimiyyət təmsilçisidir. Demək istədiyim budur ki, fərdlər onlara bir əmr verilməmiş heç bir işə təşəbbüs göstərməsinlər. Çünki idarəedicinin əmr verəcəyi təqdirdə onlar da ictimai nüfuz ilə səlahiyətləndirilmiş olacaqlar... 81. Dövləti ictimai mənafeləri nəzərə alaraq idarə edən hakimiyyətlər, Tanrının hakimiyyətinin həqiqi nümunələridir. Diktatorlar və müstəbidlər də öz növbəsində Tanrı tərəfindən günahkar insanları işlədikləri günahlarına görə cəzalandırmaqla mükəlləfdirlər. Onlarda da qanuni gücü Tanrıdan aldıqlarını göstərən bir əzəmət vardır... Şərəf və ləyaqətdən tamamilə məhrum olan, ən xoşagəlməz xüsusiyyətlərə sahib olan bir şəxs belə əgər ictimai səlahiyyətlərə malikdirsə, deməli, o müqəddəs iqtidarla təmin edilmişdir və beləliklə, xalqının (təbəələrinin) itaəti baxımından, kralların ən yaxşısı kimi şərəfə və hörmətə layiqdir. Xasiyətləri nə olur olsun, bu hörməti, hətta bu dini bağlılığı bütün idarəçilərimizə sonuna qədər göstərmək məcburiyyətindəyik. Bunu tez-tez təkrar edirəm ki, insanları tək başlarına ələ almamağı öyrənək. Onların mənliklərində Tanrının kərəmiylə sarsılmaz qüdrət və gücün olduğunu kifayət görək… 82. Pislikləri aradan qaldırmaq bizə düşməz. Üzərimizə düşən yeganə vəzifə bütün kralların qəlbləri və iradələri əlində olan Tanrıdan kömək istəməkdir... Tanrının qarşısında Onun müqəddəsləşdirdiklərini təqdis etməyən, mühakimə edilən zəifləri əzmək (hüquqlarını tapdalamaq) üçün ədalətsiz qanunlar qəbul Yüklə 482,98 Kb. Dostları ilə paylaş:
|