Microsoft Word safruh. Inama dogru doc
Yüklə 2,84 Mb. Pdf görüntüsü
|
- Bu səhifədəki naviqasiya:
- GEDİLƏN YOL və ÖYRƏNİLƏN YOLLAR
- DİN və DÜNYA (İçsəs)
_________________Milli Kitabxana ________________
36 Atamız var olsun!
(Mart, 2001, Bakı). GEDİLƏN YOL və ÖYRƏNİLƏN YOLLAR (İçsəs)
Gedilən yol ayrıdır, öyrənilən yol ayrı. *** Gedilən Yol Onu gedənlər tərəfindən həm də öyrənilə bilər (öyrənilməyə də bilər; bu Yolu öyrənməyənlər, öyrənə bilməyənlər öyrənənlərə inanmaqla gedə bilərlər). *** Öyrənilən yol isə çox vaxt gedilmək üçün olmur; o əsasən “üslub” anlamına gəlir. ***
“Hər kəsin öz üslubu” — ola bilər; hətta “ola bilər” də yox, olmalıdır. İki yazıçının bir üslubu — onlardan azı biri üçün əskiklikdir. *** Öyrənilən yolun yolçusu bir ayağını yerdən götürüb o birindən irəli qoyana qədər həmin ayağın öncəki yerində ot bitir. ***
“Hər kəsin öz Yolu” isə — ola bilməz. Çünki Yol — Onu gedənlərin Birlik rəmzidir. *** “Hər kəs öz yoluyla” getdikdə nəinki Yol, heç cığır da yaranmır. Ancaq eyni Yolda hər kəs özgün yeriyə bilər (özgün yeriməyə də bilər — Yolda bu, qüsur deyil).
*** İnam Atanınkı (Asif Atanınkı) — Yoldur — İnsanilik Yolu; elə bir Yol ki, yalnız ayrı-ayrı izlər deyil, cığırlar deyil, bütöv Yollar Onda birləşə, Ona qovuşa bilər — irili-xırdalı çaylar Dənizə qovuşan sayaq. *** Təriqət — Yol deyil — nə boyda olur-olsun; təriqət, olsa-olsa cığır ola bilər. *** O nə çaydır ki, Dənizə gedib çatmır?! O nə Yoldur ki, İnsaniliyə qovuşmur, qovuşdurmur?! ***
Atamız var olsun! _________________Milli Kitabxana ________________
37
ULURUH və OŞO Harayda adı çəkilən Oşo (Bhaqvan Şri Racniş) Ocaqöncəsi 48-il ilə Ocağın 12-ili, miladla 1931—1990 arasında yaşamış dünyaca ünlü hind “ruhaniyyatçısıdır”; heç kəsin tanımadığı Uluruh (Atalı) isə bu gün 26 yaşındadır; İnam Ocağının 172-ci Evladıdır. Ocağa qədərki adı: Alıyev Xosrov Bahəddin oğlu. Kürdəmirdəndir.
Eşitsəydim ki, Oşo gəlib, Atakəndin bu başındadır, onca gün görmədiyim Uluruh isə başkəndimizin o başındadır və mən seçim etməli — onlardan biri ilə görüşə getməliyəm, — *** Atamın üz qoyduğu torpaq haqqı mən Uluruhu görməyə gedərdim. Çünki *** Uluruhun ruhu Oşonunkundan uludur. *** Oşo — istedadlı, çox istedadlı, bilikli, çox bilikli anti-Müqəddəsçidir. *** Uluruh — tam Müqəddəsçidir. *** İstedad, bilik — hər cür sifət yolunda olduğu kimi, müqəddəsliyə yetmək yolunda da vasitə ola bilər; Müqəddəsliksə — heç nə üçün vasitə ola bilməz (Safruhun təyinindəki Mütləqdən başqa). Deməli, *** Müqəddəslik — sonuncudan öndəki mütləq məqsəddir. *** Uluruh buna yaxındır, Oşo bundan uzaqdır. *** Oşoda Anlamın boyu on addım, sözün boyu min addımdır;Uluruhda Anlamın boyu on addımdır, sözün boyu bir addım, iki addım. ***
Diqqət edildikdə görmək olur ki, Uluruh bəşəri özünə oxşatmaq istərdi; Oşo isə bəşəri həm söyür eninə-boyuna, həm də bəşərin dalınca gedir və əslində onun elədiklərini eləyir. ***
_________________Milli Kitabxana ________________
38 Oşo da (Nitsşe kimi, Freyd kimi) “Müqəddəslik yoxdur” demək istəyir əslində; Buddada, Lao-tszıda, İsada Dionislik (bir növ kefcillik) icad eləyir; Uluruhsa — öz varlığıyla Müqəddəsliyi təsdiqləyir. *** Oşo — həm də oyunçudur, hərcayidir, çərənçidir; Oşo ilə Şeyx Nəsrullah arasında bircə addım ara var. Uluruh — sübh şehi kimidir, sübh şəfəqi kimidir, öz yetkinliyində belə, körpə gülüşü kimidir. *** Oşonu çox oxuyanlar bir az da Uluruhu oxumaqla ürəklərini Oşo ərpindən təmizləsələr, Mütləqə yaxınlaşarlar. ***
Mənə (Safruha) qaldıqda, Uluruhu oxumaq yetər — Oşonu oxumasan da olar. ***
Oşoları oxumaqda bircə gərəklik var: Onları oxumaq Uluruhun oxunmasını asanlaşdırır. *** Xalqda məsəl var: “Ədəbi kimdən öyrəndin”?.. “Ədəbsiz” lətifəsi Oşodan uzaq!.. ***
Atamız var olsun!
(19.II. 2002. Bakı). DİN və DÜNYA (İçsəs) Din ayrı — Dünya ayrı... Bir olaydılar kaş!.. *** Dünya Dini döyür; bir Din də “o biri Dini” döyür!.. *** Dünya birdir, Din minbir; ona görə də Dünya əlbirdir, Din — başıpozuq. *** Yol — Din olmalıykən, Dünya olur “Yol”. Dünyanın “Yolluğu” isə bəşərin Yolsuzluğu deməkdir. ***
Bu hal lətifəni Dinin zərərinə, Dünyanın xeyrinə yönəldir: Din Dinlə dartışır — Dünyanın işi irəli düşür. *** Dinçi qardaşım (elə İnamçı qardaşım da) bunun üzərində ciddi düşünməlidir! *** Yüklə 2,84 Mb. Dostları ilə paylaş:
|