32
siyasətinin ləğvi aparılmalı, dövlətin rüsum və həddən artıq vergi və
tarif qoymaqla süni qiymət artımına yol verməsi dayandırılmalıdır.
Elə edilməlidir ki, istehsalda və onu adamlara çatdıran, iştirak edən
və xidmət edən bütün adamlar qismən bərabər əmək haqqı alsın,
fərdi və ya ictimai sektorda iqtisadi obyektin inkişafı təmin edilsin,
heç kəs süni qiymət artırmaqla və əlavə istismar etməklə artıq pul ala
bilməsin. Bütün qiymətlər asan kalkulyasiya edilsin və əmək haqqı
hissəsi dəqiq göstərilsin. Nəzəriyyədə azad qiymətlər və azad bazar
ləğv edilir, yerinə rasional əsaslandıılmış stabil - düzgün qiymətlər
və rasional idarə olunan bazar təklif edilir. Həm ictimai sektorun
(dövlət - ictimai idarə edilən), həm də şəxsi sektorun olması qəbul
edilir. Rasional cəmiyyətdə əmək və mükafatlandırma sahəsində qısa
ifadə etsək, belə prinsip qəbul edilir:
Hər bir şəxs və ya kollektiv, təşkilat yaratdığı məhsul, xidmət
müqabilində optimal və digər əmək növləri ilə rasional
balanslaşdırılmış olaraq öz həyatı və inkişafına (sağlamlığı, istirahət,
ailə) tələb olunan bərabər miqdarda eyni ölçmə üsulları və
qiymətləndirmə metodu vasitəsilə hesablanan mükafat almalıdır. Bu
prinsip istehsal və xidmət edəniin – satanın, təmir edənin artıq
qiymətlər qoymamasına qarantiya verir. Və qiymətlərin sabit
qalmasını təmin edir.istehsal qiymətləri maya dəyəri və yaşayış,
inkişaf faizini və vergini əlavə etməklə müəyyən edilir, sonra topdan
satış dəqiq rasional faizlə, daha sonra bir pilləli pərakəndə satış
qiyməti rasional dəqiq faizlə icra edilir. Daha sonrakı alıb satma
qadağandır və malın istehsal, topdan və pərakəndə satış qiymətləri
üstündəki birkada göstərilərək sonrakı əllərə keçərək qiymət
artmasına qadağan qoyulur və cəzalandırılır. Əgər qiymət artırsa,
demək, kimsə əsas prinsipi pozmuşdur. Bu rasional prinsip vəhşi
kapitalizmin əsas nizamlama prinsipi olan tələb və təklif prinsipini
ləğv edir. Məhz tələb və təklif prinsipi az miqdarda yüksək varlılar
və çox miqdarda kasıblar yetişdirir və plansız idarəetmə, krizislər,
istismar yaradır; qiymətlərin fasiləsiz qalxmasını, bahalı ölkələrin,
şəhərlərin yaranmasına səbəb olur. Nəticədə bəşəriyyətin böyük
əksəriyyəti bahalığa görə maddi nemətlədən istifadə edə bilmir,
halbuki bütün nemətlər hamının yaşamasına çatır, hətta artıq da
qalır. Lakin insanların zəhməti və effektiv texnikanın köməyi ilə
yaradılmış nemətin böyük hissəsi a) dövlətlər tərəfindən hərbə,
silahlanmaya, səmərəsiz istifadəyə, məmurların mənimsəməsinə
gedir b)kapitalistlərin əlinə keçir,onlarda həmin gəlirlərin insanlara
çatmasının, istehlakının qarşısını alır toplayır, işsiz saxlayırlar.
33
Nəticədə bəşəriyyətin beşdə biri ac yaşayır. Ümumi gəlirlərin belə
bölümü və istifadəsi həm kapitalist, həm sosialist ölkələrində baş
verir. Dünyada qiymət artımı tendensiyası davam edir və ucuz
ölkələr də buna qoşulmağa məcbur olur. Bu, kapitalizmin və
kapitalistlərin idarəni öz əlinə almasınin, sosializmdə isə bir qrupun
monopolist qərar qəbulu hüququnun vəhşi nəticələrindən biridir.
Rasional cəmiyyətdə isə istehsal olunan mal və xidmətlərin alıcısı
əvvəldən planlaşdırılır - dünyanın bu yerində, yaxud başqa yerində.
Burada kapitalizmin yaratdığı eyiblər olmur, olacağı halda isə
rasional kollektiv düşüncənin tətbiqi ilə məsələ həll olunur.
3. Baxışların düzgün olmaması və ya səhv qəbul edilməsi
məsələsinin həlli.
Bu səbəb, yəni baxışlar - ətraf dünya (dünya və yerli mühit-
sosial, mədəniyyət, həyat tərzi, idarə xarakteri, əxlaq və s.) haqda
görüşlər, fəlsəfi baxışlar hər bir davranışın, idarənin, fəaliyyətin,
nəzəriyyənin əsasıdır. Təkcə baxışları dəyişməklə cəmiyyət və dövlət
idarəsinin bütün sahələri kökündən dəyişilə - yaxşılaşdırıla bilər.
Baxışlar inkişaf və xoşbəxtliyə, rasionallığa uyğun olsa, həmin
cəmiyyət yaxşı yaşayacaqdır.
Hər cəmiyyətdə qüvvədə olan hakim baxışlar mövcudur və bu
onların həyat səviyyəsinin, inkişafın göstəricisidir. Məsələn, hakim
qrupun baxışları-öz qrupuna üstünlük verməsi, bütün cəmiyyət
mənafeyini ikinci dərəcəli sayması həmin cəmiyyətin bütün
bədbəxtliklərinin səbəbidir.
Xüsusilə, a) hamının iştirakı və mənafeyinə uyğun; b) dünya
bəşəriyyətinin topladığı ən son ağıla və təcrübəyə uyğun rasional
baxışlar yaratmaqla cəmiyyət həddən artıq səmərələşə bilər.
Məsələn, 1) mövcud qanunların təminatı və asayiş cəza vermə
üsulu(həbs) ilə təmin edilir. Bu nəticədə ona səbəb olur ki, insan
qanunu pozanda polis, prokuror, məhkəmə sevinir, həbsxanalar
qanun pozanlarla doldurulur və insanlar daha pis vəziyyətə salınır.
Halbuki, belə metod qanun pozanların sayını azaltmır, insanlar təbii
olaraq qanun və qaydaları pozmağa meyllidirlər, bu onların
xassəsidir. 2) Əgər başqa baxış tətbiq etsək, məsələn, qanun və
asayişin pozulmalarının baş verməzdən qabaq qarşısını almaq, belə
meylli və meylli olmayan insanlara zəruri təlimlər, izahatlar və
yaşamaq, işləmək, yaratmaq imkanları vermək. Bu halda başqa idarə
sistemi və sosial, iqtisaditədbilər tədris institutları, müalicəxanalar
yaratmaq lazım gələcək insanları həbs etməyə ehtiyac olmayacaq.
34
Sülh və xoşbəxtliyin əldə edilməsi məsələsi sadəcə “gəlin sülhdə
yaşayaq və xoşbəxt olaq” deməklə qazanıla bilməz.Yuxarıda
göstərildiyi kimi bu nəticələr üçün konkret və tələb olunan kimi
davranmaq, təşkil və idarə strukturunu bu nətəcəyə gətirəcək
formada rasional qurmaq lazımdır. Yəni insanlar bir - birinə düz
münasibət saxlamalı, başqasının haqqını pozmamalı, birgə əmək və
təbii ehtiyatların nəticələrni hər kəsə bərabər çatmasını təmin etməli,
düzgün idarə olunmalı, hər kəs öz borcunu tam və məsuliyyətlə
yerinə yetirməlidir. Xüsusilə, bu dövlətlər daxilində və arasında ciddi
əməl olunmalıdır. Bu məsələdə də ümumi baxışlar əsas rol oynayır.
Müşahidə olunur ki, dövlət daxilində sülh göstərilən qaydada əldə
olunmursa, həmin xalqın böyük problemləri olur- parçalanma və
xaricdən aqressiya, xarici zorakılıq və dağıdıcı təsir, ölkədə
hakimiyyətin diktaturası, azadlığın pozulması, demokratiyanın
kəsilməsi, diskriminasiya və korrupsiya idarəsi – qarantiyadır.
Yeni rasional - kamil cəmiyyətdə dinlərin rolu
Yeni rasional sivilizasiyada insanlara faydalı olmaq üçün,
millətləri və xalqları bir- birindən ayırmağa son qoymaq üçün
dinlərin, xüsusilə, islamın reforma olunması ehtiyacı daha kəskin
meydana çıxır. Xristianlıq isə xeyli reforma olmuşdur. Ona yenə
reforma lazımdır.Teist dinlərinin əsas istinad mənbəyi olan Tanrının
məna və mahiyyəti, nə olması; görünməz dünya - mələk, cin, ruhlar
elmi formada öyrənilməli və burada olan yanlışlıqlar və səhv mənalar
aşkar edilməlidir. Bu sahədə olan həqiqəti demək və yazmaq
qadağanları ləğv edilməlidir. Bu qadağanlar güman ki, bütün
dövlətlərdə vardır. Dinlər, şübhəsiz, bu günkü formada kamil
cəmiyyətə uyğun deyil və onları birdən ləğv etmək mümkün deyildir.
Ona görə onları reforma etmək və xalqlara və bütövlükdə bəşəriyyətə
faydalı formaya salmaq, zərərli cəhətlərini ləğv etmək; daha yaxşısı,
onları birləşdirib vahid bir elmi - din yaratmaq lazımdır, hansı ki əsas
funksiyası fövqaladə qüvvələrə qorxu yaymaq və onlara sitayiş deyil,
cəmiyyətin üzvü kimi onun işlərində, səmərələşməsində,
problemlərinin həllində aktiv iştirak; əxlaqın təbliği, humanist,
psixoloji, sosial xidmətlər, elmi meditasiya olmalıdır.
Təklif edilən rasional cəmiyyət nəzəriyyəsində, şübhəsiz, dinlər
araşdırılmış Tanrı və digər görünməz varlıqlar müəyyən qədər
öyrənilmiş və məntiqi nəticələr əldə edilmişdir. Müəyyən edilmişdir
ki tək tanrıya sitayiş dinlərinin ruhaniləri: İslam və İudaizm tanrıya
Dostları ilə paylaş: |