699
üstündəki böyük sinə daşlarının qaldırıldığı, balbalların
oxunduğu, bərpa işlərinin aparıldığı video lentlər təqdim
olunur.
1-Cİ FİLMİN SONU
2006
700
GÜNDOĞANDAN GÜNBATANA…
QƏDİM VƏ YENİ TÜRKLƏR…
II film
Filmin başlığı. Xüsusi effektlərlə sürətlə yığılan təsvirlər
fona verilir. Aparıcı filologiya elmləri doktoru, professor
Nizami Xudiyevin çıxışı təqdim olunur.
NİZAMİ XUDİYEV: – Türk dili ən böyük dünya dilləri
ailəsindən hesab olunur. Türk dilləri lüğət tərkibi
və qrammatik quruluş cəhətdən digər dil
ailələrindən fərqlənir. Lüğət tərkibində başqa
dillərdə olmayan, yalnız türk dillərinə məxsus
sözlər vardır. Məsələn: baş, su, torpaq, dağ, bir,
iki, üç, qara, ağ, qırmızı, qız, oğlan, igid, bu, o,
mən və s.
Türk dilləri tipoloji, yaxud morfoloji
bölgüdə aqlünativ iltisaqi dillər qrupuna daxildir.
Türk dillərində söz kökləri dəyişməz qalır,
şəkilçilər, morfoloji əlamətlər sözlərin sonuna
qoşulur. Məsələn: ək-in-çi-lik-də; ya-ra-dı-ci-lıq-
da və s. olduğu kimi. Azərbaycan dili, türkmən
dili, qaqauz dili, karaçay dili, kumık dili, karaim
dili, tatar dili, çuvaş dili və s. Bu gün danışılan
dillərlə yanaşı danışılmayan, ünsiyyəti tarixin
uzaq qatlarında daşlaşmış ölü türk dilləri də
mövcuddur.
701
1. Peçenek dili. XI-XIV əsrlərdə step
köçərilərinin dili idi.
2. Poloves dili. Yenə XI-XIV əsrlərdə step
köçərilərinin dili olmuşdur.
3. Cağatay dili. XIV-XVI əsrlərdə Orta
Asiyada ədəbi dildir.
4. Qədim uyğur dili. IX-XI əsrlərdə Mərkəzi
Asiyada böyük dövlətin dili olmuşdur.
5. Bulqar dili. VI-VIII əsrlərdə Volqa və
Kama çayı ətrafında əmələ gəlmiş Bulqar dövləti
əhalisinin dili idi.
6. Xəzər dili. VIII-X əsrlərdə Volqa və Don
çaylarının aşağı məcrasında yaranmış böyük
dövlətin dilidir.
7. Orxon dili. VII-VIII əsrlərdə Şimali
Monqolustanda Orxon çayı ətrafında yaranmış
güclü dövlətin dili olmuşdur. Etimoloji təsnifata
görə türk dilləri monqol dilləri ilə bir qrupa, bir
ailəyə daxil edilir və Altay dilləri, yaxud Turan
dilləri ailəsi adlanır.
Bundan əvvəlki görüşümüzdə türk dillərinin
tarixi ilə bağlı müəyyən qədər araşdırmaları,
dövrləri diqqətinizə çatdırmışdıq. Sizinlə birlikdə
həmin söhbətimizin davam etdirəcəyik.
Türk dillərinin tarixinin öyrənilməsində
qədim türk dövrünün uyğur mərhələsi xüsusi yer
tutur. Bu dövr təqribən 745-840-cı illəri əhatə
edir. Uyğurlar da Tukyu dövlətinin tərkibinə daxil
olan tayfalardan biri idi. Onlar Yenisey və
Selenqa çayları arasında yerləşmişdilər. Uzun
müddət – Hun imperiyasının süqutundan 610-cu
ilə qədər jujanlarla mübarizə aparmış, özlərinə,
702
əlli ilə yaxın davam edən kiçik bir dövlət də
qurmuşdular. Sonra isə onlar Tukyu dövlətinin
tərkibinə qarışmışlar.
Qədim türk yazı sistemini əks etdirən cədvəllərdən
bobsley təqdim edilir.
MƏTN: – Qədim uyğurlar öz əlifbalarında bir neçə yazı
sistemindən istifadə etmişlər. «Moyon-Çor» və
«Falnamə» kimi qədim uyğur abidələri günümüzə
Orxon-Yenisey əlifbası ilə gəlib çatmışdır. Eləcə
də bəzi uyğur əlyazmaları brahmi yazısı ilə
yazılmışdır. Bu yazı fonoqrafik yazı forması
olduğundan digər əlifbalara nisbətən əski
türkcənin səs quruluşunu ifadə etmək baxımından
çox əlverişli idi. Əski uyğur yazılı abidələrinin
çox hissəsi manixey və qədim uyğur əlifbası ilə
yazıya alınmışdır.
Qədim Uyğurustan xalq oyunu. Bir kənd məktəbi təqdim
olunur.
MƏTN: – Əski türk yazılı abidələri qədim türk
ədəbiyyatını, türk şeir texnikasını, onun
qanunauyğunluqlarını öyrənmək baxımından
böyük elmi əhəmiyyət kəsb edir. Göytürk
abidələri qədim xüsusiyyətlərə daha çox malik
olsa da, əski uyğur abidələrinin türk xalqları
ədəbiyyatı və dilinin tarixində mühüm rolu və
əhəmiyyəti olduğunu xüsusi qeyd etmək lazımdır.
Hər şeydən əvvəl IX-XII əsrlərdə uyğurlar
Mərkəzi Asiya regionunda çinlilərdən sonra ən
703
mədəni və inkişaf etmiş xalq olmuşdur. Bu fikri
XX əsrin ilk illərində Çinin şimal-qərbindəki
Turfan əyalətində aparılmış arxeoloji qazıntı
zamanı qədim uyğurlara aid əldə olunmuş
materiallar da təsdiq edir.
Qədim uyğurlar türk xalqlarının mədəniyyəti
tarixində – söz və ozan sənətinin, bədii
ədəbiyyatın, onun növ və janrlarının inkişafında
böyük xidmət göstərmişlər. Bu məqsədlə onların
Çin və hind mədəniyyətinin dünyaca məşhur olan
ədəbi incilərini ana dilinə çevirmələri xalqın
mədəni inkişafına, ədəbiyyatın və ədəbi dilin
zənginləşməsinə az təsir göstərməmişdir.
Qədim türk yazılı abidələrində işlənmiş
alınma sözlər əsasən Çin, sanskrit, qismən soğd,
Tibet və Toxar sözlərindən ibarətdir. Burada nadir
hallarda ərəb və fars dilindən alınmış sözlərə
təsadüf edilir. Həmyerlimiz məşhur türkoloq və
şərqşünas alim Mirzə Kazım bəy uyğur
qəbilələrinin tarixini, yazı mədəniyyətini
öyrənmək sahəsində ilk rusiyalı alim hesab edilir.
O, 1841-ci ildə «Uyğurlar haqqında tədqiqat» adlı
monoqrafiyasını çap etdirir və bununla da
Rusiyada uyğurşünaslığın əsasını qoyur.
İndiyədək əldə edilən uyğur yazılı abidələri
içərisində Çində Turfan vahəsində tapılan uyğur
yazıları sayca çoxluğuna görə diqqəti daha çox
cəlb edir.
Qədim uyğur maniçi ədəbiyyatından müasir
türkcəmizə çevrilən bir ədəbi nümunə ilə o
dövrün düşüncə tərzi, tarixi, uyğurların
inancından bir soraq… Yeri gəlmişkən, sonra
Dostları ilə paylaş: |