46
qabiliyyətini itirir. Belə qılınc nə ola bilərdi? Onu tapmaq
lazımdır.
Qeyd etməliyəm ki, həmin dövrdəki belə nayrazılıqların və
məmurların özbaşınalıqlarının qarşısı xalq nəzarəti, Kommunist
partiyasının rayon katibləri və digər yuxarı səviyyəli vəzifəlilər
tərəfindən müəyyən dərəcədə alınırdı. Xüsusilə ölkədə ədalət
tapmayanlar onu Moskva vasitəsilə əldə edirdilər, bu yaxşı nəzarət
və qanunçuluğu qoruyan vasitə idi. Əgər təsəvvür etsək ki,
Azərbaycan və Ermənistan müstəqil qalmışdı. Bu halda bizdə
özbaşınalıq, məsuliyyətsizlik daha çox olardı (müstəqillik dövrü
bunu aşkar görsədir), nəticədə Ermənistan çoxdan Azərbaycanı işğal
eləyərdi. Məhz SSRİ tərkibində qalmaq Azərbaycanı və burada
qanunçuluğu çox dərəcədə qoruyurdu. Moskva olmasaydı, yerli
məmurlar xalqın başına olmazın oyunlar açardı.
1991-2008-ci illər.
2008- ci il ilə müqayisədə keçmiş Sovet dövründə insana hörmət
edildiyi, şikayətinə baxıldığı, nəticədə qanunların yerini tutduğunu
tam əsasla demək olar. Lakin indiki dövrün keçmişin əksi olduğunu
qəbul etməyə məcburuq.
Keçən tarixi qiymətləndirmək üçün obyektiv kriteriyalar
seçməliyik. Bunlar:
1. Milli təəsübkeşlik xarakteri,
2. Başqa ölkələr içərisində öz ərazi bütövlüyünü qorumaq ruhu,
3. Elmdə və texnikada beynəlxalq mükafatların miqdarı, hansı
səviyyədə elmi və texniki inkişafa, yaradılmış qurğu, cihaz, maşın
metod, proqramlara, nəzəriyyələrə malikdir, patentlərin miqdarı,
4. Dünyada hörmət edilən, sayılan xalq statusuna malik olmaq,
5. Torpağının artması və ya azalması xarakteri,
6. Dünyadan nə qədər xeyir alır (bir başa istismar etməklə,
sənaye və kənd təsərüfatı malı satmaqla, turist cəlb etməklə)?
7. Yaşamaq üçün nə dərəcədə əlverişlidir. Yaşayış səviyyəsi
necədir?
8. Hansı dərəcədə özünü qəsbdən və daxili üsyanlardan qoruya
bilir?
9. Hansı keyfiyyətdə və qabiliyyətdə etik idarə sisteminə
malikdir?
10. Hansı həqiqi əxlaqi və həyat dəyərlərinə, prinsiplərinə,
rəqabətli mədəniyyətə malikdir?
47
Özümüzə qiymət vermək üçün bu kriteriyaların hamısından və
ya hər birindən istifadə edə bilərik. Lakin burada torpağın azalması –
onun qəsbi kriteriyası ən universaldir. Məhz bu kriteriya ilə bu
günə qiymət versək, səhv etmərik.
Bizim, dövlət quruluşumuz və mədəniyyətimiz, bilik və ağlımız,
bacarıq və idarə qabiliyyətimiz, elm və texnologiyamız, əxlaqımız,
dəyər və prinsiplərimiz, davranışımız, milli xarakterimiz məhz bu
nəticəyə - ərazimizin azalmasına gətirmişdir, demək bunlar hamısı
mənfi qiymətləndirilməlidir. Bu qiymətdən sonra yalnız həmin
sahələri uyğun olaraq və sürətlə qaydaya salmasaq, ən yüksək
səviyyəyə çatdırmasaq, biz geriyə getməyi dayandıra bilməyəcəyik,
habelə torpaqları geri ala bilməyəcəyik, hətta qalan torpaqların da
əldən çıxmasına səbəb olacayıq. Əgər hər hansı bir fəaliyyət, hər
hansı bir iqtisadi rəqəmlər torpağı almağa bir addım da
yaxınlaşdırmırsa, o heç bir qəpiyə də dəymir. Başqa kriteriyalarla
ölçsək, eynilə deməliyəm ki, əgər hər hansı bir tikinti -quruculuq işi
və ya qanun, sərəncam əksər insanın ümumi və fərdi problemini həll
etmirsə, rüşvəti kəsmirsə, iş vermirsə, gələcəyin maddi texniki
bazasını yaratmırsa, heç nəyə dəymir.
Azərbaycanın bu gününü və gələcəyini müəyyən edən trendlər.
Faydalı trendlər (qısa təsvir)
1. Komputer və xüsusi texnologiyaların vasitəsilə ünsiyyətin,
məlumatlılığın artması və birbaşa demokratiyaya imkan yaratması.
2.Savadlı olanların savadının keyfiyyəti və dərinliyinin artması
(ümumi savadsızlığın artması fonunda), müəyyən ziyalılarda
rasionalist baxışların, analitik görücülüyün meydana gəlməsi.
3. 1988-2008 il dövründə baş verən dərin ictimai iqtisadi mədəni
böhranın yaradıcılıqda, dərin ağıllı əsərlərin mədəniyyətdə və ictimai
fikirdə, böyük əks sədası və yeni yaradıcılığa stimul olması və
ictimai şüurun artmasına səbəb olması.
4. 1993-2003 illərdə baş verən staqnasiyadan sonrakı dövrdə
iqtisadi sahədə aktivliyin artması; ictimai tikinti quruculuq
fəaliyyətinin artması.
5. Beynəlxalq əlaqələrin genişlənməsi və faydalı təcrübə və
texnologiyaların ölkəyə gətirilməsi.
48
Zərərli trendlər
1. Azərbaycan tarixini araşdıraraq belə müəyyən edirik ki, bütün
tarixi ərzində Azərbaycan xalqının formalaşdığı və yaşadığı
torpaqlar daim azalmağa doğru getmiş, qonşu dövlətlər tərəfindən
tutulmuşdur. Son 1988 - 2008 illər arasındakı dövr də yeni böyük bir
parça torpağın Ermənistan əlinə keçməsi prosesi olmuşdur.
2. Ötən 248 il ərzində müstəqil dövlətçiliyin itirilməsilə bərabər
əsasən ümumi milli dəyərlərin- ümumxalq mənafeyi, ölkənin birliyi,
ümumi gələcəyin, mədəniyyətin qorunması - həyat tərzindən , şəxsi
davranışlardan, adətlərdən, düşüncədən itməsi və tayfabazlıq,
qəbiləçilik, yerlibazlıq, qohumbazlıq dəyərlərinin qüvvəyə minməsi.
3. İslam dininin ölkəyə zorla gətirilməsi ilə bərabər ümum milli
dəyərlərin, milli mədəniyyətin mənfi təsirə məruz qalması, milli
özünə inamın itməsi. Savadsızlığın, xürufatın yayılması və qapalı
düşüncəli cəmiyyətin formalaşması; hər cür yeniliyə, inkişafa, elmə,
savadlılığa qarşı müqavimətin meydana gəlməsi.
4. İslam dininin gəlişi ilə bərabər despotik idarə üsulunun
bərqərar olması ilə insanlarda azadlıq və sərbəst yaşamaq hissinin,
sərbəst düşüncənin itməsi, qul psixologiyasının yaranması. Xüsusilə,
ruhi aləmlə məşğuliyyətin, sitayişin və dini ibadətlərlə, dinlə
keçirilən həyat tərzinin formalaşması. Dinin tiryək rolunun artması.
5. Getdikcə əxlaqın pisləşməsi.
6. Zorla və xüsusi düşünülmüş davranışla kapitalist
münasibətlərinin yaradılması. Torpaqların varlıların və rüşvətlə
varlanmış məmurların əlinə keçirilməsi, kənddə feodalizmin bərpa
edilməsi. Məmur - varlı kapitalist təbəqəsinin formalaşdırılması.
7. Məmurların cəmiyyət tərəfindən qiymətləndirilməsinə və
cəmiyyətin bilavasitə idarədə və nəzarətdə iştirakına müxtəlif
maneələrin yaradılması. Məmurların təyinatının cəmiyyətin
fikrindən asılı olmadan aparılması.
8. Etiraz etməyən, dözümlü, qul psixologiyalı, hüququnu
qorumaqdan, düzü deməkdən qorxan, rüşvətverən vətəndaşın
formalaşdırılması.
9. İslamın əsaslarından olan kafir, küfr və şeytan
konsepsiyalarının insanları və qrupları əməkdaşlığa deyil,
düşmənçiliyə, irəli gedənə mane olmağa, hər vəchlə öz şəxsi və
qrup mənafeyinə uyğun olmayanlara kafir adı verməklə öz
düşmənçilik hərəkətlərinə mənəvi əsas tapması; habelə ona mane
olan həqiqətlərə, ideyalara və fikirlərə küfr adı verməklə onları
eşitməkdən imtina etməyə; günahları isə şeytanın adına yazmağa
Dostları ilə paylaş: |