172
Toxumun tarla cücərmə qabiliyyətinə bir çox amillər təsir
edir. Onları 7 qrupa bölmək olar:
1. Zonanın torpaq iqlim şəraiti
2. Torpağın xüsusiyyəti
3. Müxtəlif illərin meteoroloji şəraiti
4. Kənd təsərrüfatı bitkilərinin bioloji xüsusiyyətləri
5. Xəstəlik və zərərvericilər
6. Toxumun keyfiyyəti
7. Aqrotexnikanın səviyyəsi.
1. Torpaq-iqlim şəraitinin rolu. Tarla cücərtisi torpaq-iqlim
şəraitindən asılı olduğu kimi, həm də, toxumların əkildiyi yerin
şəraitindən də asılıdır. Eyni mənşəli toxumların müxtəlif
şəraitlərdə və müxtəlif mənşəli toxumların eyni şəraitdə
səpilməsi müxtəlif tarla cücərmələri ilə xarakterizə olunur.
Zonanın torpaq-iqlim şəraiti cücərmiş toxumun tələbatına nə
qədər cavab verərsə, tarla cücərməsi bir o qədər yüksək olar.
2. Torpağın xüsusiyyətinin əhəmiyyəti. Torpağın münbit-
liyi, onun mexaniki, kimyəvi tərkibi və fiziki xüsusiyyətləri
cücərən toxumlara birbaşa təsir edərək, onlara müqavimət gös-
tərir həmçinin, onların su, istilik, hava və işıq rejimini dəyişə-
rək dolayı olaraq da təsir edir. Torpağın sıxlığı onun mexaniki
tərkibindən, üzvi maddələrin miqdarından və strukturundan
asılıdır. Kənd təsərrüfatı bitkilərinin növləri müəyyən bir
optimal torpaq sıxlığı tələb edir. Qara torpaqlarda yazlıq buğda
üçün optimal torpaq sıxlığı 1,15-1,25, qarğıdalı üçün isə 1,20-
1,25 qr/sm
3
-dir. Torpaqda sıxlığın çox olması cücərtilərin
çıxışını gecikdirir. Tam çıxışlar toxum yatağının sıxlığının,
toxumları örtən torpağın sıxlığından yüksək olduqda olur.
Torpaq nəmliyi optimal, xüsusilə də artıq olduqda torpağın
sıxlığı da artır ki, bu da çıxışların əmələ gəlməsini gecikdirir və
tarla cücərməsinin faizini aşağı salır. Torpağın böyüyən cü-
cərtiyə və köklərə göstərdiyi müqavimət onun möhkəmliyi ilə
müəyyən olunur. O, torpağın nəmliyindən, strukturundan, me-
173
xaniki və kimyəvi tərkibindən asılıdır. Torpaq quruduqda onun
möhkəmliyi kəskin artır. Erkən səpinlərdə vaxtlı-vaxtında və
tam çıxışlar almaq üçün torpağın daha əlverişli temperaturu 9-
11
0
C, payızlıqlar üçün isə 15-17
0
C-dir. Temperaturun artması
tarla
cücərməsinin
azalmasına səbəb olur. Belə ki, 21-23
0
C
olduqda tarla cücərməsi buğdada – 8%, çovdarda -18% azalır.
3. Müxtəlif illərin meteoroloji şəraitinin təsiri. Səpin-çıxış
dövründə meteoroloji şərait tarla cücərməsinə təsir göstərir.
Məsələ burasındadır ki, səpilmiş toxumlar müxtəlif illərdə
torpağın səpin qatında yığılmış temperatur, nəmlik, hava və
işığın kompleks təsirinə məruz qalırlar. Bu şəraitlər təkcə tarla
cücərməsinə və cücərtilərin gücünə yox, həm də, bitkinin
sonrakı inkişafına və məhsuldarlığına da təsir edir. Əlverişsiz
mənfi təsiri minimuma çatdırmaq və hər il çıxışların əmələ
gəlməsindən ötrü optimal şərait yaratmaq üçün hər şeydən
əvvəl bu şəraitin müxtəlif illərdə ölkənin əsas zonalarında necə
toplanmasını bilmək və buna müvafiq olaraq optimal səpin
müddətini təyin etmək lazımdır.
Cücərtilərin və tarla cücərməsinin sürətinə torpağın tempe-
raturu və nəmliyi demək olar ki, eyni təsir göstərir.
Toxumlar soyuq torpaqda zəif şişirlər və göbələk xəstə-
liklərinə çox güclü tutulurlar. Zərərvericilərlə zədələnirlər və
çox hissələri məhv olur. Tarla cücərməsi bu səbəblərə görə
çox aşağı (50-60%) olur. Belə şəraitdə torpaqda kəltənlər
əmələ gəlir və fuzarioza tutulmuş cücərtilər torpağın üstünə
çıxa bilmirlər. Arpa və yulafda cücərti verib torpağın üstünə
çıxmayan toxumların miqdarı ümumi cücərmiş toxumların
miqdarının 20-25% -ni, buğdada isə 30-40%- ni təşkil edir.
4. Kənd təsərrüfat bitkilərinin bioloji xüsusiyyətlərinin
əhmiyyəti. Toxumların tarla cücərməsinə bitkilərin bioloji
xüsusiyyətləri böyük təsir göstərir. Belə ki, dövlət toxum
sahələrinin kütləvi məlumatlarına görə dənli bitkilərin
toxumlarının tarla cücərtiləri bir-birindən xeyli fərqlənmişdir.
Yazlıq bitkilərə nisbətən payızlıq bitkilərdə tarla cücərməsi
174
daha zəif olmuşdur. Bunun da səbəbi ondadır ki, payızlıqlar bir
qayda olaraq təzə yığılmış toxumlarla becərilir və onların
cücərmə dövründə yazlıq bitkilərin toxumlarının cücərmə
dövründən fərqli olaraq torpaqda nəmlik az olur.
5. Toxumların tarla cücərməsinə xəstəlik və ziyanverici-
lərin təsiri. Torpağa səpilmiş toxumlar müxtəlif mikroorqa-
nizmlər və həşəratlarla daim təmasda olurlar. Bunların çox
hissəsi toxumları zədələyirlər ki, bu da tarla cücərməsini xeyli
aşağı salır.
Xüsusən də, döyüm, təmizləmə, sortlaşma və toxumların
saxlanılma prosesində toxumların mikroorqanizmlərlə zədələn-
məsi daha da çox olur. Adətən, mikroorqanizmlər toxumlara
metabolitləri vasitəsilə təsir edirlər. Onların təsiri altında rüşey-
min zülal maddələrində bərpa olunmayan dəyişikliklər, ferment
sistemlərinin fəaliyyətində pozulmalar gedir və cücərti və ya
toxum məhv olur. Toxumların şişmə dövründə torpağa çıxan
maddələr mikroorqanizmlər üçün qida mühitinə çevrilir və bu
mikroorqanizmlərin bir çoxu toxumların içərisinə daxil olur.
Əsasən də bu hadisə zədələnmiş toxumlarda daha çox baş verir.
Bakterial mikrofloraya nisbətən göbələk mikroflorası daha
ziyanlıdır. Əsasən də Aspergilus və Penicilium cinsindən olan
göbələklər yüksək toksiki təsirlərə malikdirlər. Bu göbələklərin
ifrazat etdikləri maddələri torpağa verdikdə toxumların
cücərməsi 25-35% aşağı enir. Cücərtilərin əmələ gəlməsi üçün
torpaqda lazım olan nəmlik olmadıqda buğda toxumlarında
Penicilium növünə aid olan göbələklərə rast gəlinir. Rüşeymdə
göbələklərin inkişafı 4-5-ci sutkada başlayır. 10 gündən sonra
isə toxumların 50% -i zədələnir ki, bu da toxumların cücərmə
faizini kəskin olaraq aşağı salır.
Dənli bitkilərin toxumlarına və cücərtilərinə Fusarium
cinsindən olan göbələklər də xeyli ziyan vururlar. Toxumların
tarla cücərtisinə alternarioz və helmintosporioz ( buğdanın
“qara rüşeym”) mənfi təsir göstərir. Xəstəlik və ziyanvericilərlə
mübarizədə aqrotexniki, bioloji və kimyəvi tədbirlər kompleks
Dostları ilə paylaş: |