Microsoft Word Nifretin goz yawlari Teze kitab 2018. doc
Yüklə 0,95 Mb. Pdf görüntüsü
|
Nifrətin göz yaşları 197 meyvəni, manqalı, kömürü və s. şeylərin hamısını bo- şaltdı. Sərdar manqalı qalamağa başladı. Pənah isə meyvəni çayda yuyub gətirdi. Sevinc isə ətli əndamını silkələyə-silkələyə istədi süfrəni hazırlaya, lakin əyilib qalxanda «of belim ağrıdı» deyib döşəkcənin üstündə əyləşdi və balınca söykəndi. Gözünün altı ilə Sevinci müşahidə edən Pənah dözə bilməyərək: «Mən görü- rəm, siz, deyəsən, evdə əlinizi heç bir şeyə vurmursu- nuz?» dedi. - Gəlin, nəvələr sağ olsunlar. Hər işi onlar eləyir. - Nəvələriniz böyükdürmü? Pənah soruşdu. - Qız nəvəm bu il Türkiyənin ali məktəbinə qə- bul olunub. Çox savadlı qızdı. - Əhsən, elə qıza. Təbrik edirəm. - Sağ olun, olmayanlara da qismət olsun. Sevinc xanım razılığını bildirdi. Sərdar bişmiş kababları Pənah hazırladığı süf- rənin üzərində olan qablara çəkdi. Yuyulmuş mey- vələri, doğranmış qarpızı süfrəyə gətirən Sərdar özü də əyləşdi. - Hə, di başlayın görək, deyib əlini süfrəyə uzat- dı. Aradabir Sərdar tikələrin yaxşısından seçib Se- vincin qarşısındakı boşqaba qoyaraq: «Ye, canım gö- züm» deyib gülümsünür. Bir az keçmiş Sərdar dedi: «Görürəm daha heç kim yemir. Duraq bir balaca gəzinək, təbiətin bu ecaz- kar gözəlliyinə tamaşa edək, sonra gəlib arxasını da- vam etdirərik». Pənah ayağa durdu. Sevincin qalxa bilmədiyini görən Sərdar ona kömək eləyərək ayağa qalxmasına yardım etdi. Fazil SƏNAN 198 Sərdarın qolundan tutub ayağa qalxan Sevinc: «Bəs süfrəni yığışdırmırsınız?» dedi. - Burda nə var ki, it yox, pişik yox. Bir bizik, bir çaydı, bir də meşə. Sərdar güldü. Bu zaman telefon zəng çaldı. Sevinc xanım telefonun düyməsini basıb qulağına tutdu. - Eşidirəm, nənə qurban. - Nənə, hardasan? (Yaxın olduğumuza görə tele- fonda gedən danışığı biz də eşidirdik). - Toğana çayının üstündə, dağların arasında, hər tərəf yaşıl meşəlikdi, qurban olum. - Nənə gözəldimi? - Hə, qurban olum, hər şey gözəldi. - Nənə, bəs kiminlə getmisən? - Gözlərinə nənən qurban, Sərdar dayınnan getmişəm. - Nənə, sənə yaxşı istirahət arzulayıram. Sevinc xanım telefonu söndürüb cibinə qoydu. - Nəvəmdi. - Neçədə oxuyur nəvən? Pənah soruşdu. - Ali məktəbdə oxuyur. Yaxşı da oxuyur, Se- vinc xanım sevinclə cavab verdi. - Yaxşı bir şey soruşum, amma xətrinizə dəymə- sin. Pənah üzünü Sevinc xanıma tutdu. - Soruşun, xətrimə dəyməz. - Görürəm oğlun, qızın, gəlinin, nəvələrin var. Bunlardan biri sizdən soruşmur ki, Sevinc xanım hara gedirsiniz, kimin yanına gedirsiniz? Toğanada nə gə- zirsiniz? Mənim üçün çox maraqlıdır. Pənah dedi. Pənahın gözlənilməz sualından bir az duruxan Sevinc xanım incik-incik dilləndi: - Xətrinizə dəyməsin, Pənah müəllim, biz XXI əsrdə yaşayırıq. Bütün dünya ölkələri, o cümlədən, Nifrətin göz yaşları 199 Azərbaycan da Avropaya inteqrasiya olunur. Siz bu dünyagörüşünüz ilə hara gedə bilərsiniz? Biz müasir ailəyik. “Müasir” sözü, bilirsiniz nə deməkdir? Yəni, “savromenni” ailəyik. - Bildim Sevinc xanım, bildim və başa düşdüm ki, müasir ailə deyəndə, sizin ailələr kimi ailələri nə- zərdə tuturlar. Yəni, kim kiminlə haraya istəyir, ora da gedir. Sizin kimi. Düzmü deyirəm? - Düz deyirsiniz. Şəxsiyyət azadlığıdır, - deyən Sevinc xanım razılıqla gülümsündü və yanında dayan- mış Sərdarın üzündən öpdü. Pənah isə Sevincin bu hərəkətindən xəcalətlənə- rək üzünü yana çevirdi və maşına tərəf gedə-gedə – «Hələ utanmır, arsız-arsız deyir ki, biz müasir ailəyik. Əhsən belə ailələrə!” – dedi. 05.07.2017. Fazil SƏNAN 200 YARMARKADA Həkim Zöhrə qarını müayinə edib stolun arxa- sına keçdi. Döş cibindən qələm çıxardıb yazmağa başladı. Qurtarandan sonra nüsxəni Bayrama verib dedi: - Nüsxədə yazdığım dərmanları al gətir. Görək nə göstərir. - Həkim, dərdi nədi? Yəni bu dərmanların bir köməyi olacaq? Bayram ümidlə həkimin ağzına baxdı. - Elə qorxulu bir şey yoxdu. Biz əlimizdən gə- ləni edəcəyik. Allah özü bilən məsləhətdi. Həkim ayağa qalxdı və qapıya tərəf yönəldi. Bayram əlindəki on manatı həkimin yan cibinə qoyub «Sağ olun, həkim, əziyyət çəkdiniz» dedi. Həkimi yola salandan sonra evə qayıdan Bayram eyvanda qoyulmuş stolun arxasında əyləşdi və həki- min yazdığı nüsxəni qarşısına qoyub fikirləşməyə baş- ladı. Əlində gətirdiyi çay dolu stəkanı Bayramın qar- şısına qoyan Afaq «Nə yaman fikrə getmişəm?» dedi. - Evdə bir qəpik də yoxdu. Bu dərmanları nə ilə alacağam? İnsaf yox, mürvət yox. Bir manatlıq dərma- nı on manata verirlər. Yaşamaq mümkün deyil. İş yeri də yox ki, işləyəsən. İndi mən neynəyim? Bir oğul ki- mi anama dərman almağa imkanım yoxdursa, mənim yaşamağa nə haqqım var? - Neynəyək, hamı nətəri, biz də elə. Afaq Bayrama təsəlli vermək istədi. Nifrətin göz yaşları 201 - Mən də bilirəm, hamı mənim kimi, mən də ha- mı kimi. Sözsüz ki, bu dərmanlar bir dünya pul tuta- caq. Başımıza haranın daşını salaq? Bayram tərs-tərs arvadına baxdı. Elə bil ki, bu işlərin günahkarı Afaq imiş. - İstəyirsən kredit götür. - Kredit götürdüm, nə ilə verəcəyəm? Bir uçuq evimiz var, onu da bank əlimizdən alsın, qalaq düzdə. Banklar krediti elə verir ki, illərnən borcdan yaxanı qurtara bilmirsən. Bayram yazıq-yazıq arvadının üzü- nə baxdı. Suda boğulan saman çöpündən yapışan kimi Bayram da arvadından bir kömək umurdu. Arvadının imkansızlığını bildiyi halda özündən asılı olmayan hansısa bir hissin təsiri ilə içində Afaqdan çıxış yolu gözləyirdi. - Fikir eləmə, hər qaranlıq gecənin bir işıqlı sə- həri var. Qoy görək bir şey fikirləşərik. Afaq boşalmış stəkanı götürüb mətbəxə keçdi. - Gətirmə, istəmirəm. Bayram ayağa qalxdı. Elə bu məqamda «Tap- dım! Tapdım!» deyə sevincək çığıran Afaqın mətbəx- dən səsi eşidildi. - Az, nəyi tapdın? Bayram sifətini bürümüş acı istehza ilə mətbəxin qapısına baxdı. - Heç yadıma düşmür, qapıda dörd dənə xoruz hünduşka var. Ölən yeri birinin 8-9 kilo əti var. Nə qə- dər aşağı satsan birini 25-30 manata satacaqsan. Mən- cə dərmanın pulunu ödəyər. Sevinən Afaq ərinin üzü- nə baxdı. Arvadının çıxış yolu tapdığına sevinən Bay- ram «Sağ ol, arvad, məni vəziyyətdən çıxartdığın üçün. Dərmandan artıq pul qalsa, hökmən sənə bir hə- diyyə alacağam». – dediyi sözlər Afaqın sifətini işıq- landırdı. Yüklə 0,95 Mb. Dostları ilə paylaş:
|