451
A.Vışinski onun üzərinə öz qeydini əlavə etdi ki, N.Sadak və Baş nazirin razılığı
olmadan Aras və Arpaqın belə fikir söyləmələri şübhəlidir (82). 1947-ci il dekabr
ayının 3-də isə SSRİ xarici işlər nazirinin müavini F.Qusev P.Yerşovun teleqramı
ilə bağlı V.Molotovun adına daha ətraflı arayış hazırladı. O yazırdı: "Hesab
edirəm ki, P.Yerşovun Aras və Arpaqla söhbəti və Arasın SSRİ ilə Türkiyə
arasında ticarətin canlandırılması haqqında təklifi adi kommersantın təklifi kimi
şərh etməsi səhvdir. P.Yerşovla Aras və Arpaq arasında söhbətin məzmunu
göstərir ki, onların Sovet-Türkiyə münasibətlərini yaxşılaşdırmaq üçün ticarəti
canlandırmaq məqsədilə "qapıları açmaq" təklifi SSRİ-nin Türkiyəyə münasibətdə
mövqeyini aydınlaşdırmaq üçün siyasi yoxlama xarakteri daşıyır". F.Qusev
yazırdı: "R.Arasın belə bif fikri diqqəti cəlb edir ki, N.Sadak bu istiqamətdə nə isə
edə bilər, o cümlədən mətbuata və böyük məsələlərin həllində Baş nazir və
prezidentə təsir göstərə bilər". Eyni ilə F.Qusev də təkrar edirdi ki, N.Sadakın və
Baş nazirin razılığı olmadan R.Arasın belə bir fikir söyləməyə risk etməsi
şübhəlidir. Onun fikrincə, Arasa və Arpaqa qeyri-rəsmi vasitəçi rolunun
tapşırılması təsadüfi deyildi, belə ki, Türkiyənin siyasi dairələrində inam var ki, bu
adamlar Sovet nümayəndələri tərəfindən məlum etimada malikdirlər. Eyni
zamanda türklərə məlum idi ki, Aras və Arpaq hətta Sovet-Türkiyə münasibətləri
gərginləşdikdən sonra da Sovet səfirliyi ilə sistematik əlaqə saxlayırdılar. F.Qusev
belə nəticəyə gəlirdi: "Türklərin bizimlə danışıqlar üçün yoxlama cəhdləri onunla
izah edilə bilər ki, SSRİ ilə münasibətlərin tənzim olunmamasından Türkiyənin
rəhbər hakimiyyət və partiya dairələrində narahat olmağa başlayıblar" (83).
Bunula da 1947-ci ilin sonlarında iki ölkənin münasibətlərinin normallaşacağına
müəyyən ümidlər yaransa da, Sovet İttifaqının yanlış mövqeyi nəticəsində bu
ümidlər boşa çıxdı.
Bundan bir həftə sonra Xarici İşlər Nazirliyinin Yaxın Şərq şöbəsinin müdiri
İ.Bakulin SSRİ-nin Ankaradakı işlər vəkilinə tapşırıq verdi ki, Türkiyə
iqtisadiyyatında Amerika kapitalının inkişaf dinamikası barədə müqayisəli
məlumatları Moskvaya göndərsin (84).
Beləliklə, Sovet-Türkiyə münasibətlərində yeni başlanmış soyuq müharibənin
gərgin olan daha bir ili nəticəsiz başa çatdı. 1947-ci ildə Trümen doktrinası elan
olunduqdan və yardım haqqında Amerika-Türkiyə sazişi imzalandıqdan sonra
Sovetlərin Türkiyəyə münasibətdə yeritdiyi "əsəb savaşı" mətbuat
kampaniyasından irəli gedərək daha kəskin xarakter aldı.
452
XI FƏSİL
Türkiyənin NATO-ya daxil olması
1948-ci ili Türkiyə narahat vəziyyətdə qarşıladı. Ölkədə ağır iqtisadi çətinliklər
davam etməkdə idi. 1947-ci ilin payızında yenidən güclənmiş Sovet təzyiqləri
hərbi xərclərin azaldılmasına imkan vermirdi. ABŞ-la məsləhətləşdikdən sonra
türk ordusunun şəxsi heyətinin bir qədər azaldılması müsbət meyllər yaratsa da,
lakin yetərli deyildi. Trümen doktrinası üzrə alınan yardımın həcmi Türkiyənin
hərbi ehtiyacları ilə müqayisədə çox az idi. Marşall planı üzrə aparılan
müzakirələr Türkiyə siyasi dairələri üçün gözlənilən nəticələri verməmişdi. Lakin
bütün bunların fonunda Türkiyə ABŞ-ın siyasi dəstəyini qazanmışdı və bu dəstək
onun Sovet təhlükəsinə qarşı dirənişinə ciddi şəkildə təsir göstərirdi. Baltik
dənizindən Qara dənizə qədərki böyük bir ərazidə Finlandiya istisna olmaqla,
Türkiyə sovet təsir dairəsindən kənarda qalan yeganə qonşu dövlət idi. "Ulus"
qəzeti özünün 1 yanvar 1948-ci il tarixli sayında Sovet İttifaqının xarici siyasətini
geniş təhlil edərək onun öz iradəsini digər xalqlara qəbul etdirmək cəhdlərini ciddi
şəkildə tənqid edir, Sovetlərin ekspansionist siyasətinin qarşısının alınmasında
ABŞ-ın rolunu yüksək qiymətləndirirdi. "Ulus" yazırdı: "Rusiya bəyan edir ki,
onun tələbləri qəbul edilməyənə qədər dünyada sülh bərqərar olmayacaqdır".
Lakin bütün çətinliklərə baxmayaraq Türkiyənin siyasi dairələri və mətbuatı 1948-
ci ilin ölkədə demokratiyaya doğru irəliləyişdə mühüm il olacağını
vurğulayırdılar.
1947-ci ilin sonlarında Sovetlərin təsiri altında olan Balkan ölkələri arasında
qarşılıqlı yardım haqqında müqavilələrin imzalanması Türkiyənin narahatçılığını
daha da artırmışdı. Hakimiyyətə Yaxın olan bir sıra mətbuat orqanları qeyd
edirdilər ki, əgər Yunanıstan və Türkiyə məğlub olarsa, onda Sovetlər öz ağalığını
bütün Avropa və Afrikada bərqərar edib Hindistanı mühasirəyə alacaqdır (1).
Türkiyə Böyük Millət Məclisinin yanvar ayında keçirilən iclaslarında deputat
Nihat Erim, Cahid Baban, Fuad Köprülü, Kemalettin Kamu, Etem İzzet Benice,
Asım Us, Reşat Aydınlı, Məclis sədrinin müavini Fikri Düşünsel və digərləri
SSRİ-yə qarşı sərt ittihamlarla çıxış etmişdilər. Hətta K.Kamu bildirmişdi ki,
İkinci Dünya müharibəsi Sovetlərin imperialist siyasətinin nəticəsi kimi meydana
çıxmışdır. Deputat R.Aydınlı parlamentdəki çıxışında qeyd etmişdi ki, indi qırmızı
imperializm bir zamanlar Hitler və onun əlaltılarının etmək istədiklərini həyata
keçirmək istəyir. Kreml bütün dünyanı tələb edir. Kommunizm Moskvanın
müstəmləkəçilik siyasətinin silahıdır. Sovetizm slavyanizm
453
deməkdir. Kommunizm azadlıq əvəzinə zəncirdir, ədalət əvəzinə terrordur.
Qırmızı qaydaların rəhbərləri, elə həmin Romanovlardır. N.Erim rus generalları
arasında belə bir söz-söhbətin olduğu barədə məlumatın alındığını qeyd edirdi ki,
"biz Türkiyəni aldığımız zaman onlarla, onların ermənilərlə etdikləri qaydaya
rəftar edəcəyik" (2). Bir sıra deputatlar Sovetlərin Türkiyəni dağıtmaq, türkləri
məhv etmək niyyətləri barədə müxtəlif mənbələrdən aldıqları məlumatlar
haqqında hiddətlə danışmağa başlamışdılar.
1948-ci ilin yanvar ayının ilk günlərində İspartadan olan millət vəkili Said
Köksal Avropanın müxtəlif həbs düşərgələrində saxlanılan və öz vətəninə
qayıtmaq istəməyən türklər barəsində xarici işlər nazirinə sorğu ilə müraciət
etmişdi. Onların hamısı Sovet İttifaqının türk-müsəlman respublikalarından olan
sovet vətəndaşları idilər. Xarici işlər naziri N.Sadak bu barədə yanvar ayının 12-də
Məclisə geniş məlumat verdi. O qeyd etdi ki, Türkiyə hökuməti bu məsələ ilə
çoxdan məşğuldur və zaman-zaman bu məsələ respublika hökuməti qarşısında
siyasi bir məsələ kimi dayanmışdır. N.Sadak bildirdi ki, İkinci Dünya
müharibəsindən sonra Qərbi Avropa ölkələrində təxminən bir milyon yarım
keçmiş əsir, köçürülmüş, yaxud sürgün edilmiş adamlar toplanmışdır. 1946-cı ildə
BMT-nin Baş Məclisində köçkün və qaçqın düşmüş adamların yerləşdirilməsi ilə
bağlı xüsusi beynəlxalq təşkilat yaradılmışdır. Bu təşkilatın başlıca vəzifəsi qeyd
edilən milyon yarım əsir, qaçqın və köçkün əhalinin öz vətəninə qayıtmaqlarını
təmin etmək idi. Lakin N.Sadakın sözlərinə görə, bu adamların müəyyən hissəsi
öz vətənlərinə qayıtmaqdan imtina etmişdi. Bu adamların arasında Türkiyəyə
gəlmək istəyənlər də olduğundan hökumət məsələni öyrənmək üçün 1946-cı ilin
iyul ayının 1-də xüsusi komissiya yaratmış və bu komissiya oktyabr ayına qədər
Yunanıstan, İtaliya, Avstriya, Almaniyanın ingilis və amerikan işğal zonasında
işləmiş və müvafiq raport hazırlamışdı. Komissiya 7170 müsəlmanın Türkiyəyə
köçmək arzusunda olduğunu müəyyənləşdirmişdi ki, bunların da 4700 nəfəri
İtaliya, İsveçrə və alman düşərgələrində beynəlxalq təşkilatların nəzarəti altında
olan, 2470 nəfəri isə düşərgələrdən kənarda yerləşən şəxslər təşkil edirdi.
Komissiyanın məlumatlarını və təkliflərini dinlədikdən sonra hökumət bu
adamların Türkiyəyə gəlməsinin mümkünlüyü haqqında qərar qəbul etmiş,
bununla yanaşı əlavə olaraq vaxtilə öz ölkəsində olan zaman hərbi cinayət
törətməmiş və vətənə xəyanət etməmiş daha 7 min adamın da qəbul olunmasının
mümkünlüyünü beynəlxalq təşkilata bildirmişdi. Eyni zamanda hökumət
Türkiyəyə gəlmək arzusunda olanların gələcəkdə digər ölkəyə getmək məqsədilə
Türkiyənin müvəqqəti yaşayış yeri kimi seçməsi ilə razı deyildi. Hökumət şərt
qoymuşdu ki, gəlmək istəyənlər Türkiyə vətəndaşlığını qəbul edib orada daimi
yaşamalı idi. N.Sadak bu işin çox diqqətlə
Dostları ilə paylaş: |