Fuad Məmmədov
60
Milli və beynəlxalq idarəetmə mədəniyyəti
Hələ qədim zamanlardan bizim günlərə kimi, hakimiyyət – ayrı-ayrı in-
sanların, xalqların, millətlərin və dövlətlərin həyatını, fəaliyyətini və taleyi-
ni müəyyən edib və müəyyən edir. Demokratik mədəniyyətdə dövlət insan-
lar tərəfindən öz həyat fəaliyyəti tələbatlarını təmin etmə, öz maraq və
məqsədlərinə nail olma vasitəsi kimi yaradılır.
Demokratik dövlətdə hakimiyyət xalqın iradəsinin mücəssəməsidir.
Onun təyinatı xalqın rifahının və həyat keyfiyyətinin təminatıdır, insanlar
isə təbəə yox, azad vətəndaşlardır. Тəyinatına görə demokratik hakimiyyə-
tin öhdəsinə yüksək siyasi və mənəvi məsuliyyət düşür.
Hakimiyyətin məhdudlaşdırılması və bölüşdürülməsi prinsipi, onun xal-
qа hesabat verməli olması, qanunun aliliyi - demokratiyanın siyasi mədə-
niyyətinin təməl daşı, Qərb ölkələrinin dövlət idarəçiliyinin ideoloji və hü-
quqi əsasıdır. Müasir qərb sisteminin dövlət inzibati idarəçiliyi üçün xarak-
terik cəhət: siyasiləşmənin artması, fəaliyyət sahələrinin bölüşdürülməsi və
idarəçilik əməyinin gələcək differensiasiyası, səmərəliliyin yüksəldilməsi
yollarının axtarışı, innovativ fəaliyyətin genişləndirilməsi, idarəçi kadrların
hazırlığının təkmilləşdirilməsi, idarəetmə üsulunun dəyişdirilməsi və s.-dir.
“Ümumi rifaha” istiqamətlənən dövlət qulluğu institutunun formalaşdığı
dövrdən fərqli olaraq, müasir inzibati-dövlət idarəçiliyi, əsasən, konkret si-
yasi maraq və məqsədləri nəzərdə tutan “siyasi bürokratiya” konsepsiyası
üzərində qurulmuşdur. Müasir dövr üçün qanunauyğun hal almış, siyasi və
inzibati funksiyaların bir hissəsinin inteqrasiyasını, məmurların yüksək ixti-
sas səviyyəsini, onların müstəqillik və məsuliyyətinin artırılmasını şərtlən-
dirən dövlət qulluğunun siyasiləşməsi - ekspertiza və diskresion fəaliyyətini
idarəçilik fəaliyyətinin önünə çıxarmış bürokratiyaya qərarların qəbul edil-
məsi və dövlət proqramlarının müstəqil işlənib hazırlanması üçün yeni im-
kanlar açmışdır. Bununla yanaşı, dövlət aparatının siyasiləşmiş rəhbərlərin-
dən fərqli olaraq, sıravi dövlət qulluqçuları öz xidməti vəzifələrini yerinə
yetirərkən, siyasətdən kənarda qalırlar, yalnız qanunun tələblərini əldə rəh-
bər tuturlar. Müasir şəraitdə idarəçi kadrların peşə karyerasına təsir göstə-
rən dövlət qulluqçularının fəaliyyətinin qiymət meyarları əhəmiyyətli dərə-
cədə dəyişmişdir. Dövlət qulluğunun - uzun müddətli xidmət, iş stajı, yaş
kimi ənənəvi göstəriciləri məmurların vəzifə yüksəlişində daha rol oynamır.
Yüksək idarəetmə mədəniyyəti, şəxsi təşəbbüs, işgüzar keyfiyyətlər, inno-
vatıv fəaliyyət, son nəticələrin yüksək səmərəliliyinə istiqamətlənmə, insan-
larla işləmək bacarığı və s. kimi parametrlər – müasir bürokratın karyera
yüksəlişinə təsir edən meyarlar olmuşdur. Demokratik ölkələrin dövlət ida-
rəçiliyi mədəniyyətində dövlət qulluğu sistemində parlament və ədliyyə nə-
İdarəetmə mədəniyyəti
61
zarəti mühüm yeri tutur. Parlament müvəkkilinin vasitəçilik institutu qa-
nunverici və icra hakimiyyətləri arasında ziddiyyətləri aradan qaldırıb, mü-
nasibətləri harmonizasiya etmək iqtidarındadır.
Məlumdur ki, milli, sosial və ümumbəşəri dəyərlərin və ölkə vətəndaşla-
rının maraqlarının əsas konsolidasiya forması olan hüquqi dövlətdə - dövlə-
tin məqsədləri və iradəsi inzabati-dövlət idarəetmə sisteminin köməyi ilə
reallaşdırılır. İnzibati dövlət idarəçiliyi termini ilk dəfə, 1986-cı ildə demo-
kratik hökuməti elmi idarəetmə metodları olmayan, səriştəsiz elan edən
ABŞ-ın respublika partiyasının proqramına daxil edilmişdir. 1990-cı ildən
dövlət inzibatçılığı ABŞ-ın və Qərbi Avropanın aparıcı ali məktəblərində
tədris proqramlarının bir hissəsi oldu. İdarəetmə mədəniyyətinin tədqiqat
prinsipləri kimi, elmdə qəbul olunmuş – analiz və sintez, induksiya və de-
duksiya, müqayisə və ümumiləşdirmə prinsiplərindən istifadə edilir. Мeto-
doloji baxımdan, idarəetmə mədəniyyəti problemlərinin nəzəri təhlili üçün,
kulturologiyada tətbiq edilən, təhlilin müxtəlif metodlarını nəzərdə tutan
sistemli yanaşmadan istifadə edilir. Bu metodların məcmusu siyasi, sosial
və iqtisadi xarakterli strateji qərarların hazırlanması və qəbul edilməsi üçün
praktik əhəmiyyət daşıyır. Dövlət qulluğu, idarəetmə elminə istinad edərək,
cəmiyyətin rifahı və təhlükəsizliyinin, sosial tərəqqinin və dövlətin özünün
həyat qabiliyyətinin asılı olduğu strateji məsələlərin həllini təmin edir.
Müasir demokratik ölkələrdə dövlət idarəçiliyi - insanların maddi rifahı-
nın və həyat keyfiyyətinin yüksəldilməsinin, ictimai tərəqqinin və xalqın
təhlükəsizliyinin təmin edilməsi məqsədini daşıyan, cəmiyyətin istehsal və
sosial həyat fəaliyyətinin təşkili üzrə dövlət aparatının fəaliyyətidir. Dövlət
idarəçiliyi dövlət quruculuğunun bütün başlıca proseslərinin (iqtisadi inki-
şaf, elm, təhsil, maarif, incəsənət, texnika, texnologiya və insanların digər
fəaliyyət sahələrinin) elmi əsaslar üzrə planlaşdırılmasını və dünya siviliza-
siyasının zaman və məkan çərçivəsində ölkənin gələcək inkişafının proq-
nozlaşdırılmasını nəzərdə tutur. Dövlət idarəçiliyinin mühüm prinsiplərin-
dən biri – məmurlarım məsuliyyət mədəniyyətinə əsaslanan, qanunların də-
qiq və şərtsiz icrasını, dövlət aparatının fəaliyyətində nizamın və dövlət in-
tizamının qorunmasını nəzərdə tutan qanunilikdir. Dövlət quruculuğu və
dövlət idarəçiliyində qanunilik prinsipinə riayət edilməsi, - dövlət orqanla-
rının ölkə konstitusiyasına ciddi uyğunluqda yaradılması; hər bir orqanın və
müəssisənin səlahiyyət hədlərinin dəqiq müəyyən edilməsi; dövlət hakimiy-
yətinin ali orqanları tərəfindən qəbul edilən dövlət normativ aktlarının qa-
nunlara tam uyğunluğu; vəzifəli şəxslər və ölkə vətəndaşları tərəfindən qa-
nunun tələblərinin və digər normativ aktların yerinə yetirilməsinin məcburi-
liyi ilə şərtlənir. Demokratik ölkələrdə ölkənin idarə edilməsində dövlət or-