43
rüşvət bəs edirdisə, artıq polisə 1000 manat rüşvət vermişdi. Ölkə
nə qədər düzəlirdisə, digər tərəfdən başqa fəaliyyət sahələrində
pisləşmə baş verirdi. Daha sonra Əliyev Moskvaya gedəndən sonra
respublika ümumi olaraq nəzarətsiz pisləşməyə başladı. Yadımdadır
ki, işlədiyim konstruktor bürosunda əməkdaş 1990-cı ildə kənd
təsərrüfatı nazirliyinə bir məktub aparmışdı ki, müqaviləni təsdiq
etsinlər. Orada ona demişdilər ki, burada qaydadır, rüşvət verməsən
heç nə əldə edə bilməzsən; məktubun içinə böyük miqdarda pul
qoysun, yoxsa məsələ müsbət həll olunmayacaq. Dostum Petruxinlə
yaratdığımız bir qurğu neft şirkətində tətbiq olunurdu və xeyli
səmərə verirdi. O getmişdi ki, onlar bu faktı təsdiq edən arayış
versinlər, lakin onlar xeyli rüşvət tələb edərək vermədilər.
Bu dövrün analizi göstərir ki, ölkəni idarə etmək üçün təkcə əmr
- sərəncamlar metodu, şəxsi tələbkarlığa ümid etibarlı metod
deyildir. İnsan həmişə qaydalığı eyni səviyyədə saxlamaq üçün
tələbkarlığını eyni saxlaya bilməz. Qaydasızlığı artıran amillərin
daim əks təsiri ilə o axırı yorular və tələbkarlığını zəiflədər. Lazımdır
ki, ictimai sistem hamının iştirakı, tələbkarlığı və məsuliyyəti ilə
könüllü, yaxşı işləsin, yəni qaydalılığını saxlasın və daha da
təkmilləşdirsin. Lazımdır ki sistem bir rəhbərdən asılı olmadan və
yaxud o ideal rəhbər olmadan da öz-özünə yaxşı işləsin. Əgər dövlət
başçısının şəxsi düşüncəsi və meylləri optimal tələb ediləndən zəif və
tələbkarlığı yoxdursa, özünü tənqid edə bilmirsə, belə ölkə haraya
gedib çıxa bilər? Lakin kim özünü tənqid etməyə həvəslidir? Heç
kim. Hər kəs, eynilə dövlət rəhbərləri də, məmurlar da özünü tənqid
etməyə, öz səhvini tapmağa çox az qabildir. Bu problemin rasional
həllinin tapılması çox vacibdir. Çünki özünü tənqid etməsən, yəni
səhvlərini görməsən, necə effektiv inkişaf edərsən, gələcəyini necə
yaxşı qura bilərsən? Yaxşı olmazmı elə addım atanda onu elə
hesablayasan ki, düz olmağına əmin olasan, sonra atasan, səhv edib
sonra peşman olmayasan? Gələcək və yaxşı həyat məhz bu
məsələnin həllindən asılıdır. Ictimai sistem axı həmişə müdrik və
özünün və başqalarının səhvlərini görə bilən adamın başçı olmasına
qarantiya vermir. Bu başçı yaxşı da ola bilər, pis də, məsuliyyətsiz
də. Bu son halda ölkənin məhvə getməkdən başqa yolu yoxdur.
Icmaların tək başçıya - lap o çox yaxşı olsa da - ümid etməsi düzgün
həyat yolu deyildir. O başçı öləndən sonra tarixdə həmişə başqası
onun yerini tutaraq həmin ölkəni məhvə sürükləmişdir. Deməli,
ümidi müdrik təkbaşçıya deyil, ictimai sistemin ağılla, rasional
qurulması qayğısına qalmaq lazımdır ki, o tək rəhbərlərdən asılı
44
olmasın, daim düz istiqamətdə ağılla idarə olunsun. Bu ağıl isə yenə
də kollektiv ağıldır. 16-cı əsrdə Məhəmməd Fizuli də öz “Şikayət
kitabında” yazırdı ki, “salam verdim, rüşvət deyil deyə, almadılar”.
Bu fakt da sübut edir ki, rüşvət və digər mənfi qiymətləndirilən
xarakterik əlamətlər elə keçmişdən gəlir, yəni elə ictimai sistemin öz
məhsuludur. Keçmişdən 1991-ci ilə-Sovet dövrünün sonuna qədər
Azərbaycanın təsvir edilən belə bir vəziyyətinin, çatışmazlıqların
səbəbləri nə idi?. Burada nə isə böyük, lakin gözə görsənməyən
səbəb vardır ki, bu məsələ dərin analız tələb edir. Məhz bu səbəbləri
tapandan sonra Azərbaycan xalqı haqqın yolunu tapa bilər, özünə
layiqli həyat qura bilər, xalqlar arasında onlarla bir səviyyədə, hətta
üstün ola bilər. Bunu Azərbaycan xalqı və xüsusilə daim onun
rəhbərləri olmağa çalışan şöhrətpərəst insanları anlamalı və
unutmamalıdır. Əvvəl, vəzifə tutmaq istəyənlər fikirləşməlidirlər ki,
“mən bu işi görməyi bacararammı, mən layiqəmmi”? Axı işin
nəticələrini heç cürə gizlətmək olmaz, o gözlə görünəcək, o dillərdə
qiymət alacaq, danışılacaq, gülünc vəziyyəti başqa xalqlar görüb
güləcəklər. Necə olur ki, özünü layiq və əxlaqi, düzgün hesab edən
şəxs vəzifə tutandan sonra ictimai xeyiri qurban verərək, yalnız öz
xeyrini güdməyə başlayır, bunun üçün yaxşı şəraitin olduğunu tez
aşkar edir. Məhz bu şəraiti ondan əvvəlkilər yaratmışlar. Dövlət
səviyyəsində isə dövlət sisteminin əsası olan konstitusiyanı məhz
əvvəlki vəzifəlilər məmurun diktatı üçün ona lazımı şəraiti
yazmışlar: hesabat verməməsi, qiymətləndirilməməsi,
cəzalanmaması, idarə hərəkətlərini, xərclənən pulları gizlədə bilməsi,
ictimai əmlakı mənimsəyə bilməsi, rüşvət ala bilməsi, ayrıseçgilik
edə bilməsi. Digər rolları (vətəndaşlar, məhkəmə, parlament, nazirlər
və s. üçün) isə əsas aktyorun - məmur və ya ali rəhbərin roluna
uyğun təyin etmişlər. Lakin yaxşı və effektiv işləmək üçün lazımı
yaxşı şəraiti, icra və qanun mühitini yaratmamışlar.
Tipik olaraq idarəetmə aşağıların yuxarılara tabe olması, bütün
göstərişlərini danışıqsız yerinə yetirməsi və yuxarıların aşağıları ört-
basdır edə bilməsi; yuxarıların xüsusi qrupa məxsus olması
formasında konstruksiya edilmişdir. Bu diktator konstruksiyasıdır.
Müasir ağıl və şəxsi məsuliyyətlər dövrünə uyğun deyildir.
Böyük siyasətçinin fəaliyyətinin nəticələrinə qiymət verilərkən
qeyd etməliyəm ki, onun təkbaşına məmurun şəxsi keyfiyyətləri
və tələbkarlığına və hegemoniyasına əsaslanan idarə metodu
uğursuzluğa düçar oldu. O bu sistemə qalib gələ bilmədi, sistem ona
qalib gəldi. Onun birinci dövr hakimiyyətinin axırına yaxın və o
45
Moskvaya gedəndən sonra sistem yenə də əvvəlki vəziyyətinə
qayıtdı, məmur məsuliyyətsizliyi və idarə nasazlığı üzə çıxdı. Onun
özü qayıdandan sonra xəyanətkar məmurların olduğunu gördü. Buna
baxmayaraq, o, əsas dəyəri - məqsədi sabitlik yaratmaq və yenə də
məmur diktatını saxlamaq olan idarə konstruksiyasını seçdi.
Konstitusiyanı da məhz belə layihələndirdi. Halbuki bu metod tarixin
sınağından çıxmamışdı. Bunun səbəblərini tapmaq oxuculara qalır.
Yuxarıdakı sualın cavabını tapmaq və onu həll etmək üçün
dövlət həqiqətən böyük maliyyə vəsaiti ayırmalı və xüsusi tədqiqat
institutu yaratmalıdır. Bu məsələ kabinetlərdə siyasətin tətbiqi ilə,
əmr və sərəncamlar metodu ilə deyil, yalnız institutlarda obyektiv
elmi metodlarla, kollektiv ağılla həll edilə bilər. Mən bu problemin
araşdırılması üçün lazım olan ilkin fərziyyələri göstərmək istərdim:
-
Bu gün baş verənlər keçmişin məntiqi davamıdır,
təsadüfi, gözlənilməz deyil, demək, keçmişi dərindən analiz
etməliyik.
-
Islamın gətirdiyi despotik idarə və qapalı, yəni sərbəst
düşünməkdən məhrum olan düşüncə tərzi , əhəmiyyətli rol
oynayır. Bunun nəticəsində insan dini liderə oxşar olaraq
(xürufatın və təbliğatın nəticəsi kimi), rəsmi məmuru ağa,
onun qarşısında isə özünü müqavimət göstərən deyil, qul
hesab edir. Onu keçilməz və dəyişməz hesab edir. Qanunu
qanun deyil, məmurun sözünü, təlimatını, davranışını və
qərarını qanun hesab edir.
-
Nə üçün başqa qonşu ölkələrdə olmayan və ya cüzi
olan mənfi keyfiyyətlər məhz bu ölkədə və daha çox baş
verirdi? Şübhəsiz, milli xarakter, ağıl tipi, fərdi və ümumi
icma dəyərləri xüsusi rol oynayır. Deməli, onları dəyişmək
üçün layihə qurmaq lazımdır.
-
Hər gün davam edən ictimai, iqtisadi, siyasi sistemin
fəaliyyəti təsvir edilən mənfi keyfiyyətləri təkrar istehsal
edir. Yəni bu eyiblərin kökləri sistemdə axtarılmalıdır.
-
Insanlar dünyaya hazır baxışları, düşçüncə tərzi
olmadan gəlirlər. Bu keyfiyyətlər sonradan məhz konkret
idarə və qanunçuluğun yönəltməsi və yetişdirməsi ilə yaranır.
-
Qılınc müsəlmanı kimi xalqın- hər kəsin və məmurun
başı üzərində daim qılıncın durmağı lazım gəlir ki, burada
idarə və insanlar düzgün davransınlar və hər kəs öz vəzifəsini
düz icra etsin.Qılınc olmayanda sistem bütövlüyünü və iş
Dostları ilə paylaş: |