_____________ Milli Kitabxana_____________
139
yüksək patetik vüsətlə ifa edilir. Sevgi səhnələrindən ən adisi
“miçiyuki” adlanan səyahət epizodlarıdır.
_____________ Milli Kitabxana_____________
140
14. Kabuki teatrında geyim tərzi
Kostyumlar, sözün əsl mənasında, Kabuki teatrının
yaraşığıdır. Geyimdə görükən rənglər vasitəsilə seyrçi
tamaşanın qəhrəmanlarını tanıyır, onların xarakteri haqqında
məlumat alır. Şahzadə xanımlar qırmızı kimono geyinir,
saçlarına yelpiyəbənzər gümüşü muncuqlarla bəzədilmiş
sancaq taxırlar. Bu şahzadə xanımlara , eyni zamanda, “şibire
hime”, yəni “donuq şahzadə”lər də deyirlər. Nədən ki, onlar
səhnə vaxtlarının çox hissəsini oturaq pozada keçirirlər. Bu
qadınların yalnız əl barmaqlarının ucu kimononun altından
görünür. Şahzadə xanımların rollarını oynayarkən sağ qol
sinənin qarşısında saxlanılır, sol qol isə çiyinlər səviyyəsinə
qaldırılıb sanki qanada çevrilir. Odur ki, bu qadınların rollarını
yaratmaq aktyorlar üçün xüsusi çətinlik törədir. Kişi nökərlərin
paltarları ağ rəngdə olur. Onlar dizlərinə qədər uzanan yüngül
nazik ləbbadə, buna “hanten” deyilir, geyinir, öz salamları və
zarafatları ilə fərqlənirlər. Ciddi, güclü kişi rollarının ifaçıları
geniş şalvarda və enli çiyinli, qatlanmayan “kami-şimo” adlı
qaftanda səhnəyə çıxırlar. Bu vaxt rənglər fərdi xarakterə
uyğun seçilir. Baş kişi rollarını oynayan Kabuki aktyorlarına
“taçikata” deyilir. Teatr seyrçiləri arasında qəşəng gənc oğlan
rollarını, təlxəkləri, məkrli personajları ifa edən aktyorlar
ardıcıl olaraq “nimaime”, “sanmaime” və “akattsure”
adlandırırılır. Əcayib personajların əcayib də geyimi olur.
Bəzən onlar ölçüləri nəhəng kostyumlarda səhnəyə çıxırlar.
Kabuki teatrında yaşıl paltarlı insan formasında təzahür etmiş
siçovulun ruhu da əcayib personajlardan sayılır. Kostyumları
Kabuki teatrının tamaşasına gəlmiş seyrçilərin gözü
qabağındaca asanlıqla və tez bir müddətdə dəyişmək
mümkündür. Bu, iki formada baş verir: birini “bukkayeri”,
_____________ Milli Kitabxana_____________
141
digərini “hikinuki” adlandırırlar. Akrobatik hərəkətləri icra
edən qruplar vəziyyətdən asılı şəkildə ya qara, ya qırmızı, ya
sarı, ya da gümüşü rəngli paltarlar geyinirlər. Şəhər əhli boz
rəngə üstünlük verir; onların kimonolarında arxa tərəfdən
kürək ortasında iri ağ daraq şəkli olur. Sinə və qolların üstündə
də daraq şəkli əks etdirilib. “Keysey” adlanan əxlaqsız
qadınlar ecazkar kostyumlar geyinirlər. Onların parikləri, saç
düzümləri çox böyükdür və saçlarına çoxsaylı uzun sancaqlar
taxarlar. Bu, onların ictimai-sosial vəziyyətlərini, əxlaqını
güzgüləyir.
Kabuki teatrında parik və qrimlərdən geniş istifadə edilir.
Bu teatrın tamaşalarının ən məşhur və ən ekspressiv qrimi
“kumadori” adlanır. Kumadori “sərt kabuki”nin, yəni
araqotonun yararlandığı qrimdir. Elə güman edilir ki, bu qrimi
yapon sənətçiləri Pekin operasının arsenalından mənimsəmişlər.
Yapon teatrşünaslarının bəzilərinin fikrincə isə II Dancuro öz
bağında bitən pion gülünün çiçəkləməsinə baxıb kumadori
qrimini araqoto üslubu üçün kəşf etmişdir. Bu qrim qara, boz,
tünd qırmızı
xəttlərin ağardılmış sifət üzərində
kompozisiyasından meydana gəlir.
KUMADORİ
qəzəb, nifrət,
döyüşkənlik, kin bildiricisidir. Başqa qrimlər Kabuki teatrında
adətən öz sadəliyilə seçilir.
_____________ Milli Kitabxana_____________
142
15. Musiqi
Kabuki teatrında musiqi 350 ildən bəri təkmilləşib müəyyən
qəlibə düşmüşdür. Orkestr Kabuki səhnəsinin aşağı hissəsində
ryö-hanamiçi cığırının sonunda sandıq formalı bir taxtın
üstündə qərarlaşır. Bura yaponlar “geza” deyir. Kabuki
orkestri azsaylıdır. Bu orkestrin çaldığı musiqilər üç yerə
ayrılır: samisenin köməyilə zühur edən aikata, yəni fon
musiqisi; samisenin müşayətilə oxunan utalar, yəni mahnılar;
zərb alətlərinin çıxardığı səslər. Musiqi alətləri tamaşada hər
hansı bir ovqatı yaratmaq imkanına malikdir. Geza sazəndələri
təkcə səhnədə baş verən hadisələri, seyrçilərə görünən
personajları müşayət etmirlər: onlar müəyyən ayinin
icraçısıdırlar. “İçiban” deyilən böyük bir təbil məxsusi ritmik
zərbələrlə səhər alverinin başlandığını bildirir. Bu təbillə eyni
zamanda “çakuyo” ritmik qəlibi vurulur. Beləliklə, xəbər
verilir ki, truppa rəhbərləri qrim otağına daxıl olur və ikindi
vaxtıdır. Teatrda gündəlik fəaliyyətin coşduğu bir məqamda
“içidaşi” ritmik qəlibi çalınır. Oxşar, lakin həcmcə daha artıq
təbilin vasitəsilə dağların, çayların, yağışın, dənizin, qar və
ildırımın ritm və səs qəlibləri müəyyənləşdirilir. Dəniz və qarın
bir neçə səs variasiyaları mövcuddur. Araqoto üslubunda
ruhların səhnəyə gəlişini də təbil müşayət edir. Əksərən bu
xüsusda təbilə ney də qoşulur. Müxtəlif ölçülü və müxtəlif
formalı təbillər, fleytalar, “kokyu” adlanan violançellə birlikdə
tamaşanın musiqi tərtibatını bitginləşdirir. “Meriyasu”
adlandırılan mahnılar sevgi səhnələrində ifa edilir; ola da bilsin
ki, bu mahnılar personaj məktub yazarkən və ya öz saçlarını
düzəldərkən, darayarkən eşidilsin. Bu qısa mahnılar yeddi
hecadan ibarət olub şahzadə xanımların səhnəyə gəlişi zamanı
Dostları ilə paylaş: |