Oʻzbekiston respublikasi oliy va oʻrta maxsus ta’lim vazirligi fargʻona davlat universiteti pedagogika-psixologiya fakulteti pedagogika kafedrasi muzey pedagogikasi fani boʻyicha

Muzey pedagogikasi - muzeylarning madaniy ma’rifiy faoliyati tarixi, xususiyatlari, muzeylarning turli toifadagi tashrif buyuruvchilarga ta’sir qilish usullari, muzeylarning ta’lim muassasalari bilan oʻzaro aloqalarini oʻrganuvchi fan sohasidir⁹.
Muzey pedagogikasi - yosh avlodni ma’naviy-ma’rifiy faoliyatga jalb qilish maqsadida tarbiyalash, maxsus tashkil etilgan predmetli-borliq muhitga, san’at asarlari va tabiiy yodgorliklari, tarixni oʻrganish orqali madaniyatga yoʻnaltirish, shaxsning ta’limiy va ijodiy manfaatlarini qondirish jarayoni¹⁰.
Muzey pedagogikasi - bu pedagogika, psixologiya, muzeyshunoslik va muzey bilan bogʻliq fanlar hamda muzey muhitida madaniy tajribani oʻrganishga qaratilgan oʻziga xos amaliy tadbirlar asosida qurilgan ilmiy bilimlarning fanlararo sohasi sifatida belgilangan pedagogika fanining yoʻnalishlaridan biridir¹¹.
Muzey pedagogikasi - oʻquvchilarga ta’lim-tarbiya berish omili sifatida: axborot manbai, ta’lim va tarbiya vositasi, pedagogik jarayonni tashkil etish shakli¹².
Muzey pedagogikasi - muzeylarning madaniy-ma’rifiy faoliyati tarixi, xususiyatlari, muzeylarning turli toifadagi tashrif buyuruvchilarga ta’sir etish usullari, muzeylarning ta’lim muassasalari bilan oʻzaro aloqalari va boshqalarni oʻrganuvchi fan sohasi¹³.
Muzey pedagogikasi - muzey orqali ta’lim berish haqidagi fan, muzey didaktikasi - muzeyning vositachilik missiyasi hisoblanadi (A.Kuns, V.Xilgers);
Muzey pedagogikasi - maktab-muzey-universitetning funksional jamlanmasida muzey oʻqituvchisining yangi vazifalarini ochib beruvchi qoʻshimcha ta’lim tizimini rivojlantirish yoʻnalishi deb hisoblanadi¹⁴.
Muzey pedagogikasi - oʻquvchilarning ijtimoiy tajribasini shakllantirishning omili boʻlib, san’at hayotiy tajribani boyitadi va muzey oʻquvchilarda bu tajriba va koʻnikmalarni rivojlantirishga yordam beradi¹⁵.
Muzey pedagogikasi - boshlangʻich sinf oʻquvchilarida madaniy-tarixiy oʻtmishni bilish va qadrlash munosabatlarini shakllantiruvchi vosita¹⁶.