Microsoft Word din ve devlet elaqeler doc
Yüklə 482,98 Kb. Pdf görüntüsü
|
- Bu səhifədəki naviqasiya:
- “Ey iman gətirənlər! Sizdən olmayanı özünüzə sirdaş seçməyin, onlar sizi çaşdırmaqdan əl çəkməzlər. Sizə sıxıntı verən şeylərdən xoşları gəlir. (Sizə
- “(Biz də) inandıq!” – deyir, xəlvətdə qaldıqda isə sizə qarşı qəzəblərindən dırnaqlarını gəmirirlər. De: “Hirsinizdən çatlayın!” Əlbəttə, Allah ürəklərdə
- “Onları gördüyün vaxt görkəmləri xoşuna gəlir. Danışanda sözlərinə qulaq asırsan. Onlar (divara) söykədilmiş çürük kötüklər (müqəvva) kimidirlər; hər
verilməməlidir. Bu baxımdan dövlət məsuliyətli davranmalı və belə insanların ordu-millət həmrəyliyinə kölgə salmasının qarşısını almalıdır. 71. Riyakarlar ordu mənsublarının xoş niyyətindən sui-istifadə etmək üçün əllərindən gələni əsirgəmirlər. Onlar elm xadimlərinin bir qismini öz tərəflərinə çəkməkdə də çətinlik çəkmirlər. Quranı Kərimdə ikiüzlülərlə, münafiqlərlə əlaqədar çox sayda xəbərdarlığa yer verilmişdir. Onlardan birində deyilir: “Ey iman gətirənlər! Sizdən olmayanı özünüzə sirdaş seçməyin, onlar sizi çaşdırmaqdan əl çəkməzlər. Sizə sıxıntı verən şeylərdən xoşları gəlir. (Sizə qarşı bəslədikləri) ədavət onların ağızlarından çıxan szölərdən aşkar olur,ürəklərində gizlətkləri (nifrət) isə daha böyükdür. Əgər düşünüb dərk edirsinizsə, (onların sizə bəslədikləri ədavətlə bağlı) əlamətləri sizin üçün açıq şəkildə izah etmişik. Siz elə insanlarsınız ki, onları sevirsiniz, amma onlar sizi sevmirlər. Siz bu Kitaba (Quranın) bütünlüklə inanırsınız. Onlar sizinlə rastlaşdıqları zaman: “(Biz də) inandıq!” – deyir, xəlvətdə qaldıqda isə sizə qarşı qəzəblərindən dırnaqlarını gəmirirlər. De: “Hirsinizdən çatlayın!” Əlbəttə, Allah ürəklərdə olanları biləndir. Sizdə bir yaxşılıq üz verəndə onlar qəmgin olur, bir pislik toxunanda isə ona sevinirlər. Əgər səbr edib özünüzü qorusanız (yaxud təqvalı olsanız) onların hiyləsi sizə heç bir zərər yetirməz. Çünki onlar nə edirlər etsinlər, Allah onları (elm və qüdrəti ilə) əhatə etmişdir!” (Əl-i İmran 3/118-120) Bəşəriyyət tarix boyunca ən böyük sıxıntıları ikiüzlülərdən çəkmişlər. Onlara münafiq deyilir. Onlar inanmadıqları halda inanmış kimi görünürlər. Onların bir qismi dürüst insanları heyran edəcək bir xarakterə bürünməyə qadirdir. Necə ki, onların içində Həzrət Məhəmmədi (s) belə heyrətə salanlar olmuşdur. Uca Allah buyurur:
72. Ordu ilə milləti bir-birindən ayırmaq, onların arasına ədavət toxumları səpmək istəyənlərin işlərini asanlaşdıran bir diqqətəlayiq məqam da vardır. Ordu mənsublarının qərargahları, yaşayış, iaşə, əyləncə və istirahət yerləri ayrıdır. Kişi vətəndaşlar həyatlarının çox qısa bir dövründə əsgər, yaxud ehtiyatda olan zabit kimi ordu mənsubları ilə tanışmaq fürsəti qazanırlar. Orada da vəziyyətlə əlaqədar olaraq münasibətlər hərbi disiplin çərçivəsində qurulur. Bu tərz münasibətlər ilk baxışda hərbi personalı bəzi xarici qüvvələrin təsirindən qorusa da, xalq ilə ordu arasında məsafə yaradır və həmrəyliyə əngəl olur. Ordu xalqın ordusudur. Beləliklə, xalqın ordusu ilə sıx münasibətlər qurması, qarşılıqlı dəstək və etibarın artaraq davam etməsi baxımından çox mühümdür. Bunun sayəsində ordu xalqını, xalq da ordusunu arada vasitəçi olmadan tanımaq fürsəti qazanacaqdır. Bir şeyi də unutmamaq lazımdır ki, bundan zərər görəcək ikiüzlülər və onların əlaltıları ordu-millət həmrəyliyinin qarşısını almaq üçün əllərindən gələni edəcəklər. Çünki bu onların oyunlarını pozacaq, artıq istədikləri kimi nifaq sala bilməyəcək və milləti ordusundan ayırmaq ümidini itirəcəklər. Məhz o zaman ordu-millət həmrəyliyi bütün aydınlığı ilə özünü göstərəcəkdir. Dövrümüzdə müharibələrin yalnız sərhədlərin deyil, bütünlüklə torpaqların müdafiəsini labüdləşdirməsi və torpaqların bütün vətəni (dövlətin quru, su və hava sahəsini bütövlüklə tərc.) əhatə etməsi həqiqəti də real olaraq bu
həmrəyliyi zəruri edir. O zaman düşmənlərin bu ölkə üzərində hiylə və planlar qurmaq imkanları da əllərindən alınmış olacaqdır. Bu həmrəyliyin nə qədər faydalı olduğu terrorla mübarizə təcrübəsində də özünü göstərmişdir. İKİNCİ HİSSƏ MÜQƏDDƏS KİTABA VƏ QURANA GÖRƏ TEOKRATİYA VƏ LAİSİZM 1-MÜQƏDDƏS KİTAB VƏ TEOKRATİYA 73. Teokratiya yunanca theos (tanrı) və kratein (hökmetmə) sözlərindən düzələn mürəkkəb bir sözdür. 45 Hakimiyyəti Tanrıya, yaxud Tanrı iradəsinə isnad edən üsuli-idarələr (dövlət quruluşları) bu adla adlandırılır. Bu siyasi ideologiyaya görə krala və hökumətlərə itaət Tanrıya itaətdir. Onlara qarşı itaətsizlik Tanrıya qarşı itaətsizlikdir. Çünki kral, hökumətlər və valilər (yerli icra hakimiyyəti başçıları) Tanrı tərəfindən təyin edilir və onun tərəfindən vəzifəyə gətirilirlər. Bu siyasi düşüncə Müqəddəs Kitaba isnad edilə bilər. Amma Quran belə bir dövlət quruluşunu qəbul etmir. A-ƏLAQƏDAR MƏTNLƏR 74. Müqəddəs Kitab Əhdi-ətiq (Qədim əhd tərc.) və Əhdi-cədiddən (Yeni əhd tərc.) ibarətdir. Tövrata Əhdi-ətiq, İncilə isə Əhdi-cədid deyilir. 75. İncildə teokratiyanı nəzərdə tutan mətnlər vardır. Tövratda isə bu mənaya gələbiləcək bircə ifadə yer alır. Tövratın ifadəsi belədir:
45 Mümtaz Soysal, Konstitusiyaya Giriş, Ankara 1968, s. 16. Yüklə 482,98 Kb. Dostları ilə paylaş:
|