45
Q.X.Əfəndiyev, A.S.Heydərov və digərlərinin (1966) məlumat-
larına görə, Gümüşlü yatağının qurğuşun-sink filizləri sfaleritin tərki-
bində indium və kadmiumun mövcudluğu ilə səciyyələnir. Həm poli-
minerallar, həm də konsentratlar aşağı miqdarda tallium və tellurun ol-
ması, bismutun və selenin olmaması ilə səciyyələnirlər.
Genezisinə görə Gümüşlü yatağı hidrotermal-metasomatik tipə
aiddir. Filizin əmələgəlmə yaşı həmişə mübahisəli olmuşdur. R.N.Abdul-
layev (1981) filizin əmələ gəlmə vaxtinı Alt Karbon hesab edir.
1.5.1.2.Danzik və Dəvəölən təzahürü
Danzik polimetal təzahürü Danzik antiklinalı ilə təmsil olunan
Gümüşlü filiz sahəsinin şimal blokuna aid edilir. Danzik antiklinalı da-
xilində diabaz və qabbro-diabaz tərkibli dayka və sillşəkilli cisimlər
qeyd olunan Devon yaşlı karbonatlı-terrigen çöküntülərlə mürəkkəb-
ləşmişdir. Antiklinalın şimal-şərq qanadı üstəgəlmə ilə mürəkkəbləşərək
burada Devon Alt Karbonla təmas təşkil edir. Danzik antiklinalının
uzanması şimal, şimal-qərb istiqamətlidir. Üstəgəlmə bu istiqamətdə
uzanaraq dik yatımla şimal-şərqə yatır.
Danzik təzahürünün polimetal filizləri qırılma zonasına, daykaların
təmasına, Jivetin əhəngdaşı horizontuna aid olub, qalenitlə, sfaleritlə
təmsil olunur və gil şistləri ekran rolunu oynayır. Filiz təzahürü 2
sahədə: Qaraağac və Pəyədərədə öyrənilmişdir.
Qaraağac sahəsində filiz cisminin əsas forması şimal-qərb, bəzən
şimal-şərq istiqamətdə uzanan qırılma pozulmalarına aid edilən qalenitli,
bəzən sfaleritli kvars-kalsit-barit tərkibli damar və damarcıqlar sayılır.
Sonuncular Danzik lay dəstəsinin ətraf süxurlarla təmasında, bəzən isə
diabazların daxilində daykagörünüşlü cisim şəklində yatırlar. Filiz cismi-
nin qalınlığı 0,02-0,70 m arasında dəyişir və 10 m-dək izlənilir. Qalenitli
filizlər damarcıq, yuva, linzaşəkilli və möhtəvi tekstura malik cisimlər
əmələ gətirir.
Pəyədərə sahəsində: 1) əhəngdaşlarında yerləşən layşəkilli filiz
cismi; 2) xırdalanma (əzilmə) zonasına aid edilən filiz cismi müəyyən
olunmuşdur.
Sonuncular 1,4 m qalınlığında 4 m izlənilir. Layşəkilli cisim də-
rinlikdə buruq quyusu vasitəsilə müəyyən olunmuşdur. Filizləşmə xır-
dalanma və kvarslaşma zonalarında qalenitin möhtəviləri və yuvaşəkilli
46
yığımları ilə təmsil olunur. Damarcıqlar əsasən layarası zonalarda öy-
rənilmişdir.
Dəvəölən təzahürü Arpaçayın sağ yamacında yerləşir və bilavasitə,
Gümüşlü yatağının davamı hesab olunur. Böyük olmayan layşəkilli ci-
simlər gil şistləri ilə ekranlaşaraq Jivet yaşlı əhəngdaşlarına aid edilmiş
və üstəgəlmə zonası boyunca inkişaf etmişdir. Filizləşmə dərinlikdə
buruq quyuları vasitəsilə müəyyən edilmişdir.
1.5.2. Kolçedan polimetal yataqları
Kolçedan polimetal yataqları və təzahürləri Ordubad filiz rayonu-
nun Dırnıs-Səpdərə filizli zonasına aid edilir. Bu zona Eosen–Oliqosen
vulkanitlərinin inkişaf etdiyi ərazidə Mehri-Ordubad plutonunun cənub-
şərq endotəmas zolağı boyunca şimal-şərq istiqamətdə uzanır. Polimetal
yataq və təzahürlərin məkanca plutona yaxın olması nəzərə alınaraq
Ş.Ə.Əzizbəyov (1961, 1964), T.H.Hacıyev (1964), M.P.İsayenko və
digərləri tərəfindən onlar genetik olaraq Mehri-Ordubad qranitoid pluto-
nunun məhlulları hesab edilmişdir. Sonradan N.K.Qurbanov (1970,
1973, 1976), V.İ.Əliyev (1976), Y.A.Ramazanov (1970), V.N.Nağıyev
(1979) və başqaları onları kolçedan formasiyasına aid etmiş və genetik
olaraq Eosen və Oliqasenin vulkanitləri ilə əlaqəsi olan vahid vul-
kanoplutonik kompleksin tərkib hissəsi hesab etmişlər. Yataq və təzahür-
lərin böyük bir hissəsi məkanca və genetik olaraq bazalt-andezit-dasit
formasiyasının hidrotermal-metasomatik dəyişmiş ətraf süxurları ilə sıx
əlaqədardır.
Dırnıs-Məzrə, Kvanus-Ağdərə, Ələhi-Nəsirvaz, Səpdərə filiz sahə-
ləri eyniadlı iri braxiantiklinala və lokal vulkanların qalxmış tağ hissə-
lərinə aid edilir. Qeyd olunan filiz sahələrinin daxilində cənub-qərbdən
şimal-qərbə doğru: 1. Şəkərdərə, Unus, Məzrə; 2. Ağdərə, Kvanus,
Qovurmadərə: 3. Nəsirvaz, 4. Səpdərə, Əyridağ və s. kolçedan-polimetal,
bəzi hallarda mis-kolçedan (Şəkərdərə) yataq və təzahürləri ayrılır.
Morfoloji cəhətcə onlar layşəkilli-linzagörünüşlü (stratiform), da-
mar, damar-ştokverk, ştokverk zonalar və damarcıq-möhtəvi cisimlər
əmələ gətirir.
Filizin müxtəlif tipləri, morfoloji xüsusiyyətləri, yayılma səciyyəsi
və mineral assosiasiyaların yaş münasibətləri Dırnıs-Səpdərə filiz zona-
sında kolçedan-polimetal filizlərin uzun və mürəkkəb tarixi dövrdə
formalaşmasını təsdiq edir. Bazalt-andezit-dasit (Orta Eosen) və andezit-
47
dasit (Oliqosen) vulkanogen formasiyasının postvulkanik məhlulları ilə
genetik əlaqəsi olan ilkin (Orta Eosen) kükürd-kolçedan və gec (Oliqo-
sen) kvars-qızıl filiz mərhələsi daxil olmaqla polimetal filizəmələgəlmə
mərhələləri ayrılır. Bəzi hallarda Üst Oliqosen-Alt Miosen yaşlı qabbro-
monsonit-qranodiorit formasiyasının postmaqmatik məhlulları ilə gene-
tik və məkanca əlaqəsi olan filizəmələgəlmənin mis-porfir mərhələsi ilə
kolçedan mərhələsinin assosiasiyasına rast gəlinir.
Bu hal Ordubad filiz rayonunda Paleogen maqmatizminin vul-
kanoplutonik kompleksində kolçedan-polimetal və mis-porfir formasiya-
larının paragenetik əlaqəsini təsdiq edir.
1.5.2.1. Ağdərə yatağı
Ağdərə yatağı Gilançayın yuxarı axım hissəsində, Tivi kəndindən
şimalda yerləşir. Yataq 1951-ci ildə aşkar olunmuş və ehtiyatına görə,
kiçik yataqlar qrupuna aid edilmişdir. Yataq 1954-cü ildən istismar
olunur.
N.K.Qurbanova, T.H.Hacıyevə və digərlərinə (1976) görə yataq
qanadlarının yatım bucağı 5-35° olan Kvanus-Ağdərə braxiantiklinal
qalxımının nüvəsinin şimal-qərb hissəsinə aid edilmişdir. Qırışıqlığın
nüvəsi yuyulmuş boğaz və boğazətrafı liparit-dasit fasiyaları ilə, qanad-
ları və şərq pereklinal kilid hissəsi isə daha cavan andezit-bazaltlarla və
onların aqlomeratları ilə mürəkkəbləşmişdir.
Ağdərə yatağının layşəkilli-linzagörünüşlü (stratiform) kolçedan-
polimetal layları braxiantiklinalın cənub-şərq pereklinal kilidinə aid olub,
massiv filizlər törəmə kvarsitlərin altında yatır və azqalınlıqlı çökmə
vulkanomikt layların üstünü örtür. Yatağın ərazisində layşəkilli-linzagö-
rünüşlü (stratiform) massiv və ştokverk-damarcıq-möhtəvi laylar ayrılır.
Sonuncular massiv filizlərdən aşağıda inkişaf edərək 500 m-dən çox
dərinliyədək izlənilir. Lakin sənaye əhəmiyyətli konsentrasiyalar yalnız
massiv filizlərdə müəyyən edilmişdir, hələlik ştokverk-damarcıq filizlə-
rin perspektivliyi həll olunmamış qalır. Massiv stratiform tipli kolçedan-
polimetal laylar suben istiqamətdə izlənilir və cənub-şərqə 10-15
0
maili
bucaq altında yatırlar. Layın parametrləri: eni 65 m, düşmə istiqamə-
tində 150 m, qalınlığı 0,2-4,5 m-dir.
Filiz cisminin morfologiyası qismən dəyişkəndir. Şərq cinahda
blokun yatan tərəfində damarcıq-möhtəvi filizlər massiv filizlərə keçir.
Massiv filizlərin arasında linzaşəkilli və lentgörünüşlü zəif filizləşmiş və
Dostları ilə paylaş: |