Məşhur xeyriyyəçi Mahmud Ağa və naməlum muğam universiteti
61
Mahmud Ağa nə edəcəyini bilmirdi. Oğlu Ağa bəyi də
«Laləzar»da - anasının yanında dəfn etdi.
Günlər, aylar ötdükcə Mahmud Ağa qismətilə barışmalı
oldu. Cümə günləri əvvəl oğlu ilə anasının «Laləzar»dakı mə-
zarını, sonra, «Şaxəndan»da uyuyan dostu - S.Ə.Şirvaninin
məzarını ziyarət etməklə təsəlli tapırdı.
Ağa bəyin ölümü bütün ailəni, qohum-ərqəbanı başdan-
başa sarsıtdı. Bu ağır itki şamaxılıların çoxunu, Mahmud
Ağanın Qarabağ, Tiflis, Bakı, Naxçıvan, Gəncə, hətta İrandakı
sənətkar dostları və tanışlarını da çox məyus etmişdi.
Xatirələrdən bəlli olur ki, Mahmud Ağanın evi bir ildən çox
gəlimli-gedimli olur, ona hərə bir yolla təsəlli verməyə çalışır-
dı. Nəhayət, Ağa bəyin ili verildi. Qonaqlı-qaralı, çal-çağırlı sa-
ray sükuta qərq olaraq ildən sonra da lal qaldı. Buna baxmayaq
məclis üzvlərinin - Seyid Cəfər, Mirzə Məhəmməd Həsən,
Topal Nəcəfqulu, Məbud, Camo bəy və başqalarının ayaqları
bu evdən kəsilmədi. Onlar öz söhbətləri, söylədikləri
əhvalatlarla Mahmud Ağanı ovundurmağa, fikrini dağıtmağa
çalışırdılar...
Seyfəddin Qəniyev, Səadət Veysova
62
Artıq oğlunun ölümünün ikinci ili də arxada qaldı. Nə-
hayət, Mahmud Ağanın nəvə, Əhməd Sultanın isə nəticə toyları
da başladı. Dost-tanışlar həmin məclislərə cəm oldular. Heç kəs
Mahmud Ağaya cürət edib, - «Gəl məclisini yenidən quraq,
Ağa», - deyə bilmirdi.
***
Bir gün Şamaxı ziyalıları bir yerdə toplaşdılar. Seyidin yadigarı
Seyid Cəfəri də Bakıdan dəvət etdilər. Xeyli söhbət edib
danışdıqdan sonra qərarlaşırlar ki, Mahmud Ağadan məclisini
bərpa etməyi, yenidən qurmağı xahiş etsinlər.
Buzovna qəsəbəsi. Qəsəbə sakini Hacı Muxtar və f.e.d. Hacı
Seyfəddin Seyid Cəfərin məzarını ziyarət edirlər.
Məşhur xeyriyyəçi Mahmud Ağa və naməlum muğam universiteti
63
Axırda Mahmud Ağaya musiqi
məclisini yenidən qurulmasını
təklif etməyi Seyid Cəfərin boy-
nuna qoydular. Səhəri gün Se-
yid Cəfər Mahmud Ağanın sara-
yına getdi. Əvvəl Əhməd Sul-
tanla danışdı və onu razı sala bil-
di ki, musiqi məclisinin yenidən
başlamasına icazə versin. Sonra
Əhməd Sultan oğlu Mahmud
Ağanı otağına dəvət etdi. Ən nə-
hayət, Mahmud Ağa atası və Cə-
fər Ağanın təklifini qəbul etdi və
dedi: - Musiqi də elə mənimlə
qardaşdı, övladımdı. Düzü, oğ-
lum Ağa bəyin ölümündən sonra
onlardan ayrı düşmüşəm. Övladı-
mın qismətini Allah-Taala yazıb, qisməti beləymiş. Musiqi-
Muğamı, mən dəfn edə bilmərəm Şamaxıda. Sabahdan tapşıra-
cam nəvələrimin hər ikisi tar dərslərinə də başlasınlar və
məclisə oğlum Cavad bəy rəhbərlik etsin. Muğamlarımızı yaxşı
bilir. Nəcəf bəydən dərs alıb, səsi də pis deyil, özü də mənim
kimi yaxşı tar çalır. Seyid Cəfər, sən də Şamaxını ertə tərk edib
getdin Bakıya. Yoxsa deyərdim ki, cavan şairlər atanın,
«Beytüs-Səfa»sını yenidən qursunlar. Gərək çalışıb quraq da.
Əks tədqirdə, Seyid Əzimin ruhu bizdən inciyər ki, onun məc-
lisi yenidən canlanmadı...
Beləliklə, bir həftə sonra Mahmud Ağanın məclisi öz işi-
nə başladı. Amma əvvəlki hüsnlə, təmtəraqla deyil, bir qədər
sönük. Mahmud Ağa da əsasən, Qarabağ, Bakı və Tiflisdən qo-
naqları gələndə məclisdə iştirak edərdi. Qalan vaxtlarda oğlu
Cavad bəy və dostu Mirzə Məhəmməd Həsən rəhbərlik edərdi
S. Ə. Şirvaninin oğlu Mir
Cəfər Ağa
Seyfəddin Qəniyev, Səadət Veysova
64
məclisə.
Şamaxıda əlli ildən artıq Əhməd Sultan və Mahmud
Ağanın maddi vəsaiti, rəhbərliyi ilə fəaliyyət göstərən bu
məclis yenidən coşdu, öz adət-ənənəsi, səsi, sorağı ilə bütün
Qafqaza səs saldı. Bu illər ərzində Ağanın muğam məktəbi
yüzlərlə sənətkar yetirdi. Hər biri də ustad məqamına çata bildi,
məşhurlaşdı, sevildi, nəhayət, Şamaxı muğam mühitinin səsi-
sədası yenidən aləmi başına götürdü.
***
Ağa bəyin ölümündən sonra xanımlar xanımı, yetim-ye-
sirin pənahı, qəriblərin dayağı Gövhər xanım solub saralmağa
başladı, əridi. Üz-gözündən oğul nisgili, itkisi sezilməsə də, sən
demə o, ürəyində çəkirmiş bu ağır dərdi. Heç çox da xəstə
yatmadı. Yazın güllü-çiçəkli vaxtında dünyaya əlvida dedi.
Qırx ildən artıq bir yastığa baş qoyduğu, cani-dildən sevib
əzizlədiyi, gözəlliyinin tayı-bərabəri olmayan Gövhərini itirdi
Mahmud Ağa. Deyilənlərə görə, Mahmud Ağanın öz baş yol-
daşına olan məhəbbət və sevgisinin qədəri-qəsəmi bilinməz ol-
muşdur. Odur ki, belə bir var-dövlət, sərvət sahibi Mahmud
Ağa Şamaxının başqa zənginlərindən fərqli olaraq tək bircə
dəfə evlənmişdi. Onun sarayında ögey uşaqlar, günülər
olmamışdır...
Düz qırx gün Şamaxının bütün qadınları - zənginlərin
xanımları, eləcə də yoxsulların qadınları Gövhər xanımın evinə
toplandılar. “Quran” oxuyan kim, mərsiyə deyib ağlayan kim...
Kişilər də eləcə ... Mahmud Ağa bu itkidən deyəsən, çaşıb-
qalmışdı. İnana bilmirdi xanımının ölümünə. Yasa Ağanın
Bakıda, Qarabağda olan dost-tanışları ailələri ilə gəlmişdilər.
Yenə Bakıdan gələnlər arasında S.Ə.Şirvaninin oğlu Seyid
Cəfər, qızları - Seyid Həcər və Seyid Fatimə də vardı. Seyid
Cəfər kişilər məclisinin ağsaqqalı, Seyid Həcər və Seyid Fatimə
isə qadın məclisinin ağbirçəyi idilər. Mərsiyə deyirdilər
Dostları ilə paylaş: |