44
zonası altına torpaq sahələrinin seçilməsi aşağıdakı prinsiplər əsasında
qiymətləndirilir:
a) Botanika bağı, dendroloji park zonaları və ümumşəhər istirahət
zonası üçün yararlı torpaq sahələri relyefi 10 %-ə qədər maili olan,
qruntunun üst qatı qaratorpaq, qırmızı torpaq və nisbətən sarıtorpaq olan,
mexaniki tərkibi yüngül və orta olan, su qatlarının yer səthindən dərinliyi
2 m-dən 1 m-ə qədər olan, daşan sulardan qorunan, bataqlığı və tam axım-
sızlığı olmayan, dərinliyi 5m.-dən az olmayan və nisbətən maili divarı
bərkimiş dərələri olan, sürüşməyə məruz qalmayan, sahilləri yuyulmayan
və aşınmayan, karst prosesi olmayan torpaqlar bağ və parkların salınması,
habelə ümumşəhər istirahəti üçün yararlı hesab olunur.
b) Botanika bağı, dendroloji park zonaları və ümumşəhər istirahət
zonası üçün azyararlı torpaq sahələri-relyefi 10-30% olan, qruntun üst qatı
az miqdarda duzlu sayılıb turş olan, mexaniki tərkibinə görə qum, orta və
ağır gil olan, su qatları yerin səthindən 0,5-1,5 metr və 2 metrdən 3 metrə
qədər olan, sahənin subasması müddəti 15 gündən artıq olmayan,
atmosfer çöküntüləri nəticəsində əmələ gələn bataqlığın qurudulması asan
olan, dərinliyi 5 metrədək və divarlarında kəskin maillik olan dərələr,
sürüşməyə meylli və ayrı-ayrı bərkidilmə ehtiyaclı yamacları olan, bəzi
yerlərdə yuyulub-aşınmaya məruz qalan və az miqdarda sönmüş karstları
olan torpaqlar bağ və parkların salınması, habelə ümumşəhər istirahət
zonası üçün azyararlı hesab olunur.
c) Botanika bağı, dendroloji park zonaları və ümumşəhər istirahət
zonası üçün tam yararsız torpaq sahələri-relyefin mailliyi 10-30%-dən
artıq olan, torpaq qatı duzlu, mexaniki tərkibi isə tamamilə bərk süxurlar
olan, su qatı yerin səthinin 0,5 metr üst hissəsində və 3 metrdən dərində
olan, sahillərinin daşması 15 gündən artıq olan, çətin qurudulan bataqlıq
sahələrinə malik olan, çox miqdarda sürüşən yamacları olan, yatağını çox
tez-tez dəyişən və çayətrafı divarlarını yuyan çaylar olan, dərinliyi 10
metrdən artıq sönmüş vulkan karstlarına malik və yeraltı boşluqları
mövcud olan torpaq sahələri bağ və parkların salınması, habelə
ümumşəhər istirahət zonası üçün tam yararsız hesab olunur.
Xüsusi təyinatlı zonalar.
Bu zonaların ümumi əsasları və prinsipləri baxımından bu zonalarda
hərbi şəhərciklər, xüsusi təyinatlı qoşun bölmələri yerləşdirilə bilər. Bu
zonada yaşayış binaları, mülki-müdafiə qurğuları, təsərrüfat və texniki-
təchizat qurğularının yerləşdirilməsi mümkündür. Xüsusi təyinatlı
45
qurğuların yerləşdirilməsi və hərbi təlim aparılmasında müvafiq norma və
qaydalara riayət edilməlidir.
Sanitar-qoruq zonaları
Bu zonalar I-IV qrup sənaye zonaları ilə yaşayış zonalarının arasında
yerləşdirilir.
Zonanın aralıq məsafəsi sənaye obyektlərinin qruplarından və səna-
yenin atmosfer tullantılarının miqdarından, tərkibindən, şəhərin coğrafi
mövqeyindən, küləyin illik əsmə istiqaməti rejimindən asılı olaraq
müəyyən olunur. Ekoloji filtrlərin gücündən asılı olaraq, hətta ən zərərli
birinci qrup sənaye obyektlərinin sanitar-qoruq zonalarını xeyli azaltmaq-
la sənaye zonasını yaşayış zonasına qismən yaxınlaşdırmaq mümkündür.
Sanitar-qoruq zonalarında kommunal-anbar binaları, dəmir yolunun
yükboşaltma meydançaları, dəmiryol sortlaşdırma stansiyaları, yük
daşıyan avtomobil və yükdaşıma məntəqələri, inşaat materialları
anbarları, habelə qoruq zonasının yaşıllıqları yerləşdirilə bilər.
Şəhərətrafı zonalar.
Bu ərazilər şəhərin yaşayış, sənaye-kommunal zonalarından
başlayaraq şəhər sərhədlərinə bitişik torpaqları əhatə edir. Əsas etibarı ilə
şəhərin gələcək inkişafı üçün yeni torpaq zonalarının ayrılmasına xidmət
edərək ehtiyat-inkişaf zonası kimi saxlanılır.
Bu zonada şəhərin Baş planının gələcək inkişafına uyğun olmayan
bütün növ əsaslı kapital qoyuluşu tələb edən tikintilər qadağandır. Bu
zonanın torpaqlarından şəhər əhalisinin bitkiçilik və heyvandarlıq məhsul-
larına olan tələbatını ödəmək üçün istifadə etmək məqsədəuyğundur .
Ümumşəhər idman meydançaları, olimpiya şəhərciyi və digər
idman obyektlərinin yerləşdiyi zonalar.
Buraya respublika stadionları, motodrom, velotrek, örtülü idman
sarayı, olimpiya şəhərciyi, avarçəkmə və yelkən limanı, ralli trası daxildir.
Bu zonaların əsasları və prinsipləri şəhərin yaşıllıq və rekreasiya
zonalarına, yüksək daşıyıcı qüvvəyə malik olan nəqliyyat vasitələrinə
yaxın yerləşdirilməsindən, qısa müddətdə tamaşaçıların evakuasiyasının
təmin olunması üçün tələb olunan miqdarda giriş qapılarının və boşaldıcı
bamper meydanları ilə təmin olunmasından ibarətdir. Ralli avtotrekləri bir
qayda olaraq şəhərdən kənar zonalarda salınır. Olimpiya şəhərciyinin də
şəhərdən kənarda salınması məqsədəuyğundur.
Dini təmsil edən obyektlərin yerləşdiyi zonalar.
Buraya məscidlər, kilsələr, sinaqoqlar, dini məbədlər, pirlər, məd-
46
rəsələr daxildir. Bu zonalarda tələb olunan əsas prinsiplər yeni tikiləcək
obyektlər üçün torpaq sahəsi ayrılarkən müəyyən olunacaq məhdudiyyət
istisna olmaqla şəhərsalma baxımından heç bir normativ qadağa
qoyulmamağıdır. Burada obyektlərin yerləşdirilməsi və əsas binalardan
başqa dini bayram və mərasimlərin keçirilməsini təmin etmək üçün zona
magistral yollarla əlaqəli olan müvafiq iriölçülü həyət sahəsi tələb edir.
Dini komplekslərdə yalnız mərasimlərin fəaliyyətini təmin edən qurğu və
obyektlər yerləşdirilir.
2.4. Azərbaycanın torpaq ehtiyatları və bazar torpaq
münasibətləri şəraitində onlardan səmərəli istifadənin elmi-
metodiki əsasları
Təbii eһtiyatlar məfһumu iqtisadi termin olub, xüsusi ədəbiyyatlarda
o, belə açıqlanır: təbii eһtiyatlar insanların maddi və mənəvi tələbatını
ödəmək məqsədilə cəmiyyət tərəfindən istifadə edilən və ya istifadə
edilməsi mümkün olan təbiətin bir һissəsini özündə birləşdirir. Bütöv-
lükdə, ölkəmizin təbii eһtiyatlarına onun inzibati sərһədləri daxilində olan
mineral, torpaq, su eһtiyatları, bitki və һeyvanat aləmi, atmosfer һavası və
günəş enerjisi aiddir. Respublikamızın qiymətləndirilmiş təbii eһtiyatları
onun təbii-eһtiyat potensialını təşkil edir və bu potensial dövlətin milli
sərvətinin müһüm tərkib һissəsidir.
Ölkəmizin təbii eһtiyatları tükənməz (Xəzər dənizinin suyu, külək və
su enerjisi və s.) və tükənən (meşə, fauna və floranın ayrı-ayrı elementləri,
yararlı torpaq saһələri və s.) mənbələrə bölünür.
Tükənən təbii eһtiyatlar bərpa olunan və bərpa edilməyən eһtiyatlara
bölünür. Bərpa edilməyən tükənən sərvətlərə-təbii yeraltı sərvətlər (neft,
qaz, digər faydalı qazıntılar: qızıl, gümüş, mis, civə və s.), bərpa edilən
tükənən sərvətlərə-meşə və bitki örtüyü, torpaq münbitliyi, atmosfer
һavası, һeyvanat aləmi aiddir. Əlbəttə, tükənən eһtiyatların bərpa edilməsi
uzun müddət və böyük һəcmdə sərmayə qoyuluşu tələb edir. Ona görə də,
təbii sərvətlərin qorunması, onlardan səmərəli istifadə problemi bütün
bəşəriyyət qarşısında duran ümdə vəzifələrdəndir.
Torpaq eһtiyatları təbii sərvətlərin tərkib һissələrindən biri olub,
cəmiyyətin ən qiymətli xəzinəsidir. Bu eһtiyatlar iqtisadiyyatımızın
müxtəlif saһələrində ya istifadə edilir, ya da istifadə üçün nəzərdə tutulub.
Dostları ilə paylaş: |