178
Qarın əzələləri üçün hərəkətlər.
1.
Ç.v.
kürək üzərində uzanmaq, əllər baş arxasında. Gövdəni qaldıraraq
sinə ilə dizlərə toxunana qədər irəli əyilmək. 4 yaxınlaşmada maksimal sayda
təkrar (Şəkil 152).
Şəkil 152
2.
Ç.v. Maili lövhə üzərində uzanmaq, ayaqlar lövhəyə bərkidilir,
qollar baş
arxasında. Qalxaraq oturuş vəziyyətini almaq və ç.v. almaq. 3 X 12 (Şəkil 153).
Şəkil 153
3.
Ç.v. Uzanmaq qollar baş arxasında. Düz ayaqların yuxarıya qaldırılması.
4 yaxınlaşmada maksimal sayda təkrar (Şəkil 154).
Şəkil 154
Çap üçün deyil
183
Ö Z Ü N Ü M Ü D A F İ Ə E L E M E N T L Ə R İ
Təhlükəsizlik texnikası qaydaları
Ümumtəhsil məktəblərində şagirdlərin özünümüdafiə bacarıq
və vərdişləri
sambo və cüdo kimi güləş idman növlərinin elementlərindən istifadə etməklə
formalaşdırılır. Özünümüdafiə elementlərinə aid edilən hərəki fəaliyyət müxtəlif
şəraitlərdə yararlı ola bilər. Məsələn, küçədə gedərkən sürüşüb yıxılma, müxtəlif
fövqəladə hallarda çətin vəziyyətlər və s.
bu kimi hallarda cəmləşərək, yuvar-
lanmaq kimi bacarıqlar daha ağır zədələnmələrdən yayınmaq üçün əlverişli ola
bilər.
Digər tərəfdən hər bir icranın özünümüdafiə hüququ olduğundan o, sadə,
lakin effektli müdafiə bacarıqlarına malik olmalıdır.
Şagirdlərin ən sadə özünümüdafiə elementləri 7-ci sinif dərsliyində veril-
mişdir. Burada isə formalaşdırılmış bacarıqların təkmilləşdirilməsi
və yeni ele-
mentlərin mənimsənilməsi nəzərdə tutulur. Özünümüdafiə bacarıqları ümumtəhsil
məktəblərində dərsdənkənar, müstəqil məşğələlər zamanı formalaşdırılır. Bu hərə-
kətlərin nümunələri aşağıda verilmişdir.
Özünümüdafiə bacarıq və vərdişlərin formalaşdırılmasından əvvəl təhlü-
kəsizlik qaydalarına riayət olunmalıdır.
Bu məşğələlər zamanı aşağıdakılar qəti
qadağan olunur:
-
Rəqibi başı üzərinə yerə vurmaq;
-
Rəqibi atarkən bütün ağırlığı ilə onun üzərinə yıxılmaq, zərbə endirmək;
-
Boynu burmaq;
-
Başı ayaqlarla döşəyə sıxmaq;
-
Rəqibin sifətinə toxunmaq;
-
Bədənin istənilən sahəsinə dirsəklə və ya dizlə təsir
göstərmək;
-
Ayaq və əl barmaqlarından tutaraq, onları buraraq arxaya əymək.
Özünü zədələnmələrdən sığortalama fəndləri.
Yanı üstə yıxılmaq və bir yandan digərinə yuvarlanmaq.
(Şəkil 164).
Ç.v. – sol yanı üzərində uzanmaq. Sol dizi mümkün qədər sinəyə tərəf
sıxmaq. Sağ qıçı pəncə üzərinə elə qoymaq lazımdır ki, onun dabanı sol ayağın üst
hissəsinə dirənsin. İrəli uzanmış sol əli ovuc aşağı olmaqla sol dizə yaxın döşək
üzərinə qoymaq, sağ qolu yuxarıya qaldırmaq. Başı sağ çiyinə sıxmaq və sağ tərəfə
yuvarlanmaq. Bu üsulla sağa və sola yuvarlanmanı dəfələrlə təkrar etmək. Yanı
üstə yıxılmanı digər çıxış vəziyyətlərində: yəni duruşda, oturuşda, yarımoturuşda
icra etmək. Yanı üstə yıxılarkən, 48-ci şəkildə verilmiş vəziyyət almaq.
Çap üçün deyil