348
1. And içən şəxs yetkinlik yaşına çatmalı və ağıllı olmalı,
öz iradə və
ixtiyarı ilə and içməlidir. Deməli, uşaq, dəli, sərxoş və məcbur edilən şəxsin
andı düzgün deyildir. Həmçinin əsəbi halda ixtiyarsız və məqsədsiz and içsə
də, düzgün deyildir.
2. And içib yerinə yetirəcəyi iş haram yaxud məkruh olmamalı və and
içib tərk edəcəyi iş də vacib yaxud müstəhəb olmamalıdır. Əgər mübah işi
tərk edəcəyinə yaxud yerinə yetirəcəyinə and içsə, onu tərk etmək və yaxud
yerinə yetirmək ağıl sahiblərinin nəzərində üstünlüyə malik yaxud onun özü
üçün dünyəvi məsləhəti olduğu təqdirdə, andı düzgündür.
3. “Allah” və “Xuda” kimi Onun müqəddəs zatından başqasına deyilmə-
yən adlarından birinə and içməli yaxud yalnız Allaha məxsus olan sifət və
yaxud fellərlə Allahı yad etməlidir. Məsələn, “səmaları və yeri yaradana and
olsun” – deyə and içməlidir. Yaxud da elə bir ada and içməlidir ki, o ad
Allahdan başqasına deyilsə də, Allahla əlaqədar çox deyildiyindən, bir şəxs o
adı dilinə gətirdikdə, yalnız Onun müqəddəs zatı nəzərə gəlir. Məsələn,
“Xaliq” və “Raziq” adına and içsə, düzgündür. Hətta elə bir ada and içməli-
dir ki, yalnız and içmə məqamında “Səmi” və “Bəsir” kimi Allahın zatını xa-
tırlasa, onun andı düzgündür.
4. Andı dilə gətirməlidir: amma lal bir şəxs işarə ilə and içərsə, andı düz-
gündür. Həmçinin danışmaq gücünə qadir olmayan şəxs onu yazıb, qəlbində
niyyət edərsə, kifayət edər. Hətta əgər danışmağa qadir olsa belə, andı yazsa,
vacib ehtiyata əsasən, ona əməl etməlidir.
5. Anda əməl etmək onun üçün mümkün olmalıdır; əgər and içdiyi za-
man mümkün olmasa, lakin sonradan mümkün olsa, kifayətdir. Əgər and iç-
diyi zaman mümkün olub, sonradan ona əməl etməkdə aciz qalsa, aciz qaldı-
ğı vaxtdan etibarən andı pozular. Həmçinin anda əməl etmək dözülməyəcək
qədər məşəqqətli olarsa da, hökm eynidir. Əgər bu acizlik onun ixtiyarı ilə
olsa, yaxud öz ixtiyarı ilə olmasa da, qadir olduğu zamandan təxirə salmaqda
üzrü olmasa, günah etmişdir və kəffarə də vacibdir.
Məsələ 2634: Əgər ata övladını yaxud ər öz arvadını and içməkdən çə-
kindirsə, onların andı düzgün deyildir.
Məsələ 2635: Əgər övlad atasının və arvad ərinin icazəsi olmadan and
içsə, ata və ər onların andını poza bilər.
Məsələ 2636: Əgər
insan
unutqanlıq, çarəsizlik və yaxud qəflət üzündən
öz andına əməl etməsə, ona kəffarə vacib deyildir. Həmçinin onu andına
əməl etməməyə məcbur etsələr də, belədir. Vasvası şəxs, məsələn, “Allaha
and olsun ki, indi namaza başlayıram” – deyə and içsə, sonra da vasvası ol-
duğu üçün namazla məşğul ola bilməsə, onun vasvasılığı qeyri-ixtiyari ola-
raq öz andına əməl etməyəcək tərzdə olsa, ona kəffarə vermək lazım deyil-
dir.
Məsələ 2637: Sözünün doğru olduğu üçün and içən şəxsin sözü doğru
olarsa, and içməsi məkruhdur. Əgər yalan olarsa, haramdır. Hətta mübahisə-
349
yə son qoymaq üçün yalan yerə and içmək böyük günahlardandır. Lakin
özünü və yaxud başqa bir müsəlmanı bir zalımın şərindən qurtarmaq üçün
yalandan and içsə, eybi yoxdur. Hətta bəzən, vacib də olur. Yalnız “tövriyə”
etməsi (yəni, and içdiyi zaman sözün həqiqi mənasını bir işarə işlətmədən
cümlənin zahiri mənasından başqa bir mənanı nəzərdə tutmaq) mümkündür-
sə, vacib ehtiyata əsasən, tövriyə etsin. Məsələn, bir şəxsə əziyyət vermək
istəyən bir zalım insandan onu görüb-görmədiyini soruşarsa, o da onu bir
saat əvvəl görübsə, beş dəqiqə əvvəl görmədiyini məqsədində tutaraq “xeyr,
görməmişəm” – desin.
Vəqfin hökmləri
Məsələ 2638: Əgər bir şəxs bir şeyi vəqf etsə, onun mülkündən xaric
olar, özü yaxud başqaları onu bağışlaya və ya sata bilməzlər, heç kəs o mülk-
dən irs aparmaz. Amma bəzi hallarda 2049-2050-ci məsələlərdə qeyd edildi-
yi kimi, onu satmağın eybi yoxdur.
Məsələ 2639: Vəqfin müqaviləsini ərəb dilində oxumaq lazım deyildir,
hətta məsələn, “bu kitabı dini tələbələrə vəqf etdim” – desə, vəqf düzgündür.
Hətta vəqf əməllə də gerçəkləşir, məsələn, bir həsiri vəqf niyyətilə məscidə
sərsə və yaxud bir binanı məscid niyyəti ilə məscid kimi tiksə, vəqf gerçəklə-
şər. Lakin yalnız niyyətlə vəqf gerçəkləşmir. Vəqfin düzgünlüyü üçün bir
şəxsin qəbul etməsi lazım deyildir, istər vəqf ümumi olsun, istərsə də xüsusi.
Həmçinin “qürbət” niyyəti də lazım deyil.
Məsələ 2640: Əgər bir mülkü vəqf üçün müəyyən etsə və vəqf müqavi-
ləsi oxunmazdan əvvəl peşman olsa yaxud ölsə, vəqf gerçəkləşmir. Xüsusi
vəqfdə də kimə vəqf edilibsə, o, vəqfi ixtiyarına keçirməzdən əvvəl ölsə, hə-
min hökmü daşıyır.
Məsələ 2641: Bir malı vəqf edən şəxs vəqf etdiyi vaxtdan malı daimi
vəqf etməlidir. Əgər “bu mal mən öləndən sonra vəqf olunsun” – desə,
həmin mal müqavilə oxunan zamandan ölənə qədər vəqf sayılmadığı üçün
vəqf düzgün deyildir yaxud “10 ilə qədər vəqf olunsun” – desə, ondan sonra
vəqf olunmasın yaxud “10 il vəqf olub, sonra 5 il vəqf olmasın, ondan sonra
yenə də vəqf olsun” – desə, vəqf düzgün deyil. Amma bu halda həmin yeri
həbs etmək (istifadədən saxlamaq) məqsədi olsa, həbsi gerçəkləşir.
Məsələ 2642: Xüsusi vəqf o halda düzgündür ki, vəqf etdiyi mal vəqf
olunan kəslərin yaxud onların vəkil və ya qəyyumunun istifadəsinə verilsin.
Birinci təbəqədən olanların istifadə etməsi kifayətdir. Əgər onların bəzisi
istifadə etsə, yalnız onlara nisbət düzgündür. Amma bir şeyi öz səğir (az-
yaşlı) övladı üçün vəqf etsə, malın əsli onun əlində olsa, kifayətdir və vəqf
düzgündür.