38
Avtoidman
Formula 1
- lə kim maraqlanır ?
İspaniya
Almaniya
İtaliya və
Böyük
Britaniya
Rusiya
2015-ci ildə aparılan sorğudan aydın olub ki,
ispanların 81 %-i , almanların 80%-i, britaniyalıların
və italiyanların 73 %-i, elə yaxın qonşumuz Rusiya
ictimaiyyətinin 21 %-i Formula-1-lə yaxından
maraqlanırlar. Fürsət tapan kimi onu izləyirlər.
Və bir məqama da diqqət versək görərik ki, bu
böyük ölkələr həm də dünyanın əsas idman yarışı
sayılan futbol azarkeşlərinin bol, kütləvi olduğu
məmləkətlərdir. Bunlar da onu deməyə əsas
verir ki, idmana həvəs göstərən əksər avropalılar
dünyanın harasında keçirilməsindən asılı
olmayaraq Formula-1-i məmnuniyyətlə ya bir başa
tv-dən, ya da trekdən izləməyə hazırdılar.
Qəpiklərinin qədrini bilən avropalıların boşuna
pul xərcləmədiyini yəqin ki, bilməyən yoxdu.
Onlar qazancları olmayan yerə pul qoymazlar.
Bu səbəbdən də Formula-1-ə başlamzdan öncə
onu da büsbütün öyrəniblər. Özü də dəfələrlə.
Elə 1993-96-cı illərdə Avstriya Qran Prisinin
araşdırmalarından məlum olub ki, Formula-
1-i izləyən azarkeşlərin oradakı sponsorlara
münasibətləri müsbətdir. Yəni, insanlar
orada gördükləri reklamlara inanır və onların
məhsullarından istifadə edirlər. Sən demə,
reklamçılar boşu-boşuna milyonlarını sərf edib
bolid və ya kombinizon üzərində son dərəcə
bahalı reklamlar yerləşdirmirlər. Belə ki, bu yarışı
izləyənlər bir-başa məhsulun istifadəçiləridir.
Formula-1 dünyada ən çox izlənilən idman
yarışlardan biridir. Hətta yeri gələndə futbolla
belə bəhsə girməsi mümkündü. Əlbəttə, bu
iddiaya gülümsəyənlər çox olacaq. Amma onlar
unutmasınlar ki, idman dünyasının “şahı” sayılan
böyük futbol matçları – Dünya Çempionatı,
Avropa Çempionatı və ya Olimpiya Oyunları 4
ildən bir keçirildiyi halda Formula-1 yarışları hər il
düzənlənir.
Təsəvvür edin ki, bu yarışın illik televizya
izləyiciərinin sayı 500 mln. nəfər civarındadır.
Və televiziya vasitəsiylə dünyanın 200-dən çox
ölkəsində yayımlanır.
Məsələn, Avstraliya Qran Prisini 300 min nəfər elə
həmin ölkədə, 1.5 mln tamaşaçı isə televizyada
izləyiblər. Rəqəmlərsə real vəziyyəti göz önünə
gətirə bilən optimal vasitədir. Deyə bilərəm ki,
dünyada ən yüksək texnolojiyə malik sürətli və
bahalı idman növü məhz Formula-1-dir.
Avto
Stop
39
Bəli, sevindiricidir ki, Azərbaycan bu yarışın bir
parçasına çevirlib. Təsəvvür edin, iyun ayının 19-da hər
qitədə ən az 100 mln. insan Bakı küçələrini görəcək.
FOM (Formula One Menegment) ev sahibliyini onların
şərtlərinə cavab verən ölkələrə bəlli bir müddət
ərzində verir. Təşkilatçılıq üçün ödənilən məbləğ biznes
sirri olduğundan təqribi rəqəmlər demək mümkündür.
Təşkilatçılıq üçün ən yaxın qonşumuz və 8 il bu yarışları
keçirmiş Türkiyə 24 mln dollar, Rsiya isə 22 mln dollar
pul ödəyib. Lakin əldə etdikləri də çox olub.
Televiziya yayımını aparan ölkələr reklamdan külli
miqdarda pul qazanmaqdadırlar. Bunlar da biznesin
bir hissəsi deyilmi?.. Məsələn, İdman Azərbaycan
telekanalı yayım zamanı heç bir reklam yerləşdirmir.
Lakin qonşu Rusiyada televiziya kanalı yayımda bir
neçə dəfə reklam fasiləsinə çıxır. Konkret bilgilər üçün
biz bunun rəqəmlərinə nəzər salaq: Rusiyanın Rossiya
1 kanalında qeyri praym-time vaxtlarında reklamın
saniyəsi 386 manatdır. Əgər reklamçı 30 saniyəlik
rolik yerlışdirərsə Rossiya 1 kanalı bu reklamdan bizim
pulla 11.580 manat pul qazanar. Belə reklamçı sayı 5
olduqda isə (bu adətən ən azı 5 olur) artıq bir reklam
bloku 57.900 manat gəlir gətirir.
Telelevizya yayımı isə 2 saatdır. Və biz həmin rəqəmi
rahatlıqla 4-ə vura bilərik ki, bu da 231.600 manat
qazanc deməkdir. Özü də sadəcə iki saatlıq yayımdan.
İndi isə bu rəqəmi keçən ilki Qran Pri sayına vuraq.
Baxın, Rossiya 1 tv 4.632.000 manat yalnız Formula-1
yarışlarının yayımındakı reklamlardan qazanıb. Bir
televiziya kanalı üçün bu çox böyük vəsaitdir. Bəs
görəsən biz bunlara niyə barmaqarası baxırıq ki?..
İdman Azərbaycan tele-kanalı nədən belə bir vəsaitə
çatmaq üçün çaba göstərmir? O, dövlət dotasiyasında
olduğu üçün yəqin ona bu pullar maraqlı deyil.
Bəlkə düşünək, sonucda bu tv, bu ölkə, bu ölkənin
büdcəsi hamımızın deyilmi?.. Lakin xatırladım ki,
dünyada bu yayımdan gələn pullar çox olduğuna
görə tv-lər arasında gərgin mübarizə gediur. Bəzi,
faktları nəzərinizə çatdırım. Böyük Britaniyanın İTV
telekanalı (bizim İctimai Televiya ilə qarışıq salmayın-
red.) Formula-1 yarışları üçün BBC telekanalının
ödədiyi məbləğdən 2 dəfə artıq pul xərcləməyə hazır
olduğunu bildirir. Sizcə hər hansı yerli telekanal (İdman
Azərbaycan onsuz da maraqlı deyil) bu yarışı yayımlasa
və düzgün satış həyata keçirərsə, hər yayımdan heç
olmasa 100.000 manat qazana biməzmi? Əlbəttə, bilər.
Azərbaycan reallığında bu mümkündür. Amma kimsə
bunların “halva-halva deməklə ağzına dad gələcəyini
düşünməsin. Bundan ötrü çox ciddi işlər görülməlidir.
İlk növbədə sürəkli ön hazırlıqlar aparılmalıydı. Yəni,
izləyicilərdə maraq oyadılmalıydı. Özü də diletantcasına
deyil, peşəkar şəkildə. Çünki peşəkarlıq olmayan
yerdə iş alınmayacaq və onun üstünün “malalaması”
üçün mütləq cürbəcür bəhanələr gətiriləcək. İnanın,
diletantların da yeganə bacarıqları peşəkərlarda əmma
axtarmaqdır. (Bu cür səhnələri çox görmüşük). Hər
hansı bir idman növünə həvəs də Allah vergisi deyil ki,
birilərinə verilsin, digərlərinə yox.