108
- növbəli əkinçilik sisteminə ot bitkilərinin daxil
edilməsi;
- üzvi gübrələrin tətbiqi;
- torpağı çevirmədən şumlanması;
- yarğan əmələ gəlməsinin qarşısının alınması.
3. Strukturasız qabığın və qatların əmələ gəlməsi
Bu prosesin səbəbləri aşağıdakılardır:
1) Torpağın fiziki yetişmə həddindən artıq rütubətlə təmin
olunduğu hallarda ağır texnika ilə becərilməsi. Bu zaman
struktur pozulur və sıxlıq 1.2-1.3 həddindən 1.5-1.8 q/sm
həddinə qədər artır.
2) Suvarılan qaratorpaqların zəif qələvi xassəli sularla suva-
rılması. Belə şəraitdə becərmə zamanı ağır maşınların
təsiri ilə pis su keçirən təbəqələr əmələ gəlir. Həmin qatlar
çevrilir, nəticədə bitkilər məhv olur.
3) Qədim əkin sahələrində kipləşmiş əkinaltı qatın əmələ
gəlməsi 20-40 sm qədər dərinlikdə sıxlaşmış qat əmələ
gəlir və bitkilər üçün əlverişsiz şərait yaranır. Bu proseslə-
rin qarşısını almaq üçün əkin sahələrində yüngül texnika-
nın tətbiqi, maşınların sahədə gediş sayının azaldılması,
torpağın dövrü olaraq dərin yumşaldılması, ot bitkilərinin
əkilməsi və üzvi gübrələrin tətbiqi kimi tədbirlərin həyata
keçirilməsi zəruridir.
4.5.3. Torpağın su və kimyəvi rejimləri pozulması nəticəsində
deqradasiyası
1. Torpaqların səhralaşması və quraqlıq
Yerdə baş verən buzlaşmalardan sonra müəyyən ərazilər-
də səhralaşma baş vermişdir. Bu proses həmçinin insanın plan-
sız təsərrüfat fəaliyyəti nəticəsində davam etməklə bərabər
qurunun 15%-ə qədər sahəsini əhatə edir. Hər il antropogen
təsirlər nəticəsində 50 min km
P
2
P
ərazi səhralaşır. Meşələrin,
109
kolluqların qırılması, mal-qaranın nizamsız otarılması və digər
səbəblər çim qatının dağılmasına, strukturanın pozulmasına,
səthdə qabıq qatının əmələ gəlməsinə səbəb olur.
Bu prosesin qarşısını almaq üçün qumların bərkidilməsi,
qoruyucu meşə zolaqlarının salınması, fitomeliorativ tədbir-
lərin tətbiqi, növbəli əkin sisteminin və s. tədbirlərinin həyata
keçirilməsi labüddür.
2. Sel axınları və sürüşmələr
Dağ və dağlıq ərazilərdə bitki örtüyünün məhv edilməsi
bu proseslərə səbəb olur. Bitkisiz dağ yamacları çox intensiv
yuyulur və kök süxürları səthə çıxır.
Bu proseslərin qarşısını almaq üçün ərazidə meşələrin
salınması, dambaların və bəndlərin inşa edilməsi zəruridir.
3.Torpağın təkrar şorlaşması
Torpağın minerallaşmış və içməli sularla qeyri-düzgün
suvarılması nəticəsində meydana gəlir. Bu proses həm də
onunla əlaqədardır ki, çəkilmiş suvarma kanalları ekoloji tələb-
lərə cavab vermir və su normaları düzgün müəyyənləşdirilmir.
Nəticədə suvarma suyunun 50-60 %-i aşağı qatlara süzülür və
minerallaşmamış qrunt sularının səviyyəsinin qalxmasına
səbəb olur. Adətən qrunt sularının yerin səthindən 3-1.5 m
dərinlikdə yerləşdiyi şəraitdə təkrar şorlaşma baş verir. Bu
prosesin qarşısını almaq üçün kanallardan suyun filtrasiyasının
qarşısını almaq, damcı suvarmasını tətbiq etmək və dərin
drenaj qurğularının (2.5-3 m) inşa etmək lazımdır.
4.Torpağın təbii və təkrar turşulaşması
Bir çox kənd təsərrüfatı bitkiləri üçün mühitin reaksi-
yasının optimal qiyməti 5.5-8.0 arasında dəyişir. Mühitdə tur-
şuluq artdıqca torpağın münbitliyi və bioməhsuldarlıq aşağı
düşür.
Son illərdə yüksək inkişaf etmiş sənayesi olan ölkələrdə
atmosfer çöküntülərində, göl sularında və səthi axar sularda
atmosferdən daxil olmalar hesabına (sənaye, nəqliyyat və başqa
mənşəli) güclü turşulaşma müşahidə olunur. Torpağın turşu-
110
laşması nəticəsində torpaqda bitkilərə, heyvanlara və insana
toksiki təsir göstərən kimyəvi fəal maddələrin miqdarı artır.
Torpağın əkin qatında turşuluğun artmasında balanslaşdiril-
mamış fizioloji turş gübrələrin də böyük rolu var.
Təkrar turşulaşma nəticəsində bitki örtüyünün, xüsusilə
meşələrin vəziyyəti kəskin pisləşir və onlar məhv olurlar.
Bu prosesin qarşısını almaq üçün tullantısız texnolo-
giyanın tətbiqi və bu yolla atmosferə daxil olan azot və kükürd
oksidlərinin miqdarını azaltmaq lazımdır.
5.Torpağın hədsiz qurudulması
Bu proses düzgün həyata keçirilməyən qurutmanın
nəticəsində meydana gəlir.
Qurutmadan qabaq ərazidə torpağın rütubətlənməsini
əmələ gətirən qrunt sularının optimal yatım şəraitinin yaratmaq
lazımdır. Nəzərə almaq lazımdır ki, müxtəlif qranulometrik
tərkibə malik olan torpaqlarda torpaqaltı suların optimal
yerləşmə dərinliyi müxtəlif olur (qumlu və qumsal torpaqlarda
70-80 sm;gilləcələrdə 100-180 sm).
Torpaq sahələri qurudulan zaman dren və kanalların
ərazinin mezorelyefinə uyğun olaraq yerləşdirilməsinə diqqət
yetirmək lazımdır. Bu zaman quruducu sistemləri inşa etmək
üçün relyefin və torpağın 1:1000 və 1:3000 miqyaslı
kartoqramları tərtib edilməlidir.
4.5.4. Torpağın su hövzələrində su axını nəticəsində zəbt
olunması yolu ilə deqradasiyası
Su elekrtrik stansiyalarının inşası ilə əlaqədar su hövzə-
lərinin yaradılması bütün ekoloji kompleksin, o cümlədən
torpaq-ekoloji şəraitin dəyişilməsinə səbəb olur. Bunun əsas
səbəbləri ərazinin müəyyən hissəsinin su altında qalması, qrunt
sularının səviyyəsinin qalxması, eroziya, abraziya, anaero-
boizis, buxarlanma və digər amillərlə əlaqədardır. Bu amillərin
təsir dairəsi su hövzəsinin ölçüləri, suyun kimyəvi tərkibi, onun
qalxma hündürlüyü, iqlimin dəyişmə dərəcəsi ilə bağlıdır.
Dostları ilə paylaş: |