416
“Karvan” simfonik lövhəsi, Niyazinin “Rast” simfonik muğamı,
Q.Qarayevin “İldırımlı yollarla” baletindən süita səsləndi.
1958-ci ilin sonlarında, Moskvada II Azərbaycan incəsənti
və ədəbiyyatı dekadasından bir qədər öncə Niyazi ikinci bir mə-
suliyyətli işə – M.F.Axundov adına Azərbaycan Dövlət Opera
və Balet teatrının baş dirijoru təyin edildi. Onun başlıca vəzifəsi
dekada üçün Ü.Hacıbəylinin “Koroğlu”, F.Əmirovun “Sevil” və
Q.Qarayevin “Yeddi gözəl” tamaşalarını hazırlamaqdan ibarət idi.
Niyazi
kamil sənətkar kimi Azərbaycan musiqisinin şah əsəri
Ü.Hacıbəylinin “Koroğlu” operasının təfsirindən başladı. Bu ye-
ni ifa dramaturji bütövlüyü, psixoloji inandırıcılığı, emosional
ifadəliliyi ilə fərqlənirdi. Niyazi bu əsərin ideya-emosional məz-
mununu bütün dərinliyi ilə açıb göstərdi. O, “Koroğlu” operası-
nın musiqisinin mürəkkəb quruluşunun qəhrəmanlıq, təsirli liri-
ka kimi gözəl xüsusiyyətlərini yüksək sənətkarlıqla təqdim etdi.
F.Əmirovun “Sevil” operasında Niyazi dərindən düşünülmüş ifa
tərzi əsasında, əsərin bütün inkişafının dəqiq xəttini cızmağa, tə-
zadlı hissələrin dinamikliyinə və təsirliyinə nail olmuşdu. Niya-
zinin təfsirində Q.Qarayevin “Yeddi gözəl” baletinin partiturası
böyük emosional qüvvəyə və canlı ritmik ahəngə malik idi. Ni-
yazi həmin əsəri çoxtəbəqəli teatr hadisəsi, simfonik hal kimi
açır, ayrı-ayrı epizodların və səhnələrin dramatizmini və lirizmi-
ni qabarıq şəkildə təqdim edir, təzad təşkil edən obrazları göstə-
rir, diqqəti ən mühüm emosional psixoloji kulminasiyalara yö-
nəldirdi
1
. Baletin musiqisi yeni parlaq rənglərlə təqdim edilmiş-
dir. Azərbaycan dirijoru Moskva dekadası zamanı yüksək ifaçı-
lıq məharətini bir daha nümayiş etdirdi. Həmin günlərdə Niyazi
musiqi sənətinin inkişafında görkəmli xidmətlərinə görə SSRİ
Xalq artisti kimi yüksək ada layiq görüldü və Azərbaycan SSR
Ali Sovetinin deputatı seçildi.
1959-cu ilin sonunda Niyazi orkestri ilə birlikdə Latviyada
on beş gün ərzində çıxış etdi. Latviyanın görkəmli bəstəkarları,
musiqişünasları Niyazinin məharətini, orkestrin yüksək bədii
keyfiyyətlərini qeyd etdilər.
1
Kərimov S. Niyazi. Bakı, 1982, s. 47.
417
1960-cı ilin əvvəllərində Bakıda ifaçı musiqiçilərin birinci
Zaqafqaziya müsabiqəsi keçirildi. Niyazi bu müsabiqədə mün-
siflər heyyətinin nüfuzlu sədri və gənc istedadların aşkara çıxa-
rılmasına yardım edən həssas müşayiətçi kimi çıxış etdi. Qeyd
edək ki, Niyazi Azərbaycan Dövlət Konservatoriyasının tələbləri
ilə çoxsaylı çıxışlar edirdi, opera və balet tamaşalarına gənc ifa-
çıların daxil edilməsinə səy göstərirdi, musiqi məktəblərində
təhsil alan gənc istedadları simfonik konsertlərə cəlb edirdi.
1960-cı ilin aprel ayında Niyazi Macarıstanda P.Çaykovskinin
Dördüncü simfoniyasından, M.Ravelin “Bolero” əsərindən, Q.Qa-
rayevin “İldırımlı yollarla” baletinin süitasından, Y.Bramsın forte-
piano konsertindən (solist İ.Jukov), V.A.Motsartın və L.Bethove-
nin skripka konsertlərindən (solist L.Koqan) ibarət konsert proqra-
mı ilə çıxış etdi. Macarıstanın nüfuzlu musiqi tənqidçisi Breyer Ya-
noş aylıq “Muzıka” jurnalındakı böyük məqaləsində Niyazinin
yüksək ifaçılıq istedadını qeyd etmişdir. Macarıstanda Niyaziyə
görkəmli macar bəstəkarı Bela Bartok adına medal təqdim olundu.
1960-cı ilin iyun ayında Niyazi Tbilisidə Azərbaycan və Gür-
cüstan incəsənət ustalarının konsertində uğurlu çıxışlarından sonra
Amerika pianoçusu Van Klibern ilə birlikdə konsert verdi. R.Şu-
manın və S.Raxmaninovun fortepiano konsertlərinin V.Klibern və
Niyazi tərəfindən təkraredilməz təsirli ifası ən böyük ilhamın ifadə-
si idi. Həmin ildə Niyazinin Yerevanda Ü.Hacıbəylinin “Koroğlu”,
Q.Qarayevin “Yeddi gözəl” tamaşalarına dirijorluq etməsi və
Q.Qarayevin “İldırımlı yollarla” baletindən İkinci süita və Amerika
bəstəkarı E.Mak-Douellin İkinci “Hindi süitası”ın fraqmentlərin-
dən ibarət olan konserti böyük bədii hadisəyə çevrildi.
Niyazi yazırdı ki, o, müxtəlif ölkələrdə Q.Qarayevin istedad-
la bəstələnmiş novator musiqisini mütləq öz proqramına daxil
edirdi. Q.Qarayevin “İldırımlı yollarla” baletindən İkinci süita
Niyazinin həmin dövrdə M.F.Axundov adına Azərbaycan Döv-
lət Opera və Balet teatrının səhnəsində Q.Qarayevin eyniadlı
musiqili-xoreoqrafiya dramının tamaşaya hazırlanması üzərində
işindən xəbər verən ilk uğurlu nəticəsi idi.
1961-ci il də Niyazinin çoxcəhətli yaradıcılıq fəaliyyətinin coş-
ğun bir mərhələsi idi. O, Hindistanın görkəmli mədəniyyət xadimi,
418
yazıçı Rabindranat Taqorun (1861-1941) eyniadlı poemasının mo-
tivləri əsasında “Çitra” baletini yazdı, o zaman gənc Azərbaycan
bəstəkarı A.Məlikovun “Məhəbbət əfsanəsi” baletinin musiqisini
məşhur Leninqrad Dövlət Akademik Opera və Balet teatrında (in-
diki Sankt-Peterburqun Mariinski teatrında) ifa etdi, Parisdə
“Qrand-opera” və Londonda “Kovent-Qarden” teatrlarlarının or-
kestrləri ilə P.Çaykovskinin və S.Prokofyevin baletlərinin musiqisi-
ni səsləndirdi. Bütün bu tamaşalar böyük uğurla keçdi.
D.Şostakoviçin fikrincə, Leninqrad teatrının rəhbərliyi
P.Çaykovskinin “Yatmış gözəl” və S.Prokofyevin “Daş çiçək”
tamaşalarına, yeni teatrın balet truppasının Fransada, sonra isə
İngiltərədə göstəriləcək qastrol tamaşalara dirijorluq etməyi Ni-
yaziyə tapşırmaqla “çox ağıllı iş görür”. Fransa və İngiltərənin
musiqi tənqidçiləri həmin tamaşaların musiqi rəhbəri Niyazinin
məharətini geniş şərh etdilər, təriflə dolu fikirlər söylədilər,
onun idarəsilə ifa edilmiş baletlərin alqışlarla qarşılanmasını
vurğuladılar. London mətbuatında Niyazinin geniş musiqi biliyi
və parlaq istedadı qeyd edilmiş, onu “London teatrının pultu ar-
xasında çıxış etmiş ən yaxşı dirijorlardan biri” adlandırmışdılar
1
.
İkipərdəli “Çitra” baleti öncə Kuybışev (Samara) Opera və Ba-
let teatrında tamaşaya qoyuldu, sonra isə Moskvada, Kreml te-
atrının səhnəsində göstərildi. Bu balet böyük uğurla bir çox şəhər-
lərdə nümayiş etdirildi. “Çitra” baletinin ilk tamaşasına R.Taqorun
qız nəvəsi Nandita Kripalani də baxdı. O, qeyd etdi ki, “baletin
musiqisində Rabindranat Taqorun əsl poetik yaradıcılıq ruhu hökm
sürür”. Azərbaycan bəstəkarlarının II qurultayında Q.Qarayev
Azərbaycan bəstəkarlarnın balet musiqisi sahəsində uğurlarından
danışarkən Niyazinin də balet yaradıcılığını yüksək qiymətləndirdi.
1961-ci ilin mart aynının 23-də Niyazinin idarəsi ilə A.Məliko-
vun “Məhəbbət əfsanəsi” baletinin tamaşası göstərildi və həmin ba-
let musiqi-xoreqrafiya sənətinin görkəmli hadisəsinə çevrildi
2
.
A.Məlikovun istedadlı, emosional musiqisi, N.Hikmətin qüdrətli ya-
radıcılıq fantaziyası, Y.Qriqoroviçin novator xoreoqrafiyası, S.Virsa-
1
Kərimov S. Niyazi. B., 1982. s. 53.
2
Həmin balet sonralar dünyanın bir çox səhnəsində 60 dəfədən çox
tamaşaya qoyulmuşdur.
Dostları ilə paylaş: |