60
üçün «təmiz» hidroenerji istehsalı ilə əvəzlənir. Torpaq itgi-
sini yeni rayonlardan istifadə etməklə, balıq itgisini isə balıq
zavodları tikməklə əvəz etmək olar. Bir çox SES-də balıq
yetişdirilən pitomniklər tikilir.
Keçmiş SSRİ-də Volqa, Dnepr, Bratsk, Anqara, Krasno-
yarsk vilayətində Sayan-Şuşenskidə nəhəng su elektrik
stansiyaları tikilmişdir. Azərbaycanda Mingəçevir, Varvara,
Yenikənd, Şəmkir, Sərsəng, Araz və s. su elektrik stansiya-
ları tikilmişdir. Bundan başqa kiçik çayların enerjisindən də
istifadə edilir.
Elmi-texniki inqilab insanın əlinə daha mükəmməl və
qüvvətli əmək silahı verir. Lakin eyni zamanda ondan is-
tifadə zamanı istifadə mədəniyyətini və texniki düşüncənin
yeni mərhələsini tələb edir.
6.1.3. Atom enerjisindən istifadənin ekoloji məzmunu.
XX əsrdə atom enerjisi insan həyatına geniş daxil olmuşdur.
Atom elektrik stansiyaları (AES) energetikanın zirvəsini
təşkil edir. Bu bəşəriyyətin növbəti inkişaf mərhələsi üçün
bünövrədir. Hazırda Yer kürəsində insanları dəhşətə gətirən
qlobal problemlərdən biri də atom enerjisindən insan qırğını
törətmək cəhdləri olmuşdur.
Dünyada ilk atom elektrik stansiyası 1954-cü ildə keçmiş
SSRİ-də Kaluqa vilayətinin Obninsk şəhərində tikilmişdir.
Bu günə kimi dünyada 350 enerji bloku işləmiş və onların
gücü 250 mln. kilovatt olub. AES-lərin bir çox ölkələrin,
enerji sistemində rolu böyükdür. Fransada istehsal olunan
enerjinin 65%-ni, Belçikada – 50%, İsveçdə – 39%, İsveç-
rədə 35%, Bolqarıstanda isə 30%-ni atom enerjisi təşkil edir.
Lakin atom elektrik stansiyalarından ətraf mühitiə yayılan
istiliyin azaldılması mühüm şərtdir. Son onilliklər Çernobl-
da, ABŞ-da, İngiltərədə, Almaniya Federativ Respublikasın-
61
dakı atom elektrik stansiyalarındakı qəza və bədbəxt hadi-
sələr, fikirləri ciddiləşdirdi və hazırda atom stansiyalarına
ciddi yanaşma tələb olunur.
Keçmiş SSRİ-də 10 iri AES olub ki, onlarda 40 enerji
bloku qurulub (ümumi gücü 22 mln. kilovatt).
Atom enerjisi atomsferi çirkləndirmir. Digər tərəfdən
onlar eyni gücə malik başqa stansiyalara nisbətən daha çox
ərazi tələb etmir. Lakin atom stansiyalarının ekologiyasına
radioaktiv tullantıların saxlanılması və qəzaların qarşısının
alınması ilə əlaqədar tədbirlərin görülməsi vacibdir. AES-də
radioaktiv elementlərlə çirklənmiş çirkab suların atılması
üçün də tədbirlər görülməlidir.
Atom elektrik stansiyalarında 1 stansiya üçün 1 mln. kVt/s
enerji istehsal etmək üçün bir gündə 16 kq. nüvə yanacağı
lazımdır. Mazutdan istifadə olunsa isə böyük bir qatar yükü
olmalıdır.
Azərbaycan üçün ən təhlükəli, Zaqafqaziyada yeganə
olan, Yerevan (Mutsomor) AES-idir.
Ukraynanın Kiyev rayonuna yaxın Çernobl şəhərindəki,
Atom Elektrik Stansiyasının 4-cü blokunda 26 aprel 1986-cı
ildə səhərin erkən saatlarında baş verən qəza sonrasında
atmosferə böyük miqdarda uran məhsulları dağılmışdır.
Bunu 30 apreldə bütün dünya öyrənmişdir.
1986-cı ildə Kiyevin 140 kilometrliyində Çernobl
şəhərində qurulan AES-də meydana gələn qəzaya hər biri
1000 meqavatt gücündə 4-cü reaktordakı quruluş xətaları ilə
reaktorlardan birində təcrübə etmək üçün təhlükəsizlik
sisteminin buraxılması nəticəsində meydana gələn bəzi xə-
talar seriyası sonunda baş verən qəzadır. Təcrübənin edilə-
cəyi 25 aprel 1986-cı ildə əvvəlcə reaktorun gücü yarıya
qədər azaldıldı. Ardından da təhlükəsizlik sistemi buraxıldı.
62
26 aprel gecə saat 01:00-da texniklər təcrübənin son hazır-
lıqlarını tamamlamaq üçün buxar sisteminə su buraxırlar.
Saat 01:23 dəqiqədə təcrübəni başlamaq üçün hazır olduğu
müəyyən edildi. Təcrübənin məqsədi, reaktorun qəflətən
dayanması vəziyyətində, buxar turbinlərinin nə qədər çalı-
şacağını və beləcə nə qədər təcili təhlükəsizlik sisteminə güc
verə biləcəyini öyrənməkdi. Bunun üçün trubinlərə gedən
buxar çıxışı dayandırılır. Bunun nəticəsində reaktorun soyut-
ma sistemləri dayandırılır. Yanacaq kanallarında qəfil güclü
isinmə başlayır. Təhlükəni başa düşən texniklər vəziyəti ələ
almağa çalışdılar. Amma 01:24 dəqiqədə yeni təcrübə
başlandıqdan 1 dəqiqə sonra 2 partlayış oldu. 3 saniyə içində
reaktorun gücü 7%-dən 50%-ə qalxdı. Yanacaq parçalarının
soyutma suları ilə qarşılaşmasıyla suyun bir anda buxara
dönməsinə yol açdı. Reaktordakı sirkoniumun yüksək
istilikdə buxarla qarşılaşmasından yaranan hidrogen yanaraq
bütün ətrafı alovlara bürüdü.
AES-in partlamış 4-cü enerji blokunun təhlükəsiz hala
salınması üçün keçirilən «Sarkofaq» əməliyyatında – 129
Azərbaycan vətəndaşı da iştirak edib ki, onların hamısı
müxtəlif səviyyəli radioaktiv şüalanma almışlar.
Hadisə zamanı 7000-ə yaxın insan həlak olmuş, 25000
insan güclü radiasiya nəticəsində ömürlük şikəst olmuş, on
minlərlə insan isə sonsuz qalmışdır. Bu faciədən sonra Çer-
noblda doğulan uşaqların 90%-də əlillik yaranır. Hadisədən
neçə illər keçsə də, radiasiyanın fəsadları hələ də Avropada
özünü biruzə verir. Bu qəza nəticəsində həm də Belarusiya-
nın 70% ərazisi radiaktiv təhlükə altında qaldı, həm də
çoxmilyonlu insan köçürmələrinə səbəb oldu. Qəzanın toz
dumanları hər iki istiqamətdə Piriney yarımadası və İndo-
neziya adaları üzərində hiss olunmuşdur.
Hazırda nüvə sınaqlarının atmosferdə, Yer üzərində, su
63
altında və s. dayandırılması mümkün olmuşdur. 1998-ci ildə
Hindistan və Pakistan dövlətləri eyni vaxtda dalbadal hərəsi 5
partlayış olmaqla yeraltı nüvə sınaqları keçirilmişdir. Ertəsi
gün Pakistanla – Əfqanistan sərhəddində çoxlu insan tələfatı
ilə nəticələnən güclü zəlzələ baş vermişdir. Bu səbəbdən də
indi Şimali Koreyada və İranda atom reaktorlarının tikilməsi
və onların sınaqdan keçirilməsi bəşəriyyəti təşvişə salıb.
6.1.4. Hidrogen enerjisisindən istifadənin səmərəliliyi.
Hidrogen enerjisindən istifadə ətraf mühitin təmizliyinin
qorunmasında böyük əhəmiyyəti olmaqla onun yaranmasın-
dan yalnız destillə suyunun buxarı alınır. Dünyada hidrogen
istehsalı 200 milyard m
3
/il-dən çoxdur. Onun yarıdan çoxu
ammiak istehsalında, 30%-ə yaxını isə neftayırma zavodla-
rında istifadə edilir. Hidrogenin alınması üçün əsas tükən-
məz mənbə sudur. Bütün yanacaq sərvətlərindən (təbii qaz,
neft, kömür və s.) hidrogen alınmasında su istifadə olunur.
Dünyada sudan ilk hidrogen alınması təcrübəsi 1986-cı ildə
Yaponiyada aparılmışdır. O unikal zavodun istehsalı – 18
litr hidrogen və 9-litr oksigen, 35 saat iş dövründə alınıb. Bu
sikl müddətində su termik metod vasitəsilə maqnezium
oksidi, kükürd 2-oksid və yoddan reaktiv kimi istifadə
etdikdə su hidrogen və oksigenə parçalanır.
Son vaxtlar hidrogen energetikasından daha çox danışılır,
həm də ancaq idarə olunan istilik atom sintezində yox.
Hidrogen nəinki istilik nüvə, həm də adi kimyəvi yanacaq-
dır. 28000 kkal/kq hidrogenin yanmasından alınan istilik,
demək olar ki, neft və neft məhsullarından üç dəfə və təqri-
bən dörd dəfə daş kömürdən çoxdur. K.E.Siolkovski hid-
rogeni raketlər üçün yanacaq kimi hesab edirdi.
6.1.5. Qeyri-ənənəvi enerjidən istifadənin ekoloji sə-
mərəliliyi. Ənənəvi olmayan bir neçə mənbələrin elektrik
Dostları ilə paylaş: |