10
Sarı ilan Ləyaya qoşulub suya sarı süründü. Tezliklə böyük və gurultulu çay
qarşılarına çıxdı.
– Sarı ilan, bu da su! Ləya qurumuş dodaqları ilə pıçıldadı.
Sarı ilan;
– Fıs...s...s.. edərək süründü, özünü çay qırağına saldı.
***
Ləya çaydan doyunca su içdi...içdi..doymadı. Yenə içdi...içdi... bu dəfə
sudan doydu.
– Oxay...y...! Ox...ay... -dedi. Çayın kənarına uzanmaq, dincini almaq
istəyirdi ki, birdən...çay silkələndi, sular ləpələndi. Çaydan qorxunc uğultu səsi
gəldi. Çayın suyu fəvvarə kimi göyə qalxdı. Göyə qalxan su üzündə yaraşıqlı bir
oğlan göründü:
Narazı halda:
– Məni niyə çağırdın? – Ləyadan soruşdu.
Ləya qorxdu. Odur ki, oğlana cavab vermədi. Oğlan yenidən soruşdu:
– Ay qız, məni niyə çağırdın?
Ləya nə isə demək istədi. Lakin söz yerinə ağzından:
– Məəə...n..... mə...ə..ə...n....səsləri çıxdı.
11
Oğlan güldü. Sən keçisən?
– Yox, keçilərimi itirmişəm, - Ləya cavab verdi.
– Bəs niyə mələyirsən?
Ləya ürəkləndi;
– Mələmirəm, demək istəyirəm ki, mən səni çağırmadım.
– Oğlan hirsləndi:
– Necə yəni çağırmadın. Bəs mən burada nə gəzirəm, sən çağırdın mən də
gəldim.
– Sənin adın nədir? - Ləya oğlandan soruşdu.
– Oxay, Mənim adım Oxaydı.
***
Hə, uşaqlar, indi sizə kimdən nəql edim, – Oxaydan.
Hər şey aydın oldu. Sən demə, bu oğlanın adı Oxay imiş. Ləya su içib,
doyandan sonra;
– Oxay...y...! Ox...ay... deyən kimi oğlan onun qarşısında peyda oldu.
Oxay nə qədər yaraşıqlı idisə, bir o qədər də cəsur idi. Onu görsəydiniz elə
zənn edərdiniz ki, o, bir şahzadədir. Lakin o şahzadə deyildi...
Oxay cadugər oğlu idi – Dəniz cadugərinin oğlu. Yox...yox qorxmayın,
uşaqlar. O, sizə xətər yetirməyəcək.
Oxay dənizlərdə darıxırdı. Odur ki, dənizlərin qolları olan çaylara baş
vurmaq qərarına gəldi. Hər yeri gəzdi-dolandı, axırda da Ləyanın su içdiyi çaya
gəlib çıxdı.Və elə bu zaman Ləyanın;
– Oxay...y...! Ox...ay... dediyini eşitdi. Ona elə gəldi ki, qız onu cağırır.
Odur ki, başını çaydan çıxarıb:
– Məni niyə çağırdın? – deyə Ləyadan soruşdu. Hər şey də bundan sonra
yaxşılığa doğru yönəldi...
***
Ləya ağlayırdı. Oxay əlini uzadıb Ləyanın göz yaşını silmək istədi.
Bacarmadı. Əksinə bir ovuc su ilə Ləyanın üz-gözünü islatdı. Bu hala hər ikisi
güldü.
Oxay Ləyaya maraq və həyəcanla qulaq asırdı. Ləya danışır...danışır...öz
həyatını Oxaya nəql edirdi. Ata-anasının necə öldüyünü, analığının onu
döydüyünü, qardaşının onu incitdiyini, heç kimin onunla oynamaq istəmədiyini,
həyatında baş verən bütün hadisələri nəql eylədi, Oxaya. Oğlan qızın acınacaqlı
həyatına qüssələndi.
Ləpələr Oxayı gah çayın digər sahilinə, gah da Ləyanın yanına çəkirdi.
Oxay hər Ləyaya yaxınlaşanda əlini Ləyanın saçlarına çəkib, onu sığallayırdı.
Ləya başdan-başa su oldu, Oxayın sığallarından. Odur ki, soyuqdan
titrəməyə başladı. Bunu görən Oxay:
12
– Səni islatdım, indi neyləyəcəyik? Evə də dönə bilmirsən! Oxay fikir-
ləşməyə başladı. Çarə tapmaq lazım idi.
Oxay suya-batıb çıxır, tez-tez çayın o başından-bu başına addımlayır, çarə
düşünürdü.
***
– Ləya, sənin üçün çarə tapdım, – dedi Oxay.
– Necə yəni? – soruşdu Ləya.
– Ləya, sən mənə de görüm, keçilərini tapıb analığının yanına, ya keçmişə –
ata-ananın sağ olan dövrünə qayıtmaq istəyirsən?
Ləya dilləndi:
– Yəni, anamın sağ olan vaxtınamı?
– Bəli.
– Yəqin ki, o zaman mənim analığım bizim yanımızda olamayacaq,
deyilmi?
– Əlbəttə, olmayacaq!
Ləya sevindi. Bu mümkündürmü? – deyə soruşdu.
– Yəqin ki, mümkün olar. Sən məni burada gözlə, mən gedim atamdan xahiş
edim, görüm sənin üçün zamanı geri döndərə bilərmi?
Oxay su üzündə dövrə vurub, özünü suya qərq etdi. Ləya onu çağırdı:
13
– Oxay...y...! Ay Ox...ay... Oxay geri döndü.
– Nə var? –soruşdu.
– Oxay, bəs mənim qardaşım, qardaşım necə olacaq?
Oxay:
– O fərsiz və tənbəl qardaşını deyirsən? O, sənin nəyinə gərəkdir axı, qoy
anasının yanında qalsın.
– Yox, mən qardaşımı çox sevirəm. xahiş edirəm elə et ki, o mənim doğma
qardaşım olsun.
Oxay güldü. Və özünü suyun altına verdi. Ləya yenidən onu səslədi.
– Oxay...y...! Ox...ay...
Oxay geri döndü.
– Yenə nə var, niyə qoymursan gedəm, atamdan sənin üçün zamanı geri
döndərməyi xahiş edəm. Ləya narahatçılıqla dedi:
– Oxay, birdən gedib qayıtmazsan. Qayıt, xahiş edirəm.
Oxay məzəmmətlə başını yırğaladı;
– Ləya, sən məni burada gözlə!-deyib, suya qərq oldu.
***
Külək əsməyə başladı. Ləya islaq paltarda donurdu. O, küləkdən
daldalanmaq istədi. Amma çay kənarında daldalanmağa yer tapmadı. Ləya
fikirləşdi:
– Görəsən, bura haradır? Mən hara gəlib çıxmışam?
Qaranlıq düşmək üzrə idi. Oxay gəlib çıxmırdı. Ləyanın ağlına cürbəcür
fikirlər gəldi:
-
Oxay məni aldadıb getdi. Bəlkə də geri qayıtmayacaq.
Çayın suları küləkdən xırda-xırda ləpələnirdi. Ləpələr çay daşlarına dəyib
Ləyanın üzünə sıçrayırdı. Külək Ləyanın donunu qurutmuşdu. Ləya heç nəyə
əhəmiyyət vermədən, gözlərini çaya zilləyib, Oxayı gözləyirdi.
Çay balıqları Ləya ilə oynamaq istəyirdilər, deyəsən. Onlar balaca qıza
yaxın gəlib, gah başlarını sudan çıxarır, qızcığaza maraqla baxır, gah da başlarını
suya salıb quyruqlarını Ləyaya göstərirdilər. Sanki hərəkətləri ilə Ləyanı
darıxmağa qoymurdular.
Ləya acmışdı. Yeməyə isə heç nə yox idi. O, cadugar oğlunu ümidini
itirmədən gözləyirdi...Oxay isə gəlmirdi.
***
Hə, uşaqlar, indi sizə kimdən danışım.. .kimdən...
– Mırxordan. Soruşacaqsınız ki, bəs Mırxor kimdi?
Mırxorun kim olduğunu sizə anladım...
– Mırxor sülənməyi xoşlayan, xoruza oxşayan dəniz itidir. O, gizlicə Oxayın
dalınca düşüb, hər yeri sülənərdi. Lakin Oxaydan özünü yaxşıca gizlədərdi. Ona
görə də cadugər oğlu bundan duyuq düşmürdü.
Dostları ilə paylaş: |