¹2(3) èéóí 2012
38
Amma Nərağa müəllimin göstərişinə qarşı başqa söz demədi və öz otağına şəkil qutusuna
baxmağa getdi. Novruz özünə çay süzüb gözləməyə başladı. Əlfiyyə xanım qayıdıb
Çiçəyin şəklini
stolun üstünə qoydu. Bu, qızın on birinci sinfi bitirəndə çəkdirdiyi idi. Bu şəkilin çəkildiyi vaxtdan
sonra Çiçək uşaq da doğmuşdu. Amma Novruz bir söz demədi. Şəkli götürüb:
–Mən gedim Əlfiyyə xanım, bir iki işim qalıb hələ...
–Get, allah səbəb salsın, balam tez tapılsın...
Novruz evin lap kandarına çatanda Əlfiyyə xanım arxadan sual verdi:
–A Novruz, mən Nargilə bacımı çağırmaq istəyirəm...
–Çağırın, çağırın,– Novruz razılıq verdi, bir qədər susub əlavə elədi, –Amma bir şey deməyin.
Gələr evdə deyərsiz, amma yayılmasın xəbər... Qız bir-iki sata harda olsa tapılacaq...
–Allah ağzınnan eşitsin, birliyi xatrına...– Əlfiyyə razılıq elədi.
Novruz evdən çıxdı, liftdən Nargilə xalaya zəng vurdu və bacısının onu çağırdığını dedi.
Sonra həyətə çıxıb maşına mindi. Saat ona işləyirdi. Fikirləşdi ki, Nəqliyyat və Dəniz polisinin
qərargahına da dəysin. Maşını işə salanda zəng gəldi. Tanımadığı bir nömrə idi. Cavab verdi. Bu,
Nərağa müəllimin tərəfindən axtarışa qoşulan Xanəgahlı idi. O, Novruza A3 saylı bölmədən zəng
vururdu. Elə orda görüşməyə qərar verdilər.
Xanəgahlı şəhər polisindəki istintaqın müstəntiqi idi. Nərağa müəllim əvvəllər bir şey
araşdırmaq lazım olanda bu idarənin rəislərinə zəng vururdu. Amma hər dəfə operativ tapşırıqların
icrasını ona tapşırırdılar. Bu dəfə Nərağa müəllim onun özünü yanına çağırıb küy qaldırmadan
Çiçəyin axtarışına qoşulmağı tapşırdı. Xanəgahlı orta boy, arıq, qara üzü sümüklü kapıtan idi.
Üzündə Dağıstan cizgiləri var idi. Çox tərs adam olduğu üçün rəisləri onu sevmirdilər,
rütbəsi də
hələ kapitan idi. Amma fərasətli adam idi. Ona iş tapşırandan sonra dayanmaq bilmirdi: adi
vaxtlarda rəhbərliyi söyürdü, amma ona xüsusi iş tapşırılanda, bu işlər yuxarılara bağlı olanda qurda
dönürdü. Açılan işi çözələyirdi, rəisləri ona dəfələrlə xəbərdarlıq eləməyincə dayanmır, geri
çəkilmirdi. Çoxları deyirdi ki, işləri çözələyəndə o pul qazanırdı, amma dəqiq bilən yox idi. O öz
axtarış işlərini həmişə məxfi aparırdı. Nəzarətçi prokurorlara tabe olmur, işin sirlərini onlara da
demir, sənədlərin hamısını təqdim etmir, istintaq prosesini istədiyi kimi pozurdu. Buna görə
prokurorlar onun özünə qarşı dörd dəfə iş açmışdılar. Nəticədə onu müstəntiqlikdən kiçildib
daznovatel – araşdırıcı keçirmişdilər. Amma bütün dolaşıq işlər onun icraatında qalmışdı, çünki
onun yerişini yeriyə bilən yox idi.
Xanəgahlı səhər birbaş A3 saylı polis bölməsinə gəldi. Bu, Çiçəyin yaşadığı ünvanın ən yaxın
bölməsi idi. Tezdən gəldi ki, təzə növbətçi gəlməmiş o birini danışdırsın.
O növbətçinin üz-gözünə
baxanda bildi ki, gecə yatıb. O, üz-gözü şişmiş, balaca boylu, arıq, eynəkli bir kişi idi. Xanəgahlı
fikirləşdi ki, bunun böyrəkləri xəstədi, çünki üzündəki şiş həddən artıq çox idi. Növbətçinin
danışmağa həvəsi də yox idi:
–Bu axşam bizə nə kişi, nə də arvad gətirməyiblər...
Xanəgahlı növbətçinin köməkçisini dindirdi, elə o biri kimi xəsis danışan bir cavan serjant idi.
Xanəgahlı növbətçinin yanına girib Qeydiyyat jurnalını istədi. Növbətçi
stolunun gözündən üzü
əzik jurnalı çıxarıb narazı əda ilə stolun üstünə atdı. Xanəgahlı jurnalı acdı. Növbətçi düz deyirdi,
onun xidmət vaxtına aid heç bir qeyd yox idi. Amma axırıncı iki qeyd post-patrul maşının gətirdiyi
iki qadın haqda idi. Biri üçün lal-kar yazılmışdı. Biri isə Könül Quliyeva familiyalı idi. Xanəgahlı
post-patrul maşınının nömrəsini, qızlar barədə raportu yazmış serjantın familiyasını götürdü. Onlar
Qızıldaş Dəri-zöhrəvi Xəstəxanasına göndərilmişdilər. O jurnalı qapayıb başını qaldıranda növbətçi
pəncərəsinin bayır tərəfində səliqəli kostyumda, qalstukda girdəsifət, çopur sifərli bir adam gördü.
Fikirləşdi ki, Novruz bu kişi olacaq. Növbətçi otağından çıxıb ona yanaşdı:
–Novruz sizsiz?
–Hə, siz Xanəgahlısız?– Novruz əlini ona uzatdı.
–Mənəm, mənəm.
–Mən burda olmuşam...– Novruz dedi, sonra şəkli ona uzadıb davam elədi–bunnarda xəbər
yoxdur.
Ðöáëöê ÿäÿáèééàò äÿðýèñè
39
–Qız birinci dəfədi itir?– Xanəgahlı cavab yerinə sual verdi.
–İki
dəfə olub, bir-iki saat. Amma indi dünən axşam 5 radələrində həyətdən harasa gedib, –
Novruz qısaca nə işlər gördüyünü danışıb söhbətə yekun vurdu, – Mən dəniz polisinə də dəymək
istəyirəm...Bir şey aydınlaşsa əlaqə saxlayaq.
Onlar əl verib ayrıldılar. Novruz Xanəgahlının axtarışa qoşulmağınnan narazı idi. Amma bu
rəislərin qərarı idi. Xanəgahlı da Novruzun hansı işə baxdığını təxminən anladı. O, Novruz kimi
işçiləri artıq çörək yeyənlər sayırdı və onların geyindikləri ütülü kostyumlara istehza ilə baxırdı.
Həm də bilirdi ki, mühafizə işçiləri heç vaxt düz danışa bilməzlər. Xanəgahlı evdən gedən harın
uşaqları çox axtarmışdı. Bu işlər hamısı araşdırılmaq üçün deyildi, ancaq tapılmaq üçün idi. Nərağa
müəllim itən qadının hörmətli ailədən olduğunu deyəndə heç təəccüblənmədi. Onun üçün qızın atası
yox, özü əsas idi. Onun belə “böyük” adamların ailə sirrinə marağı yox idi. Onun üçün maraqlı
axtarışın özü idi. Xanəgahlı qızın dünən axşam getdiyinə inanmadı. Mühafizəçilər belədi, bütün
araşdırmalardan sonra onların göstərdikləri vaxtların yalan olduğu ortaya çıxırdı.
Xanəgahlı köhnə göy mersedesinə minib birbaş Qızıldaşa sürdü.
O çox əsəbi adam idi,
maşınnan uzaq yollara çıxanda özünü çox rahat, sakit hiss edirdi. Ona görə iş dalınca uzaq yerlərə
getməyi xoşlayır və bundan ləzzət alırdı. İçi rahat və azad olurdu. Xanəgahlı Dəri Zöhrəvi dis-
panserin darvazasına çatanda saat on bir idi. O, qapıda vəsiqəsini göstərib baş həkimin harada
oturduğunu soruşdu. Həyətə girib baş həkimin otağını tapdı, onun qəbuluna girib özünü təqdim etdi.
Polis sözünü eşidəndə həkimim parıldayan ağ üzü qəhvəyi rəng aldı. Xanəgahı srağagün gətirilmiş
iki qadını görmək istədiyini dedi.
–Birini bu səhər xəstəxanaya aparıblar... Məndə məlumat yoxdu, koridorun o başında böyük
tibb bacısı var, o bilir...
–Əcəb baş həkimsiz... –Xanəgahlı həkimin danışmaq
istəmədiyini gördü, başını bulayıb
otaqdan çıxdı.
Amma o bilirdi: vəzifəsiz, balaca adamlar düzünü deyir, adamı incitmirlər. Xanəgahlı böyük
tibb bacısının çirk paltar iyi verən otağına girib ətrafa göz gəzdirdi, sonra tələsmədən özünü təqdim
elədi. Kök qadın rəngdən-rəngə düşdü..
–Srağa gün gələn qızı kim döyüb?– Xanəgahlı bilirdi ki, balaca qorxudulandan sonra adamlar
düzünü danışmağa başlayır,– xahiş edirəm düzünü deyin...
–Qıza bir şey olub? – qadın Xanəgahlını sözünü bitməyə qoymadı.
–Vəziyyəti ağırdı...– Xanəgahlı qarasına dedi.
–Mən heç nə bilmirəm, gecə nəsə olub, biz işdə olmayanda. Biz gələndə işə onu xəstəxanaya
aparmışdılar... Onunla gələn qadın var, gedək sizi aparım onun yanına. Nə bilirsə, o bilir...– arvad
tələsik otaqdan çıxdı.
Xanəgahlı onun ardınca ikinci mərtəbəyə qalxdı. Könül onların
palataya girdiyini görəndə
durub xələtini geydi və çarpayıda oturdu.
–Siz gedin, çox sağ olun, –Xanəgahlı baş tibb bacısına dedi.
Arvad rahat nəfəs alıb otaqdan çıxdı. Xanəgahlı pencəyinin qoltuq cibindən Çiçəyin şəklini
çıxarıb Könülə uzatdı:
–Xəstəxanaya aparılan bu qızdı?
Könül şəkilə xeyli baxıb soruşdu:
–Ona bir şey olub?
–Ağırdı, amma üzü bu yanadı... Onun şəklidi?
–Odur, şəkildə məktəb vaxtıdı yəqin..– Könül şəkli qaytardı Xanəgahlıya.
–Onun adı nədir, hardan tanıyırsan onu? –kapitan sual verdi.
– Bölmədə kameraya gətirdilər . Onu döyüb gətirmişdilər... Hikkəsindən adını demir, bəlkə də
xəstədi.–Bunları deyib Könül qorxdu, çünki xəbərçilik burda ona baha başa gələrdi, hələ iyirmi
yeddi gün bu xarabada qalmalı idi.
–Onu kim döyüb, niyə döyüb?– Xanəgahlı əsas sualını verdi.
Könülün ürəyi döyünməyə başladı. O danışmağa qorxurdu, amma qabağındakı da polis idi və
qadının kimliyini yaxşı bilirdi.
O da Könülü döyə bilərdi, heç kəs də ona bir söz deməzdi, bura elə
polis idi, bəlkə ondan da pis yer idi. Kapitan qandı: qız qorxur.