163
canlı ziyanvericinin 1 nümayəndəsinin (gənələr istisna olun-
maqla) aşkar olunması kifayət edir ki, bu toxumlar ziyanve-
ricilərlə yoluxmuş hesab edilsin. Gənələr mütləq sayılmalıdır.
Çünki, standartlarda müxtəlif bitkilərin III sinif toxumlarında 1
kq toxumda 20 gənədən artıq olmadıqda icazə verilir.
Ambar ziyanvericilərinin aşkar edilməsi üçün 2-ci orta
nümunədən istifadə olunur. Təhlil nümunə laboratoriyaya daxil
olduqdan 2 gündən gec olmamaq şərtilə aparılmalıdır. Hava so-
yuq olduqda nümunələr otaq temperaturunda 1,5 – 2 saatdan az
olmamaq şərtilə saxlanılır. Toxumlarda gənələrin təyini üçün
isə nümunələr təhlilə qədər 25-28
0
C -də, 20-30 dəq ərzində
isidilir ki, ziyanvericilər hərəkətə gəlsin və aydın görünsün.
Toxumlarda ziyanvericilərlə yoluxmanın açıq və gizli
formaları olur. Açıq formada canlı ziyanvericilər toxumlararası
boşluqlarda, gizli formada isə - toxumların içərisində yerləşir.
Toxumların ambar ziyanvericiləri ilə açıq formada
yoluxmasının təyin edilməsi. Nümunə 3 dəq ərzində yumru
deşiklərinin diametri 2,5 və 1,5 mm, xırda toxumlu bitkilər
üçün isə 1 mm olan 2 xəlbirdən keçirilir. Ələnmiş toxumlar al-
tına qara kağız (gənələrin asan aşkar olunması üçün) qoyulmuş
şüşənin üzərinə tökülür. Xırda deşikli xəlbirin üstündə qalmış
toxumlarda taxıl uzunburunu, ağacovan, unyeyən, xırıldaq, iri
deşikli xəlbirlərdə isə - iri xırıldaq, paxla qurdu, güvə və başqa
iri həşəratlar gözdən keçirilir. Ilk canlı ziyanverici tapıldıqda
analiz dayandırılır. Gənələr isə sayılır və onların 1 kq toxumda
miqdarı təyin edilir. Xüsusi optik cihazda toxumların gənələrlə
yoluxması lampa ilə isidilmiş və işıqlandırılmış qara altlıq
üzərində 4-5 dəfə böyüdülmüş böyüdücü şüşənin köməyi ilə
təyin edirlir.
Toxumların taxıl uzunburunu ilə gizli formada yolux-
ması o zaman təyin olunur ki, nümunədə ölü taxıl uzunburunu
və yaxud onlarla zədələnmiş toxumlar aşkar edilsin. Buğdanın,
çovdarın, arpanın və çəltiyin toxumları uzununa kəsilir və taxıl
uzunburunun olub olmaması yoxlanılır. Və yaxud başqa
164
üsuldan istifadə edilir. Toxumlar qaynar su ilə (20
0
C) 1 dəq
ərzində və 1%-li kalium permanqanat məhlulu ilə yenə də 1
dəq ərzində işlənilir. Sonra ziyanvericilər daxil olduğu yerləri
qaralan toxumlar seçilərək içərisinə baxılır.
Hər iki üsulda təhlil üçün əsas bitkinin 200 toxumu götürü-
lür. Lakin, ilk ziyanverici aşkar edildikdə təhlil dayandırılır.
Paxlalı bitkilərdə paxla qurdu, darıda darı ağcaqanadı, çətə-
nədə yarpaqbükən tırtıl, qarğıdalıda dən güvəsi ilə toxumların
aşkar və gizli formada yoluxması toxumların təmizliyinin
(DÜST 12037-81) təhlili zamanı təyin edilir.
Əgər nümunələrdə ziyanvericilər aşkar olunmazsa qalan orta
nümunəyə baxış keçirilir və təhlil davam etdirilir.
Paxlalı bitkilərin toxumlarının taxıl qurdu ilə gizli formada
yoluxmasını təyin etmək üçün, sürfələrin izlərini toxumlarda
gördükdə toxumlar açılır və içərisinə baxılır. Əgər bu toxum-
larda canlı ziyanvericilər aşkar olunmursa qalan toxumlar
yodlu kaliumda 1%-li yod məhlulu ilə işlənilir ki, zədələnmiş
yerlər aydın görünsün.
Bunun üçün toxumlar (torda) əvvəlcə 1-1,5 dəqiqəlik yodlu
kaliumda 1%-li yod məhluluna salınır, sonra isə 30 saniyəlik
0,5%-li qələvi (yeyici K və ya Na) məhluluna keçirilir. Toxum-
lar işləndikdən sonra sürfələrin tünd rəngə boyanmış yerinin
itməməsi üçün qısa bir zamanda baxış keçirilir.
Toxumların üzərində aşağıdakı xarici əlamətlər olarsa, d arı
toxumunda darı ağcaqanadının, çətənədə yarpaqbükən
tırtılın, qarğıdalıda dən güvəsinin gizli formada yoluxmasını
təyin etmək lazımdır.
-
Darı toxumları darı ağcaqanadı ilə yoluxubsa, yolux-
mamış toxumlarla müqayisədə onlar uzunsov, daha yastı və
çiçək pulcuqları tutqun boz rəngdə olur;
-
Çətənənin toxumları yarpaqbükən tırtılla yoluxubsa on-
larda torla hörülmüş gəmirilmiş deşiklər olur;
-
Dən güvəsi ilə yoluxmuş qarğıdalı toxumlarının rüşeym-
lərində tünd nöqtə olur.
165
Seçilmiş toxumlarda ilk canlı ziyanverici aşkar oluananadək
toxumlar açılır, baxış keçirilir və sonda təhlil başa çatır.
Toxumların xəstəliklərlə yoluxmasının təyini. Törədici-
dən, yoluxmanın xüsusiyyətindən, xəstəlik formalarının təza-
hüründən və bitkidən asılı olaraq toxumların yoluxmasının
təyin etmək üçün aşağıdakı üsullardan istifadə edilir. (DÜST
12044-81).
Mikroskopik üsul. Mikroskopik üsulun əsası adi gözlə və
ya böyüdücü şüşənin köməyilə baxış keçirtməkdən ibarətdir.
Bu üsul sürmə (sürmə kisəcikləri və onların hissələri, sürmə
komları və onların hissələri, sürmə sünbülcükləri və onların
hissələri) xəstəliklərinin üzə çıxarılması üçün istifadə olunur.
Toxumların təmizliyinin təyin edilməsi zamanı onlar qarışıq
kimi hesab edilir.
Sentrifuqa üsulu. Bu üsul toxumların üzərinin göbələk
sporları ilə çirklənməsi zamanı istifadə olunur. DÜST tövsiyə
edir ki, bu üsul əkinlərin aprobasiyası zamanı sürmə xəstəlik-
ləri ilə yoluxma müşahidə olunubsa və yaxud toxumların tə-
mizliyinin təyin edilməsi zamanı sürmə xəstəliyinə rast gə-
linibsə, dənli bitkilərdə sürmə xəstəliyinin sporlarının aşkar
olunması üçün istifadə olunsun; həmçinin kətanda Pasmo
xəstəliyinin törədicilərinin, çuğundurda pas xəstəliyinin, efir
yağlı bitkilərdə xəstəliklərin, dənli otlarda sürmə xəstəliyinin
sporlarının aşkar olunması üçün istifadə olunsun.
3-cü orta nümunədən (kətanda 1-ci nümunədən) hərəsi 100
toxum olmaqla 2 nümunə götürülür. Hər nümunə içində 10 ml
su olan şüşə borunun içərisinə qoyulur və hamar səthli
toxumlar (buğda və s.) – 5 dəq, qeyri hamar səthli toxumlar 10
dəq, kətanın toxumları isə 1 dəq ərzində çalxalanır. Çalxaladıq-
dan sonra hər nümunədən yuyucu su ayrıca boruya süzülür və
sporların çökməsi üçün 3 dəq ərzində sentrifuqadan istifadə
olunur (əl sentrifuqasından istifadə etdikdə 150 dövr edilməli-
dir). Yuyucu su süzülür, çöküntüdən isə göbələklərin növünün
təyin edilməsi və mikroskop altında baxmaq üçün 5 preparat
Dostları ilə paylaş: |