1946-1990-cı illərdə Sovet İttifaqını təşkil edən müttəfiq
respublikalardan biri kimi Azərbaycan Respublikasının beynəlxalq
mədəni əlaqələrinin həyata keçirilməsinin hüquqi- siyasi əsasını SSRİ-
nin xarici ölkələrlə bu sahəyə aid bağladığı müqavilə, saziş və
protokollar təşkil etmişdir. SSRİ 40-50-ci illərdə Monqolustan,
Rumıniya, Bolqarıstan, Finlandiya, Macarıstanla, 60-cı illərdə İtaliya,
Mali, ADR, Türkiyə, Polşa, İordaniya, Meksika, 70-80-ci illərdə
Sudan, Lüksemburq, İtaliya, Çexoslovakiya, Norveç, İsveç, ABŞ,
İran, Yaponiya, AFR, YXDR, İngiltərə, İslandiya, Qvineya-Bisau,
Liviya, Belçika, Fransa, Portuqaliya, Küveyt, Türkiyə, Venesuela,
Mozambik, Anqola, Tanzaniya, Tunis, Efiopiya, Yunanıstan,
Hindistan, Kampuçiya, Nikaraqua, Kipr, Argentina, Uruqvay və çoxlu
başqa dövlətlərlə mədəni əlaqələrə dair çoxlu sənədlər bağlamışdır.
Həmin sənədlərdə mədəni əlaqələrin formaları, həyata keçirilməsi
prinsipləri müəyyən edilmiş və əhəmiyyəti qeyd olunmuşdur.
Mədəni əməkdaşlıq məsələləri 1946-1990-cı illərdə Sovet
İttifaqının xarici ölkələrlə münasibətlərində və həmçinin beynəlxalq
münasibətlərdə mühüm hadisələrdən biri olmuşdur.
Beynəlxalq mədəni əlaqələr problemi eyni zamanda çoxtərəfli
əsasda, o cümlədən Avropada təhlükəsizlik və əməkdaşlıq
məsələlərinə dair Helsinki müşavirəsinin (1975-ci il), Madrid (1983-
cü il), Vyana (1989-cu il), Paris (1990-cı il) görüşlərinin yekun
sənədlərində öz əksini tapmışdır. Bu sənədlərdə dövlətlərarası
münasibətlərdə mədəni əlaqələrin yeri, formaları müəyyən edilir və
əhəmiyyəti göstərilir.
Bu dövrdə beynəlxalq qarşılıqlı mədəni əlaqələrdə Azərbaycan
Respublikasının iştirakını aşağıdakı mərhələlərə ayırmaq olar: 1946-cı
ildən 50-ci illərin ortalarınadək; 50-ci illərin ortalarından-70-ci
illərədək; 70-ci illər-80-ci illərin ortalarınadək; 80-ci illərin
ortalarından-1990-cı ilədək. İlkin mərhələdə mədəni əlaqələr xeyli zəif
idi və mərkəzin inzibati-amirlik metodu Azərbaycanan fəaliyyətini
demək olar ki, tamamilə məhdudlaşdırırdı. Müharibənin sonuna yaxın,
1944-cü ildə Azərbaycan SSRİ XXİK bərpa olundu və 1946-cı ildə
Xarici İşlər Nazirliyinə çevrildi. Bununla belə Nazirlik Mərkəzin
təqsiri üzündən protokol idarəsi kimi qalırdı. Bu mərhələdə
Azərbaycanın mədəni əlaqələrini əsasən İranla mədəni əlaqələr
cəmiyyəti həyata keçirmişdir. Bu mərhələnin səciyyəvi cəhəti
beynəlxalq aləmdə «soyuq müharibə»nin tüğyan etməsi, SSRİ
12
daxilində isə şəxsiyyətə pərəstiş və inzibati-amirlik metodlarının
hökmranlığıdır. Dövrün siyasi ab-havası mədəni əlaqələrə ciddi mənfi
təsir göstərmişdir.
50-ci ilin ortalarından başlayaraq bu əlaqələrin coğrafiyası
genişlənmişdi və Avropa, Asiya və Amerikanın bir sıra ölkələrini
əhatə etmişdir. Bu mərhələdə dünyada və ölkədə möhtəşəm
dəyişikliklər baş verdi. SSRİ-də inzibati-amirlik idarə üsulu nisbətən
yumşaldıldı, şəxsiyyətə pərəstişdən qismən imtina edildi, islahatçılığa
doğru meyl başlandı. Dünyada müstəmləkə sistemi dağıldı və yeni
müstəqil dövlətlər meydana gəldi. Bütün bu və digər amillər
beynəlxalq mədəni əlaqələrin genişlənməsi üçün əlverişli şərait
yaratdı.
70-ci illər-80-ci illərin ortalarınadək olan mərhələ həm də
keyfiyyət baxımından özündən əvvəlki mərhələlərdən köklü şəkildə
fərqlənir. Bu mərhələdə beynəlxalq həyatda iki xətt arasında kəskin
mübarizə gedir: bir tərəfdən gərginliyin zəiflədilməsinə, «soyuq
müharibə»nin ləğvinə doğru meyl; digər tərəfdən isə gərginliyin
zəiflədilməsinin əleyhdarlarının xətti. Beynəlxalq əməkdaşlığın
genişləndirilməsinə yönələn xətt 70-ci illərin sonlarından bir sıra
səbəblər üzündən ciddi müqavimətə rast gəldi. Bu mərhələdə
mərkəzin bürokratik əngəllərinə baxmayaraq Azərbaycan mədəniyyəti
beynəlxalq aləmdə özünə yol açdı, və hətta onun bədxahları tərəfindən
də qəbul olundu. Azərbaycan dünyanın 120-dən çox ölkəsi ilə mədəni
əlaqələr saxlamışdır. 1988-ci ildə xaricdə yaşayan həmvətənlərlə
mədəni əlaqələr cəmiyyəti-«Vətən» cəmiyyətinin yaradılması
Azərbaycan mədəniyyətinin xarici ölkələrdə təbliği və xalqımız
haqqında düzgün təsəvvür yaratmaq daşıyırdı.
80-ci illərin ortalarından başlayaraq Azərbaycan xarici ölkələrlə
mədəni əlaqələrə dair birbaşa sazişlər bağlamışdır. 1990-cı ilin
yanvarında Azərbaycanla Türkiyə Respublikası arasında mədəni və
elmi əməkdaşlığa dair protokolun imzalanması diqqətəlayiqdir.
Protokolda iki respublika arasında mədəni
əməkdaşlığı
genişləndirməyin yolları və formaları müəyyənləşdirilmişdir.
Bu mərhələdə ölkədə başlanmış olan yenidənqurma adlandırılan
siyasət respublikaların hüquqlarının genişləndirilməsinə, beynəlxalq
həyatda isə «soyuq müharibə»nin başa çatmasının elan edilməsinə,
Şərqi Avropada sosializmdən, marksizm-leninizmdən imtina
edilməsinə gətirib çıxardı. Digər tərəfdən, bu mərhələ ölkə daxilində
13
kəskin sosial, siyasi, iqtisadi, mənəvi, milli ziddiyyətlərlə,
Azərbaycanda Ermənistanın əsassız ərazi iddiaları nəticəsində
yaradılmış təcavüzünün yekunu olan Dağlıq Qarabağ böhranı ilə
səciyyələnir. Bütün bu hadisələr respublikanın beynəlxalq mədəni
əlaqələrinə eyni cür təsir göstərməmişdir.
Respublikanın beynəlxalq mədəni əlaqələrini 30-a yaxın
nazirlik, idarə, təşkilat, cəmiyyət və s. həyata keçirtmişdir. Bunların
içərisində Respublika Xarici İşlər Nazirliyini, Mədəniyyət Nazirliyini,
Xarici ölkələrlə Dostluq və Mədəni əlaqələr cəmiyyətini və
başqalarını göstərmək olar.
Azərbaycanın beynəlxalq mədəni əlaqələrdə iştirakı əsasən
aşağıdakı formalarda həyata keçirilmişdir: ədəbi əlaqələr, kitab çapı,
kitab mübadiləsi, kitab sərgi və yarmarkaları, yazıçı, şair və
jurnalistlərin əməkdaşlığı, musiqi, teatr, kino, televiziya, radio
sahəsində əməkdaşlıq, rəssamların sərgi və yarmarkalarda iştirakı,
ictimaiyyətin əlaqələri, mədəniyyət günləri, qardaşlaşmış şəhərlər,
idman, turizm Azərbaycan milli musiqisi, dramaturgiyası, opera və
balet incəsənəti, kinosu, simfonik, vokal-instrumental ansamblları
xaricdə məşhurdur. Əlbəttə, mədəni əlaqələrin bu formalarının hamısı
eyni səviyyədə həyata keçirilməmişdir.
Mədəni əlaqələrin qurulmasında və həyata keçirilməsində xeyli
nöqsanlar mövcud olmuşdur. Bunların bir qismi respublikanın, bir
qismi isə mərkəzin müvafiq təşkilatlarının üzərinə düşür. 1980-1990-
cı illərdə Azərbaycan dünyanın 120-i ölkəsində mövcud olan 860-dan
çox təşkilatla mədəni əlaqə saxlamışdır. Azərbaycanın başqa sahələrdə
olduğu kimi mədəniyyət sahəsində də sosialist, inkişaf etmiş kapitalist
ölkələri və inkişaf etməkdə olan ölkələrlə beynəlxalq əlaqələri geniş
xarakter almışdır. Azərbaycanın xarici ölkələrlə mədəni əlaqələri
mənəvi həyatın müxtəlif sahələrini, o cümlədən təhsil, ədəbiyyat və
incəsənət kimi sahələrini əhatə etmişdir. Hər il Azərbaycan
mədəniyyətinin yüzlərlə minlərlə nümayəndəsi, onlarla bədii
kollektivi, aktyor qrupları xaricə getmiş, təxminən qeyd olunan qədər
də xarici dövlətlərin mədəniyyət işçisi Azərbaycana gəlmişdir.
Həmin illərdə xarici ölkələrə respublikanın yaxşı bədii və
yaradıcı kollektivləri, yaradıcı birliklərinin məşhur üzvləri, yazıçılar,
bəstəkarlar, rəssamlarının və yaradıcı ziyalılarının nümayəndələri
göndərilmişdir. 1980-1990-cı illərdə bu yolla 2000-dən yuxarı
mədəniyyət xadimi, yaradıcı birliklərin nümayəndələri, 90-dan yuxarı
14
Dostları ilə paylaş: |