36
***
Lamoşka sevinə-sevinə həyətə qaçdı. Uşaqlar həyətdə Lamoşkanı dövrəyə
alıb, mahnı oxudular;
Lamoşka corab geyindi,
Ayaqları da sevindi.
Ay Lamoşka, de, indi
Nənə bizə corab
Toxusun-toxumasın?
Lamoşka dilləndi:
– Nənəm sizə də ağ corablar toxuyacaq. Mən sizə və corablarıma söz
verirəm;
– Bundan sonra hamınızla mehriban olacağam, heç kimi incitməyəcəyəm,
nənəmi də çox sevəcəyəm!
***
Hə, uşaqlar, siz də bilin, Lamoşka ağıllı qız oldu, nənəni incitmədi. Nənə də
corab toxudu, uşaqlar da sevindi.
37
Merinin yuxusu
Biri vardı, biri yox...
Bir yalan var, bir kələk.
Bəs yanımda niyə yox,
Yuxumda olan mələk?!
Balaca Merinin yuxusu gözlərindən tökülürdü. Anası ona qırmızı, sadə
gecə paltarı geyindirdi. O, anasının qucağına sığındı. Və tezliklə yuxuya getdi...
...Göydə ulduzlar bərq vurub,
Merinin üzünə şəfəq çilədi. Meriyə
elə gəldi ki, göydən kim isə ona
gülümsədi. O, əlini göyə uzatdı. O
andaca göydən zərif qanadlı, balaca
bir mələk uçaraq Merinin yanına
qondu. Merinin ətrafını ətir iyi
bürüdü.
– Uşaqlar, bilirsinizmi, Merinin
yanına gələn kimdi? O, gecə mələ-
yidir. Gündüzlər yatar, gecələr isə
anasını çox sevən uşaqlarla söhbət
etmək üçün göydən yerə enər. Budur,
gecə mələyi bu gün bizim Merinin
yanına gəlib.
Mələk mehriban və zərif
gülüşlə dedi:
– Salam Meri.
– Salam. Sənin adın nədi? – Meri soruşdu.
– Lamə. Mənim adım Lamədir.
– Lamə, kiçik pəri! – deyə, Meri bir neçə dəfə onun adını pıçıldadı. Meri
Laməni maraqla süzdü. Gecə mələyi gözəl idi. Olduqca zərif və ətirli idi. Əyninə
buludlardan gecə köynəyi geyinmişdi. Meri ona yaxınlaşdı. Əlini onun paltarına
çəkdi. Ona elə gəldi ki, əlləri buludun içərisinə düşdü. Necə də gözəldir paltarınız
– dedi. Parlaq, yumşaq və pəmbədir. Özünüz də gözəlsiz.
– Meri soruşdu:
– Lamə, sənin yaşadığın Planetin adı nədi?
Lamə:
– Mən Buludlar ölkəsindən gəlmişəm. Yaşadığım məkanın adı Cənnətdir.
38
***
Meri düşünürdü: – Deyəsən, kim isə yadına düşmüşdü . O, Laməyə:
– Siz mənim anam kimi gözəlsiniz, dedi.
Lamə qaşlarını çatdı və dedi:
– Mən pəri qızıyam.
Meri:
– Mənim anam da pəri kimidir.
Lamə soruşdu:
– Anan gözəldi, ya mən? Bax a, məni qane edən cavab versən, bu gözəl
gecə paltarını sənə bağışlayacağam.
39
Meri ürəyində; Bu pəri qızı gözəldir, düşündü. Yox, gecə köynəyinə anamı
dəyişə bilmərəm. Düşündü və dilləndi;
– Yox, mənim anam sizdən həm gözəl, həm də mehribandır.
Lamə Meriyə yaxınlaşdı, sarı saçlarını sığalladı, üzündən öpdü. Və bundan
sonra göyə buxarlandı.
***
Səhər açıldı. Meri yuxudan oyandı. Yanında kimsəni görmədi. Ayağa
qalxdı, gözlərinə inanmadı. O, qırmızı gecə köynəyinin əvəzinə Lamənin
buludlardan olan pəmbə gecə köynəyini əynində gördü.
Hə, uşaqlar, sən demə, xeyirxah Lamə gecə köynəyini ona geyindirib, sonra
da uçaraq öz ölkəsi olan Göylər səltənətinə gedib.
Uşaqlar, gecəniz xeyirə qalsın, yuxunuz şirin olsun. Və günlərin bir
günündə gecə mələyi Lamə sizin də qonağınız olsun!
40
Nənə və tutuquşu
Ya Əlidi, ya Vəli,.
Kim ağıllı, kim dəli,
Nağıllar ölkəsində
Kim sağ qalır, kim ölü?
Bir qarı nənə yol ilə gedirdi. Yol kənarında əlində tutuquşu tutan oğlan
yüyürüb qarıya çatıb, soruşdu:
– Qarı nənə, hara gedirsən?
– Neyləyirsən, a bala, çıx get yolunla.
Oğlan əl çəkmir.
Nənə hirslə:
– Cəhənnəmə gedirəm, əl çək-deyir.
Tutuquşu dillənir:
Olmaz... olmaz...
Oğlan yenidən dillənir:
– Nənə, nə istəyirsən?
Nənə:
– Ölmək istəyirəm, – deyir.
Tutuquşu dillənir:
– Olmaz... olmaz...
Oğlan soruşur:
– Qarı nənə, harda ölmək istəyirsən?
41
Nənə dillənir:
– Evimdə.
Tutuquşu dillənir:
– Olmaz... olmaz...
Oğlan:
– Nənə, daha nə istəyirsən?
Qarı nənə deyir:
– Bu tutuquşunun ətini yemək istəyirəm.
Tutuquşu həyacanla:
– Olmaz, olmaz, aman, olmaz!
Nənə, tutuquşunun qorxduğunu görüb gülür.
– Ay tutuquşu, niyə olmaz olmaz salmısan axı?
Tutuquşu qanadlarını yanlarına çırpıb dillənir:
– Nağılın qalıb, danışmamısan, oğlandan halını soruşmamısan, baba da
səndən dünəndən küsüb, babayla hələ barışmamısan, evində ölsən uşaqlar qorxar.
Bax, buna görə də
Olmaz... olmaz... qarı nənə, olmaz...
Nənə deyir:
– Ay tutuquşu, sən bunları hardan bilirsən?
Tutuquşu:
– Uça bilmirəm, amma gəzirəm, babayla səni hər gün görürəm. Ay nənə,
səndən çox şey demirəm, tək bircə dəfə nağıl diləyirəm. Nağıl deməmiş, amandı,
ölmə, ölmə!
Dostları ilə paylaş: |