80
Xidmətlərin quruluşunda sosial xidmətlərin yeri
―Sosial müdafiə‖ anlayışı əksər hallarda ―sosial dəstək‖ anlayışı ilə,
―güzəşt‖ və ―zəmanət‖ anlayışları isə - ―sosial dəstək tədbirləri‖ anlayışı
ilə əvəz edilir.
Dar mənada sosial müdafiəni vətəndaşların sosial hüquqlarına riayət
edilməsini və sosial cəhətdən məqbul bir həyat səviyyəsini təmin edən
qanunvericiliklə möhkəmləndirilmiş iqtisadi
və hüquqi zəmanətlərin
məcmusu kimi başa düşülür.
V.S.Andreyev sosial təminatı vətəndaşların qocalıqda və əmək
qabiliyyətinin itirilməsi zamanı təminatı, uşaqların təminatı, tibbi xidmət
və vətəndaşların müalicəsi üzrə dövlət tərəfindən keçirilən və ya
dəstəklənən müəyyən sosial-iqtisadi tədbirlərin məcmusu adlandırırdı.
Bu tərifin əsasında aşağıdakı əlamətlər dayanır:
Həyat təminatının səviyyəsinin saxlanılması
və müəyyən
səviyyəyə çatdırılmasına yönəldilmiş sosial müdafiə mexanizminin
zəruriliyini tələb edən obyektiv əsaslar;
Xüsusi fondlar, sosial təminat mənbələri;
Mövcud olma üçün hüquqların verilməsinin xüsusi üsulları;
Sosial və hüquqi normalarda sosial təminatın
göstərilməsi
qaydalarının möhkəmləndirilməsi.
Sosial
təminat
– büdcədənkənar sosial sığorta fondlarının
bölüşdürülməsi və əmək haqqının və ya əmək gəlirinin itirilməsi
hallarında fiziki şəxslərin tələbatlarının ödənilməsi, uşaqların
tərbiyəsi
və saxlanması, qayğıya ehtiyacı olan digər ailə üzvlərinə, obyektiv sosial
səbəblərdən yaşayış minimumu həcmində vəsaitlərin çatışmazlığına
dəstək göstərilməsi, o cümlədən tibbi yardımın və sosial xidmətin
göstərilməsi üzrə əlavə xərclərin ödənilməsi
məqsədi ilə dövlət
81
büdcəsinin bir hissəsinin təkrar bölüşdürülməsi ilə bağlı ictimai
münasibətlərin məcmusudur.
Tələbatların ödənilməsi aşağıdakıların köməyi ilə həyata keçirilə bilər:
Ekvivalentsiz, lakin normalaşdırılmış əsaslarla,
yaxud əmək
fəaliyyətindən və ödənişlərin edilməsindən asılı olmayaraq havayı
(aliment şəklində) pul vəsaitlərinin (pensiya, müavinətlə,
kompensasiyalar) təyin edilməsi.
İstehlakçı üçün MTS proqramı üzrə pulsuz tibbi xidmətlərin
göstərilməsi;
Minimum dövlət standartları çərçivəsində istehlakçılara
pulsuz
sosial xidmətlərin və bunlardan əlavə güzəştli tariflərin
göstərilməsi.
Dostları ilə paylaş: