__________________________________________
405
nazirinə deyəcəyəm və ondan xahiş edəcəyəm ki, onlar da bu
cür etsinlər.
Heydər Əliyev: İstəyirsiniz, bir nümayəndənizi verin, əsirləri
verək, aparsın oraya. Görək oradan o biriləri gətirə bilərlərmi.
Knut Vollebek: Cənab prezident, mən təklif edərdim ki, bu
işi əsirlərin dəyişdirilməsi üzrə təşkilat vasitəsilə edək.
Heydər Əliyev: Amma siz üçünü buraya gətirdiniz. Əgər
əvvəl buraya gəlsəydiniz, biz dördünü sizə verəcəkdik, burada
əsirlər qalmayacaqdı. Bu, daha yaxşı olacaqdı.
Knut Vollebek: Kasprşik burada qalacaqdır.
Heydər Əliyev: Əsirləri Kasprşikə verəcəyik? Əgər
tapşırırsınızsa, Kasprşikə verək.
Knut Vollebek: Sağ olun, Kasprşik burada qalacaqdır.
Cənab prezident, mən bilmirəm ki, nikbin olmağımın
səviyyəsini necə göstərim, lakin son bir neçə dəqiqədə bu,
birdən-birə qat-qat artdı. Çox sağ olun, cənab prezident, bu,
Sizin tərəfinizdən çox böyük jestdir və əlbəttə ki, Ermənistanda
da yaxşı qarşılanacaqdır. Hər şeydən əvvəl, bu, ATƏT-də də
gözəl qarşılanacaqdır və ilk növbədə Sizin ATƏT-ə
münasibətinizin, onunla əməkdaşlığmızın rəmzidir. Biz istəyirik
ki, əməkdaşlığımız bu cür davam etsin. Bu, eyni zamanda Sizin
həm də konkret problemi - Dağlıq Qarabağ problemini aradan
qaldırmaq əzmində olduğunuzu nümayiş etdirir.
Cənab prezident, sizin xarici işlər naziri məni buraya,
Azərbaycana gəlməyə dəvət edibdir. Mən həqiqətən,
Azərbaycana gəlməyə hazıram. Bunu çox ləngitmərəm və əgər
Dağlıq Qarabağ probleminin həllində müəyyən tərəqqi əldə
olunarsa, böyük məmnuniyyətlə gələrəm və ATƏT tərəfindən öz
yardımınıızı əsirgəmərik.
Heydər Əliyev: Buyurun, gəlin, mən çox məmnun olaram.
Mən də sizi dəvət edirəm. Başqa bir xahişiniz var? Sağ olun.
__________________________________________
406
AZƏRBAYCAN PREZİDENTİNİN
ATƏT-in HAZIRKI SƏDRİ, NORVEÇİN
XARİCİ İŞLƏR NAZİRİ KNUT VOLLEBEK İLƏ
GÖRÜŞ BAŞA ÇATDIQDAN SONRA BİRGƏ
MƏTBUAT KONFRANSINDA BƏYANAT
Prezident sarayı
18 sentyabr 1999-cu il
Azərbaycan Prezidenti Heydər Əliyevin bəyanatı
Hörmətli mətbuat nümayəndələri!
Biz saat 5-dən indiyə qədər sizinlə bir yerdəyik. Yəni siz
ATƏT-in sədri, Novveçin xarici işlər naziri və onu müşayiət
edən nümayəndə heyəti ilə apardığımız danışıqların
müşahidəçisi olmusunuz. Ona görə də hər şeyi bilirsiniz və sizin
də, bizim də vaxtımızı alıb təkrara yol vermək lazım deyildir.
Mən sadəcə, bu danışıqların yekunu olaraq, onu demək
istəyirəm ki, bu görüş Azərbaycan üçün çox əhəmiyyətlidir.
Çünki ATƏT-lə və xüsusən ATƏT-in Minsk qrupu ilə biz
Ermənistan-Azərbaycan, Dağlıq Qarabağ münaqişəsinin həll
olunması üçün illərlə əməkdaşlıq edirik. Qarşıda, noyabrın 17-
18-də İstanbulda ATƏT-in yeni zirvə görüşü olacaqdır. Ona
görə də hesab edirəm ki, danışıqlarımız və bəzi razılıqlarımız
bizim ATƏT-in sammitinə gedib orada müəyyən nailiyyət əldə
etməyimizə kömək göstərəcəkdir.
Biz başqa məsələləri də müzakirə etdik. Mən Ermənistan -
Azərbaycan münaqişəsinin sülh yolu ilə həll olunmasında
ATƏT-in Minsk qrupunun rolunu və onun indiyə qədər, bəzı
__________________________________________
407
hallarda zəifliyini bildirdim. ATƏT-in sədrindən xahiş etdim ki,
Minsk qrupunun fəaliyyəti gücləndirilsin. Biz yeni təklif
gözləyirik.
Azərbaycan prezidentinin Ermənistan prezidenti ilə apardığı
danışıqlar, şübhəsiz ki, lazımlıdır, səmərəlidir. Amma onlar
Minsk qrupunun işini dayandırmamalıdır. İşlər bir çox
istiqamətdə getməlidir.
Mən hesab edirəm ki, bizim danışıqlarımızın ümumi
nəticələrindən biri də o oldu ki, hörmətli sədr, hörmətli nazir
Ermənistandan Azərbaycana gələrkən Ermənistan tərəfi onlarda
olan 15 hərbi əsirdən 3-ün ona verib və o da onları Azərbaycana
gətiribdir. Mən buna görə təşəkkür etdim. Ancaq biz bu sahədə
daha da səxavət göstəririk. Ona görə də mən milh təhlükəsizlik
nazirinə əmr verdim ki, Azərbaycanda olan cəmi 4 Ermənistan
hərbi əsirini 5 gün içərisində Ermənistana versinlər.
Nəhayət, ATƏT-in burada ofisinin açılması məsələsi ilə
əlaqədar Xarici İşlər Nazirliyi ilə aparılan danışıqlarda həqiqətən
bəzi problemlər var idi. Ona görə də bu məsələ indiyə qədər həll
olunmamışdı. Mən xarici işlər nazirinə bu barədə qəti göstəriş
verdim ki, o, bu məsələni həll etsin və nümayəndə heyəti bu gün
Azərbaycanı tərk edənə qədər onlar hansısa bir sənəd
imzalasınlar. Şübhəsiz ki, bu proses gələcəkdə ATƏT-də
gedəcəkdir. Ancaq biz öz tərəfimizdən qərarı qəbul etdik.
ATƏT-in sədrinə Azərbaycana ziyarətinə görə təşəkkür
edirəm. Sağ olun.
__________________________________________
408
ATƏT-in hazırkı sədri Knut Vollebekin
bəyanatı
Cənab prezident! Siz görüşümüz zamam müzakirə etdiyimiz
bütün məsələləri mətbuat nümayəndələrinə qısa olaraq
açıqladınız.
Cənab prezident, mənə isə qalan təkcə odur ki, qəbul
etdiyiniz bu qərarlara görə Sizə minnətdarlığımızı bildirmək
istəyirəm.
Cənab prezident, mən elə bilirəm ki, 4 Ermənistan əsirini 5
gün müddətində azad etmək qərarınız çox səxavətli bir qərardır.
Əlbəttə ki, mən bu qərar haqqında Ermənistan prezidentinə
xəbər verəcəyəm. Elə bilirəm ki, bu qərar sülh danışıqlarının
yaxşı istiqamətdə getməsinə təkan vermiş olacaqdır.
Mən eyni zamanda, ümid edirəm ki, Sizin bu qərarınızdan
sonra Ermənistanda olan Azərbaycan əsirləri də tamamilə azad
ediləcəkdir.
Cənab prezident, mən ikinci qərarınıza görə də Sizə
minnətdarlığımı bildirmək istəyirəm. Bu, Bakıda ATƏT-in
ofisinin açılması ilə bağlı olan qərarınızdır. Onsuz da ATƏT ilə
Azərbaycan arasında olan yaxşı əlaqələr inkişaf etməkdədir.
Mən elə bilirəm ki, bu ofisin açılması həmin işə daha çox
yardım edəcəkdir.
Mən ümid edirəm ki, qarşılıqlı maraq doğuran bu və digər
məsələlər üzrə ATƏT çərçivəsində Sizinlə işimizi davam
etdirəcəyik. Sağ olun.
Heydər Əliyev: Təşəkkür edirəm. Sağ olun.
Dostları ilə paylaş: |